Kurdî  ■  كوردی  ■  عربي
SUN, 28 NOV 2021 05:04 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

د. ڤیان سلێمان: یەکێتیی ئافرەتانی کوردستان لە سەرتاسەری ھەرێم چالاکی بەڕێوە دەبات
| KDP.info


ھەولێر -KDP.info- سکرتێری یەکێتیی ئافرەتانی کوردستان گوتی، لە ھەڵمەتی ١٦ ڕۆژەی ڕووبەڕووبوونەوەی توندوتیژی دژی ئافرەتاندا یەکێتیی ئافرەتانی کوردستان لە سەرتاسەری ھەرێمی کوردستان کۆمەڵێک چالاکیی جۆراوجۆر بەڕێوە دەبات.

سکرتێری یەکێتیی ئافرەتانی کوردستان، دکتۆرە ڤیان سلێمان، بۆ ماڵپەڕی فەرمیی پارتی دیموکراتی کوردستان گوتی: ''ھەروەک دەزانن یەکێتیی ئافرەتانی کوردستان بەردەوامە لە کار بۆ نەھێشتن و کەمکردنەوەی توندوتیژی بەرامبەر بە ئافرەتانی کوردستان و ئامانجی ئێمە بۆ هێنانەدیی یەکسانی لەناو کۆمەڵگەی کوردستانە و لەو ڕوانگەیەوە بەردەوام کار دەکەین و لەم ھەڵمەتی ١٦ ڕۆژەیەشدا وەکوو ھەمیشە کار دەکەین بۆ زیاتر بەئاگاھێنانەوەی کۆمەڵگا لەو جیاکاری و تێڕوانینە نزمەی بۆ ئافرەت هەیە و بۆ ئەوەش کۆمەڵێک کار و چالاکیمان ھەیە و کار و چالاکییەکانیش لەسەر ئاستی کوردستان دەبێت و ئەمساڵ لەژێر دروشمی بەڵێ بۆ ھاوبەشی، نەخێر بۆ خاوەنداریەتییە و، بەڕای ئێمە وەکوو یەکێتیی ئافرەتانی کوردستان پرسی ئافرەت، پرسێکی کۆمەڵایەتی و سیاسی و حزبییە و پێویستە بەردەوام کاری لەسەر بکەین.''

دکتۆرە ڤیان سلێمان گوتیشی: ''پرسی ئافرەت تەنھا لە توندوتیژیدا کۆ نابێتەوە، ئەو پرسە یەکێکە لە لێکەوتەکانی چۆنیەتیی تێڕوانین و شێوازی پەیوەندیکردنی ئەم دوو تاکەی مرۆڤە و پرسی ئافرەت خۆی لە پێگەی ئافرەتدا دەبینێتەوە و تا ئێستا بە چاوی مرۆڤێکی ھاوبەش لە ژیاندا لەلایەن ڕەگەزی بەرامبەرەوە تەماشای ناکرێت و نەبوونی ھەمان پێگەی یەکسان و نەبوونی ھەمان بەھای یەکسان بۆ ھەردوو تاک وای لێ دەکات لێکەوتەی خراپی هەبێت و ئەمەش وا دەکات یەکێک خاوەن موڵک و یەکێک بەرھەمدار و یەکێک بێبەرھەم و یەکێک خاوەن بڕیار و ئەوەی تر بێبڕیار بێت، بۆیە ئێمە لەڕێگەی نەخشەی یەکێتیی ئافرەتانی کوردستانەوە کار دەکەین بۆ ئەوەی لەڕێگەی ڕاستکردنەوەی ئەو ھەڵانەی بەرامبەر ئافرەت ھەیە توندوتیژی نەھێڵین کە ئەویش خۆی لە تێگەیاندنی ئافرەت و بەھێزکردنی ئافرەت و ناسینی خودی ئافرەت و تەواوی ئەو ھزرە چەوتانەدا دەبینێتەوە کە ئافرەت بە بێبەرھەم و بێبڕیار تەماشا دەکرێت و ئێمە لەسەر بنەمای ئەوە کار دەکەین کە خێزان بەھێزتر بکەین و وا دەکەین خێزان لەسەر بنەمای خۆشەویستی بێت بۆ ئەوەی لەڕێگەی بەدیموکراسیکردنی خێزانەوە کۆمەڵگەیەکی تەندروست بنیات بنێین و یەکێتیی ئافرەتان لەڕێگەی نەخشەڕێگایەکەوە تێ دەکۆشێت، ئێمە لە ڕاگەیاندنی ھەڵمەتی توندوتیژی دژی ئافرەت کۆمەڵێک چالاکیمان ھەیە.''

