Kurdî  ■  كوردی  ■  عربي
THU, 25 FEB 2021 21:35 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

فازڵ میرانی: تێپەڕاندنی بودجە پێوەری ڕاستگۆییی ئەوان دەبێت لەگەڵ ئێمە
| KDP.info


هەولێر-KDP.info- ئەمڕۆ شاندێکی ڕەوتی حیکمەی نیشتمانی سەردانی مەکتەبی سیاسیی پارتیی کرد و  فازڵ میرانی، سکرتێری مەکتەبی سیاسیی پارتی دیموکراتی کوردستان لە لێدوانێکی ڕۆژنامەوانیدا ئاشکرای کرد، ھەوڵێک ھەیە بۆ پێکھێنانی ھاوپەیمانییەک لە نێوان کورد و شیعە و سوننە، ھەروەسا دەڵێت، تێپەڕاندنی بودجە پێوەری ڕاستگۆییی ئەوان دەبێت لەگەڵ ئێمە.

فازڵ میرانی، سکرتێری مەکتەبی سیاسیی پارتی دیموکراتی کوردستان لە لێدوانێکی ڕۆژنامەوانیدا ڕایگەیاند: "حوکمڕانیی عێراق حوکمڕانییەکی سەقەتە، سەرەڕای ئەوەی برادەرانی بەغدا سینگی خۆیان دەردێنن و بە سیادی ناوی دەبەن، بەڵام بە حەقیقەت حوکمڕانییەکی سەقەتە، چونکە لە پڕۆسەیەکی سەقەتی بەکار ھاتووە، ئینتیما بۆ نیشتمان لە خوار ھەموو ئینتیمایەکەوەیە، لەنێو پێکھاتەکانیش ھەروایە، بەرژەوەندیی کەسی و حزبی لە سەرووی بەرژەوەندیی دیکەوەیە، لای ئێمەیش لەوانەیە ھەروا بێت، بەداخەوە ئەمە کێشەی میللەتانە، مافەکان وەردەگیرێن، نادرێن، کەس خێرمان پێ ناکات، ئێمە میللەتێکین زۆر لە عەرەبی عێراق کۆنترین لە عێراقدا، بەڵام لەنێو خاکی خۆمانداینە، کوردستان کە بووەتە بەشێک لە عێراق بەر لە جەنگی جیھانی بەشێک نەبووە لە جوگرافیای عێراق، بەڵام ئێستا بەشێکین لە عێراق، من لە دوای ڕیفڕاندۆمیش کە لە ڕەوشێکی نالەبار ھاتە ئاوارە، گوتم تا ئێمە لەنێو عێراقدا بین، عێراقیین، بەڵام کە لەناو عێراق دەرچووین دەبینە دراوسێیەکی باش بۆ عێراق، دەبێت مافەکانی خۆمان وەربگرین، کەس نامانداتێ، ئەمەیش بەو ڕەوشەی ئێستا ناکرێت، چونکە مافوەرگرتن هۆکاری زاتی و مەوزووعیی دەوێت، هۆکاری مەوزوعییش پەیدا بێت، هۆکاری زاتی نەبێت ناکرێت، کورد بەو پەرتەوازییەوە ناکرێت ھەریەک بە لایەکدا بکەوێت."

سکرتێری مەکتەبی سیاسیی پارتی گوتی: "ئەویش ھاتووە بۆ نزیکردنەوەی پێکھاتەی سیاسیی کورد لەگەڵ ھەندێک لە پێکھاتەی شیعەکان، ئەوانیش وەک ئێمە یەک نین، ئەوانیش تەیاری سەدری و عێراقیون و سائیروون و نەسر و حیکمەیان ھەیە، ئەوان مەبەستیانە زۆرینەیەکی کورد لەگەڵ زۆرینەیەکی شیعە و زۆرینەی سوننە بتوانن لە ھەڵبژاردنی داھاتوو ھاوپەیمانییەک پێک بێنن، تا لە دواڕۆژ دەسەڵات بگرنەوە دەست، بەڵام پەنجا زاید یەک زۆرینەیەکی باش نییە، چونکە ئەگەر پەنجا زاید یەک ئۆپۆزسیۆن بێت ئەوە ھەردوولا سەرکەوتوو نابن، ئەم وڵاتە سەقامگیری بە خۆیەوە نابینێت."

میرانی جەختی کردەوە: "ئێمە پێکھێنانی ھاوپەیمانی دیراسەت دەکەین لەگەڵ برادەرانی یەکێتی و گۆڕان و حزبەکانی دیکەش، ھەتا لە نێوخۆشمان ڕاوێژێک بکەین، ئەگەر ھاوپەیمانییەکی وەھا ھەبێت، باشە، بەڵام لەسەر کارنامەکەی بگەینە ڕێککەوتن، دەستوەرنەدان لە دەستوور یەکێک لە ھەرەمەرجە سەرەکییەکانی کورد، چونکە ھەندێک دەیانەوێ دوبارە بە دەستووردا بچنەوە، بە پێشبینیی ھەندێ شۆڤێنی گوایە ڕەوشی کورد خەلەلی تێ کەوتووە و ئەو سێ پارێزگایەی جاران ھەیبووە دەتوانن تەمرینی کەنەوە، بە دیدی من ھەر جیاوازییەکمان ھەبێت، بەڵام لەسەر پرسی نەتەوەیی دەبێت یەک قسە و یەک ھەڵوێست بین."

