Kurdî  ■  كوردی  ■  عربي
THU, 24 JUN 2021 12:58 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"سەرۆکی حکوومەت، سەردانی وڵاتانی تریش لە ئەورووپا دەکات"
| KDP.info


ئەورووپا- KDP.info- سەرۆکی حکوومەتی هەرێمی کوردستان بە سەردانێکی فەرمی لە بەلجیکایە،  ولە سەردانەکەیدا، لە ئاستێکی پڕۆتۆکۆلیی بەرز بە ئاڵای کوردستانەوە لەلایەن سەرۆکوەزیرانی هەرێمی فلاندەرزەوە پێشوازیی لێ کرا. نوێنەری حکوومەتی هەرێمی کوردستان لە یەکێتی ئەورووپا دەڵێت، سەردانەکەی سەرۆکی حکوومەتی هەرێمی کوردستان لەم کات و ساتەدا زۆر گرنگە کە تا ئیستا کاربەدەستانی ئەم وڵاتانە لە نزیکەوە چاوپێکەوتنیان لەگەڵ شاندی بیانی نەکردووە و لەدوای ئەمەش، سەرۆکی هەرێم سەردانی وڵاتانی تری ئەورووپا دەکات.

دوێنێ، ۹ی ٦ی ۲۰۲۱، سەرۆکی حکوومەتی هەرێمی کوردستان، مەسروور بارزانی و شاندەکەی سەردانی بەلجیکایان کرد و لەگەڵ سەرۆکوەزیرانی هەرێمی فلاندەرز کۆ بوونەوە، ماڵپەڕی فەرمیی حکوومەتی هەرێمی کوردستان، لەم بارەیەوە ڕاگەیەنراوێکی بڵاو کردەوە کە تێیدا هاتووە: "سەرۆکوەزیرانی فلاندەرز خۆشحاڵیی خۆی بە سەردانی شاندی هەرێمی کوردستان نیشان دا و ئاماژەی بەوە دا کە شانازی بە پەیوەندییەکانیان لەگەڵ هەرێمی کوردستان دەکەن، ئامادەیشی بۆ هەرهاوکاری و هەماهەنگییەک لەگەڵ حکوومەتی هەرێمی کوردستان دەربڕی".

پەیوەست بەمە، دلاوەر خالد ئاژگەیی، نوێنەری حکوومەتی هەرێمی کوردستان لە یەکێتیی ئەورووپا، بە ماڵپەڕی فەرمیی پارتی دیموکراتی کوردستانی ڕاگەیاند: "ئەم سەردانەی سەرۆکی حکوومەت لە ڕووی کات و ساتی سەردانەکە و بڵاوبوونەوەی کۆڕۆناوە کە هێشتا تەواو کۆتاییی پێ نەهاتووە زۆر گرنگ بوو، تا ئیستاش بەرپرسانی ئەورووپا ئامادە نین ڕووبەڕوو لەگەڵ شاندی بیانی چاوپێکەوتن بکەن، بەڵام لە ئاستێکی زۆر بەرزی سیاسی و، لە ئاستی سەرۆکوەزیرانی وڵات، جێگری سەرۆکوەزیران و وەزیری دەرەوەی بەلجیکا پێشوازی لە مەسروور بارانی و شاندەکەی کرا، لە ڕووی پڕۆتۆکۆڵییەوە بە دانانی ئاڵای کوردستان لە شوێنی فەرمی، ئەمە ئاماژەیەکە بە گرنگیدانی ئەوان بەم دیدارانە کە لەگەڵ شاندی حکوومەتی هەرێمی کوردستان کردیان و، ئاماژەیەکی تر هەیە کە گرنگیدانی بەلجیکایە، وەک وڵاتێکی ئەندام لە یەکێتی ئەورووپا و لە ناتۆ کە کاریگەریی هەیە لەسەر سیاسەتی ئەورووپا و تا ڕادەیەکی زۆریش لەسەر سیاسەتی نێودەوڵەتی."

بۆ تەوەری کۆبوونەوەکان، ئاژگەیی گوتی: "ئەم بابەتانەی وەک هەرێمی کوردستان دەتوانین سوود لە پەیوەندییەکانمان لەگەڵ ئەو وڵاتانە وەربگرین، بەتایبەتی ژێرخانی ئابووریی کوردستان و بابەتی تەکنەلۆژیا و زانست و ئەزموونی ئەم وڵاتانەیە بۆ ئەوەی بتوانین هەرێمی کوردستان لەو قۆناغەی ئێستا تێیدایە، بەتایبەت لەدوای دابەزینی نرخی نەوت لە ساڵی ڕابردوو کە کاریگەریی زۆر نێگەتیڤی هەبوو لەسەر ژیانی خەڵک و ئابووریی وڵات و ئاسایش‌ تا ڕادەیەک، بۆ ئەوەی ڕووبەڕووی ئەم جۆرە حاڵەتانە نەبێتەوە، هەرێمی کوردستان ستراتیژیی خۆی هەیە کە سەرچاوەکانی داهات زیاد بکات.''

