Kurdî  ■  كوردی  ■  عربي
SAT, 18 SEP 2021 01:13 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

په‌یامێك له‌ سه‌رۆكى هه‌رێمى كوردستانه‌وه‌
| KDP.info


هەولێر-KDP.info- ئه‌مڕۆ هه‌ینی 10/9/2021 نێچیرڤان بارزانى، سه‌رۆكى هه‌رێمى كوردستان په‌یامێكی له‌ باره‌ی بانگه‌شه‌ی هه‌ڵبژاردنه‌كانی عێراق بڵاوكرده‌وه‌ و رایگه‌یاند: داوا له‌ هه‌موو لایه‌ك ده‌كه‌م بانگه‌شه‌یه‌كى مه‌ده‌نیانه‌ى ئارام له‌ ئاستێكى به‌رزدا ئه‌نجام بده‌ن. نه‌بێته‌ هۆى بێزاركردنى هاووڵاتییان و له‌ هه‌موو پشێوى و یه‌كترشكاندن و ناوزڕاندنێك دوور بێت. به‌ هیچ شێوه‌یه‌ك له‌سه‌ر حیساب و له‌كه‌داركردنی كه‌سایه‌تیی كاندید‌، به‌ تایبه‌تی كاندیدى ئافره‌ت نه‌بێت..

ده‌قی په‌یامی سه‌رۆكی هه‌رێمی كوردستان:

كوردستانییانى خۆشه‌ویست،

هاووڵاتیانى ئازیز له‌ هه‌رێمى كوردستان و عیراق

له‌ كاتێكدا بانگه‌شه‌ى هه‌ڵبژاردنه‌كانى (10)ى ئۆكتۆبه‌رى داهاتوو له‌ عیراق و هه‌رێمى كوردستان به‌ڕێوه‌ ده‌چێت، داوا له‌ هه‌موو لایه‌ك ده‌كه‌م بانگه‌شه‌یه‌كى مه‌ده‌نیانه‌ى ئارام له‌ ئاستێكى به‌رزدا ئه‌نجام بده‌ن. نه‌بێته‌ هۆى بێزاركردنى هاووڵاتییان و له‌ هه‌موو پشێوى و یه‌كترشكاندن و ناوزڕاندنێك دوور بێت. به‌ هیچ شێوه‌یه‌ك له‌سه‌ر حیساب و له‌كه‌داركردنی كه‌سایه‌تیی كاندید‌، به‌تایبه‌تی كاندیدى ئافره‌ت نه‌بێت.

هه‌موو لایه‌ن و داموده‌زگا ئیداری و ئه‌منییه‌كان و میدیا و كۆمه‌ڵگای مه‌ده‌نی، هاوكار بن بۆ سه‌ركه‌وتنی پرۆسه‌ی به‌ڕێوه‌بردنی بانگه‌شه‌ى هه‌ڵبژاردن له‌ چوارچێوه‌ى یاسادا. به‌ ته‌واوى ئازاد بێت و ده‌رفه‌تی یه‌كسان و وه‌ك یه‌ك بۆ هه‌موو لایه‌ن و كاندیده‌كان فه‌راهه‌م بێت.

هه‌موو حزب و لایه‌نه‌ سیاسییه‌كان ده‌بێ ئه‌وه‌یان له‌ بیر بێت كه‌ دوای هه‌ڵبژاردن هه‌موومان ئامانجمان ئه‌وه‌یه‌ له‌ به‌غدا پێكه‌وه‌ كار بكه‌ین بۆ پته‌وكردنى دیموكراسى، به‌رژه‌وه‌ندییه‌كانی عێراق به‌گشتی و به‌ده‌ستهێنان و پاراستنی مافه‌ ده‌ستوورییه‌كانی هه‌رێمى كوردستان به‌تایبه‌تی. له‌ بانگه‌شه‌ى هه‌ڵبژاردندا ده‌بێ كارێكى وا نه‌كرێت هه‌ماهه‌نگی و هاریكارى و پێكه‌وه‌یى و كاری هاوبه‌شى داهاتوو له‌ به‌غدا سه‌ختتر بكات.

ده‌نگدان ماف و ئه‌رك و به‌رپرسیاریه‌تییه‌، ده‌بێ په‌یامى هه‌موومان ئه‌وه‌ بێت كه‌ هاووڵاتییان ئه‌و مافه‌یان به‌ كار بهێنن، ئه‌رك و به‌رپرسیاریه‌تى هه‌ڵبگرن و به‌ به‌شداریى كارایان له ده‌نگداندا، هه‌مووان پێكه‌وه‌ له‌ گۆڕانگارى و هه‌وڵه‌كانى بنیاتنانى داهاتوویه‌كى باشتردا به‌شدار بن. ئه‌م هه‌ڵبژاردنه‌ بۆ عیراقییه‌كان گرنگه‌، كۆمه‌ڵگه‌ى نێوده‌وڵه‌تیش به‌ بایه‌خه‌وه‌ لێى ده‌ڕوانێت، بۆیه‌ نه‌ته‌وه‌ یه‌كگرتووه‌كان و یه‌كێتیى ئه‌ورووپا تیمه‌كانیان ده‌نێرن و له‌ نزیكه‌وه‌ چاودێرى ده‌كه‌ن.

