Kurdî  ■  كوردی  ■  عربي
TUE, 6 DEC 2022 23:18 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

جێگری کونسوڵی گشتیی کۆماری پۆڵۆنیا سەردانی مەکتەبی پەیوەندییەکانی دەرەوەی پارتی دیموکراتی کوردستانی کرد
| KDP.info


هەولێر -KDP.info- هۆشیار سیوەیلی، بەرپرسی پەیوەندییەکانی دەرەوەی پارتی پێشوازیی لە بەڕێز ستانیسواڤ گۆلینسکی، جێگری کونسوڵی گشتیی کۆماری پۆلۆنیا کرد کە بە مەبەستی ماڵئاوایی و کۆتاییهاتنی ئەرکی لە هەرێمی کوردستان سەردانی کرد و بە ناوی سەرکردایەتیی پارتی و هەرێمی کوردستانەوە سوپاسی بەڕێزیانی کرد کە لە ماوەی پێنچ ساڵی ڕابردوودا ڕۆڵێکی بەرچاوی دیتووە لە هاوکاریی بەهێزکردنی پەیوەندییەکانی نیوان هەردوولا.

لە میانەی ئەو دیدارەدا باس لە ڕەوشی ئێستای عێراق و هەرێمی کوردستان و ناوچەکە بەگشتی کرا، شاندی میوان بەردەوامبوونی پڕۆسەی پێشکەوتنی هەرێمی کوردستانی نرخاند و هیوای خواست کار بکرێت بۆ بەردەوامبوون لە پێشکەوتن و پاراستنی سەقامگیریی هەرێمی کوردستان کە لە دڵی ئەودا جێگای تایبەتی هەیە.

بەشێکی دیکەی گفتوگۆکان پەیوەست بوون بە باردۆخی ئێستای پۆڵۆنیاوە کە ژمارەیەکی زۆر خەڵکی ئۆکراینا ڕوویان لەو وڵاتە کردووە و لێکەوتەکانی شەڕی ئۆکراینا و ڕووسیا لەسەر ئەو وڵاتە و جیهان بەگشتی.

بەڕێز گۆلینسکی پێزانینی خۆی و کونسوڵخانەی پۆڵۆنیای پێشان دا بۆ هاوکاری و هەماهەنگیی مەکتەبی پەیوەندییەکانی دەرەوەی پارتی لە ماوەی کارکردنی لێرە و داوای بەردەوامیی کرد بە ئامانجی بەهێزکردن و پەرەسەندنی پەیوەندییەکان لە تەواوی بوارەکاندا بەهیوای سوودگەیاندن بە هەردوو میللەت.

پەیوەندیی نیوان گەل و حکوومەتی هەردوولا بەشێکی دیکەی گفتوگۆکان بوون، بەرپرسی پەیوەندییەکانی دەرەوەی پارتی و جێگری کونسوڵی گشتیی پۆڵۆنیا جەختیان لەسەر گرنگیی بەهێزکردنی پەیوەندیی سیاسی و ئابووری و بازرگانی و خوێندن کردەوە، بۆ ئەم مەبەستەش بەردەوامبوونی سەردان و ئاڵوگۆڕی ڕاوبۆچوون لە نزیکەوە بەپێویست زانرا بۆ ئەوەی سوود لە توانا و سەرمایەی یەکتر وەربگرن.

 




دوایین هەواڵەکان

مەكتەبی سیاسی پارتی سەرەخۆشی لە بەڕێز سەنعان قەساب دەكات

TUESDAY, 06 DECEMBER 2022 20:12:10

بۆ بەڕێز سەنعان قەساب

پەیامی سەرەخۆشیی سەرۆك بارزانی بۆ بەڕێز سەنعان قەساب ئاغا

TUESDAY, 06 DECEMBER 2022 19:12:54

بەناوی خودای مەزن و دلۆڤان

 
د. ڤیان سەبری: چەندین داواکاریمان ئاراستەی سوودانی کردووە

TUESDAY, 06 DECEMBER 2022 16:12:42

بەغدا -KDP.info- فراکسیۆنی پارتی لە پەرلەمانی عێراق سەردانی سەرۆکوەزیرانی عێراقی کردووە و سەرۆکی فراکسیۆنیش دەڵێت، جگە لەوەی پاڵپشتیی خۆمان بۆ بەرنامەی کابینەکەی سوودانی ڕاگەیاند، ھاوکات چەندین داواکاریی خەڵکی ھەرێمی کوردستانمان پێشکەش بە سەرۆکوەزیران کرد.

 

جووتیاران و بازرگانان: مەسرور بارزانى بەڵێنێکی پێداوین

TUESDAY, 06 DECEMBER 2022 16:12:14

هەڵەبجە -KDP.info- مەسرور بارزانى، سەرۆکوەزیرانى کوردستان ڕاىگەیاند لە ئایندەدا نەوت نامێنێت و گرنگى بە کەرتى کشتوکاڵ دەدەین، هاوکارى جووتیاران دەبین و بازاڕى دەرەوە دەدۆزینەوە بۆ بەرهەمەکانیان، جووتیاران و بازرگانانى کشتوکاڵى دەڵێن، مەسرور بارزانى بەڵێنەکەى بردە سەر و هاوکارمانە لە بەرهەمهێنان و بە بازاڕکردنى لە دەرەوەى وڵات.

 

نێچیرڤان بارزانى پێشوازى له‌ باڵیۆزى نوێى سوید كرد

TUESDAY, 06 DECEMBER 2022 15:12:30

ئه‌مڕۆ سێشه‌ممه‌ 2022/12/6 به‌ڕێز نێچیرڤان بارزانى، سه‌رۆكى هه‌رێمى ‏كوردستان له‌ دیدارێكدا له‌ هه‌ولێر له‌گه‌ڵ خاتوو جێسیكا سڤاردسترۆم باڵیۆزى نوێى ‏سوید له‌ عێراق، وێڕاى به‌خێرهێنان و پیرۆزبایى بۆ ده‌ستبه‌كاربوونى وه‌ك باڵیۆزى ‏وڵاته‌كه‌ى له‌ عێراق، هه‌موو پشتگیرییه‌كى بۆ سه‌رخستنى ئه‌ركه‌كه‌ى نیشان دا.‏

 


 
© 2022 Kurdistan Democratic Party, KDP

Contact