Kurdî  ■  كوردی  ■  عربي
THU, 25 FEB 2021 21:36 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

ئێران چی لە بارزانی دەوێ؟
| KDP.info


تەنیا کوردی

داعش ھێزێکی گەورەی تیرۆر کە ھاتن و دەرکەوتن، راپۆرتە ھەواڵگرییەکانی ئەمەریکا دەیانگوت بۆ تێکشکاندنی ئەم ھێزە پێویستە سوپایەکی گەورەی سەد ھەزار کەسی لە جەنگاوەری تایبەت و بە چەکی پێشکەوتوو و بە پاڵپشتی ئاسمانی قاچیان بخەنە سەرزەوی و لە دژیان بجەنگن ئەوکاتە رەنگە داعش بوەستێنرێت.

ھێزێک کە ژمارەی تیرۆریستانی لەسەرووی سەدان ھەزار کەس بوو، ھێزێک کە پڕبوو لە شارەزایی تەکنۆلۆژیا، چەکی پێشکەوتوو و تانک، رۆکێت و خاوەنی نەوت، ھێزێک کە لە بەشێکی ستراتیژی گەورەی سووریا و عێراق حوکمی دەکرد و رووبەڕی ژێردەستی جیوگرافیای داعش گەورەتر بوو لە دەیان وڵاتی ئەورووپایی.

ئەم ھێزە خاوەنی تەواوی چەکی پێشکەوتووی ئەمەریکایی بوون.

ئەم ھێزە لە پڕێک کە سوکانی سەربازی بۆسەر مەخوور و لەوێیشەوە بۆسەر ھەولێر سوڕایەوە، پێشمەرگە وەک ئەوە وابوو بە تفەنگێکی ژەنگاویەوە گوللە لە ئەبرامز بگرێ، بەبێ ئیمکانیاتی چەکی پێشکەوتوو، ئاساییە کە پێشمەرگە لە ھەنگاوی یەکەمدا نەیتوانی ئەم ھێرشە تیروریستییە بوەستێنێ، ئاساییە لە جەنگدا تۆ نەتوانی ھێزێکی راھێنراوی گەورەی تیرۆریستی لەیەکەم پەلاماردا رابگری.

بە چەکێک پێشمەرگە شەڕی کرد کە جۆری چەکەکان مۆدێڵی کۆنی بەسەرچوویی شەڕ بوون، بەڵام ورەی پێشمەرگە بە جۆرێک بوو لە شکاندنی داعشدا کە گەورەتربوو لە قەبارەی ئەو چەکەی لە شانی بوو، راستە ھاوکاری ھاوپەیمان ھەبوو، راستە کۆماری ئیسلامی ئێران لە ڕێگەی قاسم سلێمانی ھاتن بۆ ھەولێر، بەڵام کۆمەک و یارمەتییەکانیان باشتر نەبوون لەو چەکەی پێشمەرگە لە شانی بوو یان بەدەستییەوە بوون.

بارزانی ئاساییە بۆ ھاوکاری شکاندنی داعش، ھاواری ھەموو جیھان بکات، بەڵام ئەو دەمێک بوو ھێزی پێشمەرگەی بەسەر دەکردەوە و دەمێک لە زەنگێکی وەھا مەترسیدار مرۆڤایەتی ئاگادار دەکردەوە کە ناوچەکە بەرەو ھەڵدێر دەچێت، ھەروەک پێش کەوتنی مووسڵ ئەم مەترسیەی بۆ عێراق و وڵاتانێک بەیان کرد، بەڵام ئێران، لێیان تێکچووە کە دەڵێن بارزانی ھاواری کرد کەس بەھانای نەھات، بارزانی پێش ھاتنی داعش ھاوارێکی مرۆڤایەتی کرد لە کەوتنی ناوچەکە، بەڵام کۆمەڵێک دەستی ئیقلیمی و دەوڵی تێکەڵبوون کە بەرژەوەندیان لە گەمەکە دەخرایە مەترسی بۆیە بەھانای بارزانی نەھاتن.

بارزانی لە داستانی خواکوڕکدا ورەی دایە پێشمەرگە کە بجەنگن و ئەم جەنگینە بەرھەمێکی گەورەی راپەڕینی لێ دروستبوو، ھەمان شت لە شەڕی داعش ورەی دایە پێشمەرگە دووبارە بجەنگن، بەرھەمێکی گەورەی لێ دروستبوو کە ئوستورەی داعشی شکاند و کورد جاڕی ریفراندۆمی دا..بارزانی و سەرکەوتن مێژوو و پاشخانێکی قوڵیان ھەیە، ئەوەی ئێران وەک منەتێک بە ئێمەی دەفرۆشێ لە ڕێگەی کورتە فیلمێکەوە خۆزگە بەشی دووەمیشی لەگەڵ بووایە کە چۆن قارەمانی نێو فیلمەکە لە شەڕی پردێ و سحێڵاو مەحودیە لە پشتەوەی حەشدەوە دەھات و دەچوو.

