Kurdî  ■  كوردی  ■  عربي
MON, 25 SEP 2023 16:57 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

هه‌ندێك له‌و شتانه‌ى دوا قه‌یران له‌ عیراق ئاشكرایكردن
| KDP.info


فازڵ میرانى

له‌ گه‌ڵ ئه‌وه‌ى ئێمه‌ پێشتر و ئێستاش له‌ گه‌ڵ ئەو دیالۆگەین کە به‌رهه‌مەکەى کردارى سەردەمیانەى بێت و لایەقى مرۆڤ و خاكى عیراقى بێت و، به‌دواى چاره‌سه‌رى ئه‌و نه‌خۆشییه‌ بگه‌ڕێت كه‌ ده‌ره‌نجامى رفتارگه‌لێكه‌ زیانى به‌ ماف و به‌رژه‌وه‌ندییه‌كانى گه‌لانى وڵاته‌كه‌مان گه‌یاند و ده‌گه‌یه‌نێت، به‌ڵام ئه‌وه‌ شتێكه‌ و ئه‌وه‌ى به‌دیهاتووه‌ له‌به‌رچاوى جه‌ماوه‌ر كه‌ به‌ ده‌نگى داواى هه‌ڵبژاردنى پێشوه‌خته‌هات، شتێكى دیكه‌ى لێكه‌وته‌وه‌ كه ده‌ره‌نجامه‌كه‌ى شایه‌نى ئه‌وه‌یه‌ وه‌كوو به‌ڵگه‌یێك بپارێزرێت و له‌ سه‌رى راوه‌ستین، چو‌نكه‌ ئه‌گه‌ر چاره‌سه‌ر نه‌كرێت ئه‌وه‌ دووباره‌ ده‌بێته‌وه‌.‌  

یه‌كه‌مینى ئه‌و بابه‌تانه‌ خۆئاماده‌كردنه‌ بۆ دوو دژبه‌ر، پاكى هه‌ڵبژاردنه‌كان و ته‌زویر تیایدا، ئه‌م ئه‌دایه‌ پێویستى به‌ وریابوون و هۆشداریدانى بكه‌رانى هه‌یه‌. سیاسه‌ت به‌ واتا ئیدارییه‌كه‌ى پێویستى به‌ قسه‌ى واقیعیانه‌ و به‌ڵگه‌ هه‌یه‌ بۆ ئه‌وه‌ى له‌گه‌ڵ یه‌كێك له‌ حوكمه‌كان بیت نه‌ك له‌ گه‌ڵ دوو حوكمى دژ به‌یه‌ك، یه‌كه‌میان تاوانبارى ده‌كات و ئه‌وى دیكه‌ بێتاوان.‌  

دووه‌مینیان: جیاوازى نێوان جێگیره‌كان (ثوابت) و پێناسه‌كردنى جێگیریى هه‌ر لایه‌نێك به‌ جیا یاخود له‌ چواچێوه‌ى گردبوونه‌وه‌یه‌كى گه‌وره‌تر.

سێیه‌مینیان: بابه‌تێك كه‌ سكاڵاكه‌ى شا فه‌یسه‌لى یه‌كه‌ممان به‌بیر دێنێته‌وه‌، ئه‌و كاته‌ى زانى چه‌كى ده‌ره‌وه‌ى ده‌وڵه‌ته‌ نوێكه‌ى زۆرتر و گه‌وره‌تره‌ له‌ چه‌كى سوپاكه‌ى.    

چواره‌‌مینیان: سه‌ركێشى ململانێكه‌ به‌ شێوه‌یێك كه‌ ئاشكرایكرد كام به‌رژه‌وه‌ندى ئیستیفزاز ده‌كات بۆ هه‌ڵگرتنى چه‌ك یاخود هه‌ڕه‌شه‌پێكردنى له‌ گه‌ڵ په‌رده‌یێكى سواوى زاره‌كى له‌لایه‌ن هه‌ندێ له‌وانه‌ى سیفه‌تى توێژه‌ر یانیش سه‌ركرده‌ له‌ حیزبى یان بزووتنه‌وه‌ى فولانى له‌ خۆ ناوه.

‌پێنجه‌مینیان: ناره‌زایى سه‌ركرده‌ رۆحییه‌ گه‌وره‌كان له‌ دروستكردنى قه‌یرانى یه‌ك له‌ دواى یه‌ك كه‌ هه‌ڕه‌شه‌ له‌ ئاشتى كۆمه‌ڵایه‌تى و به‌رژه‌وه‌ندییه‌ باڵاكانى تاك ده‌كات و، ده‌ستنیشانكردنى گرژی ئه‌داكه‌ كار بۆ په‌رده‌پۆشیى له‌و دۆسیانه‌‌ ده‌كات كه‌ بكه‌ره‌كانى ئیدانه‌ ده‌كات.     

