Kurdî  ■  كوردی  ■  عربي
SUN, 22 MAY 2022 04:28 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

خەدیجە عومەر: فراکسیۆنەکانی پەرلەمان بۆ دەستپێکردنەوەی کۆبوونەوەکان کۆ دەبنەوە
| KDP.info


هەولێر -KDP.info- بڕیارە ئەم حەفتەیە چەند کۆبوونەوەیەک بۆ کاراکردنەوەی پەرلەمانی کوردستان بەڕێوە بچێت و پەرلەمانتارێکی پارتییش دەڵێت، فراکسیۆنەکانی نێو پەرلەمان کۆ دەبنەوە و دواتر لەگەڵ سەرۆکایەتیی پەرلەمان کۆبوونەوە دەکرێت.

خەدیجە عومەر، پەرلەمانتاری فراکسیۆنی پارتی لە پەرلەمانی کوردستان، بە ماڵپەڕی فەرمیی پارتی دیموکراتی کوردستانی ڕاگەیاند: "ھەوڵەکان بۆ دەستپێکردنەوەی کۆبوونەوەکانی پەرلەمان دەستی پێ کردووە و بڕیارە ئەم حەفتەیە ھەندێک کۆبوونەوە بکرێت، لە ھەنگاوی یەکەمدا سەرۆکی فراکسیۆنەکانی نێو پەرلەمان کۆ دەبنەوە و دواتر کۆبوونەوەی دەستەی سەرۆکایەتیی پەرلەمان و سەرۆکی فراکسیۆنەکانی پەرلەمان بەڕێوە دەچێت بۆ ئەوەی دەرچەیەک ھەبێت پەرلەمان دەست بە کۆبوونەوەکانی بکاتەوە.''

پەرلەمانتارەکەی پارتی گوتیشی: ''پارتی ھیچ مەرجێکی نییە بۆ دەستپێکردنەوەی کۆبوونەوەکانی پەرلەمان و تەنیا مەبەستی ئێمە بۆ دەستپێکردنەوەی کۆبوونەوەکانی پەرلەمان ئەوەیە پەرلەمان وەک دەزگایەکی گرینگ پەک نەخرێت و ئەرکی خۆی جێبەجێ بکات، من گەشبینم بەوەی دەبێت لە ڕێگەی دانوستانەوە لێکتێگەیشتن ھەبێت و پەرلەمان کۆ ببێتەوە.''

خەدیجە عومەر ڕوونیشی کردەوە: بەڕێوەبردنی پڕۆسەی ھەڵبژاردن پێویستی بە یەکلاکردنەوە ھەیە، ئەوەیش لە ڕووی یاساییەوە پێویستی بە بۆچوونی پەرلەمان ھەیە، ھەروەھا چەندین پرس و پڕۆژەی دیکە ھەن کە دەبێت پەرلەمان کارا بکرێتەوە، بۆ ئەوەی کاریان لەسەر بکرێت و ئێمە لەگەڵ پەکخستنی پەرلەمان نین، چونکە ئەو پڕۆژانەی ماون دەبێت یەکلا بکرێنەوە.''

قائید میرۆ

 




دوایین هەواڵەکان

بروسکەی سەرەخۆشیی سەرۆک بارزانی بۆ کۆچی دوایی وشیار كاكە زیاد حەمە ئاغای غفوری

SATURDAY, 21 MAY 2022 21:05:49

بەڕێزان خانەوادەی كاكە زیادی کۆیە
بەخەم و پەژارەیەکی زۆرەوە هەواڵی كۆچی دوایی كاك(وشیار كاكە زیاد حەمە ئاغای غەفوری)مان پێگەیشت.

بەڕێوەبەری گشتیی شارەوانییەکان: ئەو زەوییانەی کارتن، تاپۆ دەکرێن

SATURDAY, 21 MAY 2022 18:05:36

هەولێر –KDP.info- لە سنووری شارەوانیی قەزا و ناحیەکانی پارێزگای ھەولێر، ساڵانی ڕابردوو ژمارەیەکی بەرچاوی زەوی دابەش کراون و ھێشتا کارتن و نەکراونەتە سەنەد، بەڕێوەبەری گشتیی شارەوانییەکانیش دەڵێت، پڕۆسەی تاپۆکردنیان دەست پێ کردووە و یەکەیەکی تایبەت کراوەتەوە بۆ تاپۆکردنیان.

 

دوو پسپۆڕ شیکاری بۆ بەشداریی مەسرور بارزانی لە کۆڕبەندی داڤووس دەکەن

SATURDAY, 21 MAY 2022 17:05:33

هەولێر-KDP.info- شارەزایانی سیاسی پێیان وایە، هەرێمی کوردستان ناوەندێکی دیار و گرنگە لە جیۆسیاسی و ئەمنییەتی ناوچەکەدا و ئێستا جیهان بە گرنگییەوە دەڕوانێتە هەرێمی کوردستان، چونکە شوێنیکی دیار و گرنگە و توانیویەتی خۆی بسەلمێنیت و لە گۆڕەپانێکی جەنگ و ململانێیەکاندا توانیویەتی بە پارێزراوی بمێنیتەوە و ببێتە ناوەندێکی ئابووریی گرنگی جیهانی و پێشیان وایە، ئێستا چاوی وڵاتان زیاتر لە سەر هەرێمی کوردستانە کە توانیویەتی دەستی وڵاتانی جیهان بگرێت بۆ ئەوە بێنە هەرێمی کوردستان.

 

"پێویستە یوئێن و ھاوپەیمانان ھەڵوێستیان ھەبێت"

SATURDAY, 21 MAY 2022 15:05:59

ھەولێر -KDP.info- ڕاوێژکاری سەرۆکی حکوومەتی ھەرێمی کوردستان بۆ کاروباری ناوچە کوردستانییەکان گوتی، بە بەرچاوی ئیدارە و ھێزە ئەمنییەکانەوە تەعریب دەکرێت و ڕێگایان بۆ خۆش دەکرێت، بۆیە چارەسەرکردنی ئەو کێشەیە بە یەکڕیزی و جێبەجێکردنی مادەی ١٤٠ دەکرێت و پێویستە یوئێن و ھاوپەیمانانیش ھەڵوێستیان ھەبێت و بێدەنگ نەبن.

 

"دەستپێشخەریی پارتی دۆخەکەی ئارام کردووەتەوە"

SATURDAY, 21 MAY 2022 15:05:57

ھەولێر -KDP.info- بەرپرسی لقی ٢٤ی سەفینی پارتی دیموکراتی کوردستان لە شەقڵاوە گوتی، دەستپێشخەریی پارتی دیموکراتی کوردستان بۆ یەکڕیزیی ناوماڵی کوردی وای کردووە کە ئارامی لە ھەرێمی کوردستان دروست بێت و مەکتەبی سیاسییش ڕاسپێردراوە کە پەیوەندی لەگەڵ ھەموو لایەنەکان ئاسایی بکرێتەوە و ئەگەر گرفتێکیشمان لەگەڵ بەغدا ھەبێت لەناو کێشەکانی خۆماندا چارەسەری بکەین.

 



 
© 2021 Kurdistan Democratic Party, KDP

Contact