Kurdî  ■  كوردی  ■  عربي
MON, 26 JUL 2021 23:59 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نێچیرڤان بارزانى و شا عه‌بدوڵڵاى دووه‌م، دۆخى ناوچه‌كه‌ تاوتوێ ده‌كه‌ن
| KDP.info


نیوه‌ڕۆى ئه‌مڕۆ چوارشه‌ممه‌ 2021/6/23 خاوه‌نشكۆ شا عه‌بدوڵڵاى دووه‌م، شاى شانشینى ئوردنیى هاشمى، له‌ كۆشكى حوسه‌ینییه‌ له‌ عه‌ممان، پێشوازى له‌ به‌ڕێز نێچیرڤان بارزانى، سه‌رۆكى هه‌رێمى كوردستان كرد.

له‌ كۆبوونه‌وه‌یه‌كدا كه‌ شازاده‌ فه‌یسه‌ڵ بن حسێن و به‌ڕێزان سه‌رۆك وه‌زیران و وه‌زیرى ده‌ره‌وه‌ى ئوردن ئاماده‌ى بوون، په‌یوه‌ندییه‌كانى ئوردن و هه‌رێمى كوردستانیان تاوتوێ كرد و جه‌ختیان له‌ پته‌وكردنیان له‌ هه‌موو بواره‌كاندا كرده‌وه‌، هه‌روه‌ها دوایین پێشهاته‌كانى عیراق و ناوچه‌كه‌یان باس كرد و خاوه‌نشكۆ شا عه‌بدوڵڵا پشتگیریى ئوردونى بۆ عێراق دووپات كرده‌وه‌.

هه‌ردوولا داكۆكییان له‌ پێویستیى پته‌وكردن و یه‌كخستنى هه‌وڵه‌ نێوده‌وڵه‌تى و هه‌رێمییه‌كان له‌ چوارچێوه‌ى ستراتیژێكى گشتگیردا بۆ شه‌ڕى دژى تیرۆر و توندڕه‌وى و كارى هاوبه‌ش بۆ پته‌وكردنى ئارامى و سه‌قامگیرى له‌ ناوچه‌كه‌دا كرده‌وه، هه‌روه‌ها باسیان له‌ لێكه‌وته‌كانى په‌تاى ڤایرۆسى كۆرۆنا به‌تایبه‌تى له‌ بوارى ئابووریدا، كرد.

سه‌رۆك نێچیرڤان بارزانى پێزانینى بۆ ڕۆڵى شا عه‌بدوڵڵاى دووه‌م و شانشینى ئوردن‌ له‌ پشتگیریى به‌رده‌وامى هه‌رێمى كوردستان ده‌ربڕى و ئاماژه‌ى به‌ په‌یوه‌ندیى مێژووییى هه‌ردوولا كرد، ئاماده‌ییى هه‌رێمى كوردستانیشى ده‌ربڕى بۆ ئه‌وه‌ى له‌ هه‌موو بواره‌كانى جێى بایه‌خى هاوبه‌شدا هاریكارى له‌گه‌ڵ ئوردن بكات و جه‌ختى له‌ گرنگیى به‌ره‌وپێشبردن و فراوانكردنى بواره‌كانى هاریكاریى عیراق و هه‌رێمى كوردستان له‌گه‌ڵ ئوردن، كرده‌وه‌.

 




دوایین هەواڵەکان

روونکردنەوەیەک لە سوپاسالاری هێزی پێشمەرگەی کوردستان

MONDAY, 26 JULY 2021 21:07:49

هەولێر-KDP.info- له‌ روونكردنه‌وه‌یه‌كدا سوپاسالاری هێزی پێشمه‌رگه‌ی كوردستان رایگه‌یاند، ئێواره‌ی ئه‌مڕۆ له‌ نێوان خه‌لیفان و بێخمه‌ ژماره‌یه‌ك چه‌كداری په‌كه‌كه‌ ته‌قه‌یان له‌ بازگه‌یه‌كی پێشمه‌رگه‌ كردووه‌.

وەبەرھێنان لە کەرتی کشتوکاڵدا لە بەرزبوونەوەدایە

MONDAY, 26 JULY 2021 20:07:58

بریکارى وه‌زاره‌تى کشتوکاڵى هه‌رێم ده‌ڵێ، "به‌هۆى ئه‌و به‌رنامه‌یه‌یى که‌له‌ کابینه‌ى نۆیه‌مدا   بۆ بره‌ودان به‌که‌رتى کشتوکاڵ و بووژانه‌وه‌ى ژێرخانى ئابوورى  دانرا له‌ ئێستادا توانراوه‌ ئاستى وه‌به‌رهێنان له‌که‌رتى کشتوکاڵ بۆ ھەشت لەسەد به‌رز بکرێته‌وه‌، هه‌وڵەکان به‌ ئاڕاسته‌یه‌ک نراون که‌ له‌ چه‌ند ساڵى دابێ کوردستان ده‌بێته‌ سه‌به‌ته‌یه‌کى خۆراکى گرینگ بۆ ناوچه‌که‌ و ته‌نانه‌ت عێراقیش".

 
بە ژمارە؛ تورکمان و شەبەکەکان لەلایەن داعشەوە چەند زیانیان بەر کەوتووە؟

MONDAY, 26 JULY 2021 16:07:53

مووسڵ-KDP.info-  کاتێك ڕێکخراوی داعش لە سووریا و عێراق سەری هەڵدا، بەهۆی ئایینی جیاوازەوە یەکەم ئامانجیان ئەوە بوو کە پێکهاتە ئایینی و ئیتنیکییەکان نەهێڵن، ئەوان پێیان وابوو ئەم ئایینانە ڕێگای خوداناسینیان هەڵەیە.

 

سەربەست مستەفا: كۆمسیۆن ھەموو ئامادەكارییەكی بۆ ھەڵبژاردنەكان كردووە... بە دوو رێگا دەتواندرێت دوابخرێت

MONDAY, 26 JULY 2021 14:07:15

ھەولێر-KDP.info- سەرۆكی پێشووی كۆمسیۆنی باڵای سەربەخۆی ھەڵبژاردنەكانی عێراق گوتی، كۆمسیۆن ھەموو ئامادەكارییەكی بۆ ھەڵبژاردنەكان كردووە و كشانەوەی ھەندێك لایەنیش كاریگەریی نابێت. دەشڵێ، دواخستنی ھەڵبژاردنەكان بە دوو رێگا دەبێت، ئەویش كۆمسیۆن بڕیار بدات یانیش بە بڕیارێكی سیاسی دوابخرێت، ئەگەرنا دواخستنی هەڵبژاردن، مومكین نییە.

بڕیاری دامەزراندنی دادگایەك بۆ دادگاییكردنی تیرۆریستانی داعش دراوە

MONDAY, 26 JULY 2021 14:07:07

هەولێر-KDP.info- گوتەبێژی حكوومەتی هەرێمی كوردستان دەڵێ، لیژنەی باڵای ناساندنی تاوانەكانی داعش بڕیاری داوە بە دروستكردنی لیژنەیەكی دیكە، تا لەسەر ئاستی باڵادا تاوانەكان بخاتە روو، رێكخەری راسپاردە نێودەوڵەتییەكانی حكوومەتی هەرێمیش رایگەیاند، بۆ بەجینۆسایدناساندنی كارەساتی كوردانی ئێزدی، حكوومەتی هەرێمی كوردستان لە هەماهەنگییەكی بەردەوامدایە و هەنگاوی باشیش نراون.



 
© 2021 Kurdistan Democratic Party, KDP

Contact