Kurdî  ■  كوردی  ■  عربي
SUN, 6 JUL 2025 02:13 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

شورشا ئیلونێ نیشا دا کو ئیراده‌ و باوه‌ریا مە هێزا مەنه
| KDP.info


پەرلەمانتار: ژیان طاهر زێوەی

د مێژوویا مروڤایه‌تیێدا، هه‌رده‌مێ بنه‌مایێن مروڤایه‌تیێ هاتینه‌ بنپێكرن و ژناڤبرن، و تالانكرن بوویه‌ كلتوورێ ده‌ستهه‌لاتداران، گەلێن بنده‌ستێن وان ب نه‌چاری هه‌وارا خو بریه‌ به‌ر شورش و سه‌رهلدانان و به‌رده‌وام ژ بۆ رزگاربوون ژ نه‌مانێ و پاراستنا كه‌ساتی و مافێن سروشتیێن خو كو زمان، كلتوور و خاكن‌، بزاڤ و سه‌رهلدان و شورش کرینە. سه‌ركه‌فتن و سه‌رنه‌كه‌فتنا شورشێن نه‌ته‌وێن ژێرده‌ست گرێدایی هێزا ئیرادا وان و چاوانیا رێبه‌رایه‌تیكرنا شورشان ژ لایێ سه‌ركێشێن شوڕشگێرانڤه‌ بوویه‌. گه‌لێ كوردستانێ ژی ئێك ژ وان نه‌ته‌وانه‌ یێن كو رزگاربوون و ده‌ركه‌فتن ژ تاریاتیا شه‌ڤا زولم و زۆرداریێ و ڤه‌دیتنا تیشكێن رۆژا ئازادیێ هه‌رده‌م خه‌ون و حه‌زه‌كا وان یا دێرین بوویه‌. لێ پێتڤی ب كه‌ساتیه‌كێ خودان كاریزما و نیشتماندوست و خونه‌ویست بوویه‌ كو ئه‌و بوێری‌ و باوه‌ریه‌ ل ده‌ف هه‌بیت و بشێت وی بارێ گرانێ خه‌ونا گه‌له‌كێ لێقه‌ومای بدانیته‌ سه‌ر ملێت خو و خو ل حه‌ز و ئارمانجێن وان بكه‌ته‌ خودان و سه‌ركێشیا وان بكه‌ت.

هه‌لكرنا چریسكا ئاگرێ شورشا ئیلونا مه‌زن ب رێبه‌ریا ژه‌نه‌رالێ چیا و هێمایێ به‌رخودان و بابێ روحیێ نه‌ته‌وا كورد بارزانیێ نه‌مر ژ بو گه‌لێ كوردستانێ ب هه‌می چین و توێژ و نه‌ته‌وێن خوڤه‌ ڤه‌ژیانه‌كا پر ژ هیڤی و ئومێد بوو. ڤیان و ئیرادا بده‌ستڤه‌ئینانا ئارمانجێ و باوه‌ریا موكوما گه‌لێ كوردستانێ ب سه‌ركردایه‌تیا حه‌كیمانه‌یا بارزانیێ نه‌مر دوو فاكته‌رێن سه‌ره‌كیێن درستبوونا هێزه‌كا پولایین بوون ل ده‌ف شورشگێران و هه‌ر ئه‌و هێزا باوه‌ریێ و ئیرادێ بوو كو به‌غدا نه‌چار كر هزرێ ل رێكه‌فتنا دگه‌ل سه‌ركردایه‌تیا كوردان بكه‌ت.

بڤێ هه‌لكه‌فتا پیرۆز سلاڤان بۆ گیانێ پاكێ ته‌ڤایا شه‌هیدێن رێیا ئازادیێ و سه‌ركاروانێ وان بارزانی نه‌مر و ئدریسێ هه‌رده‌م ساخ دهنێرین. سه‌رێ رێزو نه‌وازشێ بو وان پێشمه‌رگه‌ و خه‌باتكارێن دێرین د چه‌مینین یێن كو ب ئیراده‌ و هێزه‌كا ئاگرین به‌رده‌وام د چه‌په‌راندا بوون‌ و نها ژی ژ ئه‌نجامێ ماندیبوون و قوربانیدانا وان و هزاران لاو و خورتێن ولاتی ئه‌ڤ كیانه‌ کو هەرێما سەربلندا کوردستانێ یە، بده‌ست مه‌ڤه‌ هاتیە.

