Kurdî  ■  كوردی  ■  عربي
THU, 21 OCT 2021 14:24 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

كۆمسیۆنى باڵای هه‌ڵبژاردنه‌كانى عێراق بۆ KDP: ئه‌نجامى كۆتایى ڕاگه‌یاندن ئاشكرا ده‌كات
| KDP.info


بەغدا-KDP.info- گوته‌بێژى كۆمسیۆنی باڵای سەربەخۆی هەڵبژاردنەكانی عێراق، دەڵێ، دواى یه‌كلایكردنه‌وه‌ى ته‌واوى سكاڵا و ئەو گله‌ییانەی ئاڕاسته‌ى كۆمسیۆنى باڵاى سه‌ربه‌خۆى هه‌ڵبژاردنه‌كانى عێراق كراون،‌ ئه‌نجامى كۆتایى دێته‌ ڕاگه‌یاندن.

جومانه‌ غه‌لاى، تایبەت بۆ ماڵپەڕی فەرمیی پارتی دیموكراتی كوردستان ڕایگەیاند: "دواى یه‌كلایكردنه‌وه‌ى ته‌واوى سكاڵا و ئەو گله‌ییانەی ئاڕاسته‌ى كۆمسیۆنى باڵاى سه‌ربه‌خۆى هه‌ڵبژاردنه‌كانى عێراق كراون،‌ ئه‌نجامى كۆتایى دێته‌ ڕاگه‌یاندن، كه‌ ئه‌و سكاڵایانه‌ش بۆ ماوه‌ى سێ رۆژ ده‌توانرێ پێشكه‌ش بكرێت له‌ نووسینگه‌ى هه‌رێمى كوردستان و، هه‌ر نووسینگه‌یه‌كى دیکەى كۆمسیۆن له‌ پارێزگاكانى عێراق، یا له‌ فه‌رمانگه‌ى حیزبه ‌سیاسییه‌كان كه‌ لیژنه‌یه‌ك پێكهێنراوه‌ له‌ شاره‌زایانى یاسایى هه‌ڵبژاردن و، تێیدا سكاڵا و گله‌یى وه‌رده‌گرن له‌ كاندیده‌كان."

غه‌لاى، گوتیشى:" له‌ باره‌ى ئه‌نجامه‌كان، كاتێكى تایبه‌ت دیارى نه‌كراوه‌ بۆ راگه‌یاندنى ئه‌نجامى كۆتایى".

گوته‌بێژى كۆمسیۆنی باڵای سەربەخۆی هەڵبژاردنەكانی عێراق، ئەوەشی گوت: "دواى حه‌وت رۆژ له‌ وه‌رگرتنى سكاڵاكان له‌لایه‌ن ئه‌نجوومه‌نى دادوه‌رى كۆمسیۆن سكاڵاكان یه‌كلاده‌كرێنه‌وه‌ و وه‌ڵام ده‌درێته‌وه،‌ دواتریش بۆ ماوه‌ى 10 رۆژ ده‌توانرێت تانه‌ له‌ ئه‌نجامى سكاڵاكان بده‌ن".

له‌باره‌ى هه‌نگاوه‌كانى دواى راگه‌یاندنى ئه‌نجامى كۆتایى هه‌ڵبژاردن، جومانه‌ غه‌لاى، ئاماژەیدا بە "ئه‌نجامى كۆتایى هه‌ڵبژاردن دێته‌ ڕاگه‌یاندن و، دواتر له‌لایه‌ن دادگاى فیدڕاڵى دێته‌ په‌سه‌ند كردن، ئینجا په‌رله‌مان و حكوومه‌ت پێكدێت، وە‌ كۆمسیۆن لایه‌ن نییه‌ له‌و هه‌نگاوه، چونكه‌ دواى په‌سه‌ندكردنى ئه‌نجامه‌كان له‌لایه‌ن دادگاى فیدڕاڵى، كاره‌كان كۆتایى دێت‌".‌

سه‌باره‌ت به‌ ژماره‌ى سكاڵاكانیش كه‌ پێشكه‌ش به‌ كۆمسیۆن كراون،‌ جومانه‌ غه‌لاى گوتى: "دادوه‌ر جه‌لیل عه‌دنان خه‌له‌ف، سه‌رۆكى ئه‌نجوومه‌نى كۆمسیارانى كۆمسیۆنى باڵاى سه‌ربه‌خۆى هه‌ڵبژاردنه‌كان، رایگه‌یاند كه‌ نزیكه‌ى 120 سكاڵا پێشكه‌ش به‌ كۆمسیۆن كراون،‌ ئەویش له ‌رێگاى ته‌واوى ئۆفیسه‌كانى كۆمسیۆن لە‌ ته‌واوى پارێزگاكان و، به ‌فه‌ر‌مانى وه‌زارى دادوه‌ر جه‌لیل عه‌دنان كه‌ پله‌ى وه‌زیرى هه‌یه،‌ لیژنه‌ پێكهێنراوه‌ به ‌سه‌رۆكایه‌تى خۆى و، ژماره‌یه‌ك لیژنه‌ى دیکە، كه‌ له‌ سكاڵاكان ده‌ڕوانێت و سكاڵاكان له‌ ئاستى جیاواز دابه‌ش ده‌كه‌ن، ئایا‌ سكاڵاى سووره،‌ یا زه‌رد، یان سەوز"‌.