سکرتێری یەکێتیی ئافرەتانی کوردستان باسی لەوەش کرد: ''مەکتەبی سکرتاریەتی یەکێتیی ئافرەتانی کوردستان کۆمەڵێک چالاکی بەڕێوە دەبات کە پێک دێن لە بەڕێوەبردنی پانێڵێکی تایبەت بە دەرخستنی ئەو توندوتیژییانەی لە چوارچێوەی خێزاندا ڕوو دەدەن و توێژینەوەیەکی تایبەت بەو کەیسانەی ھاتوون بۆ ڕێکخراو و ھاوکات خستنەڕووی چالاکییەکانی یەکێتیی ئافرەتان بۆ ئەو ھەڵمەتە و پەیامی یەکێتیی ئافرەتان بە بۆنەی ٢٥ی نۆڤەمبەر و تەرخانکردنی دوو ژمارە لە ''بڵاوکراوەی ھێلین'' بۆ ھەڵمەتی بەرەنگاربوونەوەی توندوتیژی دژی ئافرەتان و پێشکەشکردنی چەندین بەرنامەی تایبەت لە ''ڕادیۆی ھێلین'' بۆ ئەو ھەڵمەتە و کردنەوەی خول و ڕێنماییی پێش ھاوسەرگیری لەلایەن پەیمانگای ئامێزی خێزانی و سازکردنی چەند سمینارێک بۆ قوتابیانی زانکۆ و بەڕێوەبردنی سمینارێک لەلایەن ناوەندی ڕۆشنبیریی زین تایبەت بە توندوتیژی لەسەر بنەمای جێندەر و سازکردنی سمینار لەسەر کاریگەرییەکانی توندوتیژی لەسەر جەستەی ئافرەت لەلایەن دۆسیەی تەندروستیی ئافرەت و منداڵ و وەک تۆڕی ھاوبەشی ڕێکخراوەکانی ئافرەتانی کوردستان چەندین سیمینار و پانێڵ لە زانکۆ و پەیمانگا و قوتابخانەکان بەئەنجام دەگەیەندرێت و چاپکردنی پۆستەر و فلیکس و بڵاوکراوەی تایبەت بە ھەڵمەتی بەرەنگاربوونەوەی توندوتیژی دژی ئافرەتان و دروستکردنی سپۆت و ڤیدیۆ لەسەر توندوتیژی.''

دکتۆرە ڤیان سلێمان زیاتر گوتی: ''جگە لەوەش ئەنجومەن و ناوەندەکانیش کۆمەڵێک چالاکیی جۆراوجۆر بەڕێوە دەبەن کە بریتین لە بەڕێوەبردنی ١٥٤ کۆر و سمینار و وێبینار لەلایەن ھەر ٢٥ ئەنجومەن و ناوەندەکانەوە و پێنج پانێل لەسەر توندوتیژی دژ بە ئافرەتان و خێزان لەلایەن ئەنجومەنەکانی دەوروبەری سلێمانی و سەفین و زاخۆ و سۆران و ھەولێرەوە ڕێک دەخرێن و ھەڵمەتی بەرنگاربوونەوەی توندوتیژی بۆ ئەنجومەنی دھۆک کۆنفرانسێک ساز دەکات و سیانزە خولی ھۆشیاریی کۆمەڵایەتی لەلایەن ئەنجومەنەکانی دەوروبەری دھۆک و گەرمیان و دەوروبەری ھەولێر و ڕێکخستنی وۆرکشۆپێک بۆ سەلامەتی و ئاسایشی دیجیتاڵمیدیا لەلایەن ئەنجومەنی ھەڵەبجە و کردنەوەی پێنج پێشانگا لەسەر ئاستی ئەنجومەنەکانی ھەڵەبجە و سەفین و خانەقین و ئاکرێ و ھەولێر و نمایشکردنی شانۆگەرییەک لەلایەن ئەنجومەنی ھەولێر و دروستکردنی ڤیدیۆ لەسەر توندوتیژی دژی ئافرەتان لەلایەن ئەنجومەنەکانی سلێمانی و قەرەچوغ و گەرمیان و بڵاوکردنەوەی پۆستەر و بڵاوکراوە لەلایەن سەرجەم ناوەندەکان و ئەنجومەنەکان و ئامادە و پێشکەشکردنی بیست و پێنج بەرنامەی ڕادیۆیی و تیڤی تایبەت بە پرسی توندوتیژی و دەرھاویشتەکانی لەلایەن ئەنجومەنەکانی دەوروبەری سلێمانی و زاخۆ و ئەورووپا و سلێمانی و ئاکرێ و ھەڵبجە و دابەشکردنی کتێب لەلایەن ئەنجومەنی ڕاپەرین و ئەنجومەنی چەمچەماڵ سەردانی ئافرەتانی شنگال لە کلینیکی چەمچەماڵ دەکات و ئەنجومەنی دھۆک بازاڕی کار بۆ ئافرەتانی خاوەنکار دەکاتەوە و ئەنجومەنی زاخۆ سەردانی چاکسازیی ئافرەتان دەکات و ئەنجومەنی ئامێدی خەڵاتی ئافرەتانی خاوەن پیشە دەکات و ئەنجومەنی شنگال سەردانی ئەو ئافرەتانە دەکات کە لەسەر دەستی داعش ڕزگار کراون و بە ھەماھەنگی زانکۆی جیھان و ئەنجومەنی دھۆک پرۆژەیەکی ھۆشیاری بۆ قوتابیان ساز دەکات کە چەندین چالاکی جیاواز لەخۆ دەگرێت و ڤیستیڤاڵێک لەسەر ئەدەب و کەلتوور و ھونەری کوردی لەلایەن ئەنجومەنی ھەڵەبجەساز دەکرێت و بەڕێوەبردنی چالاکییەک بەتایبەت بە ھۆشیاری کۆمەڵایەتی لە قوتابخانەیەکی شاری ھەڵەبجە لەلایەن ئەنجومەنی ھەڵەبجە بەڕێوە دەبرێت.

