Kurdî  ■  كوردی  ■  عربي
SUN, 16 MAY 2021 20:58 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نێچیرڤان بارزانى له‌گه‌ڵ سه‌ركرده‌ عێراقییه‌كان جه‌خت له‌ سه‌قامگیریى وڵات ده‌كاته‌وه‌
| KDP.info


بەغدا-KDP.info- له‌ ڕۆژى دووه‌مى سه‌ردانیدا بۆ به‌غدا، ئه‌مڕۆ یه‌كشه‌ممه‌ 2021/4/11 به‌ڕێز نێچیرڤان بارزانى، سه‌رۆكى هه‌رێمى كوردستان سه‌ردانى ژماره‌یه‌ك سه‌ركرده‌ و هێزه‌ سیاسییه‌كانى عێراقى كرد كه‌ بریتى بوون له به‌ڕێزان عه‌ممار ئه‌لحه‌كیم سه‌رۆكی ڕه‌وتی حیكمه،‌ ئوسامه‌ نوجه‌یفی سه‌رۆكی به‌ره‌ی ڕزگاری و په‌ره‌پێدان، جه‌مال ئه‌لزاری، ئه‌مینداری گشتیی پرۆژه‌ی نیشتمانیی عێراقی، نووری ئه‌لمالكی، سه‌رۆكی هاوپه‌یمانیی ده‌وڵه‌تی یاسا، هادی ئه‌لعامری، سه‌رۆكی هاوپه‌یمانی فه‌تح، د. حه‌یده‌ر عه‌بادی، سه‌رۆكی هاوپه‌یمانیی نه‌سر، د. نه‌سسار ئه‌لروبه‌یعی، سه‌رۆكی ده‌سته‌ی سیاسیی ڕه‌وتی سه‌دری و ئه‌ندامانى ده‌سته‌كه‌.

له‌ كۆبوونه‌وه‌كاندا ڕاشكاوانه‌ و به‌ كراوه‌یى دۆخى سیاسى و ئابوورى و ئه‌منیى عێراق و ته‌حه‌دییه‌ جیاكانى به‌رده‌م وڵات، په‌یوه‌ندییه‌كانى هه‌ولێر ـ به‌غدا و گفتوگۆى نێوانیان بۆ چاره‌سه‌ركردنى كێشه‌ هه‌ڵواسراوه‌كان، مه‌ترسییه‌كانى تیرۆر و هه‌ڕه‌شه‌كانى داعش، په‌یوه‌ندییه‌كانى عێراق و وڵاتانى ناوچه‌كه‌ و جیهان، هه‌ڵبژاردنه‌كانى داهاتووى عێراق و دۆخى ناوچه‌كه‌ به‌گشتى، تاوتوێ كران.

سه‌رۆك نێچیرڤان بارزانى سوپاسى هاوكارى و هه‌ماهه‌نگیى نێوان لایه‌نه‌ عێراقییه‌كانى كرد بۆ په‌سه‌ندكردنى بودجه‌ى عێراق و هیواى خواست ئه‌وه‌ سه‌ره‌تایه‌ك بێت بۆ هه‌نگاونان به‌ره‌و چاره‌سه‌ركردنى كێشه‌كانى دیكه‌ى عێراق به‌گشتى و كێشه‌كانى نێوان حكوومه‌تى فیدراڵى عێراق و حكوومه‌تى هه‌رێمى كوردستان به‌تایبه‌تى. به‌ڕێزیان ئاماده‌یى و خواستى هه‌رێمى كوردستانى بۆ چاره‌سه‌ركردنى كێشه‌كانى هه‌ولێر ـ به‌غدا به‌ گفتوگۆ و له‌سه‌ر بنه‌ماى ده‌ستوور دووپات كرده‌وه‌ و گوتى: “هه‌موومان له‌ عێراق هه‌ڵه‌مان كردووه‌، ده‌بێ به‌ تێڕوانینێكى تازه‌ى هاوبه‌شه‌وه‌ بۆ داهاتوو و بۆ چاره‌سه‌ركردنى كێشه‌كان لاپه‌ڕه‌یه‌كى تازه‌ هه‌ڵبده‌ینه‌وه‌ و سوورد له‌ ئه‌زموون و هه‌ڵه‌كانى ڕابردوو وه‌رگرین”.

