Kurdî  ■  كوردی  ■  عربي
THU, 24 JUN 2021 12:43 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

قه‌هوه‌چی: داوای ڕا و سەر‌نج و تێبینیی لایه‌نه ‌سیاسییه‌كان دەربارەی دەستوور لە فراکسیۆنەکانیان دەکەین
| KDP.info


هه‌ولێر-KDP.info- سكرتێرى په‌رله‌مانی كوردستان له‌بارەی هه‌وڵه‌كانى ده‌سته‌ى سه‌رۆكایه‌تیى په‌رله‌مان بۆ پرسى نووسینه‌وه‌ى ده‌ستوور و كۆتا واده‌ى پێشكه‌شكردنى ڕا و سه‌ر‌نج و تێبینییه‌كانى لایه‌نه ‌سیاسییه‌كان له‌ ڕێگاى فراكسیۆنه‌كانیانەوە ڕاده‌گه‌یەنێت و دەڵێت، ئه‌مرۆ كۆتا واده ‌بوو بۆ ئه‌وه‌ى فراكسیۆنه‌كان ڕا و سه‌ر‌نج و تێبینییه‌كانیان پێشكه‌ش به ‌سه‌رۆكایه‌تیى په‌رله‌مان بكه‌ن، به‌ڵام پێشكه‌شیان نه‌كرد، سبه‌ى به‌ نووسراوى فه‌رمى ئاگاداریان ده‌كه‌ینه‌وه‌.

دەشڵێت: "له‌ پرسى ده‌ستوور ڕا و بۆچوونى ئەو لایه‌نانه‌ى له‌ په‌رله‌مان كورسییان هه‌یه‌ و ئه‌وانه‌شى له‌ ده‌ره‌وه‌ى په‌رله‌مانن و كورسیى په‌رله‌مانیان نییه‌ زۆر بەهه‌ند وه‌رده‌گیرێت."

مونا قه‌هوه‌چى، له‌ لێدوانێكدا بۆ ماڵپەڕی فەرمیی پارتی دیموکراتی کوردستان گوتی: "وه‌كوو ده‌سته‌ى سه‌رۆكایه‌تیى په‌رله‌مانى كوردستان لە 12ى 4ى 2021 كۆبوونه‌وه‌یه‌كمان له‌گه‌ڵ سه‌رجه‌م سه‌رۆكفراكسیۆنه‌كان و نوێنه‌رى پێكهاته‌كان له‌ په‌رله‌مانى كوردستان سه‌باره‌ت به‌ پرسى ده‌ستوور بەڕێوە برد و، به‌ فه‌رمى داوامان له‌ سه‌رجه‌م سه‌رۆكفراكسیۆنه‌كان كرد كه‌ داوا له‌ لایه‌نه‌ سیاسییه‌كانى خۆیان بكه‌ن ڕا و سه‌ر‌نج و تێبینییه‌كانیان له‌باره‌ى ده‌ستوورەوە بگه‌یەننه ‌سه‌رۆكایه‌تیى په‌رله‌مان تا 15ى ئه‌م مانگه‌، بۆ ئه‌وه‌ى بتوانین پڕۆژه‌یه‌كى نیشتمانیی هاوبه‌ش ئاماده‌ بكه‌ین، به‌ڵام ئه‌مڕۆ ئه‌و واده‌یه‌ كۆتایى هات و هیچ فراكسیۆنێك به ‌فه‌رمى ڕا و سه‌ر‌نج و تێبینیى حیزبه‌كەنیان پێشكه‌شمان نه‌كرد، بۆیه‌ سبه‌ى، دووشه‌ممه‌، به ‌نووسراوى فه‌رمى دووباره‌ داواكارییه‌كه‌یان ئاڕاسته‌ ده‌كه‌ینه‌وه‌".

سكرتێرى په‌رله‌مانى كوردستان گوتیشى: "ئامانجمان له‌ ئاڕاسته‌كردنى نووسراوى فه‌رمى بۆ سه‌رجه‌م فراكسیۆنه‌كان بۆ ئه‌وه‌یه‌ تا فشار بخه‌نه‌ سه‌ر حیزبه‌كانیان و ڕا و سه‌ر‌نج و بۆچوونه‌كانیان بێننه‌ په‌رله‌مان، سه‌باره‌ت به ‌پرسى ده‌ستوور و ئینجا دواتر به‌ دواداچوونى خۆمان ده‌كه‌ین، چونكه‌ له ‌پرسى ده‌ستوور ڕا و بۆچوونى لایه‌نه‌كان، ئه‌وانه‌ى له‌ په‌رله‌مان كورسییان هه‌یه ‌و ئه‌وانه‌شى له ‌ده‌ره‌وه‌ى په‌رله‌مانن و كورسیى په‌رله‌مانیان نییه‌ زۆر به‌هه‌ند وه‌رده‌گیرێت ".

قه‌هوه‌چى دەشڵێت: "له‌ دواى ئه‌و نووسراوه‌ فه‌رمییه‌ دووباره‌ كاتێكى تر بۆ فراكسیۆنه‌كان دیارى ده‌كه‌ین بۆ ئه‌وه‌ى له‌و ماوه‌یەدا‌ ڕا و سرنج و تێبینیى حیزبه‌كانیان پێشكه‌ش به‌ ده‌سته‌ى سه‌رۆكایه‌تیى په‌رله‌مان بكه‌ن ".

