Kurdî  ■  كوردی  ■  عربي
MON, 26 JUL 2021 23:53 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

'' هەرێمی کوردستان پرسی پێکهاتەکانی بردە مینبەرەکانی جیهان''
| KDP.info


دهۆک –KDP.info- شارەزایان پێیان وایە هەنگاوەکانی بەجینۆسایدناساندنی کۆمەڵکوژیی کوردانی ئێزدی لەسەر ئاستی دنیا کاری لەسەر دەکرێت و حکوومەتی هەرێمی کوردستان پشتیوانییەکی گەورەیە بۆ پرسی بەجینۆسایدناساندن.

دلاوەر ئاژگەیی، بە ماڵپەڕی فەرمیی پارتی دیموکراتی کوردستانی گوت: ''هەر لە دەستپێکی کابینەی حکوومەتی هەرێمەوە بریار بوو لەسەر ئاستی نێودەوڵەتی کار لەسەر بەجینۆسایدناساندنی کۆمەڵکوژیی ئێزدییان بکرێت.''

گوتیشی: ''ددانپێدانانی پەرلەمانانی وڵاتانی ئەورووپایی بۆ بەجینۆسایدناساندنی کەیسی ئێزدییان دەبێتە هەنگاو و پشتیوانییەکی گەورە بۆ بەرقرارکردنی عەدالەت بۆ ئەم پێکهاتەیە."

بەپێی زانیارییەکانی ماڵپەڕی فەرمیی پارتی، زیاتر لە ١٨ بڕیار بۆ بەجینۆسایدناسان لەسەر ئاستی وەڵاتانی دنیا هەیە و چەندین پەرلەمانانی دنیاش ددانیان بەم جینۆسایدەدا ناوە.

کرمانج عوسمان، ڕاوێژکاری وەزارەتی داد بۆ پرسە نێودەوڵەتییەکان، دەڵێت: "هەرێمی کوردستان کارێکی گەورە دەکات بۆ پرسی بەجینۆسادناساندن و لە یەکەم ڕۆژی کۆمەڵکوژیی پێکهاتەکانەوە ئەو کارەی کردووە."

هەر دوێنێ سەرۆکی هەرێمی کوردستان پێشوازیی لە بڕیاری پەرلەمانی بەلجیکا کرد بۆ ناساندنی کۆمەڵکوژیی ئێزدییان وەکو جینۆساید.

نێچیرڤان بارزانی، سەرۆکی هەرێمی کوردستان لە تویتێکدا ڕایگەیاند: ناساندنی کۆمه‌ڵکوژیی ئێزدییان وه‌ک جینۆساید له‌ په‌رله‌مانی به‌لجیکا هه‌نگاوێکی گرنگه، پێشوازیی لێ ده‌که‌م.

سه‌رۆكی هه‌رێمی كوردستان ده‌شڵێت: هیوادارم ‌په‌رله‌مانی وڵاتانی د‌یکه‌ش هه‌نگاوی وا بنێن و ببێته‌ هانده‌رێک بۆ قه‌ره‌بووکردنه‌وه‌ و، گێڕانه‌وه‌ی مافی خوشک و برایانی ئێزدیمان و جێبه‌جێبوونی دادوه‌ری بۆ قوربانییان.''

کرمانج عوسمان بۆ ماڵپەڕی فەرمیی پارتی دیموکراتی کوردستان گوتی: ''حکوومەتی عێراق لەسەر پرسی پێکهاتەکان کەمتەرخەمە و دەبووایە ئەو وەک وەڵاتێک ئەو کارەی بکردایە."

دەشڵێت: "ئێستا هەنگاوی ددانپێدانانی بەجینۆسایدناساندنی کۆمەڵکوژیی ئێزدییان لە پەرلەمانانی دنیا هەنگاوێکی گرنگە و دەبێتە ڕێکخۆشکەر بۆ وەڵاتانی تریش کە ددان بەو جینۆسایدەدا بنێن."

