Kurdî  ■  كوردی  ■  عربي
SUN, 28 NOV 2021 06:13 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئەمە ھەنگاوی یەکەمە و لیوای دیکەش دروست دەکرێن
| KDP.info


بەغدا-KDP.info- نوێنەری ھەردوو وەزارەتی پێشمەرگە و ناوخۆ لە فەرماندەیی ئۆپەراسیۆنی ھاوبەشی عێراق رایگەیاند، بڕیارە شەش لیوای ھاوبەش بۆ ناوچە کوردستانییەکان دروست بکرێن و لە یەکەم ھەنگاویشدا دوو لیوا دروست دەکرێن، کە ئێستا ناوەکانیان ئامادە کراوە و دەست بە مەشق و راھێنان دەکەن.

لیوا عەبدولخالق تەڵعەت، بۆ ماڵپەڕی فەرمیی پارتی دیموکراتی کوردستان گوتی، ناوەکانی دوو لیوای ھاوبەشی ھێزی پێشمەرگە و سوپای عێراق ئامادە کراون و دەست بە مەشق و راھێنان دەکەن بۆ ماوەی نزیکەی مانگێک و دواتر ئەو ھێزانە بەسەر ناوچە کوردستانییەکاندا دابەش دەکرێن، ھێزەکانیش کەمن و ئەمە تەنھا بۆ ھەنگاوی یەکەمە و پێویستی بە ھێزی زیاتر ھەیە، بەڵام جارێ ئەو دوو لیوایە دروست دەکرێن و دواتر لیواکانی دیکەش دروست دەکرێن.

نوێنەری ھەردوو وەزارەتی پێشمەرگە و ناوخۆ لە فەرماندەیی ئۆپەراسیۆنی ھاوبەشی عێراق گوتیشی، ئەو ناوچانە بە یەک ھێز بەرێوە ناچن و پێویستیان بە شەش لیوای ھاوبەش ھەیە، بۆیە ئەمە ھەنگاوی یەکەمە و لیوای دیکەش دروست دەکرێن، لەبەر ئەوەی دوای ١٦ی ئۆکتۆبەر ئاسان نییە و کاتی پێویستە تاوەکو ھێزی پێشمەرگە و سوپای عێراق یەک بگرنەوە و ئەو ناوچانە بپارێزن، بۆیە کاری بەردەوام دەکرێت تاوەکو شەش لیوا بۆ ئەو ناوچانە دروست دەکرێن.

تەڵعەت ڕوونیشی کردەوە، دۆخی ئەو ناوچانە ھیچ پێشوەچوونێکی بەخۆیەوە نەبینیوە و وەکو خۆیەتی و باش نییە، بۆیە ھێزی عێراقی لە ناوچەکانی خۆیان بەردەوام ئۆپەراسیۆن ئەنجام دەدەن و بۆ ناوچە کوردستانییەکانیش داوایان لە ھێزی پێشمەرگە کردووە و ھەر ئۆپەراسیۆنێک لە ناوچە کوردستانییەکاندا بکرێت، بە ھاوبەشی لە نێوان ھێزی پێشمەرگە و سوپای عێراقدا دەبێت.

 

بڵند ئیبراھیم 

 




دوایین هەواڵەکان

دوو ملیار و ٢٠٠ ملیۆن دینار بۆ پارکى ھه‌وارى شار له‌ سلێمانى خه‌رج ده‌کرێت

SATURDAY, 27 NOVEMBER 2021 19:11:27

سلێمانی -KDP.info- له‌سه‌ر ڕاسپارده‌ى مه‌سرور بارزانى، سه‌رۆکى ئه‌نجومه‌نى وه‌زیران ڕه‌زامه‌ندى درا له‌سه‌ر خه‌رجکردنى گوژمه‌ى دوو ملیار و ٢٠٠ ملیۆن دینار به‌ مه‌به‌ستى جێبه‌جێکردنى پڕۆژه‌ى به‌ڕێوه‌بردن و چاکسازیى پارکى ھه‌وارى شار له‌ پارێزگاى سلێمانی، ئه‌و بڕه‌ پاره‌یه‌ش قۆناغ به‌ قۆناغ و به‌ شێوه‌ى نه‌ختینه‌ خه‌رج ده‌کرێت.

 

کارەکانی دروستکردنی شەقامی ١٥٠ مەتری بەخێرایی بەڕێوە دەچێت

SATURDAY, 27 NOVEMBER 2021 18:11:27

ھەولێر -KDP.info- سەرپەرشتیاری شەقامی ١٥٠ مەتریی ھەولێر گوتی، دروستکردنی شەقامی ١٥٠ مەتری زۆر بەخێرایی بەڕێوە دەچێت و ئێستا ٣٢%ی قۆناغی دووەم تەواو بووە و ئامادەکاری بۆ قۆناغی سێیەم دەکرێت کە دیزاینی تەواو بووە و تەنھا ماوە گرێبەست بکرێت و دەست پێ بکرێت.

 

سەرۆک بارزانی پێشوازی لە نوێنەری تایبەتی سکرتێری گشتی رێکخراوی نەتەوە یەکگرتووەکان لە عێراق دەکات

SATURDAY, 27 NOVEMBER 2021 16:11:17

ڕۆژی شەممە ٢٧ـی تشرینی دووەمی ٢٠٢١ لە سەلاحەددین سەرۆک مەسعود بارزانی پێشوازی لە جنین پلاسخارت نوێنەری تایبەتی سکرتێری گشتی رێکخراوی نەتەوە یەکگرتووەکان لە عێراق کرد.

 
د. محەمەد خورشید: لە کەرکووک کێشە بۆ جووتیارانی کورد دروست دەکرێت

SATURDAY, 27 NOVEMBER 2021 15:11:59

کەرکووک-KDP.info- حکوومەتی عێراق کێشە بۆ جووتیارانی کورد لە کەرکووک دروست دەکات و بەرپرسێکی پارتییش دەڵێت، پڕۆسەی تەعریب بەردەوامە و ھێشتا کار بە بڕیارەکانی دادگای بەناو شۆڕشی سەردەمی ڕژێمی لەناوچووی بەعس دەکەن.

 

'' گوهۆڕین د پۆستێن ئیداری دا بەردەوامن ''

SATURDAY, 27 NOVEMBER 2021 15:11:18

گوهۆڕینین د پۆستێن ئێدارێین پێکهاتەییان دا دبەردەوامن، ژوانان ژی پێکهاتەییا ئێزدییان ژ رێڤەبەر و ڕیڤەبەرێن گشتی و چەندین پۆست و پلەیێن دی.

 


 
© 2021 Kurdistan Democratic Party, KDP

Contact