Kurdî  ■  كوردی  ■  عربي
TUE, 13 APR 2021 07:29 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

سه‌رۆكی ھەرێمی کوردستان، له‌گه‌ڵ لایه‌نه‌ سیاسییه‌كان كۆبووه‌وه‌
| KDP.info


ھەولێر-KDP. info-   ئه‌مڕۆ پێنجشه‌ممه‌ 8/4/2021 به‌ڕێز نێچیرڤان بارزانى، سه‌رۆكى هه‌رێمى كوردستان له‌گه‌ڵ هێز و لایه‌نه‌ سیاسییه‌كانى هه‌رێمى كوردستان كۆبووه‌وه‌.

له‌ كۆبوونه‌وه‌كه‌دا كه‌ به‌ڕێزان جێگرانى سه‌رۆك ئاماده‌ى بوون، بارودۆخى عێراق و ناوچه‌كه‌، په‌یوه‌ندییه ده‌ره‌كییه‌كانى هه‌رێمى كوردستان، سه‌ردانى سه‌رۆك نێچیرڤان بارزانى بۆ فه‌ره‌نسا، ڕۆڵى هه‌رێمى كوردستان له‌ هاوكێشه‌ سیاسییه‌ تازه‌كاندا، په‌یوه‌ندییه‌كانى هه‌ولێڕ ـ به‌غدا، دیالۆگى ستراتیژیى ئه‌مه‌ریكا ـ عێراق و به‌شدارى و ڕۆڵى هه‌رێمى كوردستان تیایدا، هه‌ڵبژاردنه‌كانى عێراق، بارودۆخى ناوخۆ و په‌یوه‌ندیى نێوان پێكهاته‌ و لایه‌نه‌ سیاسییه‌كان، تاوتوێ كرا.

له‌ كۆبوونه‌وه‌كه‌دا وێڕاى دووپاتكردنه‌وه‌ى ده‌ستخۆشى و پێزانین بۆ ده‌ستپێشخه‌ریى سه‌رۆكایه‌تیى هه‌رێمى كوردستان و كۆكردنه‌وه‌ى هێز و لایه‌نه‌ سیاسییه‌كان، له‌ كه‌شێكى ڕاشكاو و كراوه‌دا كێشه‌ و نیگه‌رانییه‌كان خرانه‌ ڕوو و جه‌خت له‌ پێویستى و گرنگیى یه‌كڕیزى، ته‌بایى، گفتوگۆ و لێكگه‌یشتن له‌نێوان لایه‌نه‌ سیاسییه‌كاندا بۆ چاره‌سه‌ركردنى كێشه‌كان، كرایه‌وه

‌.

كۆبوونه‌وه‌ په‌سندكردنى یاساى بودجه‌ى عێراقى به‌ هه‌نگاوێكى ئه‌رێنى له‌ به‌ره‌وپێشچوونى په‌یوه‌ندییه‌كانى نێوان هه‌رێمى كوردستان و حكوومه‌تى فیدراڵى عێراق له‌ قه‌ڵه‌م دا و هیواى خواست یاساكه‌ جێبه‌جێ بكرێت و ڕه‌نگدانه‌وه‌ى ئه‌رێنى به‌سه‌ر ژیان و گوزه‌رانى هاووڵاتیان و دۆخى ئابووریى عێراق و هه‌رێمى كوردستانه‌وه‌ هه‌بێت و ڕێخۆشكه‌ر بێت بۆ چاره‌سه‌ركردنى كێشه‌كانى نێوان هه‌ردوولا له‌سه‌ر بنه‌ماى ده‌ستوور و له‌ چوارچێوه‌ى سیستمى فیدرڵیدا.

له‌ كۆبوونه‌وه‌كه‌دا جه‌خت كرایه‌وه‌‌ كه‌ دۆخى ئێستاى هه‌رێمى كوردستان و ده‌سته‌به‌ركردنى مافه‌ ده‌ستوورییه‌كان، پاراستنى ده‌سكه‌وته‌كان و هه‌نگاونان بۆ ئاینده‌یه‌كى باشتر، واقعبینى و هه‌ستكردن به‌ به‌رپرساریه‌تیى هه‌مووان، پێكه‌وه‌كاركردن، هاوبه‌شى، ته‌بایى و یه‌كڕیزى ده‌خوازێت و به‌ گرنگییه‌وه‌ جه‌ختى له‌ پرۆسه‌ى چاكسازى و كاركردن بۆ باشتركردنى گوزه‌ر‌انى هاووڵاتیان و پێویستیى پاراستنى ئازادییه‌كان و ئازادیى ڕاده‌ربڕین و دانانى چوارچێوه و میكانیزمێك بۆ به‌رده‌وامیى ئه‌م كۆبوونه‌وانه‌ كرده‌وه‌.