 




دوایین هەواڵەکان

ڕوونكردنەوەیەک لە وەزارەتی ناوخۆی حکوومەتی هەرێمی کوردستانەوە

SATURDAY, 05 JULY 2025 19:07:00

ھەولێر-KDP.info- وەزارەتی ناوخۆی حکوومەتی هەرێمی کوردستان ڕوونکردنەوەیەکی بڵاوکردەوە و ڕایگەیاند: ئەو چاوەڕوانییەی لە لایەنە پەیوەندیدارەكانی حكوومەتی فیدڕاڵ هەیە لەكاتی بوونی هەڕەشە لەسەر هەرێمی كوردستان یان هەر ناوچەیەكی تری عێراق، بە داخەوە هەست دەکەین جۆرێك لە پەردەپۆشكردن و خۆدزینەوە لە بەرپرسیارێتی هەیە بەرانبەر ئەو زێدەڕۆییە ئەمنییانەی كە لە دژی هەرێمی كوردستان دەکرێت.

سەرۆکی ھەرێمی کوردستان بەشداریی لە پرسەی موحسین ساڵح ئامێدی کرد

SATURDAY, 05 JULY 2025 19:07:19

ئامێدی-KDP.info- نێچیرڤان بارزانی، سەرۆکی ھەرێمی کوردستان، بەشداری لە پرسەی موحسین ئامێدی، تێکۆشەر و کەسایەتی ناسراوی بادینان کرد.

سەرۆك بارزانی پێشوازی لە ئەنجوومەنی پشتیوانیی پارێزگای هەڵەبجە دەكات

SATURDAY, 05 JULY 2025 18:07:18

ھەولێر-KDP.info- سەرۆک مەسعود بارزانی پێشوازی لە ئەندامانی ئەنجوومەنی پشتیوانیی پارێزگای ھەڵەبجە کرد و ڕایگەیاند، "بە شانازییەوە خۆم بە ئەندامی ئەنجوومەنی پشتیوانی پارێزگای ھەڵەبجە دەزانم".

زۆربەی كارەكانی تۆڕی ئاو لە زۆنی ڕێگەی كۆیە، كەركووك و مووسڵ تەواو بووە

SATURDAY, 05 JULY 2025 13:07:30

هه‌ولێر-KDP.info- ئەمڕۆ شەممە 5/7/2025 ساسان عەونی، وەزیری شارەوانی و گەشتوگوزار بۆ لە نزیكەوە ئاگاداربوون لە كارەكانی پڕۆژەی تۆڕی ئاوی هەولێر و بەستنەوەی بە پڕۆژەی فریاگوزاریی خێرای ئاوی هەولێر، پڕۆژەی تۆڕی ئاوی هەولێری لە زۆنی ڕێگەی كۆیە و كەركووك و مووسڵ و ڕەشكین و شەقامی زانكۆی بەسەركردەوە.

 

ئەکبەر حەیدەر: ئەو بڕیارە بۆ مەرامی سیاسی و بچووککردنەوەی خانەقینه‌

SATURDAY, 05 JULY 2025 12:07:45

خانەقین-KDP.info- بەرپرسی لقی ١٥ی پارتی دیموکراتی کوردستان لە خانەقین ڕایگەیاند، حکوومەتی عێراق بۆ مەرامی سیاسی و بچووکردنەوەی خانەقین، دەیەوێ قەرەته‌پە بکاتە قەزا و ھەردوو ناحیەی جەبارە و کۆکز بخاتە سەر ئەو قەزایە، کە ئەمەش بە ھیچ شێوەیەک لە بەرژەوەندیی کورددا نییە و پێویستە ڕێگری لێ بکرێت.

 


 
© 2023 Kurdistan Democratic Party, KDP

Contact