Kurdî  ■  كوردی  ■  عربي
THU, 24 JUN 2021 13:08 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"سەرۆکی هەرێم سەرکەوتنێکی گەورەی دیپلۆماسیی تۆمار کرد"
| KDP.info


دهۆک-KDP.info- سەرۆکی هەرێمی کوردستان، نێچیرڤان بارزانی، وەک کاراکتەرێکی سیاسیی بەهێز لە ناوچەکەدا توانیویەتی هەموو بەستەڵەکە سیاسییەکانی ناوخۆ و دەرەوەش بتوێنێتەوە. لەم ڕۆژانەشدا ئەنجومەنی ئاسایشی نێودوڵەتی وەڵامی نامەیەکەی سەرۆکی هەرێمی کوردستانی داوەتەوە و نامەکەی سەرۆکی هەرێمی کردووەتە بڕیار. لەو بارەیەشەوە مامۆستایەکی زانکۆی سەڵاحەدین، د. کاوە ئازیزی، دەڵێت: "ئەو نامەیەی سەرۆکی هەرێم، نیچیرڤان بارزانی، بۆ ئەنجومەنی ئاسایشی نێودەوڵەتی نامەیەکی گرنگ بوو کە کورد لە هەموو ڕێککەوتنەکاندا پابەندیی یاسایی و دەستووریی خۆی پێشان دەدات، بۆیەشە سەرۆکی هەرێمی کوردستان دەیەوێت ڕێگەچارەیەک بۆ ئەو ڕێککەوتنانەی نێوان حکوومەتی هەرێمی کوردستان و عێراق بدۆزێتەوە، چونکە حکوومەتی هەرێم پابەندبوونی خۆی بۆ هەموو کێشەکان دیاری کردووە."

سەرۆکی هەرێمی کوردستان نیچیرڤان بارزانی پێش ماوەیەیەک نامەیەکی ئاراستەی ئەنجومەنی ئاساییشی نێودەوڵەتی کرد کەوا عێراق پابەندی ڕێککەوتنەکانی بوودجە و ڕێککەوتنەکانی بەندە دەستوورییەکان، لەوانە ماددەی ١٤٠ و هەموو کێشە هەڵپەسێراوەکان بێت. لە کۆتاییی کۆبوونەوەی ئەنجومەنی ئاسایشی نێودەوڵەتیدا نامەکەی سەرۆکی هەریمی کوردستان کرایە بڕیار. لەو بارەیەشەوە د، کاوە ئازیزی، بە ماڵپەڕی فەرمیی پارتی دیموکراتی کوردستانی گوت: ''بۆ یەکەم جارە لە مێژووی تەواوی کورد و هەرێمی کوردستاندا کەسێکی فەرمی نامەیەکی ئاراستەی بەرزترین دامەزراوە جیهان کرد، بە جۆشوخرۆشەوە هەموو دۆستانی کورد دڵخۆش بوون کاتێک ئەنجومەنی ئاسایشی نێودەوڵەتی نێوەڕۆکی ئەو نامەیەی سەرۆکی هەرێمی قبووڵ کرد و کردیانە بڕیارێک لە بڕیارەکانی نەتەوە یەکگرتووەکان و هەموو ئەندامانی دەنگیان لەسەر دا."

گوتیشی: ''ئەوان نامەکەی سەرۆکی هەرێمیان بە چارەسەری سیاسی زانی بۆ دۆخی ئێستای عێراق، بەتایبەتی ڕێککەوتنەکانی بوودجە و ماددەی ١٤٠ و کێشەکانی تری نێوان هەرێمی کوردستان و حکوومەتی عێراق، ئەمە کارێکی گرنگ و گەورە بوو."

