Kurdî  ■  كوردی  ■  عربي
MON, 5 JUN 2023 20:36 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

لیژنەی نەزاھە: حکوومەت ھەنگاوی جددیی لە بواری چاکسازیدا ناوە
| KDP.info


ھەولێر -KDP.info- جێگری سەرۆکی لیژنەی نەزاھە لە پەرلەمانی کوردستان گوتی، بەپێی ڕاپۆرتی چاکسازیی دەستەی دەستپاکیی ھەرێمی کوردستان، حکوومەتی ھەرێمی کوردستان ھەنگاوی زۆر باشی ناوە و زۆریش جددییە لە چاکسازیکردن و بڕیارە لە ماوەیەکی نزیکدا ئەوانیش ڕاپۆرتی خۆیان بۆ ئێمە ڕەوانە بکەن، کە وردەکاریی زۆری تێدایە.

سەعید ھەرکی، جێگری سەرۆکی لیژنەی نەزاھە لە پەرلەمانی کوردستان، بۆ ماڵپەڕی فەرمیی پارتی دیموکراتی کوردستان گوتی: ''لە ڕاپۆرتی سێیەمی چاکسازیی ھەرێمی کوردستاندا کە ڕەوانەی پەرلەمان کراوە ھەنگاوی باش نراوە لە بواری چاکسازیدا و بڕیارە حکوومەتی ھەرێمی کوردستان ڕاپۆرتی خۆی لە ماوەیەکی نزیکدا ڕەوانە بکات و لە ڕاپۆرتی چاکسازیی دەستەی دەستپاکیدا ھاتووە کە لەوانە خانەنشینیی پلە باڵا، کە ١٨٢ کەس بە پلەی وەزیرن لەوانە ١٤١ کەس وەزیر بوون و ئەوانەی دیکە بە پلەباڵا خانەنشین بوونە و ئەوانەی کە بریکاری وەزیرن ١٧٤ بریکار بووە، لەوانە تەنھا ١٣٩ کەسیان بە کردەیی بریکار بوون.''

سەعید ھەرکی گوتیشی: ''ھەر لە ڕاپۆرتەکەدا ھاتووە، وەزارەتەکان بەردەوامن لە وردبینی لە دۆسیەی فەرمانبەران و کاری زۆر باش کراوە و زیاتر لە١٠ ھەزار کەس دەرکەوتووە لە پلەی لە خۆیان بەرزتر وەرگرتووە و ٦ ھەزار کەسیش سەرمووچەی زیادیان وەرگرتووە.''

ھەرکی ڕوونیشی کردەوە: ''جگە لەوەش، وردبینی لە دۆسیەی زیندانییانی سیاسییش دەکرێت کە تا ئێستا وردبینی لە کۆی ٢٤ ھەزار زیندانی سیاسی لە ھەزار زیندانی کراوە و ئەوانەی بەرکەوتووی چەکی کیمیایین لە کۆی نۆ ھەزار کەس ٣٠٠ کەسیان وردبینیان بۆ کراوە، بەپێی وردبینییەکە ٥٠ کەس کێشەی نەبووە و ١٨٧ کەس تێبینی لەسەر بووە و چوار کەسیش ھەر بەرکەوتە نەبوونە و تاقانەکانیش ٣٦١ کەسن ١٤ کەسیان تێبینییان لەسەرە و ٥٢ کەسیش تاقانە نین و ئەوانەی شەھیدانیش کە ٧٠ ھەزار شەھید دەبن، بەپێی ئەو وردبینییەی بۆی کراوە، دەرکەوتووە بەشێکیان شەھید نەبوون، لە ھەولێر لە چوار ھەزار شەھید وردبینی کراوە ھەزاریان تێبینییان لەسەر بووە و ٢٠٠ کەسیش شەھید نەبوونە و لە سلێمانیش لە کۆی پێنج ھەزار شەھید وردبینی لە دۆسیەکەیان کراوە کە ھەزار و ٥٠٠ کەس تێبینییان لەسەر بووە و ٣٠٠ کەسیش شەھید نەبوونە و لە دھۆکیش لە کۆی ھەزار دۆسیەی وردبینی بۆ کراوە ٤٢ کەس شەھید نەبوونە و٧٥٠ کەسیش تێبینییان لەسەر بووە.

