Kurdî  ■  كوردی  ■  عربي
WED, 28 SEP 2022 00:39 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

به‌ره‌ڤان حه‌مدى: سه‌رجه‌م دۆسیه‌ى شه‌هیدان ده‌گوازرێته‌وه‌ بۆ وه‌زاره‌تى شه‌هیدان
| KDP.info


هەولێر-KDP.info- بریکارى وه‌زاره‌تى شه‌هیدان و ئه‌نفالکراوانى حکوومه‌تى هه‌رێمى ده‌ڵێت، سه‌رجه‌م دۆسیه‌ى شه‌هیدان ده‌گوازرێنه‌وه‌ بۆ وه‌زاره‌تى کاروبارى شه‌هیدان و ئه‌نفالکراوان و بریکارى وه‌زاره‌تى شه‌هیدانیش ده‌ڵێت: "پرۆسه‌که‌ بۆ داهاتووش به‌رده‌وام ده‌بێت".

به‌ره‌ڤان حه‌مدى، بریکارى وه‌زاره‌تى شه‌هیدان و ئه‌نفالکراوانى حکوومه‌تى هه‌رێمى کوردستان، به‌ ماڵپه‌ڕى فه‌رمیى پارتى دیموکراتى کوردستانى ڕاگه‌یاند: "تایبه‌ت به‌ گواستنه‌وه‌ى دۆسیه‌ى شه‌هیدان بۆ وه‌زاره‌تى کاروبارى شه‌هیدان به‌پێى ڕێنماییى ژماره‌ 5 له‌ چوارچێوه‌ و په‌یڕه‌و و یاسای چاکسازیى حکوومه‌تى هه‌رێمى کوردستاندا وه‌ک قۆناغى یه‌که‌م  ۱۰۱٨ دۆسیه‌ى شه‌هیدانى شه‌ڕى داعش له‌ وه‌زاره‌تى کاروبارى پێشمه‌رگه‌وه‌ گواسترا‌وه‌ بۆ وه‌زاره‌تى کاروبارى شه‌هیدان و ئه‌نفالکراوان، ئه‌م دۆسیانه‌ پاش وردبینیى لایه‌نى جوگرافى له‌سه‌ر ئاستى پارێزگا و بانکه‌کانیان و ڕاسپارده‌بوونى شایسته‌کانیان به‌پێى ماف و ئیمتیازاتى یاساى ژماره‌ 9ی که‌سوکارى شه‌هیدان ته‌واوى شایسته‌کانیان بۆ ده‌خرێته‌ بوارى جێبه‌جێکردنەوە".

گوتیشى: "هه‌ر دوێنێ له‌گه‌ڵ وه‌زیرى ناوخۆى حکوومه‌تى هه‌رێم کۆ بووینه‌وه‌ بۆ ئه‌وه‌ى به‌ یه‌که‌وه‌ و به ‌هه‌ماهه‌نگى و به‌ هه‌مان شێوه‌ کار بکرێت بۆ گواستنه‌وه‌ى دۆسیه‌ی کارمه‌ندانى هێزى ناوخۆ و شه‌هیدانى زێره‌ڤانى و شه‌هیدانى هێزه‌کانى ناوخۆ و پاسه‌وانانى سنوور و، ڕێنمایى و ڕێکارى په‌یڕه‌وییانه‌ بگیرێته‌ به‌ر بۆ گواستنه‌وه‌ى ته‌واوى دۆسیه‌کانیان بۆ وه‌زاره‌تى شه‌هیدان و ئه‌نفالکراوان".

بریکارى وه‌زاره‌تى شه‌هیدان ڕوونیشى کرده‌وه: ''ئامانج له‌م پرۆسه‌یه‌ به ‌پله‌ى یه‌ک بۆ ڕێکخستنه‌وه‌ و یه‌کخستنه‌وه‌ى دۆسیه‌ى شه‌هیدان و کۆکردنه‌وه‌یانە له‌ وه‌زاره‌تى شه‌هیدان، پاشان کار دەکەین بۆ ده‌رکردنى یاسایه‌کى گشتگیر بۆ سه‌رجه‌م شه‌هیدانى هه‌رێمى کوردستان و چاکسازیکردن له‌ ته‌واوى دۆسیه‌ى شه‌هیدان له‌ به‌ڕێوەبه‌رایه‌تییه‌ گشتییه‌کانى دیکه‌ى حکوومه‌ت".