جا بۆ ئەم مەبەستە تایبەت لەگەڵ هەرێمی فلاندەرز باس لەوە کرا کە کۆمسیۆنێک پێک بێت لە هەردوولا بۆ ئەوەی ئەم کۆمسیۆنە تایبەت بێت بەو خاڵانەی کە هەرێمی کوردستان بەلایەوە گرنگە بۆ سوودوەرگرتن لە زانیاری و تەکنەلۆژیای ئەوان، تایبەت ئەم خاڵەی کە زۆر دووپاتی لەسەر کراوە، کشتوکاڵی و بەرهەمی کوردستانە کە بە شێوەیەکی زانستییانە ئەم بەرهەمانە بەدەست بهێنرێن، هەروەها مەبەست لە دۆزینەوەی بازاڕی ئەورووپایە بۆ بەروبوومەکانمان کە لەدوای چاندنی ئەم بەرهەمانە پێویست بە بازاڕێک دەبێت لە دەرەوە، ئەم بازاڕەش کە بەلامانەوە گرنگە بازاڕی ئەورووپایە، تا بە نرخێکی باشتر بەرهەمەکان بفرۆشرین، چونکە بازاڕێکی سەقامگیرترە، بۆیە بەلای سەرۆکی حکوومەتەوە گرنگ بوو دۆزینەوەی بازاڕی ئەوروپا و ساغکردنەوەی بەرهەمەکانیان خزمەت بە جووتیارانی هەرێمی کوردستان بگەیەنێت و هەلی کاری زیاتر بڕەخسێنێت، هاوکات داهاتی زیاتر بۆ کوردستان بێنێت، وڵاتانی ئەورووپا لەم ڕووەوە پێشکەوتوون، بۆیە هەرێمی کوردستان دەیەوێت چاو لە ئەزموونی ئەم وڵاتانە بکات.''

نوێنەری حکوومەتی هەرێمی کوردستان لە یەکێتیی ئەورووپا گوتیشی: "ئەوەی کە تێبینی دەکرێت لە کۆبونەوەکان ئەمەیە کە هەرێمی کوردستان بەهێز بێت و، قەوارەیەکی بەهێزی هەبێت لەناو عێراق و دەستوور جێبەجێ بکرێت و بەهێیزی کوردستان بە بەهێزیی خۆیان دەزانن و بەرژوەندیی خۆشیان لەناو بەرژەوەندیی کوردستان دەزانن و زۆر بەئاشکرا باسیان لێوە کرد و ئەمە خاڵێکی زۆر گرنگە."

سەرۆکی حکوومەتی هەرێمی کوردستان لەدوای ئەم سەردانەی بۆ بڕۆکسل سەردانی وڵاتی تریش دەکات، بەهەمان شێوە چاوەڕێ دەکرێت لەسەر ئاستی بەرز پێشوازیی لێ بکرێت.

فایزە کۆیی




دوایین هەواڵەکان

سبه‌ى هه‌ینى مووچه‌ دابه‌ش ده‌كرێت

THURSDAY, 24 JUNE 2021 12:06:03

هەولێر-KDP.info- وه‌زاره‌تى دارایی و ئابووریی حكوومه‌تى هه‌رێمى كوردستان، له‌ ڕاگه‌یاندراوێكدا ئاماژه‌ به‌وه‌ ده‌دات، ده‌ست به‌ دابه‌شكردنى مووچه‌ى مانگى شه‌ش ده‌كرێت.

 
یاوەر بۆ KDP: پلە بەرزكردنەوە سەرجەم هێزەكانی پێشمەرگە دەگرێتەوە

THURSDAY, 24 JUNE 2021 12:06:23

هەولێر-KDP.info- پلەبەرزكردنەوەی هێزەكانی پێشمەرگە لە ئایندەیەكی نزیكدا دەست پێدەكاتەوە، ئەمینداری گشتیی وەزارەتی پێشمەرگەش دەڵێت، لە ئێستادا وردبینیكرن لە ناوەكان دەستی پێكردووە و لە دوای تەواوبوونی ڕێكارە یاسایی و ئیدارییەكان، بڕیارەكە دەچێتە بواری جێبەجێكردنەوە و سەرجەم هێزەكانی پێشمەرگەش دەگرێتەوە.

 
راگەیاندنی پارتی سەرەخۆشی لە زانا خەلیل و د. رێبەر فەتاح دەكات

THURSDAY, 24 JUNE 2021 11:06:42

هەولێر-KDP.info- دەزگای رۆشنبیری و راگەیاندنی پارتی دیموكراتی كوردستان، لە دوو پرسەنامەی جیادا، سەرەخۆشی لە هەردوو میدیاكار (زانا خەلیل) و (د. رێبەر فەتاح) دەكات.

 
فه‌رمانگه‌ی میدیا و زانیاری حكومه‌تی هه‌رێم ڕاپۆرتێكی كه‌ناڵی (الحره‌ - العراق) ڕه‌تده‌كاته‌وه‌

WEDNESDAY, 23 JUNE 2021 22:06:24

هەولێر-KDP.info- فه‌رمانگه‌ی میدیا و زانیاری حكومه‌تی هه‌رێمی كوردستان ڕاپۆرتێكی كه‌ناڵی (الحره‌ - العراق) ڕه‌تده‌كاته‌وه‌و رایگه‌یاند: بەداخەوە لە ڕاپۆرته‌كه‌دا كه‌وتوونەته‌ چه‌ندین هه‌ڵەوە،‌ كه‌ پشتیان به‌ زانیاریی نادروست به‌ستووه‌ به‌بێ ئه‌وه‌ی له‌ ڕاستییه‌كان دڵنیا ببنه‌وه‌.

سەرۆکی حکومەتی هەرێمی کوردستان پێشوازی لە نێردەی تایبەتی ئەمەریکا بۆ هاوپەیمانیی نێودەوڵەتی دژی داعش دەکات

WEDNESDAY, 23 JUNE 2021 19:06:32

ھەولێر-KDP. info-   ئەمڕۆ چوارشەممە 23ی حوزەیرانی 2021 مەسرور بارزانی سەرۆکی حکومەتی هەرێمی کوردستان پێشوازی لە جۆن گادفرەی نێردەی تایبەتی ئەمەریکا بۆ هاوپەیمانیی نێودەوڵەتی دژی داعش بە وەکالەت و شاندێکی یاوەری کرد.

 


 
© 2021 Kurdistan Democratic Party, KDP

Contact