هیواى بانگه‌شه‌یه‌كى‌ سه‌ركه‌وتوو بۆ هه‌موو لایه‌ك و هه‌ڵبژاردنێكى پاك و بێگه‌رد ده‌خوازم كه‌ جێى متمانه‌ى هه‌مووان بێت.

 

نێچیرڤان بارزانى

سه‌رۆكى هه‌رێمى كوردستان

2021/9/10

 




دوایین هەواڵەکان

نێچیرڤان بارزانى: به‌ریتانیا ده‌یه‌وێت له‌ زۆر بواردا هاوكاریى هه‌رێمى كوردستان بكات

FRIDAY, 17 SEPTEMBER 2021 21:09:21

له‌نده‌ن-KDP.info- پاش دوا وێستگه‌ى سه‌ردانى بۆ له‌نده‌ن و به‌سه‌ركردنه‌وه‌ى ئه‌كادیمیاى شاهانه‌ى ساندهێرستى سه‌ربازیى به‌ریتانى، ئێواره‌ى ئه‌مڕۆ هه‌ینى 2021/9/17 به‌ڕێز نێچیرڤان بارزانى، سه‌رۆك هه‌رێمى كوردستان، له‌ لێدوانێكى ڕۆژنامه‌وانیدا گوتى:

نێچیرڤان بارزانى سه‌ردانى ئه‌كادیمیاى ساندهێرستى سه‌ربازى ده‌كات

FRIDAY, 17 SEPTEMBER 2021 20:09:32

له‌نده‌ن-KDP.info- له‌ دوا وێستگه‌ى سه‌ردانیدا بۆ له‌نده‌ن، ئێواره‌ى ئه‌مڕۆ هه‌ینى 2021/9/17 به‌ڕێز نێچیرڤان بارزانى، سه‌رۆكى هه‌رێمى كوردستان ئه‌كادیمیاى شاهانه‌ى ساندهێرستى سه‌ربازیى ناسراو له‌سه‌ر ئاستى جیهان به‌سه‌ركرده‌وه‌ كه‌ ژماره‌یه‌ك قوتابیى هه‌رێمى كوردستان و عیراق له‌ خوێندن و پێگه‌یاندن و خول و ڕاهێنانه‌كانیدا به‌شدارن و گه‌وره‌ترین ئه‌كادیماى سه‌ربازیى به‌ریتانییه‌.

سه‌رۆكى هه‌رێمى كوردستان له‌گه‌ڵ وه‌زیرى په‌روه‌رده‌ى به‌ریتانیا كۆبووه‌وه‌

FRIDAY, 17 SEPTEMBER 2021 18:09:31

له‌نده‌ن-KDP.info- پاشنیوه‌ڕۆى ئه‌مڕۆ هه‌ینى 2021/9/17 به‌ڕێز نێچیرڤان بارزانى، سه‌رۆكى هه‌رێمى كوردستان له‌ له‌نده‌ن له‌گه‌ڵ به‌ڕێز نه‌دیم زه‌هاوى، وه‌زیرى په‌روه‌رده‌ى به‌ریتانیا كۆبووه‌وه‌.

بۆچی گرنگە دەنگ بە پارتی بدەیت

FRIDAY, 17 SEPTEMBER 2021 17:09:54

بێستون مەسعوود ساڵەیی

نێچیرڤان بارزانى له‌گه‌ڵ بۆریس جۆنسۆن كۆبووه‌وه‌

FRIDAY, 17 SEPTEMBER 2021 16:09:46

له‌نده‌ن-KDP.info- پێشنیوه‌ڕۆى ئه‌مڕۆ هه‌ینى 2021/9/17 به‌ڕێز نێچیرڤان بارزانى، سه‌رۆكى هه‌رێمى كوردستان له‌ له‌نده‌ن به‌ گه‌رمى له‌لایه‌ن به‌ڕێز بۆریس جۆنسۆن سه‌رۆك وه‌زیرانى به‌ریتانیاوه‌ له‌ ئۆفیسى خۆى له‌ تێن داونینگ ستریت، پێشوازى لێكرا.



 
© 2021 Kurdistan Democratic Party, KDP

Contact