Kurdî  ■  كوردی  ■  عربي
SUN, 22 MAY 2022 05:17 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پەراوێز و پشتگوێ خستنی مێتۆدی دیموکراتی
| KDP.info


سەلام عەبدوڵڵا

ماوەیەکە زۆر بە زەقی و ڕاشکاوی، لەو دەڤەرەی خۆی بە لانکەی ئازادی و دیموکراتی و ڕای سەربەست و ئازاد پێناسە دەکات، بزووتنەوەیەکی زۆر گەرم و گوڕ و هاوکات زیانبەخش دەبینرێت و رۆژانە هەستی پێدەکرێت، ئەویش بێ بەهاکردنی حوکمڕانی لە هەرێمە تا دەگاتە بێهودەبوونی حکوومەت و داوای ڕووخان و تێکدانی دەکرێ، بەبێ ئەوەی هیچ ئەلتەرناتیڤێک، جگە لە داڕووخانی حکوومەت و نەهێشتنی ئەم قەوارەیە بەدی بکرێت.

قەوارەیەک کە لە ئەنجامی خەباتی نزیکەی سەد ساڵی دانیشتووانی ئەم هەرێمە، بە قوربانیدان و هەزاران شەهید هاتۆتە بەرهەم.

کە سەراپای ئەم پرۆسە چەوتە بە زیانی هاووڵاتیانی ئەم هەرێمە و تێکۆشانی تەواو دەبێت و تەنیا سوودمەندیش نەیارانی هەرێم و ناحەزانی دەبێت کە لە رۆژی دروستبوونی ئەم هەرێمەوە کاری لەسەر دەکەن و بە چەندین رێگا پشتیوانی دەکەن.

میدیای بە حساب ئازادیش لەو دەڤەرە، کەناڵێکی ئامادە و ڕەخساوە بۆ پشتیوانی و بەرجەستەبوونی ئەو ڕێڕەوە، چونکە ئەوەتا دەگەڕێن بە شوێنی کەسێک و لایەنێکدا، لە هەر شوێنێک بێت، کە پەیڤێک دژی هەرێم دەدات.

داوای رەوای هاووڵاتیان لە حکوومەتی هەرێم، کارێکی بەجێ یە و حکوومەت دەبێت لە خزمەتی خەڵکدا بێت، بەڵام ئەم کارە بە ڕووخانی حکوومەت جێبەجێ نابێت، بەڵکوو بە گۆڕینی حکوومەت و هەڵبژاردن مەیسەر دەبێت و هاووڵاتیان دەتوانن لە رێگەی دەنگدان و بەشداری کارایان لە هەڵبژاردندا، سزای ئەو حزبانە بدەن و لە حکوومەت دووریان بخەنەوە کە لە خزمەتی خەڵکدا نین و پابەندی بەڵێنەکانیان نەبوون.

هەربۆیە بایکۆتی هەڵبژاردن، کە ناحەزان رەواجی پێدەدەن، تەنیا لە سوودی دوژمنانی ئەم تاقە هەرێمەیە و لە زیانی سەرجەم هاووڵاتیانە.

هەرێمەکەمان و حزبە سیاسییەکانی هەرێم کار و کردەوە و کرداریان لە بەرچاوە و هاووڵاتی بە چاوی خۆی دۆخی هەرێم و ناوچە جیاجیاکانی دەبینێت و دەبێت بزانێ کێ خزمەتی خەڵک و لە بەرژەوەندیی کار دەکات.

هاونیشتمانی ئازیز، داوای تێکدان و رووخانی حکوومەت مەکە، داوای سزادانی حزبە کەمتەرخەمەکانی هەرێم بکە و دەنگیان پێ مەدە.

