Kurdî  ■  كوردی  ■  عربي
THU, 23 MAR 2023 05:29 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

ئومێد خۆشناو: سوپاس بۆ خوا لافاوه‌كه‌ زیانی گیانی نه‌بووه‌
| KDP.info


هەولێر-KDP.info- بەرەبەیانی ئەمڕۆ بەهۆی بارانبارینی بەخوڕەوە لە شاری هەولێر و دەوروبەری، لافاو دروست بوو و به‌هۆیه‌وه‌ ده‌وام له‌ قوتابخانه‌كان راگیراو تاقیكردنه‌وه‌ی كۆلێژه‌كانی سه‌ر به‌ زانكۆی سه‌لاحه‌دینیش دواخرا و ئاسته‌نگ له‌به‌رده‌م هاتوچۆی هاووڵاتیان دروستبوو.

ئومێد خۆشناو پارێزگاری هه‌ولێر له‌ كۆنفراسێكی رۆژنامه‌نووسی رایگه‌یاند، له‌ چه‌ند گه‌ڕه‌كێكی شاری هه‌ولێر به‌هۆی بارانبارینی به‌خوڕ لافاو دروستبوو، سوپاس بۆ خوا زیانی گیانی نه‌بوو.

پارێزگاری هه‌ولێر راشیگه‌یاند، له‌ ئاكامی دروستبوونی لافاو، زیانی ماددی به‌ر هاووڵاتیان كه‌وتووه‌، ئه‌وه‌ی كه‌ هه‌بووه‌ كۆبوونه‌وه‌ی ئاوه‌ له‌ شه‌قامه‌كان، بووه‌ته‌ هۆكاری دروستبوونی ئاسته‌نگی هاتوچۆ بۆ هاووڵاتیان.

ئومێد خۆشناو ده‌شڵێت: " ئه‌مشه‌و تا 6ـی به‌یانی پێشبینی ده‌كرێت بارانی به‌خوڕ به‌رده‌وام بێت، بۆیه‌ ئێمه‌ له‌ پارێزگای هه‌ولێر ته‌واوی لایه‌نه‌كانمان خستووه‌ته‌ حاڵه‌تی ئاماده‌باشیه‌وه‌، هه‌ر كه‌سێك مه‌ترسی له‌سه‌ر دروستبوو، پێویسته‌ په‌یوه‌ندی به‌و تیمانه‌ی پارێزگا بكه‌ن.

پارێزگاری هه‌ولێر ئاماژه‌ به‌وه‌ ده‌كات، پێویسته‌ هاووڵاتیان هه‌ماهه‌نگ و هاوكارمان بن، ئه‌گه‌ر زۆر پێویست نه‌بێت، هاتوچۆكانیان سنووردار بكه‌ن.

 

بڵند ئیبراهیم




دوایین هەواڵەکان

پەیامی سەرۆکی حکومەتی هەرێمی کوردستان بەبۆنەی هاتنی مانگی پیرۆزی ڕەمەزان

WEDNESDAY, 22 MARCH 2023 20:03:18

بە بۆنەی هاتنی مانگی پیرۆزی ڕەمەزان، گەرمترین پیرۆزبایی ئاراستەی موسڵمانانی کوردستان و عێراق و جیهان دەکەم. لە خوای مەزن و میهرەبان دەپاڕێینەوە ، کە نزا و نوێژ و ڕۆژووی هەمووان قبوڵ بکات و مانگی ڕەمەزان، ببێتە مایەی خێر و خۆشی و خۆشگوزەرانی بۆ هەرێمی کوردستان و جیهان بە گشتی.

په‌یامى سه‌رۆكى هه‌رێمى كوردستان به‌بۆنه‌ى مانگى پیرۆزى ڕه‌مه‌زانه‌وه‌

WEDNESDAY, 22 MARCH 2023 20:03:59

به‌بۆنه‌ى هاتنه‌وه‌ى مانگى پیرۆزى ڕه‌مه‌زانه‌وه‌، به‌ گه‌رمى پیرۆزبایى له‌ ته‌واوى موسڵمانان له‌ هه‌رێمى كوردستان، عێراق و جیهان ده‌كه‌م. له‌ یه‌زدانى مه‌زن داواكارم خێر و خۆشى و ئارامى و ئاسووده‌یى له‌گه‌ڵ خۆیدا بهێنێت و ڕۆژوو و خواپه‌ر‌ستیى هه‌مووان قبووڵ بكات.

پەیامی سەرۆک بارزانی بەبۆنەی هاتنەوەی مانگی پیرۆزی ڕەمەزان

WEDNESDAY, 22 MARCH 2023 20:03:26

بەبۆنەی هاتنەوەی مانگی پیرۆزی ڕەمەزان پیرۆزبایی لە موسڵمانانی کوردستان و عێراق و هەموو جیهان دەکەم.

سه‌رۆكایه‌تیى په‌رله‌مانى كوردستان به‌ تووندى سه‌ركۆنه‌ى شەهیدکردنی چوار هاونیشتمانییەکەی جندرێس دەکات

TUESDAY, 21 MARCH 2023 23:03:47

هەولێر-KDP.info- سەرۆکایەتی پەرلەمانی کوردستان لە راگەیاندراوێکدا ئاماژەی بەوەکردووە، بە توندی سه‌ركۆنه‌ی ئەو تاوانە قێزەونە دەکەین کە لە شارۆچکەی جندرێسی سەر بە شاری عەفرین دژ بە ژمارەیەک هاووڵاتی کورد ئەنجامدرا.

 
بەیاننامەیەک لە بارەگای بارزانی سەبارەت بە تاوانی جێندێرس

TUESDAY, 21 MARCH 2023 21:03:58

بەناوی خودای میهرەبان،

 


 
© 2023 Kurdistan Democratic Party, KDP

Contact