Kurdî  ■  كوردی  ■  عربي
SUN, 28 NOV 2021 04:50 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"دووساڵی سەرۆکی ھەرێمی کوردستان"
| KDP.info


هەر کوردستان نا، بگرە عێراق و ناوچەکەش لە دۆخیكی ناخۆشدا بوو، ڕەوشی سیاسی خراپ بوو، سەرۆکی ھەرێمی کوردستان نێچیرڤان بارزانی بە دووربینی سیاسیی خۆی باسی چارەسەری لەمپەرەکان و ئەو کێشانەی دەکرد، تا ئەو بیرۆکەیە بۆ جیهان دروست بوو کە پێشنیازەکانی نێچێرڤان بارزانی بۆ چارەسەری دۆخەکە، تاکە ڕیگایە. ئەمە قسەی د. خەلیل ئەترووشی، مامۆستایەکی زانکۆیە لەبارەی دوو ساڵی سەرۆکایەتیی هەرێمی کوردستان لەلایەن سەرۆک نیچیرڤان بارزانییەوە.

''نێچیرڤان بارزانی نزیک لە هەموو لایەک''

بە ڕای شارەزایان و مامۆستایانی زانکۆ، نێچیرڤان بارزانی، هەمیشە نەرم و لەسەرخۆ و لێهاتوو و سیاسەتمەدارێکە بە ئەقلییەتێکی دووربین و فراوان مامەڵە لەگەل پێشهات و ڕووداوەکان دەکات و لە نێوخۆ و دەرەوەدا بە کەسایەتییەکی قبووڵكراو ناسراوە و بیرۆبۆچۆنە جیاوازەکان و ڕەخنەکان بە سینگفراوانی وەردەگرێت، بەوەش ناسراوە کە دەتوانێت هەموو ئالی و هێزە ناکۆکەکان لەژێر یەک چەتردا کۆ بکاتەوە.

نێچیرڤان بارزانی لە ٢٨ی ئایاری سالی ٢٠١٩دا بە دەنگی زۆرینەی ئەندامانی پەرلەمانی کوردستان وەک سەرۆکی هەرێمی کوردستان-عێراق هەڵبژێردرا، لەو بارەیەوە بۆچۆنی د. خەلیل ئەترووشی ئەوەیە، زۆر کێشە هەبوون لە ناوچەکە بەهۆی نەبوونی لێکتێگەیشتن و زۆر گوشار لەسەر هەرێم، بەڵام هاتنی نێچیرڤان بارزانی، سەرۆکی هەرێمی کوردستان، توانی زۆر گرێکوێرە بکاتەوە و چارەسەر بوون و هەبوونی ئەو، پێویستییەکی گرنگ بوو، لەسەر ئاستی نێوخۆ و دەرەوەدا سەرۆکایەتیی هەرێم بووەتە مەرجەعێکی کوردی و چەترێکی کوردستانی و زۆربەی کێشەکان لەو سەرۆکایەتییە چارەسەر دەکرێ."

'' ئەندازیاری دیپلۆماسییەت ''

'' نێچیرڤان بارزانی لە ڕوانگەی سیاسەتمەداران و لەنێو ناوەندە سیاسییەکاندا بەوە ناسراوە کە دەتوانێ بۆ چارەسەری کێشەکان بۆچۆنێکی عەقڵانیی هەبێت، بۆیەشە بووەتە متمانەپێکراوی دامەزراوە جیهانییەکانی وەک ئەنجومەنی ئاسایش و لەبەر تێڕوانین و پێشنیازەکانی، ئەنجومەنی ئاسایشی نێودەوڵەتی، نامەکانی سەرۆک نیچیرڤان بارزانیی کردە بڕیار بۆ چارەسەری کێشە هەڵپەسێردراوەکانی نێوان حکوومەتی عێراق و هەرێمی کوردستان.''

