Kurdî  ■  كوردی  ■  عربي
THU, 20 JAN 2022 22:22 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

یادگار مەحموود: سەرۆک بارزانی ڕێنوێنیی کردین کار بۆ مافەکانی خەڵکی کوردستان بکەین
| KDP.info


هەولێر -KDP.info- ئەمڕۆ سەرۆک بارزانی لەگەڵ فراکسیۆنی پارتی لە پەرلەمانی عێراق کۆ بووەوە و پەرلەمانتارێکی پارتییش دەڵێت، سەرۆک بارزانی ڕێنوێنیی کردین ھەرچی لە دەستمان دێت لە ماوەی چوار ساڵی داھاتوودا بۆ گەلی کوردستان بیکەین و کار بۆ مافەکانی خەڵکی کوردستان بکەین.

یادگار مەحموود، پەرلەمانتاری فراکسیۆنی پارتی لە پەرلەمانی عێراق، بە ماڵپەڕی فەرمیی پارتی دیموکراتی کوردستانی ڕاگەیاند: "ئەمڕۆ وەک فراکسیۆنی پارتی لە خزمەت سەرۆک بارزانی بووین و لە کۆبوونەوەکەدا سەرۆک بارزانی خۆشحاڵیی خۆی پێشان دا بۆ دەستبەکاربوونی خولی پێنجەمی پەرلەمانی عێراق و تیشکی خستە سەر ڕەوشی ئێستای عێراق، ھەروەھا سەرۆک بارزانی فەرمووی، پێویستە پەرلەمانتارانی پارتی نوێنەری ڕاستەقینەی خەڵکی کوردستان بن لە پەرلەمانی عێراق.''

پەرلەمانتارەکەی پارتی گوتیشی: "سەرۆک بارزانی ڕێنوێنیی کردین لە ماوەی چوار ساڵی داھاتوودا زۆرترین کار بۆ بەدەستھێنانی مافە دەستوورییەکانی خەڵکی کوردستان بکەین، چ وەک مافە نەتەوەییەکان، یان بودجە و شایستە داراییەکانی خەڵکی کوردستان، جەختی لەسەر ئەوەش کردەوە کە ئەوەی لە دەستمان بێت بۆ خەڵکی کوردستان درێغی نەکەین.''

یادگار مەحموود ئاماژەی بۆ ئەوەش کرد: "پەیامێکی دیکەی سەرۆک بۆ فراکسیۆنی پارتی ئەوە بوو، لەنێو پەرلەمانی عێراق نەبینە لایەنگری ھیچ کەس و پێکھاتەیەک، بەڵکوو زیاتر لەو لایەنانە نزیک ببینەوە کە لەگەڵ مافەکانی خەڵکی کوردستانن و سەرۆک بارزانی پەرۆشە بۆ ڕەوشی ئێستای عێراق و پێی ڕاگەیاندین، لەگەڵ حکوومەتێکی دیموکراتییە بۆ عێراق کە کار بە دەستوور بکات.''

قائید میرۆ

 




دوایین هەواڵەکان

چەند پرسەنامەیەک لە مەکتەبی سیاسییەوە

THURSDAY, 20 JANUARY 2022 19:01:14

بەناوی خوای بەخشندە و میھرەبان

 
"هەولێر گەشتی بەفری ئەنجام دا"

THURSDAY, 20 JANUARY 2022 17:01:10

لە شه وی رابردوە شەپۆڵێکی بەفر ۆ کڕێوە شاری هەلێری گرتووتەوەو هاوڵاتیانیش بۆ گەشتی بەفر بەرەو بەرزایەکانی دەوربەری شار گەشتی بەفریان ئەنجامداو  هەزاران هاوڵاتی روویان لەناوچەکانێ سپی پۆش بە بەفر کرد.

 
سه‌رۆكى هه‌رێمى كوردستان پێشوازى له‌ باڵیۆزى پاكستان كرد

THURSDAY, 20 JANUARY 2022 16:01:29

پاشنیوه‌ڕۆى ئه‌مڕۆ پێنجشه‌ممه‌ 2022/1/20 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز ئه‌حمه‌د ئه‌مجه‌د عه‌لى، باڵیۆزى پاكستان له‌ عیراق كرد.

 
ئەمڕۆ کۆتایی بەشەپۆڵی بەفربارین لە ھەرێمی کوردستان دێت

THURSDAY, 20 JANUARY 2022 15:01:41

ھەولێر_KDP.info_ بەرێوبەری کەشناسی و بومەلەرزەی ھەرێمی کوردستان دەڵێ ، دوای ئەوەی شەپۆڵێکی دیکەی بەفربارین ھەرێمی کوردستانی گرتەوە ، ئەمڕۆ کۆتایی بەوشەپۆڵە دێ.

 
گرینگى سیستمى تاک په‌نجه‌ره‌ى له‌ سیستمى کارگێڕی دا

THURSDAY, 20 JANUARY 2022 15:01:10

سلێمانی-KDP. info-  شاره‌زایه‌کى ئابوورى ده‌ڵێ، دامه‌زراندنى سیستمى تاک په‌نجه‌ره‌ى بۆ خێرا ڕاپه‌ڕاندنى کاروباره‌کانى ده‌زگاى ده‌وڵەتێ یه‌کێکه‌ له‌ پێداویستییه‌کانى سه‌رده‌م و واده‌کات بارگرانى حکوومه‌ت له‌ ڕوى تێچوى دارایى که‌مبکاته‌وه‌.

 


 
© 2021 Kurdistan Democratic Party, KDP

Contact