Kurdî  ■  كوردی  ■  عربي
SUN, 28 NOV 2021 05:08 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

كارزانی، خه‌مخوری و رژدی فاكته‌رێن سه‌ره‌كیێن حوكمرانیا سه‌ركه‌فتی
| KDP.info


په‌رله‌مانتار: ژیان طاهر زێوه‌ی

د هه‌لسه‌نگاندنا سه‌ركه‌فتن یان سه‌رنه‌كه‌فتنا حوكمرانێن هه‌ر ولاته‌كیدا هندە پیڤه‌ر هه‌نە کو ل گوره‌ی ده‌می و جهی و هەوجەییێن خه‌لكێ هه‌ر ولاته‌كی دهێنه‌ گهورین. گه‌له‌گ سه‌رۆكێن ولاتان و حوكمرانێن وان بووینه‌ پاله‌وان و جهێ شانازیا خه‌لكێ خو. بۆ میناک، ئابراهام لینكولنێ ئەمریکی د گه‌رمه‌گه‌رما به‌ندایه‌تی و نه‌دادپه‌روه‌ریێدا ل ئه‌مریكا، روله‌كێ مه‌زن د ئێكگرتنا ئه‌مریكا و نه‌هێلانا سیستمێ عه‌بدایه‌تیێدا گێرا. ئه‌و شیا ب كه‌ساتیا جیاوازا مرۆڤ دۆستانه‌یا خو كاریگه‌ریه‌كا ئه‌رێنی لسه‌ر خه‌لكێ ولاتێ خۆ بكه‌ت و هه‌تا نها ژی وه‌ك ئێك ژ مه‌زنترین پاله‌وانێن ئه‌مریكا دهێته‌ هژمارتن. لێ هند پیڤەر ژی، وەک كارزانی، خه‌مخوری و رژدیێ، هەنە کو د هەلسەنگاندنا سەرکەفتنا سەرکردە و حوکمراناندا د هەرتمی و د نەگوهورن. ئه‌و حوكمرانێ د كارێ خودا یێ ژێهاتی و شاره‌زا بیت و ب دلسووزی و ب رژدی هه‌ول و بزاڤان ژ بۆ خوشتركرنا ژیارا خه‌لكێ خو بده‌ت، بێگومان هه‌ر ده‌م دێ ژ لایێ ملله‌تیڤه‌ پشته‌ڤانی لێ هێته‌ كرن. ب تایبەت‌ ئه‌و سه‌ركردێن ل ده‌مێن قه‌یران و كریزێن ئابوری و سیاسیدا بشێن به‌رده‌وامیێ بده‌نه‌‌ ئه‌ركێ خۆ و ب باوه‌ریه‌كا موکوم بزاڤێ ژ بو چاره‌سه‌ركرنا پرسگرێكێن خه‌لكێ خو بكه‌ن.