سه‌رۆك نێچیرڤان بارزانى جه‌ختى له‌وه‌ كرده‌وه‌ كه‌ سه‌قامگیرى و پێشكه‌وتنى عێراق و گه‌ڕانه‌وه‌ى بۆ پێگه‌ى ئاساییى خۆى، به‌ چاره‌سه‌ركردنى كێشه‌ ناوخۆییه‌كانییه‌وه‌ به‌نده‌ و چاره‌سه‌ركردنى كێشه‌كانى هه‌رێمى كوردستانیش له‌گه‌ڵ حكوومه‌تى فیدراڵ، كلیلى سه‌قامگیرى و داهاتوویه‌كى باشتره‌ بۆ ته‌واوى عێراق، هه‌رچه‌ند كێشه‌كانى عێراق چاره‌سه‌ر ببن، ئه‌وه‌نده‌ به‌هێز ده‌بێت، بۆ ئه‌م مه‌به‌سته‌ش گرنگه‌ دانیشتن و په‌یوه‌ندیى به‌رده‌وام له‌نێو لایه‌نه‌ عێراقییه‌كاندا هه‌بێت و ڕایگه‌یاند: “ئه‌م سه‌ردانه‌شمان بۆ به‌غدا له‌سه‌ر ئه‌م بنه‌مایه‌یه‌ و ده‌مانه‌وێت له‌گه‌ڵ هه‌موو لایه‌ك له‌ په‌یوه‌ندیى به‌رده‌وامدا بین و دیدار و كۆبوونه‌وه‌كان له‌ به‌غدا و هه‌ولێر به‌رده‌وام بن”.

به‌ڕێزیان هه‌روه‌ها گوتى: “هێز و ئارامى و سه‌قامگیریى عێراق پێكه‌وه‌ به‌ستراوه‌، نه‌وه‌یه‌كى تازه‌ى سیاسى له‌ عێراق دروست بووه‌ و ده‌بێ به‌ دانایى و نه‌رمى مامه‌ڵه‌‌ له‌گه‌ڵ دۆخه‌كه‌ و ڕووداوه‌كاندا بكرێت. ده‌بێ هه‌مووان له‌ عێراق پێكه‌وه‌ بگه‌ینه‌ تێگه‌یشتنێكى هاوبه‌ش بۆ ئاینده‌یه‌كى باشتر و چاره‌سه‌ركردنى كێشه‌كان. عێراق خاوه‌نى سه‌رچاوه‌ى مرۆیى و سروشتیى ده‌وڵه‌مه‌نده‌ و ده‌بێ هه‌موو لایه‌ن و پێكهاته‌كان له‌ پرۆسه‌ى سیاسى و به‌ڕێوه‌بردنى وڵاتدا هاوبه‌ش بن و له‌ ئه‌رك و مافه‌كاندا یه‌كسان بن. عێراق پێویستى به‌ به‌هیزكردنى دامه‌زراوه‌كانیه‌تى و گه‌لى عێراق له‌ هه‌موو شوێنێكى وڵات شایسته‌ى ژیانێكى باشتره‌ و پێشبینیى زیاترى خزمه‌تگوزارى ده‌كه‌ن، حه‌ز ده‌كه‌ین هه‌موو عێراق پێشكه‌وتوو بێت”.

له‌ كۆبوونه‌وه‌كاندا لایه‌نه‌ عێراقییه‌كانیش سوپاسى سه‌ردانى سه‌رۆك نێچیرڤان بارزانییان بۆ به‌غدا كرد و دیدار و كۆبوونه‌وه‌كانى له‌گه‌ڵ سه‌ركرده‌ و هێز و لایه‌نه سیاسییه‌كان‌ به‌ گرنگ له‌ڕووى كاته‌وه‌، هه‌روه‌ها به‌ ده‌ستپێشخه‌رى و هه‌نگاوێكى ئه‌رێنى له‌ قه‌ڵه‌م دا و هیوایان خواست ببێته‌ ده‌رفه‌تێك بۆ گفتوگۆیه‌كى جددیى لایه‌نه‌كان له‌سه‌ر كێشه‌‌ و گرفته‌كانى عێراق و هاوكارى و هه‌ماهه‌نگیى نێوانیان بۆ چۆنیه‌تیى چاسه‌ره‌كردنیان و قووڵكردنه‌وه‌ى هاوبه‌شى له‌نێوان هه‌موواندا.

