Kurdî  ■  كوردی  ■  عربي
THU, 24 JUN 2021 12:52 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هێواش کاک ستران ... هێواش
| KDP.info


سەلام عەبدوڵڵا

رۆژی (26/5/2021) لە ماڵپەڕی کوردستانی نوێ، نووسینێکی کاک ستران عەبدوڵڵا بە ناوی (لە پایتەختی فیدڕاڵەوە تا پایتەختی رۆشنبیری) بڵاوکراوەتەوە کە بە نووسینەکەدا دیارە فەرمانی پێکراوە بەوجۆرە هەڵیبڕێژێت، دەنا خۆی بەوجۆرە نە دەنووسێت و نە دەئاخڤێت، بەڵام چونکە نووسینەکە بە ناوی خۆیەوەیەتی ئێمەش وەڵامی خۆی و ئامرەکەی دەدەینەوە. هەرچەند ترش و خوێش کراوەو بە گوێزی هەورامان و گێوژی خۆماڵی و ڕتوش کراوە بە کەشناسی سلێمانی، هۆرەی گەرمیان و لاوکی بادینان، کە نازانرێت ئەمەی نووسراوە تەنزە یان بابەتێکی سیاسییە.

بەڵام با ئێمە مەسەلەکە بە جدی وەربگرین و وەڵامی ئەو بوختان و درۆ و ناڕاستییانە بدەینەوە کە دەیانەوێ لەو رێگەیەوە پەردەپۆشی غەرقاندنی ناوچەکانی ژێردەستیان لە گەندەڵی و بێدادی و بێسەروبەری و بێ هیوایی و تا ئاستی خاکفرۆشی و تێکدانی قەوارەی هەرێم بدەینەوە و راستییەکان بۆ جەماوەر بخەینەڕوو.

ئەم گڕگرتنەی ستران و هاوشێوەکانی بۆ ئەوەیە کە رۆژ لەدوای رۆژ راستییەکانی ئەو دەڤەرە و گەندەڵکاری بێ سنووری، بەتایبەتی لە داهاتی سنوورەکان ئاشکرا دەبن، نەک لەلایەن پەرلەمانتاری پارتی و لایەنگرانی پارتیمانەوە، بەڵکوو لەلایەن ئەندام پەرلەمانی لایەنەکانیتر و خەڵکانی بێ لایەنەوە کە بە دۆکیۆمێنت و بەڵگەوە لە سەر شاشەی تەلەفزیۆنەکان ئاشکرای دەکەن و ناتوانن وەڵامی بدەنەوە، بۆیە پەنا بۆ (تەنز) و (قسەی نەستەق) دەبەن.

ستران دەڵێ: ئێوە خەتای پایتەختی فیدڕاڵ و پایتەختی رۆشنبیری دەگرن کە پارە بۆ پایتەختی هەرێم نانێرن.

بەڵێ پایتەختی فیدڕاڵ لەسەریەتی بەپێی دەستوور، بودجە و مووچەی هەرێم بنێرێت کە لە (2014)ەوە بە ئامۆژگاری و رێنمایی برادەرانی ئێوە بڕیویەتی و ناینێرێت.

ئێوەش مادام داوای بودجە و مووچە لە پایتەختی هەرێم دەکەن، دەبێ داهاتی ناوچەکەتان و سنوورەکان، بە دەستپاکی، مانگانە بنێرن، کە ئەرکی سەرشانی خۆتانە. جا ئێوە کە لەوێ ناوێرن هیچ قسەیەک بکەن، ئەوە خەتای پایتەختی هەرێم نییە و ترسنۆکی و بێ باکی خۆتانە.

ئێوە کە باسی مووچەی خەڵک دەکەن و خەمی بۆ دەخۆن، لەوەش راست ناکەن، چونکە هەر خۆتان دەتانتوانی بە داهاتی دەروازەی مەرزی (باشماخ) و (پەروێزخان) تەواوی مووچەی زۆنەکەتان بدەن، بەڵام نایدەن و لە باتیی، خەڵک بە نووسینیش چەواشە دەکەن و ئێمە دەخەنە ژێر پرسیارەوە؟

ئێستا خەڵکی سلێمانی و دەورووبەری زۆرباش لە چەواشەکارییەکانتان تێدەگات، چونکە نووسینگەکانی هاوردنی قاچاخ بە فەرمی لە سەهۆڵەکە و ناو بازاڕی قاچاخ، کاری خۆیان بەئاشکرا و بێ پەردە دەکەن.

جا هاوردەی دووگی چەوری ماوەبەسەرچووی ئێرانی بێ یان کۆکاکۆلای ئێکسپایەری تورکی یان تەنە خۆرمای گەنیو و دۆشاوی ترشاوی وڵاتان بێت. ئەمانە نەک تەنیا کاری ناڕەوای قاچاخن بەڵکوو تاوانیشن بەرامبەر هاووڵاتیان.

