Kurdî  ■  كوردی  ■  عربي
WED, 9 JUL 2025 12:22 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

د. به‌شیر بۆ KDP: له‌ رۆژانی داهاتوودا شتێك به‌دیار ده‌كه‌وێت
| KDP.info


هەولێر-KDP.info- هێشتا لایه‌نه‌ عێراقییه‌كان ناكۆكن له‌سه‌ر ئه‌نجامی هه‌ڵبژاردنه‌كانی ئه‌مساڵی په‌رله‌مانی عێراق و جێگری پێشووی سه‌رۆكی په‌رله‌مانیش پێی وایه‌، هه‌ڕه‌شه‌ هه‌یه‌ له‌ ئه‌نجامی هه‌ڵبژاردنه‌كان و ده‌شڵێ، پێكهێنانی حكوومه‌تی عێراق هێشتا زۆری ماوه‌.

د. به‌شیر خەلیل حه‌داد، جێگری پێشووی سەرۆکی په‌رله‌مانی عێراق، به ‌ماڵپه‌ڕی فه‌رمیی پارتی دیموكراتی كوردستانی راگه‌یاند، هۆكاری دواكه‌وتنی په‌سه‌ندكردنی ئه‌نجامی هه‌ڵبژاردنی عێراق، بۆ ناكۆكیی نێو ماڵی شیعه‌ ده‌گه‌ڕێته‌وه‌، ئه‌و لایه‌نانه‌ی پێشتر كورسییان هه‌بووه‌ و كورسیی زیادیان به‌ده‌ست هێناوه،‌ ئه‌مجاره‌ كورسییان تا راده‌یه‌كی به‌رچاو كه‌می كردووه‌، ئه‌و لایه‌نانه‌ هێزی چه‌كدار و میلیشیایان هه‌یه‌ و به ‌هێزه‌كه‌ی خۆیان هه‌ڕه‌شه‌ ده‌كه‌ن، ئه‌وان بڕوایان وایه‌ ساخته‌كاری كراوه‌ له‌ هه‌ڵبژاردنه‌كانی 10ی ئۆكتۆبه‌ر و مافی ئه‌وان خوراوه‌، به‌ڵام له‌ 2005 به‌دواوه‌ به ‌ڕای چاودێرانی ناوخۆ و بیانی، هه‌ڵبژاردنی ئه‌مجاره‌ی عێراق، پاكترین هه‌ڵبژاردن بووه‌.

جێگری پێشووی سەرۆکی په‌رله‌مانی عێراق ده‌ڵێت، به‌ هۆی هه‌ڕه‌شه‌ی لایه‌نه‌ دۆڕاوه‌كانی هه‌ڵبژاردن، په‌سه‌ندكردنی ئه‌نجامه‌كانی كۆتایی دواكه‌تووه‌ له‌لایه‌ن دادگای فیدڕاڵییه‌وه‌، به ‌بۆچوونی به‌نده‌ دادگای فیدڕاڵ نایه‌وێ بڕیارێك بدات توندوتیژیی لێی بكه‌وێته‌وه‌، چونكه‌ وا چاوه‌ڕوان ده‌كرێت له‌ ئه‌نجامی راگه‌یاندنی ئه‌نجامی كۆتایی هه‌ڵبژاردن، ئه‌و لایه‌نانه‌ هه‌ندێ كرده‌وه‌ی توندوتیژی ئه‌نجام بده‌ن.

حەداد زیاتر گوتی، چاوه‌ڕێ ده‌كرێت رێكه‌وتنێك بكرێت له‌گه‌ڵ لایه‌نه‌كان، بۆ ئه‌وه‌ی به ‌شێوه‌یه‌ك له‌ شێوه‌كان رازی بكرێن كورسی بۆ ئه‌و لایه‌نانه‌ی هه‌ڕه‌شه‌ ده‌كه‌ن زیاد بكرێن له‌سه‌ر حیسابی ئه‌وانی دیكه‌، یانیش له‌ حكوومه‌تی داهاتووی عێراق جێگه‌یان بكرێته‌وه‌، له‌ رۆژانی داهاتوودا شتێك به‌دیار ده‌كه‌وێت له‌سه‌ر ئه‌نجامی هه‌ڵبژاردنه‌كان.

