Kurdî  ■  كوردی  ■  عربي
THU, 25 FEB 2021 22:09 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

له ‌سلێمانى به‌ بڕى 100 ملیار دینار گه‌وره‌ترین کۆگاى بازرگانى دروست ده‌کرێت
| KDP.info


سلێمانی-KDP.info- ژوورى بازرگانى و پیشه‌سازیى سلێمانى نوێترین گه‌نجینه‌ بۆ هه‌ڵگرتنى خۆراک و پێداویستییه‌کان به‌ پێوه‌ر و ستاندارده‌ جیهانییه‌کان دروست ده‌کات و ئێستا کاری تێدا دەکرێت.‌ به‌ڕێوبه‌رى پرۆژه‌که‌ش ده‌ڵێت, پرۆژەکە یه‌کێکه‌ له‌ پرۆژه‌ ستراتیژى و گرنگه‌کانى شارى سلێمانى که‌ هاوشێوه‌ى له‌ عێراقدا نییه‌ و تاکو ئێستا هیچ پرۆژه‌یه‌کى له‌م شێوه‌یه‌ له‌ عێراق و هه‌رێمى کوردستان دروست نه‌کراوه‌ .

سامان ئیبراهیم, به‌ڕێوەبه‌رى پرۆژه‌ى گه‌نجینه‌کانى ژوورى بازرگانیى سلێمانی، به ‌ماڵپەڕى فه‌رمیى پارتى دیموکارتى کوردستانى ڕاگه‌یاند: "پرۆژه‌ى گه‌نجینه‌کانى ژوورى بازرگانی و پیشه‌سازیى سلێمانى که‌ له‌ نزیک گوندى ژاڵه‌ى سه‌روو له‌سه‌ر ڕێگاى سلێمانى- عه‌ربه‌ت جێبه‌جێ ده‌کرێت, یه‌کێکه‌ له‌ پرۆژه‌ هه‌ره‌ ستراتیژى و گرنگه‌کانى پارێزگاى سلێمانى و ته‌نانه‌ت عێراقیش, پرۆژه‌که‌ له‌سه‌ر 393 دۆنم زه‌وى  به‌ گوژمه‌ى 100 ملیار دینار له‌لایه‌ن بازرگانان و خاوه‌ن کۆگاکانه‌وه‌ جێبه‌جێ ده‌کرێت, له دروستکردنى پرۆژه‌که‌دا هه‌موو ستاندار و پێوه‌رێکى جیهانى ڕه‌چاو کراوه‌، ‌ئێستا 70./.ی پرۆژه‌که‌ ته‌واو بووه‌ و به‌پێى ئه‌و پلانه‌ى دانراوه‌ کۆتایى 2021    پرۆژه‌که‌ به‌ کۆتایی ده‌گه‌یه‌نرێت.''

گوتیشى: ''ڕووبه‌رى گه‌نجینه‌کان جیاوازن به ‌شێوه‌یه‌ک گه‌نجینه‌کان به‌سه‌ر چوار زۆندا دابه‌ش بووه‌ که‌ ڕووبه‌ره‌که‌یان بریتییه‌ له‌ گه‌نجینه‌ى ٢٠٠ مه‌ترى و ٤٠٠ مه‌ترى و ٦٠٠ مه‌ترى و ٨٠٠ مه‌تری, ٤٠٪ی ئه‌م گه‌نجینانه‌ به‌ پله‌ى یه‌که‌م ته‌رخان ده‌کرێت بۆ بوارى خۆراک، له‌به‌ر ئه‌وه‌ى داواکارییه‌کى زۆرى له‌سه‌ره‌ له‌لایه‌ن بازرگانانه‌وه‌، به‌شێکى ترى ته‌رخان ده‌کرێت بۆ بوارى کاره‌بایى و پێداویستیی ناوماڵ و دروستکردنى چه‌ند گه‌نجینه‌ک به‌ به‌ڕاد, جگه‌ له‌وه‌ش پلانمان وایه‌ ئه‌م گه‌نجینانه‌ ته‌نها بۆ هه‌ڵگرتنى کاڵا و شتومه‌ک به‌کار نه‌هێنرێت، به‌ڵکو ببێت به‌ ناوه‌ندێکى بازرگانیی گه‌وره‌ و ببێت به‌ ئۆفیس و کارى رۆژانه‌ى خاوه‌ن کۆمپانیاکان، لێره‌وه‌ کاڵا و شتومه‌کان بۆ سه‌رجه‌م شاره‌کانى عێراق بنێردرێت".

ڕوونیشى کرده‌وه‌: "پرۆژه‌که‌ یه‌کێکه‌ له ‌پرۆژه‌ نه‌وعییه‌کان و به ‌نیسبه‌ت هه‌رێمى کوردستانه‌وه‌ داهاتوویه‌کى گه‌شى ده‌بێت و ده‌بێته‌ سه‌نته‌رێکى بازرگانى و بەده‌ر له‌وه‌ش، بابه‌تى پاراستنى ئاسایشى خۆراک فه‌راهه‌م ده‌کات و, وا ده‌کات شتێک نه‌مێنێ به ‌ناوى که‌مبوونه‌وه‌ى خۆراک و کاڵا بازرگانییه‌کان له ‌بازاڕدا."

