Kurdî  ■  كوردی  ■  عربي
MON, 5 JUN 2023 20:29 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

وتارێک بارتەقای مێژوویەک
| KDP.info


بڵند نەوڕەس

سه‌رۆك بارزانی له‌ مه‌راسیمی ناساندنی په‌رتوكه‌كانی پرۆژه‌ی دۆكیۆمێنتاریی شۆرشه‌كانی بارزاندا، وتارێكی فره‌ ره‌هه‌ندی پێشكه‌شكرد.

به‌شێك له‌ وتاره‌كه‌ی ده‌نگدانه‌وه‌ی گه‌وره‌ی به‌دوای خۆیدا هێنا له‌سه‌ر ئاستەکانی ناوخۆیی و عێراقی و ده‌ره‌وه‌دا، به‌شێكی تریشی فاكتی مێژویی بوون كه‌ له‌ رێگه‌یه‌وه‌ په‌یامی به‌رزی گه‌یاند به‌ هه‌مووان به‌ تایبه‌ت له‌ باسكردنی رێبازی بارزانیدا و ئه‌و بیر و بڕوایانه‌ی شێخ عه‌بدولسه‌لامی بارزانی و شێخ ئه‌حمه‌دی بارزانی كه‌ هه‌م بڕوایان پێی هه‌بووه‌ هه‌م رێبازه‌كه‌یان له‌سه‌ر دامه‌زراندووه‌. 

جه‌نابی سه‌رۆك چه‌ندین راستی مێژووییشی یه‌كلاییكرده‌وه‌ كه‌ جێگای پرسیاربوون لای زۆربه‌ی خه‌ڵكی كوردستان، به‌ تایبه‌ت له‌سه‌ركردنی جامانه‌ی سور له‌ لایه‌ن بارزانییه‌كانه‌وه‌، كه‌ ئه‌وكات و ئێستاش بۆته‌ هێمای به‌ره‌نگاری و ته‌سلیم نه‌بوون. 

یادەوەرییەکانی شێخ ئەحمەدی بارزانی لە زینداندا و باسکردنی بەشێک لە خەسڵەتەکانی رێبازی بارزانی، سەرجەمییان نوێ بوون بۆ زۆرینەی رەھای خەڵک.

كێشه‌كانی ناوخۆی عێراق و هه‌رێم و عێراقیشی گرێدایه‌وه‌ به‌ جێبه‌جێنه‌كردنی ده‌ستوره‌وه‌ له‌ لایه‌ن ده‌سه‌ڵاتدارانی عێراقه‌وه‌، په‌یامێكی روون و ئاشكراشی نارد بۆ نه‌یارانی ناوخۆیی و دەرەکی کوردستان کە ھێشتا زمانی ھەڕەشە بەکاردەھێنن و مێژووی پڕ سەروەری خەباتی و بەرگریکردن و بەرپەرچدانەوەی کوردستانییانی کرد بە گژیاندا و بیری هێنانەوە کە هەرێمی کوردستان بە خوێنی شەهیدان دروست بووە و بە خوێنی رۆڵەکانیشییان دەپارێزرێت.

پەیامی ئاشتی و پێکەوەژیانیشی دووپاتکردەوە و شەڕیشی بە خراپترین ناوھێنا، بەڵام تەسلیمبوونیشی لە شەڕ بە خراپتر پێناسەکردوو زۆر بە روونی و بە زوڵاڵی فەرمووی: «ئێمە تەسلیم نابین»

ئەم وتارەی سەرۆک بارزانی لە رووی ھونەری رەوانبێژی و ناردنی پەیامەوە، بە یەکێک لە وتارە کاریگەرەکان دادەنرێت، کە بە ماوەیەکی دیاریکراو و دەقێکی کەمەوە زۆرترین راستی و بەڵگەی مێژویی و پەیامی سیاسی و کۆمەڵایەتی ئاراستەکرد، کە ھەر پەیامێکی بۆ لایەنێک بوو، ھەموو پەیامەکانیش بە تەواوەتی شوێنی خۆیانیان گرتوو گەیشتن بە شوێنی بۆ ئاراستەکراویان.

