Kurdî  ■  كوردی  ■  عربي
MON, 5 JUN 2023 20:49 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

حه‌لبووسی سه‌باره‌ت به‌ ده‌ستله‌كاركێشانه‌وه‌ی به‌كۆمه‌ڵی فڕاكسیۆنی سه‌در تویتێكی بڵاو كرده‌وه‌
| KDP.info


بەغدا-KDP.info- سه‌رۆكی ئه‌نجوومه‌نی نوێنه‌رانی عێراق سه‌باره‌ت به‌ واژووكردنی نامه‌ی ده‌ستله‌كاركێشانه‌وه‌ی به‌ كۆمه‌ڵی فڕاكسیۆنی سه‌در تویتێكی بڵاو كرده‌وه‌ و ڕایگه‌یاند كه‌ ئه‌م هه‌نگاوه‌یان له‌سه‌ر خواستنی موقته‌دا سه‌در په‌سند كردووه‌.

محه‌مه‌د حه‌لبووسی سه‌رۆكی ئه‌نجوومه‌نی نوێنه‌رانی عێراق له‌ تویته‌كه‌دا ڕایگه‌یاند "له‌سه‌ر خواستی موقته‌دا سه‌در، به‌ نابه‌دڵی داوای خوشك و برایانی ئه‌ندامانی فڕاكسیۆنی سه‌درمان بۆ ده‌ستله‌كاركێشانه‌وه‌ له‌ ئه‌نجوومه‌نی نوێنه‌رانی عێراق قبووڵ كرد".

ڕاشیگه‌یاند "هه‌وڵێكی زۆرمان دا بۆ پاشگه‌زكردنه‌وه‌ی موقته‌دا سه‌در له‌م هه‌نگاوه‌ی، به‌ڵام ئه‌و پێی باش بوو ببێته‌ قوربانی نه‌ك هۆكارێك بۆ په‌كخستن، له‌پێناو گه‌ل و نیشتمان".

هه‌روه‌ها ڕایگه‌یاند "ڕێبه‌ری ڕه‌وتی سه‌در جه‌ختیشی كرده‌وه‌ كه‌ پێداگیره‌ له‌م بڕیاره‌ی و پاشگه‌ز نابێته‌وه‌".

ئێواره‌ی ئه‌مڕۆ یه‌كشه‌ممە موقته‌دا سه‌در ڕێبه‌ری ڕه‌وتی سه‌در له‌ نامه‌یه‌كدا داوای له‌ حه‌سه‌ن عه‌زاری سه‌رۆكی فڕاكسیۆنی سه‌در كرد نامه‌ی ده‌ستله‌كاركێشانه‌وه‌ی به‌ كۆمه‌ڵی فڕاكسیۆنه‌كه‌ی پێشكه‌ش به‌ سه‌رۆكی ئه‌نجوومه‌نی نوێنه‌ران بكات.

دوای ئه‌وه‌ش محه‌مه‌د حه‌لبووسی سه‌رۆكی ئه‌نجوومه‌نی نوێنه‌رانی عێراق واژووی له‌سه‌ر سه‌رجه‌م نامه‌كانی ده‌ستله‌كاركێشانه‌وه‌ی په‌رله‌مانتارانی فڕاكسیۆنی سه‌در كرد كه‌ ژماره‌یان 73 په‌رله‌مانتاره‌.

 




دوایین هەواڵەکان

100 ساڵ بەسەر پەیمانی لۆزان، کاریگەری لەسەر سەربەخۆیی و خۆبەڕێوەبەریی کوردستان..

MONDAY, 05 JUNE 2023 20:06:10

کاژڵ دەروێش

 
پرسەنامەیەک لە سەرۆکی حکومەتی هەرێمی کوردستانەوە

MONDAY, 05 JUNE 2023 18:06:31

بە داخەوە هەواڵی کۆچی دوایی کەسایەتیی ناسراوی کلدانی شاری شەقڵاوە خوالێخۆشبوو قەشە فرانسیس جوبرائیل شێر-م پێگەیشت. پرسە و سەرەخۆشی لە سەرۆکایەتی کەنیسەی کلدانی ومەتڕانی ئیبارشیەی هەولێر وبنەماڵە بەڕێزەکەی و کەس و کار و ئاشنایانی و خوشک و برایانی کریستیانی شەقڵاوە دەکەم و هاوخەمیانم. خوای مەزن گیانی بە بەهەشت شاد بکات و ئارامی و دڵنەوایی بە هەمووان ببەخشێت.

 

شەوکەوت بەربھاری: ھاتوچۆی ھاووڵاتیان و گەشتیاران لە دەروازەی پێشابوور ئاسایی بووەتەوە

MONDAY, 05 JUNE 2023 16:06:25

دوای 25 ڕۆژ لە داخستنی، ئەمڕۆ دووشەممە دەروازەی پێشابوور کرایەوە و بەڕێوەبەری دەروازەکەش دەڵێ، ھاتوچۆی ھاووڵاتیان و بارزگانی وەک پێشتر لە پێشابوور ئاسایی بووەتەوە.

 

بە گوژمەی 25 ملیار دینار پرۆژە لە سێکتەری ئاو جێبەجێ دەکرێن

MONDAY, 05 JUNE 2023 16:06:27

هەولێر -KDP.info- بەڕێوەبەری ئاوی هەرێمی کوردستان گوتی، ئەمساڵ بەراورد بە ساڵی ڕابردوو کێشەکانی ئاو کەمتر بوون و حکوومەتی هەرێمی کوردستان 25 ملیار دیناری بۆ تەرخان کردووین و ئێستا دەکرێتە پرۆژە و لە هەرێمی کوردستان جێبەجێ دەکرێن، کە بەشێک لە پرۆژەکان کەوتوونەتە واری جێبەجێکردنەوە.

 
پلانی حکوومەتی هەرێمی کوردستان ئەوەیە بە بەرهەمی ناوخۆ پێداویستیی ناوخۆ پڕ بکاتەوە و هەناردەی دەرەوەشی بکات

MONDAY, 05 JUNE 2023 16:06:24

هەولێر -KDP.info- حکوومەتی هەرێمی کوردستان لەم کابینەیەدا گرنگیی تایبەت بە کەرتی کشتوکاڵ دەدات بە جۆرێک کە پێداویستیی ناوخۆ پڕ بکرێتەوە و هەناردەی دەرەوەش بکرێت، بۆ ئەو مەبەستەش هەنگاوی زۆر باش لە لایەن وەزارەتی کشتوکاڵ و حکوومەتی هەرێمی کوردستانەوە نراوە.

 



 
© 2023 Kurdistan Democratic Party, KDP

Contact