Kurdî  ■  كوردی  ■  عربي
THU, 21 OCT 2021 14:05 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

گوتاری پارتی دیموکراتی کوردستان لە هەڵمەتی هەڵبژاردندا..
| KDP.info


لە ڕوانگەی شرۆڤەی سیمۆلۆگی و ڕەخنەی نۆرمان فێرکڵاف دا:

گوتاری پارتی دیموکراتی کوردستان لە هەڵمەتی هەڵبژاردندا.. 

جەماوەری و سەنگینی یە، بوێری و راشکاوی یە، گەشبینی وئایندیی یە.

د.محمد خدرمولود 

لە مێژە پسپۆران و مامۆستا و ناوەندەکانی توێژینەوەی ئەکادیمی بواری میدیا و کاری سیاسیی پۆلێنی قسە و گفت و لفت و وتار و گوتاردان و دیدار و چاوپێکەوتن و دیمانەی میدیایی و بەیاننامە و وتەی وتەبێژانی سیاسیی و مەکتەبەکانی سیاسیی و نووسینگەی رۆژنامەوانی بەرپرسانی باڵای حکوومی و سیاسیی و دەوڵەتان و وڵاتان و نەتەوەکانی دونیایان کردۆتە میتۆد و شێوە و شێوازەکانی ئەکادیمیایی نووسین و توێژینەوەی بە هەموو جۆرێکی مەحکەم بێ.

ئەو بابەتانە هەموویان دەچنە نێو خانەی گەیاندنی پەیام  کە لە بۆنەی تایبەتی و بابەتی گرنگی رۆژ و رووداوی سیاسیی و حکوومەتی و لە کەمپین و هەڵمەتی جۆراوجۆردا بۆ بانگەشە کردن بەرپرسان و گوتاربێژان دێنە بەردەم جەماوەر و پەیامەکە دەگەیێنن.

هەروا ئەم بابەتە، بابەتێکی گرنگی توێژینەوەی ناوەندە ئەکادیمی و میدیایی و خوێندنی باڵای قوتابیانی بواری میدیا و پەیوەندی و دبلۆماسیی و سیاسەت و ئیتیک و ئەتەکێتی گوتار و پەیڤینی سەرۆک و بەرپرسانە. بە سەدەها توێژینەوەی ئەکادیمی و نامەی دکتۆرا و کتێبی جۆراو جۆری لەسەر چاپکراوە و چاپدەکرێ و بەردەوامیش لەژێر میتۆدی تازە شرۆڤە و لێکۆڵینەوەی لەسەر دەکرێ.

لەم باوەرەوە دەیان بیرمەند و فەیلەسووف و زمانزان ودەروونزان و کۆمەلناسی ناوداری جیهان شرۆڤەی گوتاریان هەر لە برگەی یەکەمی قسەکردنی وتاربێژەوە کردووە تا کۆتایی و دوادێڕی نووسینەکە و (وتار- گوتار)ەکەیان خستۆتە بەر شرۆڤە و لێکۆڵینەوە تا لە دەرئەنجامدا مەبەستی شاراوە یا نەگوتراوی گوتاربێژ شرۆڤە بکرێ و ئامانجی سەرەکی لە گوتن بخرێتە ڕوو. 

بە کورتی بۆ ئان و ساتی ئێستا ئەم وتارەی ئێرە بە باگڕاوندی رۆشنبیری و زانیاری تەواوی شرۆڤەکردنی ئەکادیمییەوە سوودمەند، بە رێباز و میتۆدەکانە هەر لە (میتۆدی دی سی سۆری زمانزانەوە بۆ تۆدۆرف و لیف شتراوس و میشێڵ فۆکۆ و رۆلان بارت و نۆرمان فێرکڵافەوە) تا قوتابخانەکانی (شرۆڤەی زمان و گوتاری میدیایی)، گوتاردانی بانگەشەی ئێستای پارتەکانی کوردستانی بە تایبەتیش پارتی دیموکراتی کوردستان و لایەنە رکابەرەکانی پرۆسەی رۆژانەی بانگەشە و کەمپینی ناساندنی بەربژێرەکان  خراوەتە ژێر تیشکی ئەم شرۆڤە وتارەی ئێرە.

خوێندنەوەمان بۆ گوتارەکان (گوتاری پارتی دیموکراتی کوردستان و لایەنە سیاسییەکان) لەسەر بنەمای دەقی گوتاری گوتاربێژانە لە ئان و ساتی پێشکەشکردنی وتار -  پەیامەکەیاندا، بەرامبەر وەرگر- جەماوەر- خەڵکی ئامادەبووە.