شه‌شه‌مینیان: رێزنه‌گرتن له‌ مه‌رجه‌عه‌ ده‌ستوورى و یاساییه‌كان و له‌وانه‌ دادوه‌رییه‌كان و دووباره‌ چه‌ك به‌كارهێنان له‌ دژى هه‌رێمى كوردستان، به‌ عه‌قلییه‌تێك و كردارێك كه‌ هاوشێوه‌ى كرداره‌كانى رژێمه‌كانى پێشوون.

حه‌فته‌مینیان: پشتگوێ خستنى كه‌ڵه‌كه‌بووى واقیعى وڵات و، سه‌رقاڵبوون به‌ كێشمه‌كێش و ململانێى حیزبى به‌رته‌سك كه‌ هاووڵاتى ساده‌ و ساكار هیچ به‌رپرسیاره‌تییه‌كى تیادا هه‌ڵناگرێت، چونكه‌ ئه‌وه‌ به‌رپرسیاره‌تى ئه‌و لایه‌نانه‌یه‌ كه‌ گومانى كرد و دواتر قاییلبوو به‌ ده‌ره‌نجامى هه‌ڵبژاردنه‌كان.

خوێندن و په‌روه‌رده‌ و ته‌ندروستى و به‌شه‌ ئاو له‌ گه‌ڵ وڵاتانى هاوكه‌ناریش وه‌كوو بابه‌تگه‌لێكى لاوه‌كى و راگوازراو مانه‌وه‌.

هه‌شته‌مینیان: تێكهه‌ڵكشانى هه‌ڵوێست و كرداره‌كان، كه‌ دیارده‌یێكه‌ له‌م قه‌یرانه‌ى دواییه‌دا چه‌سپا، بۆیه‌ ده‌بینین لایه‌نى جێبه‌جێكار خۆى له‌ سیاسه‌ت هه‌ڵده‌قورتێنێت و سیاسه‌تیش خۆى راسته‌وخۆ له‌ كاروبارى جێبه‌جێكردن هه‌ڵده‌قورتێنیت نه‌ك به‌پێى میكانیزمه‌ راسته‌كه‌ى سه‌باره‌ت به‌ راسپارده‌كردن یانیش داواكارى.

نۆیه‌مینیان: دووباره‌بوونه‌وه‌ى ئاشكرابوونى جیاوازى به‌ ڕوونى له‌ نێوان نیشتیمان خوازه‌كان و بڕیارى ناوخۆیى و خاوه‌نى ئه‌و تیۆره‌ى كه‌ په‌یوه‌ندییه‌كه‌ى ئاشكرایه‌ له‌ ژێر ناونیشانێكى نه‌ته‌وه‌یى (اممی) كه‌ وڵاته‌ كه‌ خۆى دانیپێنانێت ئه‌و كاته‌ى به‌ دواى به‌رژه‌وه‌ندییه‌كانى خۆیدا ده‌گه‌ڕێت، نموونه‌ش بۆ ئه‌مه‌ كه‌سایه‌تییه‌كى عه‌ره‌بى هه‌وڵیدا نێوانگیرى له‌ نێوان عیراق و ئێران دا بكات به‌ مه‌به‌ستى راگرتنى شه‌ڕى نێوانیان، ئه‌وه‌ش بووه‌ هۆكارى تووڕه‌بوونى ئایه‌تولڵا خومه‌ینى كه‌ وەڵامى كه‌سه‌كه‌ى دایه‌وه‌ و پێى گوت" هه‌ردوولایه‌نمان وڵاتین، ئه‌گه‌ر نێوانگیریێك هه‌بێت ده‌بێ له‌ لایه‌ن وڵاتێكه‌وه‌ بێت نه‌ك كه‌سێك".

ده‌یه‌مینیان: گه‌مه‌كردن به‌ چاره‌نووسى عیراقییه‌كان كه‌ هه‌ر وه‌كوو بڵێى میراته‌ و بۆیان ماوه‌ته‌وه‌ یانیش پرسى ئه‌و ناوانه‌ى كاندید ده‌كرێن چ وه‌كوو (تاقیكردنه‌وه‌ یانیش سووربوون) و وه‌كوو ئه‌وه‌ وایه‌، ئه‌و كه‌سه‌ یان وڵات ده‌سووتێنین. 