 




دوایین هەواڵەکان

بروسکەی سەرەخۆشیی سەرۆک بارزانی بۆ کۆچی دوایی وشیار كاكە زیاد حەمە ئاغای غفوری

SATURDAY, 21 MAY 2022 21:05:49

بەڕێزان خانەوادەی كاكە زیادی کۆیە
بەخەم و پەژارەیەکی زۆرەوە هەواڵی كۆچی دوایی كاك(وشیار كاكە زیاد حەمە ئاغای غەفوری)مان پێگەیشت.

بەڕێوەبەری گشتیی شارەوانییەکان: ئەو زەوییانەی کارتن، تاپۆ دەکرێن

SATURDAY, 21 MAY 2022 18:05:36

هەولێر –KDP.info- لە سنووری شارەوانیی قەزا و ناحیەکانی پارێزگای ھەولێر، ساڵانی ڕابردوو ژمارەیەکی بەرچاوی زەوی دابەش کراون و ھێشتا کارتن و نەکراونەتە سەنەد، بەڕێوەبەری گشتیی شارەوانییەکانیش دەڵێت، پڕۆسەی تاپۆکردنیان دەست پێ کردووە و یەکەیەکی تایبەت کراوەتەوە بۆ تاپۆکردنیان.

 

دوو پسپۆڕ شیکاری بۆ بەشداریی مەسرور بارزانی لە کۆڕبەندی داڤووس دەکەن

SATURDAY, 21 MAY 2022 17:05:33

هەولێر-KDP.info- شارەزایانی سیاسی پێیان وایە، هەرێمی کوردستان ناوەندێکی دیار و گرنگە لە جیۆسیاسی و ئەمنییەتی ناوچەکەدا و ئێستا جیهان بە گرنگییەوە دەڕوانێتە هەرێمی کوردستان، چونکە شوێنیکی دیار و گرنگە و توانیویەتی خۆی بسەلمێنیت و لە گۆڕەپانێکی جەنگ و ململانێیەکاندا توانیویەتی بە پارێزراوی بمێنیتەوە و ببێتە ناوەندێکی ئابووریی گرنگی جیهانی و پێشیان وایە، ئێستا چاوی وڵاتان زیاتر لە سەر هەرێمی کوردستانە کە توانیویەتی دەستی وڵاتانی جیهان بگرێت بۆ ئەوە بێنە هەرێمی کوردستان.

 

"پێویستە یوئێن و ھاوپەیمانان ھەڵوێستیان ھەبێت"

SATURDAY, 21 MAY 2022 15:05:59

ھەولێر -KDP.info- ڕاوێژکاری سەرۆکی حکوومەتی ھەرێمی کوردستان بۆ کاروباری ناوچە کوردستانییەکان گوتی، بە بەرچاوی ئیدارە و ھێزە ئەمنییەکانەوە تەعریب دەکرێت و ڕێگایان بۆ خۆش دەکرێت، بۆیە چارەسەرکردنی ئەو کێشەیە بە یەکڕیزی و جێبەجێکردنی مادەی ١٤٠ دەکرێت و پێویستە یوئێن و ھاوپەیمانانیش ھەڵوێستیان ھەبێت و بێدەنگ نەبن.

 

"دەستپێشخەریی پارتی دۆخەکەی ئارام کردووەتەوە"

SATURDAY, 21 MAY 2022 15:05:57

ھەولێر -KDP.info- بەرپرسی لقی ٢٤ی سەفینی پارتی دیموکراتی کوردستان لە شەقڵاوە گوتی، دەستپێشخەریی پارتی دیموکراتی کوردستان بۆ یەکڕیزیی ناوماڵی کوردی وای کردووە کە ئارامی لە ھەرێمی کوردستان دروست بێت و مەکتەبی سیاسییش ڕاسپێردراوە کە پەیوەندی لەگەڵ ھەموو لایەنەکان ئاسایی بکرێتەوە و ئەگەر گرفتێکیشمان لەگەڵ بەغدا ھەبێت لەناو کێشەکانی خۆماندا چارەسەری بکەین.

 



 
© 2021 Kurdistan Democratic Party, KDP

Contact