له‌ لێدوانه‌كه‌ى جومانه‌ غه‌لام باسى له‌ جۆرى سكاڵاكانیش كرد و گوتى:"سكاڵاى زه‌رد، ئه‌و سكاڵایه‌یه‌ كه‌ له‌ رێگاى فۆرمى تایبه‌ت پێشكه‌ش كراوه‌ و، له‌ ته‌واوى بنكه‌كانى ده‌نگدان هه‌بوون، هه‌روه‌ها سكاڵاى جۆرى سەوز، ئه‌وه‌یه‌ كه‌ به‌ڵگه‌ى هه‌یه‌ و پێشكه‌ش كراوه،‌ ئه‌وه‌ش پێویستى به‌ لێكۆڵینه‌وه‌ هه‌یه‌، بۆ جۆرى سكاڵاى سووریش، ئه‌وه‌یه‌ كه‌ ته‌زویر كرابێت، بۆ ئه‌مه‌ش هیچ سكاڵایه‌كمان به ‌ده‌ست نه‌گه‌یشتووه."

رۆژى 10-10-2021 هه‌ڵبژاردنى گشتى پێشوه‌خته‌ى ئه‌نجوومه‌نى نوێنه‌رانى عێراق به‌ به‌شدارى 41%  ده‌نگده‌ران، بەڕێوەچوو.

 

نەشوان بەرزنجی




دوایین هەواڵەکان

سەرۆک بارزانی پێشوازی لە باڵیۆزی بەریتانیا لە عێراق دەکات

THURSDAY, 21 OCTOBER 2021 14:10:32

هەولێر-KDP.info- ئەمڕۆ پێنجشەممە ٢١ـی تشرینی یەکەمی ٢٠٢١ لە سەلاحەددین سەرۆک مەسعود بارزانی پێشوازی لە مارک بریسۆن ڕیچاردسۆن، باڵیۆزی بریتانیا لە عێراق و شاندێکی یاوەری کرد.

 
مەسرور بارزانی ڕەزامەندی لە خەرجکردنی 400 ملیۆن دینار بۆ کەرتی تەندروستی دەڤەری راپەڕین دەدات

THURSDAY, 21 OCTOBER 2021 14:10:27

بەهۆی زیادبوونی ژمارەی تووشبووان بە ڤایرۆسی کۆرۆنا لە دەڤەری راپەڕین، مەسرور بارزانی سەرۆکی حکـومەتی هەرێمی کوردستان ئەمڕۆ پێنجشەممە 21ی ئۆکتۆبەری 2021 ڕەزامەندی لەسەر خەرجکرنی بڕی 400 ملیۆن دینار دا وەک هاوکاری بەپەلە بۆ کەرتی تەندروستی دەڤەری ڕاپەرین.

 
سەرۆکی حکومەتی هەرێمی کوردستان پێشوازی لە باڵیۆزی بەریتانیا لە عێراق دەکات

THURSDAY, 21 OCTOBER 2021 14:10:47

ئەمڕۆ پێنجشەممە 21ی ئۆکتۆبەری 2021 ، مەسرور بارزانی سەرۆکی حکومەتی هەرێمی کوردستان، پێشوازی لە مارک برایسن ریچاردسن باڵیۆزی بەریتانیا لە عێراق کرد.

 
سەرەتای ساڵی داھاتوو شوققەكانی سۆران دابەش دەكرێن

THURSDAY, 21 OCTOBER 2021 13:10:21

سۆران-KDP.info-پڕۆژەی شوققەكانی "بادلیان" لە سنووری قەزای سۆران لە قۆناغی كۆتاییدان و سەرپەرشتیاری ئیدارەی سۆرانیش دەڵێ، كۆتایی ئەمساڵ پڕۆژەكە تەواو دەبێت و لە سەرەتای ساڵی داھاتوودا شوققەكانی سۆران بەسەر ھاووڵاتیاندا دابەش دەكرێن.

 

ب ئاماده‌بوونا جێگرێ پارێزگارێ دهۆكێ رێورەسمێن گوهۆڕینا رێڤه‌به‌رێ ئاڤا ژێر زه‌ڤى ل دهۆكێ هاتنه‌ گێران

THURSDAY, 21 OCTOBER 2021 11:10:56

دهۆك-KDP.info- دچارچوڤێ وان گوهورینێن به‌رده‌وام یێن دناڤ دام و ده‌زگه‌هێن میرى دا دهێنه‌ ئه‌نجامدان ئه‌ڤرو سپێدێ 21-10-2021 ب ئاماده‌بونا (شمعون شلیمون) جێگرێ پارێزگارێ دهۆكێ رێ ورسمێن گوهورینا رێڤه‌به‌رێ ئاڤا ژێر زه‌ڤى ل دهۆكێ هاتنه‌ گێران و ئه‌ندازیارێ جیولوجى (عبدالمجید عبدالله) رێڤه‌به‌رێ نوو یێ رێڤه‌به‌ریا ئاڤا ژێر زه‌ڤى ل پارێزگه‌ها دهۆكێ ل شوونا به‌رێز  (ناجى ابراهیم حه‌یده‌ر) رێڤه‌به‌رێ به‌رێ ب وه‌كاله‌ت هاته‌ دانان.



 
© 2021 Kurdistan Democratic Party, KDP

Contact