Kurdî  ■  كوردی  ■  عربي
TUE, 6 DEC 2022 23:51 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

موقته‌دا سەدر داوا لە لایەنگرانی دەکات لە ماوەی 60 خوولەکدا بکشێنەوە
| KDP.info


ھەولێر-KDP.info- موقته‌دا سه‌در، رێبه‌ر ره‌وتی سه‌در له‌ كۆنفرانسێكی رۆژنامه‌وانیدا رایگه‌یاند، ئه‌گه‌ر لایه‌نگرانی سه‌در له‌ ناوچه‌ی سه‌وز نه‌كشێنه‌وه‌، ئه‌وان به‌شێك نین له‌ ره‌وتی سه‌در.

رۆژی سێشه‌ممه‌ موقته‌دا سه‌در، رێبه‌ری ره‌وتی سه‌در كۆنفرانسێكی رۆژنامه‌وانی له‌باره‌ی دۆخی ئێستای عێراق سازكرد و داوای كۆتاییهاتنی گرژی و ئالۆزییه‌كانی كرد، له‌هه‌مان كاتدا داوای له‌ لایه‌نگرانی كرد له‌ماوه‌ی 60 خوله‌كی داهاتوودا بكێشنه‌وه‌، ئه‌گه‌ر نه‌كشێننه‌وه‌، ئه‌وانه‌ به‌شێك نین له‌ ره‌وتی سه‌در.

سه‌در رایگه‌یاند، داوای لێبووردن له‌ گه‌لی عێراق ده‌كه‌م، چونكه‌ ئه‌وان زه‌ره‌رمه‌ندی یه‌كه‌من. له‌باره‌ی خۆپیشاندانه‌كانه‌وه‌، سه‌در ئاماژه‌ی به‌وه‌كرد، بكوژ و كوژراوانی نێو خۆپیشاندانه‌كان هه‌ردووكیان ده‌چنه‌ نێو دۆزه‌خه‌وه‌.

موقته‌دا سه‌در له‌ به‌رده‌وامی قسه‌كانیدا گوتی، " نیشتیمانم بووه‌ته‌ دیلی گه‌نده‌ڵی، داوام نه‌كردبوو خوێن بڕژێت و شه‌ڕ و رووبه‌ڕووبوونه‌وه‌ رووبده‌ن، به‌ڵكوو داوام كردبوو خۆپیشاندانێكی ئاشتییانه‌ رێكبخرێت، به‌ مه‌به‌ستی نه‌هێشتنی گه‌نده‌ڵی، ئه‌وه‌ی ئێستا رووده‌دات من وه‌ك شۆڕه‌ش نایببینم".

موقته‌دا سه‌در سوپاسی هێزه‌ ئه‌منییه‌كان و حه‌شدی شه‌عبی ده‌كات و رایگه‌یاند، حه‌شدی شه‌عبی نه‌بووه‌ چه‌كی به‌كارهێناوه‌، به‌ڵكوو سه‌ركرده‌كانیان بوونه‌، ئه‌وانیان هانداوه‌. ده‌شڵێت، " نه‌وه‌كانی محه‌ممه‌د سه‌در هه‌رگیز باوه‌ڕیان به‌ خوێن رشتن نییه، چونكه‌ رشتنی خوێنی عێراقیه‌كان حه‌رامه‌، هه‌ندێك میلیشیات هه‌ن توندووتیژن".

ئاماژه‌ی به‌وه‌شدا، جارێكی دیكه‌ كاری سیاسی ناكات، به‌ڵكوو وه‌ك هاونیشتیمانییه‌كی عێراقی ده‌مێنێته‌وه‌، داواش له‌ هه‌موو لایه‌نه‌كان ده‌كات به‌یه‌كه‌وه‌ هه‌وڵی چاره‌سه‌ركردنی ئه‌م دۆخه‌ی عێراق بده‌ن‌.




دوایین هەواڵەکان

مەكتەبی سیاسی پارتی سەرەخۆشی لە بەڕێز سەنعان قەساب دەكات

TUESDAY, 06 DECEMBER 2022 20:12:10

بۆ بەڕێز سەنعان قەساب

پەیامی سەرەخۆشیی سەرۆك بارزانی بۆ بەڕێز سەنعان قەساب ئاغا

TUESDAY, 06 DECEMBER 2022 19:12:54

بەناوی خودای مەزن و دلۆڤان

 
د. ڤیان سەبری: چەندین داواکاریمان ئاراستەی سوودانی کردووە

TUESDAY, 06 DECEMBER 2022 16:12:42

بەغدا -KDP.info- فراکسیۆنی پارتی لە پەرلەمانی عێراق سەردانی سەرۆکوەزیرانی عێراقی کردووە و سەرۆکی فراکسیۆنیش دەڵێت، جگە لەوەی پاڵپشتیی خۆمان بۆ بەرنامەی کابینەکەی سوودانی ڕاگەیاند، ھاوکات چەندین داواکاریی خەڵکی ھەرێمی کوردستانمان پێشکەش بە سەرۆکوەزیران کرد.

 

جووتیاران و بازرگانان: مەسرور بارزانى بەڵێنێکی پێداوین

TUESDAY, 06 DECEMBER 2022 16:12:14

هەڵەبجە -KDP.info- مەسرور بارزانى، سەرۆکوەزیرانى کوردستان ڕاىگەیاند لە ئایندەدا نەوت نامێنێت و گرنگى بە کەرتى کشتوکاڵ دەدەین، هاوکارى جووتیاران دەبین و بازاڕى دەرەوە دەدۆزینەوە بۆ بەرهەمەکانیان، جووتیاران و بازرگانانى کشتوکاڵى دەڵێن، مەسرور بارزانى بەڵێنەکەى بردە سەر و هاوکارمانە لە بەرهەمهێنان و بە بازاڕکردنى لە دەرەوەى وڵات.

 

نێچیرڤان بارزانى پێشوازى له‌ باڵیۆزى نوێى سوید كرد

TUESDAY, 06 DECEMBER 2022 15:12:30

ئه‌مڕۆ سێشه‌ممه‌ 2022/12/6 به‌ڕێز نێچیرڤان بارزانى، سه‌رۆكى هه‌رێمى ‏كوردستان له‌ دیدارێكدا له‌ هه‌ولێر له‌گه‌ڵ خاتوو جێسیكا سڤاردسترۆم باڵیۆزى نوێى ‏سوید له‌ عێراق، وێڕاى به‌خێرهێنان و پیرۆزبایى بۆ ده‌ستبه‌كاربوونى وه‌ك باڵیۆزى ‏وڵاته‌كه‌ى له‌ عێراق، هه‌موو پشتگیرییه‌كى بۆ سه‌رخستنى ئه‌ركه‌كه‌ى نیشان دا.‏

 


 
© 2022 Kurdistan Democratic Party, KDP

Contact