ئەم مامۆستایەی زانکۆ پێی وایە: "وەڵامدانەوەشیان سەرکەوتنێکی گرنگ و گەورەی دیپلۆماسی بوو لە دیرۆکی سیاسی و دیپلۆماسیی کورددا، ئۆمێدێکی گەورە بوو کەوا لە دوای ڕووداوەکانی ١٦ی ئۆکتۆبەر ئەمانە ئاماژەیەکی گرنگن بۆ هەرێمی کوردستان کە ئایندەیەکی گەشی دیپلۆماسیی لە پێشە، ئەنجومەنی ئاسایش مامەڵەی سەرۆکی وەڵاتێک لەگەڵ سەرۆکی هەرێمی کوردستان دەکات."

کاروان بــاعەدری


 




دوایین هەواڵەکان

سبه‌ى هه‌ینى مووچه‌ دابه‌ش ده‌كرێت

THURSDAY, 24 JUNE 2021 12:06:03

هەولێر-KDP.info- وه‌زاره‌تى دارایی و ئابووریی حكوومه‌تى هه‌رێمى كوردستان، له‌ ڕاگه‌یاندراوێكدا ئاماژه‌ به‌وه‌ ده‌دات، ده‌ست به‌ دابه‌شكردنى مووچه‌ى مانگى شه‌ش ده‌كرێت.

 
یاوەر بۆ KDP: پلە بەرزكردنەوە سەرجەم هێزەكانی پێشمەرگە دەگرێتەوە

THURSDAY, 24 JUNE 2021 12:06:23

هەولێر-KDP.info- پلەبەرزكردنەوەی هێزەكانی پێشمەرگە لە ئایندەیەكی نزیكدا دەست پێدەكاتەوە، ئەمینداری گشتیی وەزارەتی پێشمەرگەش دەڵێت، لە ئێستادا وردبینیكرن لە ناوەكان دەستی پێكردووە و لە دوای تەواوبوونی ڕێكارە یاسایی و ئیدارییەكان، بڕیارەكە دەچێتە بواری جێبەجێكردنەوە و سەرجەم هێزەكانی پێشمەرگەش دەگرێتەوە.

 
راگەیاندنی پارتی سەرەخۆشی لە زانا خەلیل و د. رێبەر فەتاح دەكات

THURSDAY, 24 JUNE 2021 11:06:42

هەولێر-KDP.info- دەزگای رۆشنبیری و راگەیاندنی پارتی دیموكراتی كوردستان، لە دوو پرسەنامەی جیادا، سەرەخۆشی لە هەردوو میدیاكار (زانا خەلیل) و (د. رێبەر فەتاح) دەكات.

 
فه‌رمانگه‌ی میدیا و زانیاری حكومه‌تی هه‌رێم ڕاپۆرتێكی كه‌ناڵی (الحره‌ - العراق) ڕه‌تده‌كاته‌وه‌

WEDNESDAY, 23 JUNE 2021 22:06:24

هەولێر-KDP.info- فه‌رمانگه‌ی میدیا و زانیاری حكومه‌تی هه‌رێمی كوردستان ڕاپۆرتێكی كه‌ناڵی (الحره‌ - العراق) ڕه‌تده‌كاته‌وه‌و رایگه‌یاند: بەداخەوە لە ڕاپۆرته‌كه‌دا كه‌وتوونەته‌ چه‌ندین هه‌ڵەوە،‌ كه‌ پشتیان به‌ زانیاریی نادروست به‌ستووه‌ به‌بێ ئه‌وه‌ی له‌ ڕاستییه‌كان دڵنیا ببنه‌وه‌.

سەرۆکی حکومەتی هەرێمی کوردستان پێشوازی لە نێردەی تایبەتی ئەمەریکا بۆ هاوپەیمانیی نێودەوڵەتی دژی داعش دەکات

WEDNESDAY, 23 JUNE 2021 19:06:32

ھەولێر-KDP. info-   ئەمڕۆ چوارشەممە 23ی حوزەیرانی 2021 مەسرور بارزانی سەرۆکی حکومەتی هەرێمی کوردستان پێشوازی لە جۆن گادفرەی نێردەی تایبەتی ئەمەریکا بۆ هاوپەیمانیی نێودەوڵەتی دژی داعش بە وەکالەت و شاندێکی یاوەری کرد.

 


 
© 2021 Kurdistan Democratic Party, KDP

Contact