-

-

-

-

-

-

-

-

-

 




دوایین هەواڵەکان

قه‌هوه‌چی: داوای ڕا و سەر‌نج و تێبینیی لایه‌نه ‌سیاسییه‌كان دەربارەی دەستوور لە فراکسیۆنەکانیان دەکەین

SUNDAY, 16 MAY 2021 18:05:25

هه‌ولێر -kdp.info- سكرتێرى  كوردستان له‌بارەی هه‌وڵه‌كانى ده‌سته‌ى سه‌رۆكایه‌تیى په‌رله‌مان بۆ پرسى نووسینه‌وه‌ى ده‌ستوور و كۆتا واده‌ى پێشكه‌شكردنى ڕا و سر‌نج و تێبینییه‌كانى لایه‌نه ‌سیاسییه‌كان له‌ ڕێگاى فراكسیۆنه‌كانیانەوە ڕاده‌گه‌یەنێت و دەڵێت، ئه‌مرۆ كۆتا واده ‌بوو بۆ ئه‌وه‌ى فراكسیۆنه‌كان ڕا و سرنج و تێبینییه‌كانیان پێشكه‌ش به ‌سه‌رۆكایه‌تیى په‌رله‌مان بكه‌ن، به‌ڵام پێشكه‌شیان نه‌كرد، سبه‌ى به‌ نووسراوى فه‌رمى ئاگاداریان ده‌كه‌ینه‌وه‌.

 

بە گوژمەی ٥ ملیار و ٧٧٤ ملیۆن دینار پڕۆژەی نوێ لە ئامێدی جێبەجێ دەکرێت

SUNDAY, 16 MAY 2021 17:05:41

ئامێدی-KDP.info- قایمقامی قەزای ئامێدی گوتی، لە سنووری قەزای ئامێدی بە گوژمەی پێنج ملیار و ٧٧٤ ملیۆن دینار پڕۆژەی نوێ و جۆراوجۆر لە ئامێدی و ھەرشەش ناحیەی سەر بەو قەزایە جێبەجێ دەکرێت کە ژمارەیان ٣٠ پڕۆژەیە.

 

"شاندێکی ھەرێم بۆ پرسی بوودجە دەچێتە بەغدا"

SUNDAY, 16 MAY 2021 17:05:11

بڕیارە لەم مانگەدا بەغدا بەشەبوودجەی ھەرێمی کوردستان خەرج بکات و ئەندامێکی لیژنەی داراییی پەرلەمانی عێراقیش دەڵێت، سەرۆکوەزیرانی عێراق دڵنیاییی داوە لە ناردنی پشکی ھەرێمی کوردستان.

 
ئاریشه‌ی ئیسرائیل و فه‌ڵه‌ستین

SUNDAY, 16 MAY 2021 16:05:09

دارا باراوی

سلێمانی.. لە 5 ڕۆژی ڕابردوودا 20 ملیۆن دۆلار داهاتی شوێنە گەشتیارییەكان بووە

SUNDAY, 16 MAY 2021 16:05:22

سلێمانی-KDP.info- گوتەبێژی بەرێوەبەرایەتیی گەشتوگوزاری سلێمانی دەڵێت، بەپێی ئامارەكان، لە ڕۆژانی جەژنی ڕەمەزاندا زیاتر لە 100 هەزار گەشتیار ڕوویان لە ناوچە گەشتیارییەكانی سنووری پارێزگای سلێمانی كردووە، كە زۆربەری زۆری ئەو گەشتیارانەش خەڵكی ناوەڕاست و باشووری عێراق بوون و لە ماوەی 5 رۆژی رابردووشدا، 20 ملیۆن دۆلار داهاتی شوێنە گەشتیارییەكان بووە.

 


 
© 2021 Kurdistan Democratic Party, KDP

Contact