Kurdî  ■  كوردی  ■  عربي
WED, 28 SEP 2022 00:26 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

فازڵ میرانى پێشوازى له‌ میر حازم میر ته‌حسین بەگ كرد
| KDP.info


پیرمام-KDP.info- ئه‌مڕۆ له‌ مه‌كته‌بى سیاسى پارتى دیموكراتى كوردستان، فازڵ میرانى سكرتێرى مه‌كته‌بى سیاسى پێشوازى له‌ (میر حازم میر ته‌حسین بەگ)، میرى ئێزدیانى كوردستان و عێراق و جیهان كرد.

له‌ دانیشتنه‌كه‌دا، كه‌ هۆشیار زێبارى ئه‌ندامى مه‌كته‌بى سیاسى و، مەحمود ئێزدى ئه‌ندامى سه‌ركردایه‌تى پارتى دیموكراتى كوردستان ئاماده‌بوون. وێڕاى به‌خێرهێنانى میوانان، سكرتێرى مه‌كته‌بى سیاسى تیشكى خسته‌ سه‌ر ره‌وشى عێراق و كوردستان و دوا په‌ره‌سه‌ندنه‌ سیاسیه‌كان و ئاله‌نگارییه‌كان.

سكرتێرى مه‌كته‌بى سیاسى باسى مێژووى پێكه‌وه‌ژیانى ئاشتیانه‌ى نێوان سه‌رجه‌م ئایین و ئاینزاكانى هه‌رێمى كوردستانی كرد، كه‌ جێگاى شانازییه‌، جه‌ختى له‌ ره‌سه‌نایه‌تى كوردانى ئێزدى كردەوە، كه‌ هه‌میشه‌ جه‌نابى سه‌رۆك مەسعود بارزانى ته‌ئكید له‌و ره‌سه‌نایه‌تی كوردانى ئێزیدى ده‌كاتەوە.

سكرتێرى مه‌كته‌بى سیاسى، جەختى كرد كه‌ پشتیوانى هه‌موو ئه‌و هه‌وڵ و رێکكاره‌ ده‌ستوورى و یاساییانه‌ ده‌كه‌ن، كه‌ پارێزگارى له‌ پێگه‌ و نوێنه‌رایه‌تى برا ئێزدییه‌كان ده‌كات و، بە گرینگی زانی رێكکه‌وتنى شنگال وه‌كو خۆى جێبه‌جێ بكرێت.

له‌ لاى خۆیه‌وه‌ میر حازم میر ته‌حسین بەگ سوپاسى سكرتێرى مه‌كته‌بى سیاسى كرد بۆ ئه‌م پێشوازییه‌ گه‌رمه‌ى كه‌ لێیان كرا و، باسى مێژووى پێكه‌وه‌ژیانى ئاشتیانه‌ی له‌ هه‌رێمى كوردستان كرد و، هیواى خواست كه‌ كوردستان هه‌ر له‌ پێشكه‌وتندا بێت.




دوایین هەواڵەکان

سەرۆکی حكومەت سەردانی جووتیارێکی نموونەیی لە پارێزگای دهۆک دەکات

TUESDAY, 27 SEPTEMBER 2022 20:09:15

ئەمڕۆ سێشەممە 27ی ئەیلوول، مەسرور بارزانی سەرۆکی حکومەتی هەرێمی کوردستان، سەردانی جووتیار محەمەد سەلیم بەربهاری لە گوندی بەربهار کرد لە پارێزگای دهۆک، کە یەکێکە لە جووتیارە نموونەییەکانی دەڤەرەکە و پێش دوو ڕۆژ داوای لە جەنابی سەرۆک بارزانی کردبوو ھاوکاری زیاتری جووتیاران بکرێت .

 
سەرۆکی حکومەت لە گەڵ ژمارەیەک لە وەبەرهێنەر و خاوەنکارانی سنووری ئیدارەی سەربەخۆی زاخۆ کۆدەبێتەوە

TUESDAY, 27 SEPTEMBER 2022 18:09:38

ئەمڕۆ سێشەممە 27 ی ئەیلوول ، مەسرور بارزانی سەرۆکی حکومەتی هەرێمی کوردستان، لە شاری زاخۆ، لە گەڵ ژمارەیەک لە وەبەرهێنەر و خاوەنکارانی سنووری ئیدارەی سەربەخۆی زاخۆ کۆبووەوە.

 
ژمارەیەک ئەفسەری پێشمەرگە خانەنشین دەکرێن

TUESDAY, 27 SEPTEMBER 2022 15:09:37

هەولێر -KDP.info- دوای ڕێکارە یاسایی و سەربازییەکان بە فەرمانی سەرۆکی حکوومەتی ھەرێمی کوردستان زیاتر لە دوو ھەزار ئەفسەری ھێزەکانی پێشمەرگە خانەنشین کران و سەرچاوەیەکیش ئاشکرای کرد، ئەو ئەفسەرانەی خانەنشین کراون بەپێی یاسا بووە.

 

نووسینگەی کوردانی فەیلی بووەتە چەترێک بۆ کۆکردنەوەی کوردانی فەیلی و چارەسەرکردنی کێشەکانیان

TUESDAY, 27 SEPTEMBER 2022 15:09:37

هەولێر -KDP.info- بەرپرسی نووسینگەی کوردانی فەیلی سەر بە بارەگای بارزانی گوتی، نووسینگەی کوردانی فەیلی سەر بە بارەگای بارزانی بووەتە چەترێک بۆ کۆکردنەوەی کوردانی فەیلی لە عێراق و چارەسەرکردنی کێشەکانیان، کە لە عێراق دوو ملیۆن کوردی فەیلی هەیە و هەوڵ دەدرێت ناسنامەش بۆ ئەوانە بگەڕێتەوە کە ناسنامەیان لێ وەرگیراوەتەوە.

 

دادگای فیدراڵیی عێراق دانی بە کۆمسیۆنی هەڵبژاردنی هەرێمدا ناوە و بە یاسایی لەقەڵەمی داوە

TUESDAY, 27 SEPTEMBER 2022 15:09:38

هەولێر -KDP.info- سەرۆکی کۆمسیۆنی بالای سەربەخۆی هەڵبژاردن و ڕاپرسیی هەرێمی کوردستان گوتی، ئەو بڕیارەی دادگای فیدراڵی لەبارەی کۆمسیۆن داویەتی، زۆر باشە و لە بەرژەوەندیی هەرێمی کوردستاندایە، چونکە دان بە کۆمسیۆندا نراوە و بە یاسایی لەقەڵەم دراوە و هەموو دەسەڵاتەکانیشی وەکوو خۆی ماوە.

 



 
© 2022 Kurdistan Democratic Party, KDP

Contact