گوتیشی: ''کە ڕاپۆرتی حکوومەتیش گەیشت بەراوردێک لەگەڵ ڕاپۆرتی دەستپاکی دەکەین و لە کوێ کێشە ھەبێت بەدواداچوونی بۆ دەکەین، بەڵام ئەو ھەنگاوانەی نراون زۆر باشن و جددییەتیی حکوومەت لە چاکسازی نیشان دەدات.''

 

بڵند ئیبراھیم


 




دوایین هەواڵەکان

100 ساڵ بەسەر پەیمانی لۆزان، کاریگەری لەسەر سەربەخۆیی و خۆبەڕێوەبەریی کوردستان..

MONDAY, 05 JUNE 2023 20:06:10

کاژڵ دەروێش

 
پرسەنامەیەک لە سەرۆکی حکومەتی هەرێمی کوردستانەوە

MONDAY, 05 JUNE 2023 18:06:31

بە داخەوە هەواڵی کۆچی دوایی کەسایەتیی ناسراوی کلدانی شاری شەقڵاوە خوالێخۆشبوو قەشە فرانسیس جوبرائیل شێر-م پێگەیشت. پرسە و سەرەخۆشی لە سەرۆکایەتی کەنیسەی کلدانی ومەتڕانی ئیبارشیەی هەولێر وبنەماڵە بەڕێزەکەی و کەس و کار و ئاشنایانی و خوشک و برایانی کریستیانی شەقڵاوە دەکەم و هاوخەمیانم. خوای مەزن گیانی بە بەهەشت شاد بکات و ئارامی و دڵنەوایی بە هەمووان ببەخشێت.

 

شەوکەوت بەربھاری: ھاتوچۆی ھاووڵاتیان و گەشتیاران لە دەروازەی پێشابوور ئاسایی بووەتەوە

MONDAY, 05 JUNE 2023 16:06:25

دوای 25 ڕۆژ لە داخستنی، ئەمڕۆ دووشەممە دەروازەی پێشابوور کرایەوە و بەڕێوەبەری دەروازەکەش دەڵێ، ھاتوچۆی ھاووڵاتیان و بارزگانی وەک پێشتر لە پێشابوور ئاسایی بووەتەوە.

 

بە گوژمەی 25 ملیار دینار پرۆژە لە سێکتەری ئاو جێبەجێ دەکرێن

MONDAY, 05 JUNE 2023 16:06:27

هەولێر -KDP.info- بەڕێوەبەری ئاوی هەرێمی کوردستان گوتی، ئەمساڵ بەراورد بە ساڵی ڕابردوو کێشەکانی ئاو کەمتر بوون و حکوومەتی هەرێمی کوردستان 25 ملیار دیناری بۆ تەرخان کردووین و ئێستا دەکرێتە پرۆژە و لە هەرێمی کوردستان جێبەجێ دەکرێن، کە بەشێک لە پرۆژەکان کەوتوونەتە واری جێبەجێکردنەوە.

 
پلانی حکوومەتی هەرێمی کوردستان ئەوەیە بە بەرهەمی ناوخۆ پێداویستیی ناوخۆ پڕ بکاتەوە و هەناردەی دەرەوەشی بکات

MONDAY, 05 JUNE 2023 16:06:24

هەولێر -KDP.info- حکوومەتی هەرێمی کوردستان لەم کابینەیەدا گرنگیی تایبەت بە کەرتی کشتوکاڵ دەدات بە جۆرێک کە پێداویستیی ناوخۆ پڕ بکرێتەوە و هەناردەی دەرەوەش بکرێت، بۆ ئەو مەبەستەش هەنگاوی زۆر باش لە لایەن وەزارەتی کشتوکاڵ و حکوومەتی هەرێمی کوردستانەوە نراوە.

 



 
© 2023 Kurdistan Democratic Party, KDP

Contact