ئێران کاتی خۆی بە حەسەن نەسروڵڵایش منەتێکی قاسم سلێمانی لەسەر کردین، لە ئێستایشدا بە ڕێگەی ھۆلیودی ئیتلاعات منەتێکی ترمان لەسەر دەکات کە گوایە ئەوان نەیانھێشت ھەولێر بکەوێ، خۆ لەمکاتدا ھەولێرییەک گوتی با داعشەکان بێن، بە یەکەی یەک بەرد دەتوانین داعش و بەچکە داعشەکانیش بشکێنین، ئەمە ورەی ھەولێر بوو، دیاریش بوو ئەوەی داعشی شکاند لە مەخموور پێشمەرگە بوو، بەڵام ئێران دەیەوێ بە بارزانی بڵێ لەم گۆڕانگاریانەی لە ناوچەکەدا روودەدەن دەمانەوێ دۆستمان بیت و بێیتە سەر ئەکاونتی ھاوپەیمانێتی ئێمە، دەیەوێ بڵێ ئەگەر وانەکەی ئەوا ئێمە مەحکومت دەکەین بەوەی کە تۆ ھۆکاری شکاندنی نەخشەی ھیلالی شیعەیت لە ناوچەکە دا..بەڵام ئایا بارزانی ئامادەیە ھەولێر بکاتە یەمەن؟ بیکات بە سووریا؟ بۆیە ئەمەی بەرامبەر بارزانی دەکرێ تەنیا ئامانج لێی فرۆشتنی منەتێکە کە ئێران دەزانێ بارزانی رادەست نابێ، بۆیە لە ڕووی شەڕی دەروونییەوە دەیانەوێ لە دەستکەوتەکانی کەم بکەنەوە و ئەم جۆرە شەڕە دەروونییەش لە سەردەمی سەدامدا بەرھەمی نەبوو، لە ئێستایشدا لە قۆناغی شاردا ھەر بەرھەمی نابێت.

 




دوایین هەواڵەکان

نێچیرڤان بارزانى سه‌رساخى ل ڕێزدار فه‌رهاد ئه‌ترووشى كر

THURSDAY, 25 FEBRUARY 2021 20:02:13

ئه‌ڤرۆ پێنجشه‌مى 2021/2/25 ڕێزدار نێچیرڤان بارزانى، د په‌یوه‌ندییه‌كا ته‌له‌فۆنیدا دگه‌لڕێزدار د. فه‌رهاد ئه‌ترووشى، پارێزگارێ به‌رێ یێ دهۆكێ، بۆ وه‌غه‌را دویماهیێ یا بابێوان یێ خودێ ژێ ڕازى، سه‌رساخى ل وان و مالباتا وان یا ڕێزدار كر و هیڤى خواستخودایێ مه‌زن خودێ ژێ ڕازى ب ب دلۆڤانیا خۆ شاد بكه‌ت و سه‌بر و ئارامیێ بده‌ته‌ وانو مالبات و كه‌سوكارێن وان.

 

سەرۆکی حکومەت سەرەخۆشی لە فەرهاد ئەتروشی دەکات

THURSDAY, 25 FEBRUARY 2021 20:02:06

ئێوارەی ئەمڕۆ پێنجشەممە 2021/2/25 مەسرور بارزانی سەرۆکی حکومەتی هەرێمی کوردستان، لە پەیوەندییەکی تەلەفۆنیدا ، سەرەخۆشی لە فەرهاد ئەمین ئەتروشی پارێزگاری پێشووی دهۆک کرد بۆ کۆچی دوایی باوکی.

 
سه‌رۆك نێچیرڤان بارزانى، سه‌ره‌خۆشى له به‌ڕێز مسته‌فا سه‌ید قادر ده‌كات

THURSDAY, 25 FEBRUARY 2021 19:02:44

ئێواره‌ى ئه‌مڕۆ پێنجشه‌ممه‌ 2021/2/25 به‌ڕێز نێچیرڤان بارزانى، سه‌رۆكى هه‌رێمى كوردستان، له‌ په‌یوه‌ندییه‌كى ته‌له‌فۆنیدا له‌گه‌ڵ به‌ڕێز مسته‌فا سه‌ید قادر جێگرى سه‌رۆكى هه‌رێمى كوردستان، بۆ كۆچى دواییى خوالێخۆشبووى باوكیان، پرسه‌ و سه‌ره‌خۆشى له‌ به‌ڕێزیان كرد و هاوخه‌مى له‌گه‌ڵ خۆیان و خانه‌واده‌ به‌ڕێزه‌كه‌یان ده‌ربڕى.

فه‌رمانى دامه‌زراندنی 171 پزیشكى كاتیی ڤێتێرنه‌رى ده‌رچوو

THURSDAY, 25 FEBRUARY 2021 18:02:32

هه‌ولێر-KDP.info-  گوتەبێژی وەزارەتی کشتوکاڵ و سەرچاوەکانی ئاوی حكوومه‌تى ھەرێمى كوردستان گوتی، فه‌رمانى دامه‌زراندنى 171 پزیشكى كاتیى ڤیتێرنه‌رى ده‌رچوو .

 

سەرۆکی حکومەت سەرەخۆشی لە جێگری سەرۆکی هەرێمی کوردستان دەکات

THURSDAY, 25 FEBRUARY 2021 18:02:18

ئێوارەی ئەمڕۆ پێنجشەممە 2021/2/25 مەسرور بارزانی سەرۆکی حکومەتی هەرێمی کوردستان، لە پەیوەندییەکی تەلەفۆنیدا ، سەرەخۆشی لە موستەفای سەید قادر جێگری سەرۆکی هەرێمی کوردستان کرد بۆ کۆچی دوایی باوکی.

 


 
© 2020 Kurdistan Democratic Party, KDP

Contact