له‌باره‌ی پڕۆسه‌ی پێكهێنانی حكوومه‌تی نوێی عێراقیش، د. به‌شیر ئاماژه‌ی بۆ ئه‌وه ‌كرد، پێكهێنانی حكوومه‌تی عێراق بێگومان دوا ده‌كه‌وێت و هێشتا زۆری ماوه‌، چونكه‌ ئه‌گه‌ر دادگای فیدڕاڵیش ئه‌نجامه‌كانی هه‌ڵبژاردنه‌كان په‌سه‌ند بكات، 15 رۆژی پێویسته‌ تا سه‌رۆككۆمار فه‌رمان ده‌كات بۆ به‌ڕێوه‌چوونی یه‌كه‌م كۆبوونه‌وه‌ی په‌رله‌مان، دواتر سه‌رۆكایه‌تیی په‌رله‌مان هه‌ڵده‌بژێردرێت ئینجا له ‌ماوه‌یه‌كیشدا سه‌رۆككۆمار هه‌ڵده‌بژێردرێت، قۆناغی زۆری تێدایه‌، کە دیاریكردنی كوتله‌ی گه‌وره‌ی په‌رله‌مانیش، كێشه‌یه‌كی دیكەیە و‌ پێم وابێت سێ مانگی دیكه‌ش ده‌خایه‌نێت.

 

قائید میرۆ

 




دوایین هەواڵەکان

ماڵپەڕی KDP کاتی دابەشکردنی ٩ ھەزار یەکەی نیشتەجێبوون بڵاو دەکاتەوە

WEDNESDAY, 09 JULY 2025 12:07:14

ھەولێر-KDP.info- بەڕێوەبەری گشتی لە وەزارەتی ئاوەدانکردنەوەی حکوومەتی ھەرێمی کوردستان دەڵێ، ئامادەکاریی تەواو کراوە و لە چەند ڕۆژی داھاتوودا دەست بە دابەشکردنی زیاتر لە ٩ ھەزار یەکەی نیشتەجێبوون بەسەر خەڵکی ھەژار و کەمدەرامەت دەکرێت، کە دابەشکردنیشی لە ڕێگەی تیروپشکەوە دەبێت.

 
مەسروور بارزانی: تا کۆتایی 2026 پڕۆژەی ڕووناکی دەگاتە سەرتاسەری هەرێمی کوردستان

WEDNESDAY, 09 JULY 2025 11:07:38

هەولێر-KDP.info- مەسروور بارزانی سەرۆکی حکوومەتی هەرێمی کوردستان بەبۆنەی فراوان بوونی پڕۆژەی ڕووناکی و سوودمەندبوونی زیاتر لە دوو ملیۆن هاووڵاتی لە کارەبای 24 کاتژمێری لە ئێکس نووسیویەتی، "تا کۆتایی 2026 پڕۆژەی ڕووناکی دەگاتە سەرتاسەری هەرێمی کوردستان.

 
پڕۆژەی ڕووناکی گەیشتە زیاتر لە 2 ملیۆن هاووڵاتی

WEDNESDAY, 09 JULY 2025 09:07:18

هەولێر-KDP.info- وه‌زاره‌تی كاره‌بای حكوومه‌تی هه‌رێمی كوردستان ڕایگه‌یاند، زیاتر لە دو ملیۆن هاووڵاتی و 544 هەزار هاوبەش ئێستا سومەندن لە کارەبای 24 کاتژمێری، هەرروەها، زیاتر لە دوو هه‌زار و 100 مۆلیدەی گازوایل لە گەڕەکەکان کوژێنراونەتەوە و تا کۆتایی ساڵی 2026یش، حکوومەتی هەرێم لە پلانیدایە زیاتر لە حه‌وت هه‌زار مۆلیدە بکوژێنێتەوە. 

 
سه‌رۆكى هه‌رێمى كوردستان سه‌ره‌خۆشی له‌ توركیا ده‌كات

TUESDAY, 08 JULY 2025 18:07:58

ھەولێر-KDP.info- سەرۆکی هەرێمی کوردستان لە نامەیەکدا، سه‌ره‌خۆشى له‌ توركیا، خێزان و كه‌سوكارى ئه‌و سه‌ربازانه‌ى وڵاته‌كه‌ كرد، كه‌ ڕۆژانى ڕابردوو له‌ ئه‌شكه‌وتێكى ناوچه‌ شاخاوییه‌كانى هه‌رێمى كوردستان، گیانیان له‌ده‌ست دابوو.

سەرۆکی حکوومەت پێشوازی لە سەرۆکی ئەکادیمیای کوردی کرد

TUESDAY, 08 JULY 2025 16:07:46

هەولێر-KDP.info- سێشەممە 8ـی تەممووزی 2025، مەسروور بارزانی، سەرۆکی حکوومەتی هەرێمی کوردستان، پێشوازی لە حەمەسەعید حەسەن نووسەر و ڕەخنەگری ناسراو و سەرۆکی ئەکادیمیای کوردی کرد.

 
 


 
© 2023 Kurdistan Democratic Party, KDP

Contact