بە حوکمی پەیوەندییەکانی لەگەڵ هێزە عێراقییەکان و سەرکردەکانیان زۆر کێشەی نێوان هەرێمی کوردستان و عێراق چارەسەر کراون، ئێستا سەرۆکی هەرێمی کوردستان توانیویەتی پەیوەندییە دیپلۆماسییەکانی هەرێم بباتە قۆناغیکی گەورەوە لەسەر ئاستی هەرێم و جیهان. ئێستا نیچیرڤان بارزانی لە ئاستی نێودەوڵەتی کەسێکی قبووڵکراوە و بۆ هەرکێشەیەک لە ناوچەکە دەبێ ڕەئیی سەرۆکی هەرێم وەربگیرێ.

'' سەرۆکایەتیی هەرێم داکۆکیکاری مافی پێکهاتەکان''

نیچیرڤان بارزانی هەمیشە پشتیوان و داکۆکیکاری سەرسەختی پێکهاتەکانە و پشتیوانیی تەواوی مافی پێکهاتەکان دەکات، بۆیەشە لەسەر ئەم پرسە خالید نەرمۆ، گرنگیدەری کاروباری پێکهاتەکان، دەڵێت: ''سەرۆکی هەرێمی کوردستان توانیویەتی ئەو گرەنتییە بداتە تەواوی پێکهاتەکان کەوا کوردستان شوێنی هەموو پێکهاتە و ئایین و نەتەوەکانە."

'' هەر پشتیوانی نا، بگرە بە کردار پشتیوانی پێکهاتەکان بووە و لە کاتی سەرۆکایەتیی حکوومەتی هەرێمیشدا و تا ئێستا هەموو هەوڵەکانی خستووەتە گەڕ بۆ پاراستنی مافی پێکهاتەکان و، نەک تەنیا پێکهاتەکانی هەرێمی کوردستان، بگرە ئەوانەی لە ناوچەکانی دیکەی عێراقیشەوە ڕوویان لە هەرێمی کوردستان کردووە و ئاوارە بوون. نیچیرڤان بارزانی ئێستا سەرۆکایەتیی هەرێمی کردووەتە قەڵغانی پاراستنی پێکهاتەکانی کوردستان و لەگەڵ بەرپرسانی دنیاشدا باسی ڕەوشی پێکهاتەکان دەکات، بۆیەشە جیهانی دەرەوە بە چاوێکی گەورەوە تەماشای پێگەی هەرێمی کوردستان دەکەن، لەبەر ئەوەی تاکە شوێنە توانیویەتی هەموو پێکهاتەکان لەخۆی بگرێت و لە پەرلەمان ددان بە مافەکانیاندا بنرێت.'' نەرمۆ وای گوت.

ڕۆژئاوای کوردستان لە ڕوانگەی سەرۆکی هەرێمدا

هەر لە نیوخۆ نا، بگرە سەرۆکی هەریـمی کوردستان لە ناوچەکەش ڕۆڵێکی بەرچاوی هەیە، لە چارەسەری کێشەکان و هاوکاری بۆ لایەنەکانی دیکەی کورد لە پارچەکانی دیکە، لەو بارەیەوە، د. کاوا ئازیزی، مامۆستای زانکۆ و خەڵکی ڕۆژئاوای کوردستان دەڵێت: "سەرۆکی هەرێمی کوردستان هەر لە دەستپێکی شۆڕشی سووریادا توانیویەتی ببێ بە پاڵپشتێک بۆ خەڵکی ڕۆژئاوای کوردستان و دیاریکردنی چارەنووسی ئەو پارچەیەی کوردستان و لە کاتی ئاوارەبوونیشدا هاوکاری خەڵکی ڕۆژئاوای کوردستان بووە."

ئازیزی دەشڵێت: "لە کاتی ناکۆکیی لایەنە کوردییەکاندا بە پشتیوانیی سەرەکیی نیچیرڤان بارزانی خەریک بوو لایەنە کوردییەکان یەکگرتوو بن لە ڕۆژئاوای کوردستان و لە دیالۆگی کوردی کوردییشدا بە دەستپێشخەریی مەزڵووم کۆبانی، نێچیرڤان بارزانی پشتیوانی سەرەکی بووە و تا ئێستاش هەمیشە پشتیوانی خەڵکی ڕۆژئاوای کوردستان بووە، لە بڵاوبوونەوەی کۆرۆنادا تاکە کەس کە پشتیوانیی خۆی بۆ ڕۆژئاوای کوردستان دیاری کرد بۆ ناردنی پێداویستی و تاقیگەی کۆرۆنا بۆ ڕۆژئاوا، کاک نیچیرڤان بارزانی بوو."

