Kurdî  ■  كوردی  ■  عربي
FRI, 11 JUL 2025 10:33 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

سه‌رۆكى هه‌رێمى كوردستان له‌گه‌ڵ باڵیۆزى ئه‌مه‌ریكا كۆبووه‌وه‌
| KDP.info


هەولێر-KDP.info- ئێواره‌ى ئه‌مڕۆ سێشه‌ممه‌ 2021/4/12 له‌ هه‌ولێر، به‌ڕێز نێچیرڤان بارزانى، سه‌رۆكى هه‌رێمى كوردستان پێشوازى له‌ به‌ڕێز ماتیو توله‌ر باڵیۆزى ئه‌مه‌ریكا له‌ عێراق كرد.

له‌ كۆبوونه‌وه‌یه‌كدا گه‌ڕى سێیه‌مى دیالۆگى ستراتیژیى عێراق ـ ئه‌مه‌ریكا كه‌ هه‌فته‌ى ڕابردوو به‌ڕێوه‌ چوو و هه‌رێمى كوردستانیش تیایدا به‌شدار بوو خرایه‌ به‌ر باس و داهاتووى په‌یوه‌ندییه‌كانى ئه‌مه‌ریكا و عێراقییان له‌ چوارچێوه‌ى ئه‌م دیالۆگه‌دا تاوتوێ كرد. هه‌ردوولا جه‌ختیان له‌ ویستى دوولایه‌نه‌ بۆ بره‌ودان به‌ په‌یوه‌ندییه‌كانى عێراق و هه‌رێمى كوردستان له‌گه‌ڵ ئه‌مه‌ریكا له‌سه‌ر بنه‌ماى به‌رژه‌وه‌ندیى هاوبه‌ش كرده‌وه‌.

له‌ ته‌وه‌رێكى دیكه‌ى كۆبوونه‌وه‌كه‌دا كه‌ به‌ڕێز كونسولى گشتیى ئه‌مه‌ریكا له‌ هه‌ولێر ئاماده‌ى بوو، باس له‌ سه‌ردانى سێ ڕۆژى ڕابردووى سه‌رۆك نێچیرڤان بارزانى بۆ به‌غدا و دیدار و كۆبوونه‌وه‌كانى له‌گه‌ڵ سه‌رۆكایه‌تییه‌كان و سه‌ركرده‌ و به‌رپرسانى باڵا و لایه‌ن و هێزه‌ سیاسییه‌كانى عێراق كرا و هه‌ردوولا هاوڕا بوون كه‌ بۆ تێپه‌ڕاندنى كێشه‌ و قه‌یرانه‌كانى وڵات و هه‌نگاونان به‌ره‌و ئاینده‌یه‌كى باشتر، ته‌بایى و هاریكاریى نێوان ته‌واوى هێز و لایه‌نه‌ سیاسییه‌كان و پێكهاته‌كانى عێراق پێویسته‌.

به‌ڕێزان سه‌رۆكى هه‌رێمى كوردستان و باڵیۆزى ئه‌مه‌ریكا له‌ عێراق باسیان له‌ په‌سه‌ندكردنى یاساى بودجه‌ له‌ ئه‌نجومه‌نى نوێنه‌ران كرد و به‌ هه‌نگاوێكى ئه‌رێنییان له‌ قه‌ڵه‌م دا، هه‌روه‌ها هیوایان خواست ئه‌م هه‌نگاوه‌ ببێته‌ ده‌رفه‌ت و هانده‌رێك بۆ لێكگه‌یشتنى زیاترى هه‌ولێر ـ به‌غدا و چاره‌سه‌ركردنى كێشه‌كانى دیكه‌ى نێوانیان له‌سه‌ر بنه‌ماى ده‌ستوور.

پێشهاته‌كانى په‌تاى كۆرۆنا و پرۆسه‌ى كوتان، ئاماده‌كارى و پرۆسه‌ى هه‌ڵبژاردنه‌كانى داهاتووى عێراق و بارودۆخى ناوچه‌كه‌ به‌گشتى، چه‌ند ته‌وه‌رێكى دیكه‌ى كۆبوونه‌كه‌ بوون.

 




دوایین هەواڵەکان

کابینەی نۆیه‌م بۆ پاراستنی ئاسایشی ئاو هەنگاوی ستراتیژیی ناوه‌

FRIDAY, 11 JULY 2025 10:07:58

ھەولێر-KDP.info- لە ساڵی 2019 کابینەی نۆیەمی حکوومەتی هەرێمی کوردستان بە سەرۆکایەتیی مەسروور بارزانی پێکهێندرا، دوای سوێندخواردنی لە بەردەم نوێنەرانی خەڵكی کوردستان، کارنامەیەکی پڕ لە پلان و ئامانجی درێژخایه‌نى پێشکەش بە نوێنەرانی خەڵكی کوردستان کرد و ئامانجی خودی سەرۆکی حکوومەتی هەرێمی کوردستان و کابینەی نۆیەمیش، کوردستانێکی بەهێز بوو.

 
سبه‌ی هەرێمی کوردستان میوانداری بەڕێوەچوونی پرۆسەیەکی گرینگ و چارەنوسساز دەکات

THURSDAY, 10 JULY 2025 21:07:18

ھەولێر-KDP.info- گوتەبێژی سەرۆکایەتیی هەرێمی هەرێمی کوردستان دەڵێت، هەموو ئاسانکارییەک کراوە بۆ بەڕێوەچوونی ڕێوڕەسمی چەکدانانی ژمارەیەک چەکداری پەکەکە ده‌شڵێت، هەرێمی کوردستان میوانداری ئه‌م پرۆسە گرنگه‌ دەکات.

 
کۆمپانیا کەنەدییەکان دەیانەوێت لە ھەرێمی کوردستان کار بکەن

THURSDAY, 10 JULY 2025 18:07:10

ھەولێر-KDP.info- سەرۆکی دەستەی وەبەرھێنان لە ھەرێمی کوردستان دەڵێت "پەیوەندی نێوان ھەرێمی کوردستان و کەنەدا زۆر باشە و کۆمپانیا کەنەدییەکان دەیانەوێت بێن لە ھەرێمی کوردستان کار بکەن، ئێمەش وەکو حکوومەتی ھەرێمی کوردستان ھاوکاری و ئاسانکاری تەواویان بۆ دەکەین." 

 
شانده‌كه‌ی پەرلەمانتارانی دەم پارتی ئەمشەو لە هەولێر دەمێننەوه‌

THURSDAY, 10 JULY 2025 15:07:27

ھەولێر-KDP.info- بۆ بەشداربوون لە رێوڕەسمی چەکدانانی گرووپێکی پارتی کرێکارانی کوردستان (پەکەکە)، شاندێکی پەرلەمانتارانی دەم پارتی و کەسایەتییەکانی باکووری کوردستان گەیشتنە هەرێمی کوردستان. 

 
ڕوونكردنەوەیەك لە وەزارەتی ناوخۆی حكوومەتی هەرێمی كوردستانەوە

THURSDAY, 10 JULY 2025 13:07:31

ھەولێر-KDP.info- وەزارەتی ناوخۆی هەرێمی کوردستان بڵاویکردەوە، لە ئەنجامی ناکۆکیی نێوان چەند کەسێک لە سەر کێشەی زەوی و زار، گرژی و نائارامی لە ناوچەی خەباتی سەر بە پارێزگای هەولێر دروست بوو کە بە داخەوە بووە هۆکاری زیانی گیانی و ماددی.

 


 
© 2023 Kurdistan Democratic Party, KDP

Contact