Kurdî  ■  كوردی  ■  عربي
WED, 7 DEC 2022 01:00 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

KDP زانیاری دەربارەی پێكهاته‌ی ئەنجوومەنی تێکۆشەرانی پارتی بڵاوده‌كاته‌وه‌
| KDP.info


دهۆک-KDP.info- ئەمڕۆ لە کاتی هەموارکردنی پەیڕەوی ناوخۆی پارتیدا لە کۆنگرەی چواردەیەم، بڕیار درا بە دامەزراندنی ئەنجوومەنی تێکۆشەران، ئەندامێکی کۆنگرەی ١٤ی پارتیش دەڵێت، ئەم ئەنجوومەنە ڕاستەوخۆ سەر بە سەرۆک بارزانی دەبێت، کە سەرۆک و چەند ئەندامێکی دەبێت، ئەوانە بەشدارن لە داڕشتنی سیاسەتی حیزب، چونکە شارەزایی و ئەزموونیان هەیە لە سیاسەت و دەتوانن هاوکاریی جەنابی سەرۆک بارزانی و بە گشتی حزبیش بکەن بۆ دانانی پلان و ستراتیژی حزب.

لەبارەی ئەوەی کە ئایا ئەندامانی کۆمیتەی ناوەندی دەبنە ئەندام لە ئەنجوومەنی تێکۆشەران، هیوا ئەحمەد مستەفا، ئەندامی کۆنگرەی ١٤ی پارتی، بە ماڵپەڕی فەرمیی پارتی دیموکراتی کوردستانی ڕاگەیاند، ئەوانەی لە ئەنجوومەنی تێکۆشەران بن، لە ئەندامی کۆمیتەی ناوەندی نین، دەکرێ ئەم ئەندامانە پێشتر لە سەرکردایەتی بووبن یانیش لە مەکتەبی سیاسی بووبن، یاخود لە دەزگایی تربن و خزمەت و ئەزموونیان لە نێو حزبدا هەبێت.

سەبارەت بەوەی کە گرنگیی ئەنجوومەنی تێکۆشەران چی دەبێت؟ ئەو گوتی، بۆ پارتی ئەنجوومەنی تێکۆشەران بە پێویستی دەزانین کە هەبێت، کە سەر بە سەرۆک بارزانی دەبن و ڕاستەوخۆ لەلایەن جەنابی سەرۆک بارزانییەوە پرس و راوێژ وەردەگرن، بۆ بەهێزبوونی پارتی چ لە ناوخۆ و چ لە عێراق و ناوچەکە و نێودەوڵەتیش.

ناوبراو ئاماژەشی دا، ژمارەی ئەندامەکانی دەگاتە ١١ ئەندام و  پێدەچێت لەلایەن سەرۆک بارزانییەوە دابنرێن و هەندێکیش لەلایەن کۆمیتەی ناوەندییەوە پێشنیاز بکرێن.

 

كاروان باعه‌دری




دوایین هەواڵەکان

مەكتەبی سیاسی پارتی سەرەخۆشی لە بەڕێز سەنعان قەساب دەكات

TUESDAY, 06 DECEMBER 2022 20:12:10

بۆ بەڕێز سەنعان قەساب

پەیامی سەرەخۆشیی سەرۆك بارزانی بۆ بەڕێز سەنعان قەساب ئاغا

TUESDAY, 06 DECEMBER 2022 19:12:54

بەناوی خودای مەزن و دلۆڤان

 
د. ڤیان سەبری: چەندین داواکاریمان ئاراستەی سوودانی کردووە

TUESDAY, 06 DECEMBER 2022 16:12:42

بەغدا -KDP.info- فراکسیۆنی پارتی لە پەرلەمانی عێراق سەردانی سەرۆکوەزیرانی عێراقی کردووە و سەرۆکی فراکسیۆنیش دەڵێت، جگە لەوەی پاڵپشتیی خۆمان بۆ بەرنامەی کابینەکەی سوودانی ڕاگەیاند، ھاوکات چەندین داواکاریی خەڵکی ھەرێمی کوردستانمان پێشکەش بە سەرۆکوەزیران کرد.

 

جووتیاران و بازرگانان: مەسرور بارزانى بەڵێنێکی پێداوین

TUESDAY, 06 DECEMBER 2022 16:12:14

هەڵەبجە -KDP.info- مەسرور بارزانى، سەرۆکوەزیرانى کوردستان ڕاىگەیاند لە ئایندەدا نەوت نامێنێت و گرنگى بە کەرتى کشتوکاڵ دەدەین، هاوکارى جووتیاران دەبین و بازاڕى دەرەوە دەدۆزینەوە بۆ بەرهەمەکانیان، جووتیاران و بازرگانانى کشتوکاڵى دەڵێن، مەسرور بارزانى بەڵێنەکەى بردە سەر و هاوکارمانە لە بەرهەمهێنان و بە بازاڕکردنى لە دەرەوەى وڵات.

 

نێچیرڤان بارزانى پێشوازى له‌ باڵیۆزى نوێى سوید كرد

TUESDAY, 06 DECEMBER 2022 15:12:30

ئه‌مڕۆ سێشه‌ممه‌ 2022/12/6 به‌ڕێز نێچیرڤان بارزانى، سه‌رۆكى هه‌رێمى ‏كوردستان له‌ دیدارێكدا له‌ هه‌ولێر له‌گه‌ڵ خاتوو جێسیكا سڤاردسترۆم باڵیۆزى نوێى ‏سوید له‌ عێراق، وێڕاى به‌خێرهێنان و پیرۆزبایى بۆ ده‌ستبه‌كاربوونى وه‌ك باڵیۆزى ‏وڵاته‌كه‌ى له‌ عێراق، هه‌موو پشتگیرییه‌كى بۆ سه‌رخستنى ئه‌ركه‌كه‌ى نیشان دا.‏

 


 
© 2022 Kurdistan Democratic Party, KDP

Contact