حه‌فت سالن‌ خه‌لكێ هه‌رێما كوردستانێ تووشی كاودانێن تەنگاڤ بووینە. بڕینا مووچه‌ی و نه‌هنارتنا پشكا بودجێ هه‌رێمێ ژ لایێ به‌غداڤه‌، شه‌رێ دڕنده‌ترین هێزا تیروریستی ل دەڤه‌رێ، حەواندنا پتر ژ یەک ملیون خه‌لكێ ئاواره‌، داكه‌تنا بهایێ پترولێ، به‌لاڤبوونا پەتایا كرونایێ، زێده‌باری هه‌ڤڕكی و ئاسته‌نگێن سیاسیێن ناڤخویی و ده‌ره‌كی، هەمی تێکدا بوونە هۆكار كو ژیارا خه‌لكێ هه‌رێمێ ب به‌راورد دگه‌ل سالێن به‌رێ گه‌له‌ك ب زەحمه‌تتر بکەڤیت. هه‌لبه‌ت برێڤه‌برنا ولاته‌كی دڤان كاودانێن دژواردا و رازیكرنا خه‌لكێ و راوستان و شه‌ركرن ل هەمبەر هه‌می ئاستەنگ و نه‌خوشیان پێتڤی ب كه‌ساتیه‌كێ كارزان، خه‌مخور و رژد د بوارێ خزمه‌تكرن و رازیكرنا هاولاتیاندا هەیە. د هه‌ردوو كابینێن هه‌شتێ و نه‌هێدا سه‌روكێن حكومه‌تێ سه‌لماندیه‌ كو خه‌ما خه‌لكێ هه‌رێمێ خه‌ما وانه‌ و ئه‌گه‌ر ڤیان و دلسووزی بۆ خزمه‌تكرنێ هه‌بن، بێگومان دێ شیانێن خزمەتکرنێ ژی هه‌بن و چ ئاسته‌نگ نه‌شێن رێگریێ ل كارێ وان بكه‌ن. به‌رنامێ كارێ حكوومه‌تا هه‌رێمێ د ڤێ كابینێدا چاكسازی، دانانا به‌رێ بنیاته‌كێ بهێز بۆ ئابوورێ هه‌رێمێ و هه‌ولدان ژ بۆ ده‌ربازبوون ژ كریزێن ئابووری و ته‌ندروستی و ڤه‌زڤراندنا دادپه‌روه‌ریا جڤاکی بوو. جهێ كه‌یفخوشیێ یه‌ كو سه‌روكێ حكوومه‌تێ دسەر هه‌می ئاسته‌نگێن ناڤخوویی و ده‌ره‌كی و قه‌یرانێن ئابووری، ته‌ندروستی و سیاسیرا، د ماوێ كێمتر ژ سێ سالاندا شیایە خزمه‌تەکا به‌رچاڤ پێشكێشی خه‌لكێ هه‌رێمێ بكه‌ت. جا ژ جێبه‌جێكرنا یاسایا چاكسازیێ ب كریار بگرە، هەتا دانانا به‌رێ بنیاتێ مه‌زنترین پروژێن پیشه‌سازی و گه‌شتیاری ل سەرانسەری هەرێما کوردستانێ و نویژه‌نكرن و چێكرنا رێكێن سه‌ره‌كی و ناڤخوویی و گرنگیدان ب كه‌رتێ ته‌ندروستی و ب ده‌هان كار و چالاكیێن دی. ل ده‌مێ پەتایا كرونایێ سەرهلدای، مە دیت چاوا حكوومه‌تا هه‌رێمێ دەم ل دەست رێكارێن تەندروستی ژ بو پاراستنا گیانێ خه‌لكێ هه‌رێمێ گرتنه‌به‌ر و نەخوشخانەیێن تایبەت بۆ نەخوشێن کرونایێ ڤەکرن و ڤاكسه‌ن ژ بۆ رێگرتن ل زێدەتر بەلاڤبوونا ڤێ نەخوشیا جیهانی دابینکرن. مروڤ دشێت ببێژیت حكوومه‌تا هه‌رێمێ ب به‌راورد دگه‌ل پتریا ولاتێن جیهانێ د بزاڤا پاراستنا گیانێ خه‌لكێ خودا پێشه‌نگ بوویه‌.

دسەر ڤان کار و خزمەتانرا، برێز سه‌روكێ حكومه‌تێ چ جارا خو ژ گلی و گازندێن خه‌لكێ خو نەدایە پاش و هەردەم خو لێ کریە خودان. ئاماده‌بوونا جه‌نابێ وی دناڤ خه‌لكێ وان تاخێن هه‌ولێرێ ئەوێن کەتینە بەر له‌هیێ و تووشی زیانێن ماددی بووین ڤێ راستیێ دووپات دكه‌ت كو ئه‌و د فێرگه‌ها راسته‌قینه‌یا كوردپه‌روه‌ری و ولاتپارێزی و مروڤدۆستیێدا په‌روه‌رده‌ بووینه‌. ئانکو بۆ گەل و ولاتی نە ئاغا و نە كویخا،‌ به‌لكو كارزان و خه‌مخور و دلسوزن و خزمه‌تكار و خوشتڤیێن راسته‌قینه‌یێن خه‌لكێ خونه‌. 

