Kurdî  ■  كوردی  ■  عربي
THU, 20 JAN 2022 23:05 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

د. محەمەد خورشید: لە کەرکووک کێشە بۆ جووتیارانی کورد دروست دەکرێت
| KDP.info


کەرکووک-KDP.info- حکوومەتی عێراق کێشە بۆ جووتیارانی کورد لە کەرکووک دروست دەکات و بەرپرسێکی پارتییش دەڵێت، پڕۆسەی تەعریب بەردەوامە و ھێشتا کار بە بڕیارەکانی دادگای بەناو شۆڕشی سەردەمی ڕژێمی لەناوچووی بەعس دەکەن.

د. محەمەد خورشید، بەرپرسی لقی ٣ی پارتی لە کەرکووک، بە ماڵپەڕی فەرمیی پارتی دیموکراتی کوردستانی ڕاگەیاند: "ھاوردەکردنی عەرەب بە شێوەیەکی نایاسایی بەردەوامە بۆ ناوچەکانی کەرکووک، ئەمەیش کێشەی بۆ جووتیارانی کورد لە کەرکووک دروست کردوە و بە پاڵپشتیی پارێزگاری سەپێندراوی کەرکووک پڕۆسەی تەعریب درێژەی ھەیە، یەکێک لە داواکارییەکانی ئێمە وەک پارتی بۆ ئاساییکردنەوەی ڕەوشی کەرکووک، ڕاگرتنی داگیرکارییە.''

بەرپرسەکەی پارتی دەڵێت: "ھێزێکی سەربازی لە ناوچەکە جێگیر کراوە بە پاڵپشتیی ڕاکان جبووری فشاری خستووەتە سەر جووتیارانی کورد بە بەھانەی ئەوەی گرێبەستی کشتوکاڵییان بەسەر چووە و ئەوانەی دیکە تازەن، لەبەر ئەوەش پێویستە لەسەر ھێزە کوردستانییەکان ئەو کێشەیە چارەسەر بکەن، پێشتر چەند بڕیارێک دەرچووە، بەداخەوە جێگەی خۆیان نەگرتووە.''

د. محەمەد خورشید ئاماژەی بۆ ئەوەش کرد: "ئەنجومەنی بەناو شۆڕشی سەردەمی بەعس کاتی خۆی بە بڕیارێک گرێبەستەکانی ھەڵوەشاندووەتەوە، ھەندێ دادگای عێراق ھێشتا کار بەو یاسایانەی سەردەمی بەعس دەکەن، بەتایبەتی دادگاکانی پارێزگای کەرکووک کار بەو بڕیارانەی بەعس دەکەن، ئەگەر بمانەوێت بەپەلە ئەو ھەوڵانەی تەعریب ڕابگرین، پێویستە ئەنجومەنی وەزیرانی عێراق پەیامێکی ئاشکرا بداتە پارێزگاری کەرکووک، کە چیی دیکە نووسراو بۆ ھێزە سەربازییەکان نەکات بچنە سەر جووتیارانی کورد.''

 

قائید میرۆ

 




دوایین هەواڵەکان

چەند پرسەنامەیەک لە مەکتەبی سیاسییەوە

THURSDAY, 20 JANUARY 2022 19:01:14

بەناوی خوای بەخشندە و میھرەبان

 
"هەولێر گەشتی بەفری ئەنجام دا"

THURSDAY, 20 JANUARY 2022 17:01:10

لە شه وی رابردوە شەپۆڵێکی بەفر ۆ کڕێوە شاری هەلێری گرتووتەوەو هاوڵاتیانیش بۆ گەشتی بەفر بەرەو بەرزایەکانی دەوربەری شار گەشتی بەفریان ئەنجامداو  هەزاران هاوڵاتی روویان لەناوچەکانێ سپی پۆش بە بەفر کرد.

 
سه‌رۆكى هه‌رێمى كوردستان پێشوازى له‌ باڵیۆزى پاكستان كرد

THURSDAY, 20 JANUARY 2022 16:01:29

پاشنیوه‌ڕۆى ئه‌مڕۆ پێنجشه‌ممه‌ 2022/1/20 به‌ڕێز نێچیرڤان بارزانى، سه‌رۆكى هه‌رێمى كوردستان، پێشوازى له‌ به‌ڕێز ئه‌حمه‌د ئه‌مجه‌د عه‌لى، باڵیۆزى پاكستان له‌ عیراق كرد.

 
ئەمڕۆ کۆتایی بەشەپۆڵی بەفربارین لە ھەرێمی کوردستان دێت

THURSDAY, 20 JANUARY 2022 15:01:41

ھەولێر_KDP.info_ بەرێوبەری کەشناسی و بومەلەرزەی ھەرێمی کوردستان دەڵێ ، دوای ئەوەی شەپۆڵێکی دیکەی بەفربارین ھەرێمی کوردستانی گرتەوە ، ئەمڕۆ کۆتایی بەوشەپۆڵە دێ.

 
گرینگى سیستمى تاک په‌نجه‌ره‌ى له‌ سیستمى کارگێڕی دا

THURSDAY, 20 JANUARY 2022 15:01:10

سلێمانی-KDP. info-  شاره‌زایه‌کى ئابوورى ده‌ڵێ، دامه‌زراندنى سیستمى تاک په‌نجه‌ره‌ى بۆ خێرا ڕاپه‌ڕاندنى کاروباره‌کانى ده‌زگاى ده‌وڵەتێ یه‌کێکه‌ له‌ پێداویستییه‌کانى سه‌رده‌م و واده‌کات بارگرانى حکوومه‌ت له‌ ڕوى تێچوى دارایى که‌مبکاته‌وه‌.

 


 
© 2021 Kurdistan Democratic Party, KDP

Contact