له‌ چه‌ند هه‌فته‌ى ڕابردوودا و له‌ میانى سه‌ردانه‌که‌ى بۆ شارى سلێمانی، ساسان عه‌ونی، وه‌زیرى شاره‌وانى و گه‌شتوگوزارى حکوومه‌تى هه‌رێمى کوردستان، به‌ یاوه‌ریى دکتۆر هه‌ڤاڵ ئه‌بووبه‌کر، پارێزگارى سلێمانى و شاندى باڵاى وه‌زاره‌ت، شوێنى پڕۆژه‌ى کۆمه‌ڵگه‌ى گه‌نجینه‌کانى ژوورى بازرگانیی سلێمانى به‌سه‌ر کرده‌وه‌ و  پاڵپشتیى خۆى بۆ دروستکردنى هەرپرۆژه‌یه‌کى هاوشێوه‌ له‌ سنووره‌که‌ ده‌ربڕى".

ئەرسەلان ئەحمەد

 

 




دوایین هەواڵەکان

نێچیرڤان بارزانى سه‌رساخى ل ڕێزدار فه‌رهاد ئه‌ترووشى كر

THURSDAY, 25 FEBRUARY 2021 20:02:13

ئه‌ڤرۆ پێنجشه‌مى 2021/2/25 ڕێزدار نێچیرڤان بارزانى، د په‌یوه‌ندییه‌كا ته‌له‌فۆنیدا دگه‌لڕێزدار د. فه‌رهاد ئه‌ترووشى، پارێزگارێ به‌رێ یێ دهۆكێ، بۆ وه‌غه‌را دویماهیێ یا بابێوان یێ خودێ ژێ ڕازى، سه‌رساخى ل وان و مالباتا وان یا ڕێزدار كر و هیڤى خواستخودایێ مه‌زن خودێ ژێ ڕازى ب ب دلۆڤانیا خۆ شاد بكه‌ت و سه‌بر و ئارامیێ بده‌ته‌ وانو مالبات و كه‌سوكارێن وان.

 

سەرۆکی حکومەت سەرەخۆشی لە فەرهاد ئەتروشی دەکات

THURSDAY, 25 FEBRUARY 2021 20:02:06

ئێوارەی ئەمڕۆ پێنجشەممە 2021/2/25 مەسرور بارزانی سەرۆکی حکومەتی هەرێمی کوردستان، لە پەیوەندییەکی تەلەفۆنیدا ، سەرەخۆشی لە فەرهاد ئەمین ئەتروشی پارێزگاری پێشووی دهۆک کرد بۆ کۆچی دوایی باوکی.

 
سه‌رۆك نێچیرڤان بارزانى، سه‌ره‌خۆشى له به‌ڕێز مسته‌فا سه‌ید قادر ده‌كات

THURSDAY, 25 FEBRUARY 2021 19:02:44

ئێواره‌ى ئه‌مڕۆ پێنجشه‌ممه‌ 2021/2/25 به‌ڕێز نێچیرڤان بارزانى، سه‌رۆكى هه‌رێمى كوردستان، له‌ په‌یوه‌ندییه‌كى ته‌له‌فۆنیدا له‌گه‌ڵ به‌ڕێز مسته‌فا سه‌ید قادر جێگرى سه‌رۆكى هه‌رێمى كوردستان، بۆ كۆچى دواییى خوالێخۆشبووى باوكیان، پرسه‌ و سه‌ره‌خۆشى له‌ به‌ڕێزیان كرد و هاوخه‌مى له‌گه‌ڵ خۆیان و خانه‌واده‌ به‌ڕێزه‌كه‌یان ده‌ربڕى.

فه‌رمانى دامه‌زراندنی 171 پزیشكى كاتیی ڤێتێرنه‌رى ده‌رچوو

THURSDAY, 25 FEBRUARY 2021 18:02:32

هه‌ولێر-KDP.info-  گوتەبێژی وەزارەتی کشتوکاڵ و سەرچاوەکانی ئاوی حكوومه‌تى ھەرێمى كوردستان گوتی، فه‌رمانى دامه‌زراندنى 171 پزیشكى كاتیى ڤیتێرنه‌رى ده‌رچوو .

 

سەرۆکی حکومەت سەرەخۆشی لە جێگری سەرۆکی هەرێمی کوردستان دەکات

THURSDAY, 25 FEBRUARY 2021 18:02:18

ئێوارەی ئەمڕۆ پێنجشەممە 2021/2/25 مەسرور بارزانی سەرۆکی حکومەتی هەرێمی کوردستان، لە پەیوەندییەکی تەلەفۆنیدا ، سەرەخۆشی لە موستەفای سەید قادر جێگری سەرۆکی هەرێمی کوردستان کرد بۆ کۆچی دوایی باوکی.

 


 
© 2020 Kurdistan Democratic Party, KDP

Contact