کــاروان بــاعەدری




دوایین هەواڵەکان

روونکردنەوەیەک لە سوپاسالاری هێزی پێشمەرگەی کوردستان

MONDAY, 26 JULY 2021 21:07:49

هەولێر-KDP.info- له‌ روونكردنه‌وه‌یه‌كدا سوپاسالاری هێزی پێشمه‌رگه‌ی كوردستان رایگه‌یاند، ئێواره‌ی ئه‌مڕۆ له‌ نێوان خه‌لیفان و بێخمه‌ ژماره‌یه‌ك چه‌كداری په‌كه‌كه‌ ته‌قه‌یان له‌ بازگه‌یه‌كی پێشمه‌رگه‌ كردووه‌.

وەبەرھێنان لە کەرتی کشتوکاڵدا لە بەرزبوونەوەدایە

MONDAY, 26 JULY 2021 20:07:58

بریکارى وه‌زاره‌تى کشتوکاڵى هه‌رێم ده‌ڵێ، "به‌هۆى ئه‌و به‌رنامه‌یه‌یى که‌له‌ کابینه‌ى نۆیه‌مدا   بۆ بره‌ودان به‌که‌رتى کشتوکاڵ و بووژانه‌وه‌ى ژێرخانى ئابوورى  دانرا له‌ ئێستادا توانراوه‌ ئاستى وه‌به‌رهێنان له‌که‌رتى کشتوکاڵ بۆ ھەشت لەسەد به‌رز بکرێته‌وه‌، هه‌وڵەکان به‌ ئاڕاسته‌یه‌ک نراون که‌ له‌ چه‌ند ساڵى دابێ کوردستان ده‌بێته‌ سه‌به‌ته‌یه‌کى خۆراکى گرینگ بۆ ناوچه‌که‌ و ته‌نانه‌ت عێراقیش".

 
بە ژمارە؛ تورکمان و شەبەکەکان لەلایەن داعشەوە چەند زیانیان بەر کەوتووە؟

MONDAY, 26 JULY 2021 16:07:53

مووسڵ-KDP.info-  کاتێك ڕێکخراوی داعش لە سووریا و عێراق سەری هەڵدا، بەهۆی ئایینی جیاوازەوە یەکەم ئامانجیان ئەوە بوو کە پێکهاتە ئایینی و ئیتنیکییەکان نەهێڵن، ئەوان پێیان وابوو ئەم ئایینانە ڕێگای خوداناسینیان هەڵەیە.

 

سەربەست مستەفا: كۆمسیۆن ھەموو ئامادەكارییەكی بۆ ھەڵبژاردنەكان كردووە... بە دوو رێگا دەتواندرێت دوابخرێت

MONDAY, 26 JULY 2021 14:07:15

ھەولێر-KDP.info- سەرۆكی پێشووی كۆمسیۆنی باڵای سەربەخۆی ھەڵبژاردنەكانی عێراق گوتی، كۆمسیۆن ھەموو ئامادەكارییەكی بۆ ھەڵبژاردنەكان كردووە و كشانەوەی ھەندێك لایەنیش كاریگەریی نابێت. دەشڵێ، دواخستنی ھەڵبژاردنەكان بە دوو رێگا دەبێت، ئەویش كۆمسیۆن بڕیار بدات یانیش بە بڕیارێكی سیاسی دوابخرێت، ئەگەرنا دواخستنی هەڵبژاردن، مومكین نییە.

بڕیاری دامەزراندنی دادگایەك بۆ دادگاییكردنی تیرۆریستانی داعش دراوە

MONDAY, 26 JULY 2021 14:07:07

هەولێر-KDP.info- گوتەبێژی حكوومەتی هەرێمی كوردستان دەڵێ، لیژنەی باڵای ناساندنی تاوانەكانی داعش بڕیاری داوە بە دروستكردنی لیژنەیەكی دیكە، تا لەسەر ئاستی باڵادا تاوانەكان بخاتە روو، رێكخەری راسپاردە نێودەوڵەتییەكانی حكوومەتی هەرێمیش رایگەیاند، بۆ بەجینۆسایدناساندنی كارەساتی كوردانی ئێزدی، حكوومەتی هەرێمی كوردستان لە هەماهەنگییەكی بەردەوامدایە و هەنگاوی باشیش نراون.



 
© 2021 Kurdistan Democratic Party, KDP

Contact