له ‌كۆتاییشدا سكرتێرى په‌رله‌مانى كوردستان گوتى: "پرسى ده‌ستوور ڕه‌هه‌ندێكى نیشتمانیى هه‌یه‌ و بۆ هه‌موو تاكێكى خەڵكى كوردستانه‌ و، پێویسته‌ له‌ ده‌ره‌وه‌ى په‌رله‌مان لایه‌نه‌ سیاسییه‌كان ته‌وافوقى له‌سه‌ر بكه‌ن بۆ ئه‌وه‌ى له‌ناو په‌رله‌مان كێشه‌ى بۆ دروست نه‌بێت و له‌ كه‌شێكى ئارامدا ئاماده‌ بكرێت، بۆ ئه‌م مه‌به‌سته‌ش سه‌رۆكایه‌تیى هه‌رێمى كوردستان و  نێچیرڤان بارزانى، سه‌رۆكى هه‌رێمى كوردستان له‌گه‌ڵ لایه‌نه ‌سیاسییه‌كان هه‌نگاویان نا و ئەرکی خۆیان بەجێ هێنا.''

لە خولی چوارەمی پەرلەمانى كوردستاندا، 51 ماددەی ڕەشنووسی دەستوور کۆدەنگییان لەسەر کرا و، لە خولی پێنجەمیشدا گەیشتنە 72 ماددە، بەڵام چەند ماددەیەک خاڵی ناکۆکیی نێوان لایەنە سیاسییەکان بوون، ئه‌مه‌ش واى كرد مادده‌كانى تر ته‌واو نه‌كرێت و ده‌ستووریش بكه‌وێته‌ ئه‌م خوڵه‌ى په‌رله‌مان.

نه‌شوان به‌رزنجى

 




دوایین هەواڵەکان

سبه‌ى هه‌ینى مووچه‌ دابه‌ش ده‌كرێت

THURSDAY, 24 JUNE 2021 12:06:03

هەولێر-KDP.info- وه‌زاره‌تى دارایی و ئابووریی حكوومه‌تى هه‌رێمى كوردستان، له‌ ڕاگه‌یاندراوێكدا ئاماژه‌ به‌وه‌ ده‌دات، ده‌ست به‌ دابه‌شكردنى مووچه‌ى مانگى شه‌ش ده‌كرێت.

 
یاوەر بۆ KDP: پلە بەرزكردنەوە سەرجەم هێزەكانی پێشمەرگە دەگرێتەوە

THURSDAY, 24 JUNE 2021 12:06:23

هەولێر-KDP.info- پلەبەرزكردنەوەی هێزەكانی پێشمەرگە لە ئایندەیەكی نزیكدا دەست پێدەكاتەوە، ئەمینداری گشتیی وەزارەتی پێشمەرگەش دەڵێت، لە ئێستادا وردبینیكرن لە ناوەكان دەستی پێكردووە و لە دوای تەواوبوونی ڕێكارە یاسایی و ئیدارییەكان، بڕیارەكە دەچێتە بواری جێبەجێكردنەوە و سەرجەم هێزەكانی پێشمەرگەش دەگرێتەوە.

 
راگەیاندنی پارتی سەرەخۆشی لە زانا خەلیل و د. رێبەر فەتاح دەكات

THURSDAY, 24 JUNE 2021 11:06:42

هەولێر-KDP.info- دەزگای رۆشنبیری و راگەیاندنی پارتی دیموكراتی كوردستان، لە دوو پرسەنامەی جیادا، سەرەخۆشی لە هەردوو میدیاكار (زانا خەلیل) و (د. رێبەر فەتاح) دەكات.

 
فه‌رمانگه‌ی میدیا و زانیاری حكومه‌تی هه‌رێم ڕاپۆرتێكی كه‌ناڵی (الحره‌ - العراق) ڕه‌تده‌كاته‌وه‌

WEDNESDAY, 23 JUNE 2021 22:06:24

هەولێر-KDP.info- فه‌رمانگه‌ی میدیا و زانیاری حكومه‌تی هه‌رێمی كوردستان ڕاپۆرتێكی كه‌ناڵی (الحره‌ - العراق) ڕه‌تده‌كاته‌وه‌و رایگه‌یاند: بەداخەوە لە ڕاپۆرته‌كه‌دا كه‌وتوونەته‌ چه‌ندین هه‌ڵەوە،‌ كه‌ پشتیان به‌ زانیاریی نادروست به‌ستووه‌ به‌بێ ئه‌وه‌ی له‌ ڕاستییه‌كان دڵنیا ببنه‌وه‌.

سەرۆکی حکومەتی هەرێمی کوردستان پێشوازی لە نێردەی تایبەتی ئەمەریکا بۆ هاوپەیمانیی نێودەوڵەتی دژی داعش دەکات

WEDNESDAY, 23 JUNE 2021 19:06:32

ھەولێر-KDP. info-   ئەمڕۆ چوارشەممە 23ی حوزەیرانی 2021 مەسرور بارزانی سەرۆکی حکومەتی هەرێمی کوردستان پێشوازی لە جۆن گادفرەی نێردەی تایبەتی ئەمەریکا بۆ هاوپەیمانیی نێودەوڵەتی دژی داعش بە وەکالەت و شاندێکی یاوەری کرد.

 


 
© 2021 Kurdistan Democratic Party, KDP

Contact