فازڵ میرانی ئاماژەی بۆ ئەوە کرد: "مافی کورد هەر شایستەی دارایی نییە، مافی کورد زۆرە، دارایی ساڵی جارێک دوبارە دەبێتەوە، ئێمە ژمارەیەک وەزیفەی گرینگمان لەدەست داوە لە عێراق، دووەم ئایا ئێمە شەریکین، یان موشاریکین، ئەگەر شەریکین ئەوە دەبێت لە ڕەوشێکی دیکەدا بێت، ئەگەریش موشاریکین، ئەوە بابەتێکی دیکەیە، لەبەر ئەوە مەسەلەیکی کورد ھەیە دەڵێت ''قڕەی مریشک لە فەزاحەتی شێخ ڕەزا باشترە''، لەبەر ئەوە تێپەڕاندنی بودجە پێوەری ڕاستگۆییی ئەوانە لەگەڵ ئێمە."

قائید میرۆ




دوایین هەواڵەکان

نێچیرڤان بارزانى سه‌رساخى ل ڕێزدار فه‌رهاد ئه‌ترووشى كر

THURSDAY, 25 FEBRUARY 2021 20:02:13

ئه‌ڤرۆ پێنجشه‌مى 2021/2/25 ڕێزدار نێچیرڤان بارزانى، د په‌یوه‌ندییه‌كا ته‌له‌فۆنیدا دگه‌لڕێزدار د. فه‌رهاد ئه‌ترووشى، پارێزگارێ به‌رێ یێ دهۆكێ، بۆ وه‌غه‌را دویماهیێ یا بابێوان یێ خودێ ژێ ڕازى، سه‌رساخى ل وان و مالباتا وان یا ڕێزدار كر و هیڤى خواستخودایێ مه‌زن خودێ ژێ ڕازى ب ب دلۆڤانیا خۆ شاد بكه‌ت و سه‌بر و ئارامیێ بده‌ته‌ وانو مالبات و كه‌سوكارێن وان.

 

سەرۆکی حکومەت سەرەخۆشی لە فەرهاد ئەتروشی دەکات

THURSDAY, 25 FEBRUARY 2021 20:02:06

ئێوارەی ئەمڕۆ پێنجشەممە 2021/2/25 مەسرور بارزانی سەرۆکی حکومەتی هەرێمی کوردستان، لە پەیوەندییەکی تەلەفۆنیدا ، سەرەخۆشی لە فەرهاد ئەمین ئەتروشی پارێزگاری پێشووی دهۆک کرد بۆ کۆچی دوایی باوکی.

 
سه‌رۆك نێچیرڤان بارزانى، سه‌ره‌خۆشى له به‌ڕێز مسته‌فا سه‌ید قادر ده‌كات

THURSDAY, 25 FEBRUARY 2021 19:02:44

ئێواره‌ى ئه‌مڕۆ پێنجشه‌ممه‌ 2021/2/25 به‌ڕێز نێچیرڤان بارزانى، سه‌رۆكى هه‌رێمى كوردستان، له‌ په‌یوه‌ندییه‌كى ته‌له‌فۆنیدا له‌گه‌ڵ به‌ڕێز مسته‌فا سه‌ید قادر جێگرى سه‌رۆكى هه‌رێمى كوردستان، بۆ كۆچى دواییى خوالێخۆشبووى باوكیان، پرسه‌ و سه‌ره‌خۆشى له‌ به‌ڕێزیان كرد و هاوخه‌مى له‌گه‌ڵ خۆیان و خانه‌واده‌ به‌ڕێزه‌كه‌یان ده‌ربڕى.

فه‌رمانى دامه‌زراندنی 171 پزیشكى كاتیی ڤێتێرنه‌رى ده‌رچوو

THURSDAY, 25 FEBRUARY 2021 18:02:32

هه‌ولێر-KDP.info-  گوتەبێژی وەزارەتی کشتوکاڵ و سەرچاوەکانی ئاوی حكوومه‌تى ھەرێمى كوردستان گوتی، فه‌رمانى دامه‌زراندنى 171 پزیشكى كاتیى ڤیتێرنه‌رى ده‌رچوو .

 

سەرۆکی حکومەت سەرەخۆشی لە جێگری سەرۆکی هەرێمی کوردستان دەکات

THURSDAY, 25 FEBRUARY 2021 18:02:18

ئێوارەی ئەمڕۆ پێنجشەممە 2021/2/25 مەسرور بارزانی سەرۆکی حکومەتی هەرێمی کوردستان، لە پەیوەندییەکی تەلەفۆنیدا ، سەرەخۆشی لە موستەفای سەید قادر جێگری سەرۆکی هەرێمی کوردستان کرد بۆ کۆچی دوایی باوکی.

 


 
© 2020 Kurdistan Democratic Party, KDP

Contact