مەسەلەی گواستنەوەی نەوتیش بەپێی رێککەوتن ئاشکرا کراوە و لای بەرپرسانی خۆتان زانیاری تەواو هەیە و چەواشەکاری بە دەردی کەس ناخوات. رێککەوتنی پەنجا ساڵە لەگەڵ تورکیا چەندینجار لە سەر تیڤی و لە پەرلەمان و لە کۆنفڕانسی رۆژنامەوانیدا ئاشکرا و بەرپرسانی خۆتان رەزامەندییان نواند و جێگری سەرۆکوەزیرانی پێشوو لە پشکی خۆتان بوو بە ئاشکرا وتی: ئاگاداری هەموو مەلەفی نەوتم.

سەبارەت بە کۆنگرەی حزبمان، ئێمە تا ئێستا (13) کۆنگرەمان بە سەرکەوتوویی بەستووە و بەرەو چواردەهەم دەچین، ئێوەش لە ماوەی (46) ساڵدا تەنیا (4) کۆنگرە!!.

لەکۆتاییدا دەڵێین:

کاک ستران بەو زمانە خزمەت بە تەبایی و یەکڕیزی و کاری هاوبەش ناکات، بۆیە بە هێواشی و بە هێوری، نووسین و لێدوان گەلێ چاکترە!

 




دوایین هەواڵەکان

سبه‌ى هه‌ینى مووچه‌ دابه‌ش ده‌كرێت

THURSDAY, 24 JUNE 2021 12:06:03

هەولێر-KDP.info- وه‌زاره‌تى دارایی و ئابووریی حكوومه‌تى هه‌رێمى كوردستان، له‌ ڕاگه‌یاندراوێكدا ئاماژه‌ به‌وه‌ ده‌دات، ده‌ست به‌ دابه‌شكردنى مووچه‌ى مانگى شه‌ش ده‌كرێت.

 
یاوەر بۆ KDP: پلە بەرزكردنەوە سەرجەم هێزەكانی پێشمەرگە دەگرێتەوە

THURSDAY, 24 JUNE 2021 12:06:23

هەولێر-KDP.info- پلەبەرزكردنەوەی هێزەكانی پێشمەرگە لە ئایندەیەكی نزیكدا دەست پێدەكاتەوە، ئەمینداری گشتیی وەزارەتی پێشمەرگەش دەڵێت، لە ئێستادا وردبینیكرن لە ناوەكان دەستی پێكردووە و لە دوای تەواوبوونی ڕێكارە یاسایی و ئیدارییەكان، بڕیارەكە دەچێتە بواری جێبەجێكردنەوە و سەرجەم هێزەكانی پێشمەرگەش دەگرێتەوە.

 
راگەیاندنی پارتی سەرەخۆشی لە زانا خەلیل و د. رێبەر فەتاح دەكات

THURSDAY, 24 JUNE 2021 11:06:42

هەولێر-KDP.info- دەزگای رۆشنبیری و راگەیاندنی پارتی دیموكراتی كوردستان، لە دوو پرسەنامەی جیادا، سەرەخۆشی لە هەردوو میدیاكار (زانا خەلیل) و (د. رێبەر فەتاح) دەكات.

 
فه‌رمانگه‌ی میدیا و زانیاری حكومه‌تی هه‌رێم ڕاپۆرتێكی كه‌ناڵی (الحره‌ - العراق) ڕه‌تده‌كاته‌وه‌

WEDNESDAY, 23 JUNE 2021 22:06:24

هەولێر-KDP.info- فه‌رمانگه‌ی میدیا و زانیاری حكومه‌تی هه‌رێمی كوردستان ڕاپۆرتێكی كه‌ناڵی (الحره‌ - العراق) ڕه‌تده‌كاته‌وه‌و رایگه‌یاند: بەداخەوە لە ڕاپۆرته‌كه‌دا كه‌وتوونەته‌ چه‌ندین هه‌ڵەوە،‌ كه‌ پشتیان به‌ زانیاریی نادروست به‌ستووه‌ به‌بێ ئه‌وه‌ی له‌ ڕاستییه‌كان دڵنیا ببنه‌وه‌.

سەرۆکی حکومەتی هەرێمی کوردستان پێشوازی لە نێردەی تایبەتی ئەمەریکا بۆ هاوپەیمانیی نێودەوڵەتی دژی داعش دەکات

WEDNESDAY, 23 JUNE 2021 19:06:32

ھەولێر-KDP. info-   ئەمڕۆ چوارشەممە 23ی حوزەیرانی 2021 مەسرور بارزانی سەرۆکی حکومەتی هەرێمی کوردستان پێشوازی لە جۆن گادفرەی نێردەی تایبەتی ئەمەریکا بۆ هاوپەیمانیی نێودەوڵەتی دژی داعش بە وەکالەت و شاندێکی یاوەری کرد.

 


 
© 2021 Kurdistan Democratic Party, KDP

Contact