ئه‌مه‌ مشتێك بوو له‌ ده‌رهاوێشته‌كانى قه‌یرانه‌كه‌، نه‌ك هه‌مووى، كه‌ شایه‌نى ئه‌وه‌یه‌ له‌م ساته‌وه‌خته‌ و له‌ داهاتووشدا به‌ بیرى بهێنینه‌وه بۆ ئه‌وه‌ى هه‌موومان بزانین ئه‌وانى دیكه‌ چۆن له‌ ده‌سته‌ڵات ده‌گه‌ن، ده‌ڵێم له‌ ده‌سته‌ڵات ناڵێم ئیداره‌دان،!.‌ 

 

- له‌ ماڵپه‌ڕى ئه‌لزه‌مان به‌ عه‌ره‌بى بڵاو كراوه‌ته‌وه‌

 




دوایین هەواڵەکان

"ده‌بێت یاسای پێكهێنانی دادگای فیدڕاڵی دووباره‌ دابڕێژرێته‌وه‌"

MONDAY, 25 SEPTEMBER 2023 16:09:26

یه‌كێك له‌ دامه‌زرێنه‌رانی یه‌كگرتووی ئیسلامی كوردستان باس له‌ هه‌ڵوێستی به‌غدا ده‌كات به‌رانبه‌ر به‌ هه‌رێمی كوردستان و ئاماژه‌ به‌وه‌ ده‌كات ناكرێت سیاسه‌تی برسیكردن په‌یڕه‌و بكرێت.

 

"لە خانەقین ئامادەکاری باش بۆ هەڵبژاردن کراوە"

MONDAY, 25 SEPTEMBER 2023 16:09:42

خانەقین_KDP.info_ بەرپرسی لقی 15ی پارتی دیموکراتی کوردستان لە خانەقین گوتی: ئامادەکاری زۆر باشمان بۆ هەلبژاردنی ئەنجوومەنی پارێزگاکان کردووە و کار دەکەین بۆ ئەوەی لەکۆی ئەو 15 کورسیەی هەیە وەکو پارتی بەلایەنی کەمەوە کورسییەک بەدەست بێنین.

 

فراکسیۆنی پارتی: پێویستە هەر بڕیارێک حکوومەت بیدات جێبەجێ بکرێت

MONDAY, 25 SEPTEMBER 2023 16:09:44

بەغدا _KDP.info_  سەرۆکی فراکسیۆنی پارتی دیموکراتی کوردستان لە پەرلەمانی عێراق گوتی: حکوومەتی هەرێمی کوردستان پابەندی ڕێککەوتن لەگەڵ بەغدا بووە و پێویستە حکوومەتی عێراقیش پابەند بێت، بۆیە ئەو پارەیەی ڕەوانەی هەرێمی کوردستان دەکرێت کەمە و پێویستە مانگانە ترلیۆنێک و375ملیار دینار بۆ هەرێمی کوردستان ڕەوانە بکەن، گوتیشی: ڕاگرتنی نەوتی هەرێمی کوردستان بۆ دەرەوە زیانی لە قازانج زیاترە ، چونکە عێراق داوای ملیارێک و400ملیۆن لە تورکیا دەکات تا ئێستا شەش ملیار زیانی کردووە، بۆیە باشترە بگەنە ڕێککەوتن و دەست بە هەناردەکردن بکرێتەوە.

 

"کۆمسیۆن ئامادەکاری کردووە"

MONDAY, 25 SEPTEMBER 2023 16:09:16

شارەزایەکی ھەڵبژاردن پێی وایە، ھەردوو سیستەمی ئەلیکترۆنی و دەستی بۆ ژماردنی دەنگەکان لە ھەڵبژاردنی داھاتووی پەرلەمانی کوردستان جێبەجێ بکرێن، دەشڵێ: کۆمسیۆنی باڵای ھەڵبژاردنەکانی عێراق ئامادەکاری کردووە بۆ بەڕێوەبردنی ئەو پرۆسەیە.

 

"ھەزار جار بەڵێ بۆ ڕیفراندۆم"

MONDAY, 25 SEPTEMBER 2023 15:09:50

ئەمڕۆ شەش ساڵ بەسەر پرۆسەی ڕیفراندۆمی ھەرێمی کوردستاندا تێدەپەڕێت و ھاووڵاتییانیش ئەم یادە بەرز ڕادەگرن، دەشڵێن: ھەزار جار ئامادەین بۆ ڕیفراندۆم و سەربەخۆیی کوردستان.

 



 
© 2023 Kurdistan Democratic Party, KDP

Contact