ئه‌رسه‌لان ئه‌حمه‌د




دوایین هەواڵەکان

سەرۆکی حكومەت سەردانی جووتیارێکی نموونەیی لە پارێزگای دهۆک دەکات

TUESDAY, 27 SEPTEMBER 2022 20:09:15

ئەمڕۆ سێشەممە 27ی ئەیلوول، مەسرور بارزانی سەرۆکی حکومەتی هەرێمی کوردستان، سەردانی جووتیار محەمەد سەلیم بەربهاری لە گوندی بەربهار کرد لە پارێزگای دهۆک، کە یەکێکە لە جووتیارە نموونەییەکانی دەڤەرەکە و پێش دوو ڕۆژ داوای لە جەنابی سەرۆک بارزانی کردبوو ھاوکاری زیاتری جووتیاران بکرێت .

 
سەرۆکی حکومەت لە گەڵ ژمارەیەک لە وەبەرهێنەر و خاوەنکارانی سنووری ئیدارەی سەربەخۆی زاخۆ کۆدەبێتەوە

TUESDAY, 27 SEPTEMBER 2022 18:09:38

ئەمڕۆ سێشەممە 27 ی ئەیلوول ، مەسرور بارزانی سەرۆکی حکومەتی هەرێمی کوردستان، لە شاری زاخۆ، لە گەڵ ژمارەیەک لە وەبەرهێنەر و خاوەنکارانی سنووری ئیدارەی سەربەخۆی زاخۆ کۆبووەوە.

 
ژمارەیەک ئەفسەری پێشمەرگە خانەنشین دەکرێن

TUESDAY, 27 SEPTEMBER 2022 15:09:37

هەولێر -KDP.info- دوای ڕێکارە یاسایی و سەربازییەکان بە فەرمانی سەرۆکی حکوومەتی ھەرێمی کوردستان زیاتر لە دوو ھەزار ئەفسەری ھێزەکانی پێشمەرگە خانەنشین کران و سەرچاوەیەکیش ئاشکرای کرد، ئەو ئەفسەرانەی خانەنشین کراون بەپێی یاسا بووە.

 

نووسینگەی کوردانی فەیلی بووەتە چەترێک بۆ کۆکردنەوەی کوردانی فەیلی و چارەسەرکردنی کێشەکانیان

TUESDAY, 27 SEPTEMBER 2022 15:09:37

هەولێر -KDP.info- بەرپرسی نووسینگەی کوردانی فەیلی سەر بە بارەگای بارزانی گوتی، نووسینگەی کوردانی فەیلی سەر بە بارەگای بارزانی بووەتە چەترێک بۆ کۆکردنەوەی کوردانی فەیلی لە عێراق و چارەسەرکردنی کێشەکانیان، کە لە عێراق دوو ملیۆن کوردی فەیلی هەیە و هەوڵ دەدرێت ناسنامەش بۆ ئەوانە بگەڕێتەوە کە ناسنامەیان لێ وەرگیراوەتەوە.

 

دادگای فیدراڵیی عێراق دانی بە کۆمسیۆنی هەڵبژاردنی هەرێمدا ناوە و بە یاسایی لەقەڵەمی داوە

TUESDAY, 27 SEPTEMBER 2022 15:09:38

هەولێر -KDP.info- سەرۆکی کۆمسیۆنی بالای سەربەخۆی هەڵبژاردن و ڕاپرسیی هەرێمی کوردستان گوتی، ئەو بڕیارەی دادگای فیدراڵی لەبارەی کۆمسیۆن داویەتی، زۆر باشە و لە بەرژەوەندیی هەرێمی کوردستاندایە، چونکە دان بە کۆمسیۆندا نراوە و بە یاسایی لەقەڵەم دراوە و هەموو دەسەڵاتەکانیشی وەکوو خۆی ماوە.

 



 
© 2022 Kurdistan Democratic Party, KDP

Contact