رەنگدانەوەی پەیامەکەی سەرۆک بارزانی، لە ناوەندە سیاسی و کۆمەڵایەتی و میدیاییەکاندا بە کوردی و عەرەبی و بیانێکانەوە، مەحەکن بۆ کاریگەرێتییەکەی و پێکانی ئەو ئامانجەی کە جەنابییان مەبەستی بووە.

گرنگترین خەسڵەتی وتاربێژیش ئەوەیە بە کەمترین ووشە زۆرترن پەیام ئاراستە بکەیت، لەوەش گرنگتر ئەوەیە پەیامەکان بگەن بەوانەی ئاراستەیان دەکرێت.

 




دوایین هەواڵەکان

100 ساڵ بەسەر پەیمانی لۆزان، کاریگەری لەسەر سەربەخۆیی و خۆبەڕێوەبەریی کوردستان..

MONDAY, 05 JUNE 2023 20:06:10

کاژڵ دەروێش

 
پرسەنامەیەک لە سەرۆکی حکومەتی هەرێمی کوردستانەوە

MONDAY, 05 JUNE 2023 18:06:31

بە داخەوە هەواڵی کۆچی دوایی کەسایەتیی ناسراوی کلدانی شاری شەقڵاوە خوالێخۆشبوو قەشە فرانسیس جوبرائیل شێر-م پێگەیشت. پرسە و سەرەخۆشی لە سەرۆکایەتی کەنیسەی کلدانی ومەتڕانی ئیبارشیەی هەولێر وبنەماڵە بەڕێزەکەی و کەس و کار و ئاشنایانی و خوشک و برایانی کریستیانی شەقڵاوە دەکەم و هاوخەمیانم. خوای مەزن گیانی بە بەهەشت شاد بکات و ئارامی و دڵنەوایی بە هەمووان ببەخشێت.

 

شەوکەوت بەربھاری: ھاتوچۆی ھاووڵاتیان و گەشتیاران لە دەروازەی پێشابوور ئاسایی بووەتەوە

MONDAY, 05 JUNE 2023 16:06:25

دوای 25 ڕۆژ لە داخستنی، ئەمڕۆ دووشەممە دەروازەی پێشابوور کرایەوە و بەڕێوەبەری دەروازەکەش دەڵێ، ھاتوچۆی ھاووڵاتیان و بارزگانی وەک پێشتر لە پێشابوور ئاسایی بووەتەوە.

 

بە گوژمەی 25 ملیار دینار پرۆژە لە سێکتەری ئاو جێبەجێ دەکرێن

MONDAY, 05 JUNE 2023 16:06:27

هەولێر -KDP.info- بەڕێوەبەری ئاوی هەرێمی کوردستان گوتی، ئەمساڵ بەراورد بە ساڵی ڕابردوو کێشەکانی ئاو کەمتر بوون و حکوومەتی هەرێمی کوردستان 25 ملیار دیناری بۆ تەرخان کردووین و ئێستا دەکرێتە پرۆژە و لە هەرێمی کوردستان جێبەجێ دەکرێن، کە بەشێک لە پرۆژەکان کەوتوونەتە واری جێبەجێکردنەوە.

 
پلانی حکوومەتی هەرێمی کوردستان ئەوەیە بە بەرهەمی ناوخۆ پێداویستیی ناوخۆ پڕ بکاتەوە و هەناردەی دەرەوەشی بکات

MONDAY, 05 JUNE 2023 16:06:24

هەولێر -KDP.info- حکوومەتی هەرێمی کوردستان لەم کابینەیەدا گرنگیی تایبەت بە کەرتی کشتوکاڵ دەدات بە جۆرێک کە پێداویستیی ناوخۆ پڕ بکرێتەوە و هەناردەی دەرەوەش بکرێت، بۆ ئەو مەبەستەش هەنگاوی زۆر باش لە لایەن وەزارەتی کشتوکاڵ و حکوومەتی هەرێمی کوردستانەوە نراوە.

 



 
© 2023 Kurdistan Democratic Party, KDP

Contact