ئەو جۆرە خوێندنەوەیە پشت بەراستەخۆیی گوتاری گوتاربێژ دەبەستێ و شرۆڤەی  میتۆدی (النزیاحات اللغویە – لادانی زمانەوانی) و (زلە اللسان – زمانخزین یا لە زمان دەرچوون) دەکات کە لە حاڵەتی یەکەمدا گوتاربێژ هەستی پێ بکا و هەست پێ نەکات، حاڵەتێکی مەبەستدارە، ئامانجدارە، ویستراوە، مەقسوودە، بەڵام حاڵەتی دووەم، حاڵەتی زمانخزین - خۆنەویستە، ئامانجدار و مەقسوود نییە هەندێ جار لە ئەنجامی نزیکی وشە و پییتەکان خزینی گوتن دروست دەبێ.

شرۆڤەکاری ئەکادیمی و بینەر و بیسەری وشیار و زیرەک لە فیچەری سەر و سیما و ئاماژە و جولە جەستەییەکانی گوتاربێژەکە حاڵەتەکانی حەقیقیی - راستەقینەیی و ناحەقیقی – شاراوەی مەبەستداری بۆ روون دەبێتەوە.

بە واتایەکی دی حاڵەتە نەبینراوەکەی نێو ناخی گوتاربێژ - قسە نەگوتراوە شاراوە  نادیارەکە لە سیما و جولەی جەستە و چۆنیەتی گۆکردن - تەلەفوزی گوتاربێژ لای وەرگری وریا و ژیر شاراوەو نادیار نییە و دەکەوێتە بەر ئەو هەموو رێباز و میتۆد و قوتابخانانە شرۆڤەییانەی پێشتر ئاماژەمان پێداون.

لە سۆنگەی ئەم بۆ چوونەوە، ئەم وتارەی ئێرە چاودێری زۆربەی هەرەزۆری گوتارەکانی بانگەشەی ئەم چەند رۆژەی کەمپینی پارت و لایەنە سیاسییەکانی کوردستانی کردووە و تەنانەت بە هی لایە بەربژێرە سەربەخۆکانیش و سەرنجی گەورەو ڕووماڵی ووردیش خراوەتە سەر تەواوی وتارە گرنگ و جەماوەرییەکانی پارتی دیموکراتی کوردستان و یەکێتی نیشتیمانی کوردستان بە پلە یەک و پارت و لایەنەکانی دیکە بە پلە دوو.

دواجار تایبەتمەندیەتی و پوختەی وتارەکەمان چڕ دەبێتەوە لە خوێندنەوەی وتار و دیداری جەماوەی و گوتارەکانی بانگەشەی هەڵبژاردن و کاندیدکردنی بەربژێران لە نێو گوتارەکان  بۆ پەرلەمانی عێراق لە بەغدا، بە تەواوی گوتارەکانی لایەنەکان لەوەدا گوتارەکانی پارتی دیموکراتی کوردستان کە مەبەستی ئەم نووسینەمانە لەم ڕوانگەیەدا (شرۆڤەی سیمۆلۆگی و ڕەخنەی نۆرمان فێرکڵاف) پراکتیزەکراوەو خراوەتە بەر تیشک و لەم دوو خاڵە دا چڕکراوەتەوە:

یەکەم: دروستکردنی بەرچاوڕوونی بۆ جەماوەر و خستنەڕووی نەخشەڕێگای دەنگدان و چۆنیەتی چوونە سەر سندوقی دەنگدان و دیاریکردنی ئاراستە و شوێنی کاری بەربژێرانی دەرچوو کە بۆ پەرلەمانی عێراق و بەغدایە، نەک هەولێر و کوردستان. هەڵبەتە ئەم دیارکردنەی ئاراستە و شوێنی کاری پەرلەمانتاران، جۆر و شێوازی گوتن و جولە و ئامانجی گوتن و ئاراستەیان جیاواز و مەبەستدارە.

گوتارەکانی پارتی لەم روانگەیەوە ئامانجیان بە تەواوەتی پێکا، چونکە بە دونیابینیەوە  نەخشەڕێگایەکی دروستی خۆی هەبوو، ڕووی لە بەغدا بوو پشتی لە کوردستان و هەولێر.

