Kurdî  ■  كوردی  ■  عربي
WED, 28 SEP 2022 00:45 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

دیاری حوسێن: ھێزە عێراقییەکان بەشێکن لە نائارامیی ناوچە کوردستانییەکان
| KDP.info


هەولێر -KDP.info- بەرپرسێکی پارتی دیموکراتی کوردستان ئاماژەی بۆ ئەوە کرد، ھێرشەکەی دوێنێشەو لە کەرکووک پەیوەندیی بە جووڵەی داعشەوە ھەیە و دەشڵێ، خەڵکی ئەو ناوچانە زۆر دڵنیا نین لە ھێزە عێراقییەکان و ئەو هێزانە بەشێکن لە کێشەکە.

دیاری حوسێن، جێگری بەرپرسی ئەنجومەنی سەرکردایەتیی پارتی لە کەرکووک، بە ماڵپەڕی فەرمیی پارتی دیموکراتی کوردستانی ڕاگەیاند: "ھەموو ئەو ناوچانەی پێشمەرگەیان تێدا نییە و دەکەونە سنووری ماددەی ١٤٠ ئێستا داعش مەترسیی لەسەریان هەیە، خەڵکی ئەو ناوچانەش ھاوکاری داعشن و زۆر دڵنیا نین لە توانای ھێزە عێراقییەکان، ئەوەش یەکێکە لە کێشەکان، چونکە نەیانتوانی ڕەوشی ئەمنی کۆنتڕۆڵ بکەن.''

بەرپرسەکەی پارتی دەشڵێت: "تا دێت داعش بەھێزتر دەبێت و جووڵەی زیاتر دەکات، ئەوەش ھۆکارە کە ڕۆژ بە ڕۆژ قەبارەی داعش زیاتر بێت لە کەرکووک و دەوروبەری، ڕووداوی شەوی ڕابردووش لە ڕفاندنی ھاووڵاتییان ئاماژەیە بۆ بەھێزبوونی داعش.''

دیاری حوسێن ڕوونی کردەوە: "تێکچوونی ڕەوشی عێراق و پرۆسەی سیاسی کاریگەریی لەسەر ڕەوشی ئەمنیی عێراق پەیدا کردووە و داعش سوودی لەو ناکۆکی و ئاڵۆزییانەی عێراق بینیوە، لەبەر ئەوەش تا ڕەوش ئاڵۆزتر بێت زیاتر دەرفەت بە داعش دەدات جووڵە بکات.''

قائید میرۆ

 




دوایین هەواڵەکان

سەرۆکی حكومەت سەردانی جووتیارێکی نموونەیی لە پارێزگای دهۆک دەکات

TUESDAY, 27 SEPTEMBER 2022 20:09:15

ئەمڕۆ سێشەممە 27ی ئەیلوول، مەسرور بارزانی سەرۆکی حکومەتی هەرێمی کوردستان، سەردانی جووتیار محەمەد سەلیم بەربهاری لە گوندی بەربهار کرد لە پارێزگای دهۆک، کە یەکێکە لە جووتیارە نموونەییەکانی دەڤەرەکە و پێش دوو ڕۆژ داوای لە جەنابی سەرۆک بارزانی کردبوو ھاوکاری زیاتری جووتیاران بکرێت .

 
سەرۆکی حکومەت لە گەڵ ژمارەیەک لە وەبەرهێنەر و خاوەنکارانی سنووری ئیدارەی سەربەخۆی زاخۆ کۆدەبێتەوە

TUESDAY, 27 SEPTEMBER 2022 18:09:38

ئەمڕۆ سێشەممە 27 ی ئەیلوول ، مەسرور بارزانی سەرۆکی حکومەتی هەرێمی کوردستان، لە شاری زاخۆ، لە گەڵ ژمارەیەک لە وەبەرهێنەر و خاوەنکارانی سنووری ئیدارەی سەربەخۆی زاخۆ کۆبووەوە.

 
ژمارەیەک ئەفسەری پێشمەرگە خانەنشین دەکرێن

TUESDAY, 27 SEPTEMBER 2022 15:09:37

هەولێر -KDP.info- دوای ڕێکارە یاسایی و سەربازییەکان بە فەرمانی سەرۆکی حکوومەتی ھەرێمی کوردستان زیاتر لە دوو ھەزار ئەفسەری ھێزەکانی پێشمەرگە خانەنشین کران و سەرچاوەیەکیش ئاشکرای کرد، ئەو ئەفسەرانەی خانەنشین کراون بەپێی یاسا بووە.

 

نووسینگەی کوردانی فەیلی بووەتە چەترێک بۆ کۆکردنەوەی کوردانی فەیلی و چارەسەرکردنی کێشەکانیان

TUESDAY, 27 SEPTEMBER 2022 15:09:37

هەولێر -KDP.info- بەرپرسی نووسینگەی کوردانی فەیلی سەر بە بارەگای بارزانی گوتی، نووسینگەی کوردانی فەیلی سەر بە بارەگای بارزانی بووەتە چەترێک بۆ کۆکردنەوەی کوردانی فەیلی لە عێراق و چارەسەرکردنی کێشەکانیان، کە لە عێراق دوو ملیۆن کوردی فەیلی هەیە و هەوڵ دەدرێت ناسنامەش بۆ ئەوانە بگەڕێتەوە کە ناسنامەیان لێ وەرگیراوەتەوە.

 

دادگای فیدراڵیی عێراق دانی بە کۆمسیۆنی هەڵبژاردنی هەرێمدا ناوە و بە یاسایی لەقەڵەمی داوە

TUESDAY, 27 SEPTEMBER 2022 15:09:38

هەولێر -KDP.info- سەرۆکی کۆمسیۆنی بالای سەربەخۆی هەڵبژاردن و ڕاپرسیی هەرێمی کوردستان گوتی، ئەو بڕیارەی دادگای فیدراڵی لەبارەی کۆمسیۆن داویەتی، زۆر باشە و لە بەرژەوەندیی هەرێمی کوردستاندایە، چونکە دان بە کۆمسیۆندا نراوە و بە یاسایی لەقەڵەم دراوە و هەموو دەسەڵاتەکانیشی وەکوو خۆی ماوە.

 



 
© 2022 Kurdistan Democratic Party, KDP

Contact