کــاروان بــاعەدری

 




دوایین هەواڵەکان

دوو ملیار و ٢٠٠ ملیۆن دینار بۆ پارکى ھه‌وارى شار له‌ سلێمانى خه‌رج ده‌کرێت

SATURDAY, 27 NOVEMBER 2021 19:11:27

سلێمانی -KDP.info- له‌سه‌ر ڕاسپارده‌ى مه‌سرور بارزانى، سه‌رۆکى ئه‌نجومه‌نى وه‌زیران ڕه‌زامه‌ندى درا له‌سه‌ر خه‌رجکردنى گوژمه‌ى دوو ملیار و ٢٠٠ ملیۆن دینار به‌ مه‌به‌ستى جێبه‌جێکردنى پڕۆژه‌ى به‌ڕێوه‌بردن و چاکسازیى پارکى ھه‌وارى شار له‌ پارێزگاى سلێمانی، ئه‌و بڕه‌ پاره‌یه‌ش قۆناغ به‌ قۆناغ و به‌ شێوه‌ى نه‌ختینه‌ خه‌رج ده‌کرێت.

 

کارەکانی دروستکردنی شەقامی ١٥٠ مەتری بەخێرایی بەڕێوە دەچێت

SATURDAY, 27 NOVEMBER 2021 18:11:27

ھەولێر -KDP.info- سەرپەرشتیاری شەقامی ١٥٠ مەتریی ھەولێر گوتی، دروستکردنی شەقامی ١٥٠ مەتری زۆر بەخێرایی بەڕێوە دەچێت و ئێستا ٣٢%ی قۆناغی دووەم تەواو بووە و ئامادەکاری بۆ قۆناغی سێیەم دەکرێت کە دیزاینی تەواو بووە و تەنھا ماوە گرێبەست بکرێت و دەست پێ بکرێت.

 

سەرۆک بارزانی پێشوازی لە نوێنەری تایبەتی سکرتێری گشتی رێکخراوی نەتەوە یەکگرتووەکان لە عێراق دەکات

SATURDAY, 27 NOVEMBER 2021 16:11:17

ڕۆژی شەممە ٢٧ـی تشرینی دووەمی ٢٠٢١ لە سەلاحەددین سەرۆک مەسعود بارزانی پێشوازی لە جنین پلاسخارت نوێنەری تایبەتی سکرتێری گشتی رێکخراوی نەتەوە یەکگرتووەکان لە عێراق کرد.

 
د. محەمەد خورشید: لە کەرکووک کێشە بۆ جووتیارانی کورد دروست دەکرێت

SATURDAY, 27 NOVEMBER 2021 15:11:59

کەرکووک-KDP.info- حکوومەتی عێراق کێشە بۆ جووتیارانی کورد لە کەرکووک دروست دەکات و بەرپرسێکی پارتییش دەڵێت، پڕۆسەی تەعریب بەردەوامە و ھێشتا کار بە بڕیارەکانی دادگای بەناو شۆڕشی سەردەمی ڕژێمی لەناوچووی بەعس دەکەن.

 

'' گوهۆڕین د پۆستێن ئیداری دا بەردەوامن ''

SATURDAY, 27 NOVEMBER 2021 15:11:18

گوهۆڕینین د پۆستێن ئێدارێین پێکهاتەییان دا دبەردەوامن، ژوانان ژی پێکهاتەییا ئێزدییان ژ رێڤەبەر و ڕیڤەبەرێن گشتی و چەندین پۆست و پلەیێن دی.

 


 
© 2021 Kurdistan Democratic Party, KDP

Contact