لەم جۆرە دسپلینەی گوتارداندا گوتاربێژ بە دسپلین وب اوەڕی پتەو هێمنی و هێوری  هزرکردن و تێفکرینی ئاوریشمی کاریگەر جەماوەر ئامادە دەکات تا بەربژێرانیان بنێرنە بەغدا و شەڕ لەوێ بێ و تۆز لێرە، نەک شەڕ لە هەولێر و لە بەغداش لەسەر کاشی مەڕمەڕ تۆزبکا.

دووەم: لە خاڵی یەکەمدا، گەر هەر لادانێک هەبێ، یا هەر تێکەڵکردنێک هەبێ لە نێوان پەرلەمانتاربوون لە (بەغدا و هەولێر) لادان و تێکەڵکردنی مەبەستدارە، ئامانج لێی بە لاڕێ لادان و بە ئاراستە بردنێکە بۆ مەبەستێکی شاراوە و نەگوتراو هەڵبەتە ئەوەیان دەرچوون و لادانە لە بابەتیەت و پرەنسیپی بابەتی گوتار و لەڕووی زانستی بە خاڵی ئەرێنی – باشی هاندان لە قەڵەم نادرێ، بەڵکو دنەدان و جولاندنی کاتی سۆز و هەڵچوونە و دەچێتە نێو کەفوکوڵی قاوەی نێو فنجانی هەڵبژاردن. 

بەڵام لە بەرامبەردا پشکی شێری گوتاری خودان دسپلین و خودان نەخشەڕێگای قسەکردن و دوان و ئاراستەکردنی پەیام بۆ جەماوەر - وەرگر- ئامادەبوو، بەر   گوتارەکانی  پارتی دیموکراتی کوردستان  کەوتوون.

ئەم پرسە هەستیارەش کە سەرکەوتنێکی گرنگە بۆ سیاسەتی گوتارەکانی پارتی دیموکراتی کوردستان بۆ کۆمەڵێک هۆکاری گرنگ دەگەرێتەوە گرنگترینیان مێژوویی و پێگە و پایەی سیاسیی و ڕۆڵی کارا و کاریگەرێتی و ئەزموون و شارەزایی یە لە هونەرەکانی دبلۆماسی و پرەنسیپ و ئەتەکێت و داب و ئادابی پەیوەندییەکان و گرنگتریش ئایندەبینی پارتی یە، لەم هەڵمەتەی هەڵبژاردندا. گوتارەکانی پارتی دیموکراتی کوردستان هەموویان لە هەموو ناوچە و دەڤەرەکان گوتاری جەماوەریی سەنگینی یە، رەنگین و ڕووی لە تەواوی نەتەوەو پێکهاتەو ئاین و ئاینزاکانی کۆمەڵگای کوردستانە، هەموو تاک و کۆیەکی کۆمەڵگا رەنگین و پێکهاتە فوسەیفوسایە هونەرییە رەنگینەکە خۆی لە نێو گوتارەکاندا دەبینێتەوە.

سەرباری بوێری و ڕاشکاوی و خاڵ لەسەر پیت دان بۆ مەبەستە مەزنەکە، گوتاری پارتی دیموکراتی کوردستان ئایندەیی و گەشبینی و سەرفرازی لێ دەتکێ وەرگر- جەماوەر – بینەر، ئارخەیان و ئارام، ئاسوودە و دڵنیا بەرەو پیری دەچێ و لێی ناسڵەمێتەوە. ئەو جەماوەر، ئەوی خەڵکی گەلی کوردستانی مارانگەستە، لە گوتاری پارتی هەترەشی ناچێ و زراورێژ نابێ و لێی ناترسێ و لێی ڕاناکا، بەڵکو بە باوەڕو هێزی ئاوریشمی پۆڵاینی پارتی و سەرۆک و رابەر و سەرکردایەتییەکەی، بە دەنگ و رەنگ و شێوەو سیماو ناوەرۆک و جەوهەری خۆی دەزانێ وەک کاریزما و فریادرەسیی (موطن الابطال)وە، بە (جبل الاشم) پشت ئەستوورە بە کاندید و نوێنەری راستەقینە هەڵبژێردراوەکەی خۆی. 

هەولێر 5-10-2021 

 




دوایین هەواڵەکان

سەرەتای ساڵی داھاتوو شوققەكانی سۆران دابەش دەكرێن

THURSDAY, 21 OCTOBER 2021 13:10:21

سۆران-KDP.info-پڕۆژەی شوققەكانی "بادلیان" لە سنووری قەزای سۆران لە قۆناغی كۆتاییدان و سەرپەرشتیاری ئیدارەی سۆرانیش دەڵێ، كۆتایی ئەمساڵ پڕۆژەكە تەواو دەبێت و لە سەرەتای ساڵی داھاتوودا شوققەكانی سۆران بەسەر ھاووڵاتیاندا دابەش دەكرێن.

