Kurdî  ■  كوردی  ■  عربي
SUN, 28 NOV 2021 05:57 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

كۆڕبەندی مەنامە و پێگەی كورد
| KDP.info


ھاودەنگ فاروق

بەشـــداریی ســـەرۆکی حکوومەتی کوردســـتان لـــە کۆڕبەندی” دایەلۆگی مەنامە ۲۰۲١” لـــە وەختێکدایە، ناوچەکە بە دۆخێکی سەخت و پڕمەترسیدا تێدەپەڕیت، گۆڕانکاریی جیددی و گەورە بەڕێوەیە، جارێکی دی ســـتراتیژیەتی ئەمنیی جیهانی و ئیقلیمی لەبەردەم گۆڕانکاری و بنیاتنانەوەی نوێدایە؛ مەترسیی پێکدادان و شەڕی سارد و گەرمی زلهێزانی ناوچەکە و جیهان بە کەرستەی جیاواز و ئامرازی نوێ لە ئارادایە.

بەشـــداربوونی ئاستبەرزانەی هەرێمی کوردستان لە کۆڕبەندێکی وەها گرنگدا، دەلالەتی ئەوەیە، یەکەم: حکوومەتی کوردســـتان وەک هێـــز، وەک “سیاســـەت – ســـتراتیژ” وەک جوگرافیا، بە کاراکتەرێکی گرینگ لە هەر جووڵەیەکی سیاســـی و ئاسایشـــی ناوچەكەدا، حسابی لەسەر دەکرێت.

دووەم: هەرێمی کوردســـتانیش هەم لە داڕشـــتنەوەی سیاسەت و ســـتراتیژیەتی نوێـــدا، ڕۆڵی کارای دەبێت لە سەقامگیرســـی ناوچەکەدا، هەمیش لە پارێـــزگاری لە ئەمنیەتی قەومی خۆی، دەتوانێ باشتر هەنگاو بنێ و سیاسەتی سەربەخۆیانەی خۆی لە بۆتەی ڕووداوەکان و لە بەردەم تەحەدییەکاندا باشتر بەرجەستە بكات، لەو نێوەدا وەك لە گوتارەكەی كاك مەســـروردا هاتبوو، حكوومەتـــی كوردســـتان دەزانێ چـــۆن مامەڵەیەکـــی ژیرانە و هاوسەنگ لەگەڵ هەموو هێز و جەمسەرەکاندا بکات.

جـــاران ئەم جـــۆرە گردبوونەوانـــەی کەنـــداوی عەرەبی، وەک ناوەندێک بۆ پاراستنی ئەمنی قەومیی عەرەبی دەناسران، بەڵام ئێســـتا، ئەمنی قەومیی کوردیشـــی تێدا ڕەچاو دەکرێ، چونکە کورد خۆی بەشـــدارە لە داڕشـــتنەوەی سیاســـەت و ستراتیژی ئەمنیـــی ناوچەکە، خۆی تێیدا لە ســـەر ئەرزی واقیع دیفاکتۆ و کاراکتەرێکی بەهێز و چالاکە.

هەرێمی کوردســـتان خاوەنـــی ڕوئیا و ســـتراتیژێكی ڕوونە بۆ داهاتـــووی ناوچەکە، ئێســـتا بۆتە جێی متمانـــەی کۆمەڵگەی نێودەوڵەتی، خۆی یەکلا کردۆتەوە کە هیزێکی ئاشتیخوازە و لە هەمان کاتیشدا، دژی تیرۆرە و لە شەڕی تیرۆریشدا سەرکەوتوو بووە.

لە ناوخۆی هەرێمیشدا، دەمێكە لە پرۆڤەی دیموكراسی تێپەڕیوە و تاقیكارییەكەی ســـەربەرزانە تێپەڕاندووە.

ئێستا لە هەرێمی كوردســـتاندا نە هیچ خاوەنڕایەكی سیاســـیی جیاوازبیر لەسەر بیروباوەڕی جیاوازی سیاسی لە زیندانە و نە كەسیش لەبەردەم مەحكەمەدایـــە، كەوابوو بیروباوەڕی سیاســـی لە كوردســـتان لەوپـــەڕی ئازادیـــدا ڕێی پـــێ دراوە.

