Kurdî  ■  كوردی  ■  عربي
WED, 21 FEB 2024 15:39 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

شانەی راگەیاندنی ئەمنی عێراق: گرووپەکانی دەرەوەی یاسا هەوڵ دەدەن پشێوی بنێنەوە
| KDP.info


هەولێر-KDP.info- شانەی ڕاگەیاندنی ئەمنی عیراق لەبارەی هێرشە مووشەکییەکەی ئەمشەوی سەر قەزای خەبات ڕاگەیەنراوێکی بڵاوکردەوە و ڕایگەیاند کە گرووپەکانی دەرەوەی یاسا هەوڵ دەدەن خۆشگوزەرانییەکانی ئەم رۆژە پیرۆزانە تێکبدەن و پشێوی بنێنەوە.

شانەی ڕاگەیاندنی ئەمنی عێراق لە ڕاگەیەنراوێکدا ئەمشەو چوارشەممە ڕایگەیاند: لە کاتێکدا خاکی عێراق بە ئارامی و باوەڕەوە سەرقاڵی مانگی پیرۆزی رەمەزانن، گرووپەکانی دەرەوەی یاسا هەوڵ دەدەن خۆشگوزەرانییەکانی ئەم رۆژە پیرۆزانە تێکبدەن و پشێوی بنێنەوە.

ڕاشیگەیاند: ئێوارەی ئەمڕۆ چوارشەممەش گرووپە تیرۆریستەکان، بە سێ کاتیۆشا شارۆچکەی خەباتی سەر بە پارێزگای هەولێریان لە هەرێمی کوردستان مووشەک باران کرد و هەر سێ کاتیۆشاکە لە نزیک زەوییە چۆڵ و ناوچە کشتوکاڵییەکانی کەمپی کەورگۆسک و زێی زابی گەورە و پاڵاوگەی کەورگۆسک کەوتنەوە، بەبێ تۆمارکردنی زیانی گیانی و ماددی، هەروەها دەرکەوت مووشەکەکان لە دەروازەی حەمدانییە هەڵدرابوون.

ئاماژەی بەوەش دا کە هێزە ئەمنییە تایبەتەکان و پەیوەندیدارەکان دەستیان بەپرۆسەی گەڕان و پشکنین کرد بۆ دۆزینەوەی تیرۆریستان و ئەو کەسانەی لە پشت ئەم کردەوە تیرۆریستیە دان.

جەختیشی کردەوە کە هێزە ئەمنییەکان هەوڵی بێوەچانیان دەدەن بۆ دۆزینەوە و دەستگیرکردن و رادەستکردنی ئەو کەسانەی تێوەگلاون بە تێکدانی ئاسایش و سەقامگیریی بۆ دادگە سەپاندنی سزای دادپەروەرانە بەسەریاندا.

 




دوایین هەواڵەکان

د.موخلیس سەلیم: بڕیاری ڕاگرتنی پڕۆژەکان یەکەکانی کرێنشینان ناگرێتەوە

WEDNESDAY, 21 FEBRUARY 2024 15:02:30

شارەزایەکی وەبەرھێنان ئاماژەی بۆ ئەوە کرد، بڕیاری ڕاگرتنی مۆڵەتی پڕۆژەکانی نیشتەجێبوون بە مەبستی ڕێکخستنەوە کاریگەری لەسەر کەرتی خانووبەرە دەبێت و دەشڵێ: بڕیارەکە یەکەکانی کرێنشینان ناگرێتەوە و حکوومەت کار بۆ دروستکردنی ئەو ٢٠ ھەزار یەکەیە دەدات بۆ خەڵکی کرێنشین.

 
بەڕێوەبەری گشتی بازرگانی: لە ڕێگەی سەکۆی ئەلیکترۆنییەوە نرخی کەلوپەل دابەزێنین

WEDNESDAY, 21 FEBRUARY 2024 15:02:33

بەڕێوەبەری گشتی بازرگانی پێی وایە یەکێک لە ئەگەرەکانی بەرزبوونەوەی نرخی کەلوپەل بۆ گرانی نرخی دۆلار دەگەڕێتەوە، دەشڵێ: لە ھەوڵداین لە ڕێگەی سەکۆی ئەلیکترۆنییەوە نرخی کەلوپەل لە بازاڕەکانی ھەرێمی کوردستاندا دابەزێنین.

 
سەرۆكی هەرێمی كوردستان پەیامێكی بڵاوكردەوە

WEDNESDAY, 21 FEBRUARY 2024 12:02:15

ھەولێر-KDP.info- ئەمڕۆ چوارشەممە، 21-02-2024، لە رۆژی جیهانیی زمانی دایکدا، سەرۆکی هەرێمی کوردستان جه‌خت له‌ پاراستن و پێشخستنی زمانی کوردی و زمانى دایك بۆ هەموو پێكهاتەكان دەکاتەوە. 

 
ئەنجومەنی وەزیران پرسی ئەنجومەنی پارێزگاکانی هەرێم تاوتوێ دەکات

WEDNESDAY, 21 FEBRUARY 2024 10:02:21

ھەولێر-KDP.info- ئەمڕۆ چوارشەممە، ئەنجومەنی وەزیرانی هەرێمی كوردستان، بە سەرپەرشتیی مەسروور بارزانی، سەرۆكی حكوومەتی هەرێمی كوردستان و ئامادەبوونی قوباد تاڵەبانی، جێگری سەرۆكی حكوومەتی هەرێمی كوردستان، کۆدەبێتەوە.

 
پشتیوان سادق: ئاسۆی ئاییندەمان زۆر گەش و رووناکە

TUESDAY, 20 FEBRUARY 2024 22:02:51

ھەولێر-KDP.info- ئەمڕۆ سێشەممە، لە بارەگای مەکتەبی ڕێکخستنی پارێزگای هەولێر، بەسەرپەرشتی دکتۆر پشتیوان سادق ئەندامی مەکتەبی سیاسی و بەرپرسی مەکتەبی ڕێکخستنی پارێزگای هەولێر و بە ئامادەبوونی چیا هەرکی یاریدەدەری بەرپرسی مەکتەب، لەگەڵ بەرپرس و مامۆستایانی وەزارەتی خوێندنی باڵا کۆبونەوە. 

 


 
© 2023 Kurdistan Democratic Party, KDP

Contact