 

ب ئاماده‌بوونا جێگرێ پارێزگارێ دهۆكێ رێورەسمێن گوهۆڕینا رێڤه‌به‌رێ ئاڤا ژێر زه‌ڤى ل دهۆكێ هاتنه‌ گێران

THURSDAY, 21 OCTOBER 2021 11:10:56

دهۆك-KDP.info- دچارچوڤێ وان گوهورینێن به‌رده‌وام یێن دناڤ دام و ده‌زگه‌هێن میرى دا دهێنه‌ ئه‌نجامدان ئه‌ڤرو سپێدێ 21-10-2021 ب ئاماده‌بونا (شمعون شلیمون) جێگرێ پارێزگارێ دهۆكێ رێ ورسمێن گوهورینا رێڤه‌به‌رێ ئاڤا ژێر زه‌ڤى ل دهۆكێ هاتنه‌ گێران و ئه‌ندازیارێ جیولوجى (عبدالمجید عبدالله) رێڤه‌به‌رێ نوو یێ رێڤه‌به‌ریا ئاڤا ژێر زه‌ڤى ل پارێزگه‌ها دهۆكێ ل شوونا به‌رێز  (ناجى ابراهیم حه‌یده‌ر) رێڤه‌به‌رێ به‌رێ ب وه‌كاله‌ت هاته‌ دانان.

ڕۆڵى زانکۆ له‌ پەروەردەکردنی کادری تایبه‌تمه‌ندی بازاڕى کاردا

WEDNESDAY, 20 OCTOBER 2021 17:10:05

سلێمانی -KDP.info- پسپۆڕێکى زانسته‌ ئابوورییه‌کان له‌ زانکۆى سلێمانى ده‌ڵێت، زانکۆ وه‌ک ناوه‌ندێکى ئاکادیمى و مه‌عریفى ڕۆڵێکى گرنگ ده‌بینێت له‌ به‌رهه‌مهێنانى فکر و پێشکه‌شکردنى کادرى تایبەتمەندی بازاڕى کار، بۆیە پێویسته‌ له‌ نێوان پێداویستییه‌کانى بازاڕ و به‌شه‌ ئابوورییه‌کاندا جۆرێک هه‌ماهه‌نگى و په‌یوه‌ندى هه‌بێت، بۆ ئه‌وه‌ى سوود له‌ شاره‌زایى و تواناییی ده‌رچووان وه‌ربگیرێت، چونکه‌ کێشه‌ى به‌شێک له‌ ده‌رچووان، به‌ ئێستاشه‌وه‌، ئه‌وه‌ بووه‌ که‌ زۆر جار ئه‌وه‌ى قوتابى وه‌ریگرتووه‌، ناچێته‌ خزمه‌تى بازاڕ و کایه‌ ئابوورییه‌کانەوە، که‌ گرنگه‌ ئه‌مه‌ نه‌مێنێت.

 

 
"دیوه‌ شاراوه‌كانی داستانی پردێ"

WEDNESDAY, 20 OCTOBER 2021 17:10:30

هەولێر -KDP.info- ئەمڕۆ، چوارشەممە 20/10/2021، چوارەمین ساڵوەگەڕی داستانی مەزنی پردێیە كە دوای ئەوەی میلیشیاكانی حەشدی شەعبی كەركووكیان لە 16ی ئۆكتۆبەری 2017دا داگیر كرد، ویستیان بەرەو هەولێر پێشڕەوی بکەن، بەڵام بە فەرمانی سەرۆك بارزانی، هێزی پێشمەرگەی کوردستان لە پردێ ڕێگەی لە میلیشیاكان گرت و نەیانهێشت پێشڕەوی بكەن و داستانی مەزنی پردێیان تۆمار کرد.

 

مه‌سرور بارزانی: داواتان لێده‌كه‌م نیشتمانپه‌روه‌ر و ژیان دۆست و ژینگه‌ پارێز بن

WEDNESDAY, 20 OCTOBER 2021 16:10:39

كه‌مێك له‌مه‌وبه‌ر به‌ ئاماده‌بوونی مه‌سرور بارزانی، سه‌رۆكی حكومه‌تی هه‌رێمی كوردستان، مه‌راسیمی خه‌ڵاتكردنی قوتابییه‌ یه‌كه‌مه‌كان ده‌ستیپێكرد.

 


 
© 2021 Kurdistan Democratic Party, KDP

Contact