لە بابەت پرســـی ژنان و مافەكانی مرۆڤیشەوە بەگشتی، كوردستان نەك لە هەموو وڵاتانی دەوروبەری خۆی لەپێشـــترە، بگرە نموونەیەكی سەركەوتووە و بووەتە جێی ســـەرنجی وڵاتانی پێشـــكەوتووە. ئیتر بۆ پرسی پێكەوەژیانی ئیتنیـــك و ئایینزا جیاجیاكانیش ئەوە بۆچوونی بەرپرسان و میدیاكانی وڵاتانی ئەورووپی بەڵگەن. کۆڕبەندی مەنامە ســـەلماندی، کە ئاڵای کوردستان، ئەزموونی پاراستنی ئاسایشی کوردســـتان، دوو سیمبولی هێندە گرینگن کە تۆکمەترین سیستەمە ئەمنییەکانی ناوچەکە، پێویستە وانەی لێ وەرگرن.

مەســـرور بارزانیش مامۆســـتای ئەو ئەزموونەیە. بۆیـــە هەمووان بە تامەزۆرییەوە گوێـــی بۆ دەگرن و گوتەکانی دەنووسنەوە.

 




دوایین هەواڵەکان

دوو ملیار و ٢٠٠ ملیۆن دینار بۆ پارکى ھه‌وارى شار له‌ سلێمانى خه‌رج ده‌کرێت

SATURDAY, 27 NOVEMBER 2021 19:11:27

سلێمانی -KDP.info- له‌سه‌ر ڕاسپارده‌ى مه‌سرور بارزانى، سه‌رۆکى ئه‌نجومه‌نى وه‌زیران ڕه‌زامه‌ندى درا له‌سه‌ر خه‌رجکردنى گوژمه‌ى دوو ملیار و ٢٠٠ ملیۆن دینار به‌ مه‌به‌ستى جێبه‌جێکردنى پڕۆژه‌ى به‌ڕێوه‌بردن و چاکسازیى پارکى ھه‌وارى شار له‌ پارێزگاى سلێمانی، ئه‌و بڕه‌ پاره‌یه‌ش قۆناغ به‌ قۆناغ و به‌ شێوه‌ى نه‌ختینه‌ خه‌رج ده‌کرێت.

 

کارەکانی دروستکردنی شەقامی ١٥٠ مەتری بەخێرایی بەڕێوە دەچێت

SATURDAY, 27 NOVEMBER 2021 18:11:27

ھەولێر -KDP.info- سەرپەرشتیاری شەقامی ١٥٠ مەتریی ھەولێر گوتی، دروستکردنی شەقامی ١٥٠ مەتری زۆر بەخێرایی بەڕێوە دەچێت و ئێستا ٣٢%ی قۆناغی دووەم تەواو بووە و ئامادەکاری بۆ قۆناغی سێیەم دەکرێت کە دیزاینی تەواو بووە و تەنھا ماوە گرێبەست بکرێت و دەست پێ بکرێت.

 

سەرۆک بارزانی پێشوازی لە نوێنەری تایبەتی سکرتێری گشتی رێکخراوی نەتەوە یەکگرتووەکان لە عێراق دەکات

SATURDAY, 27 NOVEMBER 2021 16:11:17

ڕۆژی شەممە ٢٧ـی تشرینی دووەمی ٢٠٢١ لە سەلاحەددین سەرۆک مەسعود بارزانی پێشوازی لە جنین پلاسخارت نوێنەری تایبەتی سکرتێری گشتی رێکخراوی نەتەوە یەکگرتووەکان لە عێراق کرد.

 
د. محەمەد خورشید: لە کەرکووک کێشە بۆ جووتیارانی کورد دروست دەکرێت

SATURDAY, 27 NOVEMBER 2021 15:11:59

کەرکووک-KDP.info- حکوومەتی عێراق کێشە بۆ جووتیارانی کورد لە کەرکووک دروست دەکات و بەرپرسێکی پارتییش دەڵێت، پڕۆسەی تەعریب بەردەوامە و ھێشتا کار بە بڕیارەکانی دادگای بەناو شۆڕشی سەردەمی ڕژێمی لەناوچووی بەعس دەکەن.

 

'' گوهۆڕین د پۆستێن ئیداری دا بەردەوامن ''

SATURDAY, 27 NOVEMBER 2021 15:11:18

گوهۆڕینین د پۆستێن ئێدارێین پێکهاتەییان دا دبەردەوامن، ژوانان ژی پێکهاتەییا ئێزدییان ژ رێڤەبەر و ڕیڤەبەرێن گشتی و چەندین پۆست و پلەیێن دی.

 


 
© 2021 Kurdistan Democratic Party, KDP

Contact