 

بڵند ئیبراھیم

 




دوایین هەواڵەکان

دوو ملیار و ٢٠٠ ملیۆن دینار بۆ پارکى ھه‌وارى شار له‌ سلێمانى خه‌رج ده‌کرێت

SATURDAY, 27 NOVEMBER 2021 19:11:27

سلێمانی -KDP.info- له‌سه‌ر ڕاسپارده‌ى مه‌سرور بارزانى، سه‌رۆکى ئه‌نجومه‌نى وه‌زیران ڕه‌زامه‌ندى درا له‌سه‌ر خه‌رجکردنى گوژمه‌ى دوو ملیار و ٢٠٠ ملیۆن دینار به‌ مه‌به‌ستى جێبه‌جێکردنى پڕۆژه‌ى به‌ڕێوه‌بردن و چاکسازیى پارکى ھه‌وارى شار له‌ پارێزگاى سلێمانی، ئه‌و بڕه‌ پاره‌یه‌ش قۆناغ به‌ قۆناغ و به‌ شێوه‌ى نه‌ختینه‌ خه‌رج ده‌کرێت.

 

کارەکانی دروستکردنی شەقامی ١٥٠ مەتری بەخێرایی بەڕێوە دەچێت

SATURDAY, 27 NOVEMBER 2021 18:11:27

ھەولێر -KDP.info- سەرپەرشتیاری شەقامی ١٥٠ مەتریی ھەولێر گوتی، دروستکردنی شەقامی ١٥٠ مەتری زۆر بەخێرایی بەڕێوە دەچێت و ئێستا ٣٢%ی قۆناغی دووەم تەواو بووە و ئامادەکاری بۆ قۆناغی سێیەم دەکرێت کە دیزاینی تەواو بووە و تەنھا ماوە گرێبەست بکرێت و دەست پێ بکرێت.

 

سەرۆک بارزانی پێشوازی لە نوێنەری تایبەتی سکرتێری گشتی رێکخراوی نەتەوە یەکگرتووەکان لە عێراق دەکات

SATURDAY, 27 NOVEMBER 2021 16:11:17

ڕۆژی شەممە ٢٧ـی تشرینی دووەمی ٢٠٢١ لە سەلاحەددین سەرۆک مەسعود بارزانی پێشوازی لە جنین پلاسخارت نوێنەری تایبەتی سکرتێری گشتی رێکخراوی نەتەوە یەکگرتووەکان لە عێراق کرد.

 
د. محەمەد خورشید: لە کەرکووک کێشە بۆ جووتیارانی کورد دروست دەکرێت

SATURDAY, 27 NOVEMBER 2021 15:11:59

کەرکووک-KDP.info- حکوومەتی عێراق کێشە بۆ جووتیارانی کورد لە کەرکووک دروست دەکات و بەرپرسێکی پارتییش دەڵێت، پڕۆسەی تەعریب بەردەوامە و ھێشتا کار بە بڕیارەکانی دادگای بەناو شۆڕشی سەردەمی ڕژێمی لەناوچووی بەعس دەکەن.

 

'' گوهۆڕین د پۆستێن ئیداری دا بەردەوامن ''

SATURDAY, 27 NOVEMBER 2021 15:11:18

گوهۆڕینین د پۆستێن ئێدارێین پێکهاتەییان دا دبەردەوامن، ژوانان ژی پێکهاتەییا ئێزدییان ژ رێڤەبەر و ڕیڤەبەرێن گشتی و چەندین پۆست و پلەیێن دی.

 


 
© 2021 Kurdistan Democratic Party, KDP

Contact