 




دوایین هەواڵەکان

دوو ملیار و ٢٠٠ ملیۆن دینار بۆ پارکى ھه‌وارى شار له‌ سلێمانى خه‌رج ده‌کرێت

SATURDAY, 27 NOVEMBER 2021 19:11:27

سلێمانی -KDP.info- له‌سه‌ر ڕاسپارده‌ى مه‌سرور بارزانى، سه‌رۆکى ئه‌نجومه‌نى وه‌زیران ڕه‌زامه‌ندى درا له‌سه‌ر خه‌رجکردنى گوژمه‌ى دوو ملیار و ٢٠٠ ملیۆن دینار به‌ مه‌به‌ستى جێبه‌جێکردنى پڕۆژه‌ى به‌ڕێوه‌بردن و چاکسازیى پارکى ھه‌وارى شار له‌ پارێزگاى سلێمانی، ئه‌و بڕه‌ پاره‌یه‌ش قۆناغ به‌ قۆناغ و به‌ شێوه‌ى نه‌ختینه‌ خه‌رج ده‌کرێت.

 

کارەکانی دروستکردنی شەقامی ١٥٠ مەتری بەخێرایی بەڕێوە دەچێت

SATURDAY, 27 NOVEMBER 2021 18:11:27

ھەولێر -KDP.info- سەرپەرشتیاری شەقامی ١٥٠ مەتریی ھەولێر گوتی، دروستکردنی شەقامی ١٥٠ مەتری زۆر بەخێرایی بەڕێوە دەچێت و ئێستا ٣٢%ی قۆناغی دووەم تەواو بووە و ئامادەکاری بۆ قۆناغی سێیەم دەکرێت کە دیزاینی تەواو بووە و تەنھا ماوە گرێبەست بکرێت و دەست پێ بکرێت.

 

سەرۆک بارزانی پێشوازی لە نوێنەری تایبەتی سکرتێری گشتی رێکخراوی نەتەوە یەکگرتووەکان لە عێراق دەکات

SATURDAY, 27 NOVEMBER 2021 16:11:17

ڕۆژی شەممە ٢٧ـی تشرینی دووەمی ٢٠٢١ لە سەلاحەددین سەرۆک مەسعود بارزانی پێشوازی لە جنین پلاسخارت نوێنەری تایبەتی سکرتێری گشتی رێکخراوی نەتەوە یەکگرتووەکان لە عێراق کرد.

 
د. محەمەد خورشید: لە کەرکووک کێشە بۆ جووتیارانی کورد دروست دەکرێت

SATURDAY, 27 NOVEMBER 2021 15:11:59

کەرکووک-KDP.info- حکوومەتی عێراق کێشە بۆ جووتیارانی کورد لە کەرکووک دروست دەکات و بەرپرسێکی پارتییش دەڵێت، پڕۆسەی تەعریب بەردەوامە و ھێشتا کار بە بڕیارەکانی دادگای بەناو شۆڕشی سەردەمی ڕژێمی لەناوچووی بەعس دەکەن.

 

'' گوهۆڕین د پۆستێن ئیداری دا بەردەوامن ''

SATURDAY, 27 NOVEMBER 2021 15:11:18

گوهۆڕینین د پۆستێن ئێدارێین پێکهاتەییان دا دبەردەوامن، ژوانان ژی پێکهاتەییا ئێزدییان ژ رێڤەبەر و ڕیڤەبەرێن گشتی و چەندین پۆست و پلەیێن دی.

 


 
© 2021 Kurdistan Democratic Party, KDP

Contact