سه‌رۆك نێچیرڤان بارزانى سوپاسى هێز و لایه‌نه‌ سیاسییه‌كانى كرد بۆ به‌ده‌نگه‌وه‌هاتنى بانگهێشته‌كه‌یان و سازدانى ئه‌م كۆبوونه‌وه‌یه‌ و دووپاتى كرده‌وه‌ كه‌ تاكه‌ ڕێگه‌ى تێپه‌ڕاندنى كێشه‌ و قه‌یرانه‌كان و پاراستنى ماف و ده‌سكه‌وته‌كان و پێگه‌ى ده‌ستوورى و فیدراڵیى هه‌رێمى كوردستان، ته‌بایى و پێكه‌وه‌یى و یه‌كڕیزییه‌، سه‌رۆكایه‌تیى هه‌رێمى كوردستانیش له‌م پێناوه‌دا به‌رده‌وام ده‌بێت و به‌ چه‌ترى كۆكه‌ره‌وه‌ى هه‌مووان ده‌مێنێته‌وه‌.




دوایین هەواڵەکان

نەتەنیاهۆ: ئێران مەترسیدارترین هەڕەشەیە بۆ سەر ڕۆژهەڵاتی ناوەڕاست

MONDAY, 12 APRIL 2021 22:04:23

هەولێر-KDP.info- ڕۆژێک پاش هێرشە سایبریکەی سەر سایتی ناوکی ناتانز، سەرۆک وەزیرانی ئیسرائیل، کۆماری ئیسلامی بە مەترسیدارترین هەڕەشە لە ڕۆژهەڵاتی ناوەڕاست ناوزەند کرد و گوتی ئیسرائیل هەرگیز رێگە بە ئێران نادات چەکی ناوکی پەیدا بکات.

سه‌رۆكى هه‌رێمى كوردستان له‌گه‌ڵ باڵیۆزى ئه‌مه‌ریكا كۆبووه‌وه‌

MONDAY, 12 APRIL 2021 22:04:00

هەولێر-KDP.info- ئێواره‌ى ئه‌مڕۆ سێشه‌ممه‌ 2021/4/12 له‌ هه‌ولێر، به‌ڕێز نێچیرڤان بارزانى، سه‌رۆكى هه‌رێمى كوردستان پێشوازى له‌ به‌ڕێز ماتیو توله‌ر باڵیۆزى ئه‌مه‌ریكا له‌ عێراق كرد.

پەیامی سەرۆکی هەرێمی کوردستان بەبۆنەی هاتنەوەی مانگی پیرۆزی ڕەمەزانه‌وه

MONDAY, 12 APRIL 2021 21:04:06

هەولێر-KDP.info- بەبۆنەی ھاتنەوەی مانگی پیرۆزی ڕەمەزانه‌وه‌، به‌ گه‌رمى پیرۆزبایی لە موسڵمانانی کوردستان، عێراق و جیهان دەکەم.

سەرۆکی هەرێمى كوردستان پیرۆزبایى له‌ بزووتنەوەی دیموکراتی ئاشووری ده‌كات

MONDAY, 12 APRIL 2021 21:04:04

بەڕێزان سكرتێری گشتی و ئەندامانی مەکتەبی سیاسی و سەركردایەتیی بزووتنەوەی دیموكراتی ئاشووری

بەیاننامەیەک له‌ وه‌زاره‌تی ناوخۆوه

MONDAY, 12 APRIL 2021 21:04:39

هەولێر-KDP.info- وه‌زاره‌تی ناوخۆی حكومه‌تی هه‌رێم بەیاننامەیەکی 17 خاڵی له‌ پێناو پاراستنی ئاسایشی ته‌ندروستی هه‌رێمی كوردستان بڵاوكرده‌وه‌.



 
© 2021 Kurdistan Democratic Party, KDP

Contact