Kurdî  ■  كوردی  ■  عربي
SUN, 7 MAR 2021 09:51 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

"بەبێ پێشمەرگە ئارامی بۆ عێراق ناگەڕێتەوە"
| KDP.info


به‌غداد - KDP.nfo - له‌ بازاڕێكی شه‌عبیی عێراق دوو ته‌قینه‌وه‌ ڕووی دا و ده‌یان كوژراو و بریندری لێ كه‌وته‌وه‌. هێزه‌ عێراقییه‌كان هه‌ریه‌كه‌ و مه‌رجه‌عێكیان هه‌یه‌، سه‌رۆكوه‌زیران به‌ناو فه‌رمانده‌ی گشتیی هێزه‌ چه‌كداره‌كانه‌، داعش به‌ هێزه‌وه‌ سه‌ری هه‌ڵداوه‌ته‌وه،‌ به‌بێ پێشمه‌رگه‌ ئه‌منییه‌ت بۆ عێراق ناگه‌ڕێته‌وه‌.

ناسر هه‌ركی، ئه‌ندامی لیژنه‌ی ئاسایش و به‌رگریی ئه‌نجومه‌نی نوێنه‌رانی عێراق به‌ ماڵپه‌ڕی فه‌رمیی پارتی دیموكراتی كوردستانی ڕاگه‌یاند: "ڕۆژ به‌ ڕۆژ دۆخی ئه‌منی و كۆمه‌ڵایه‌تی و ئابووری و پێوه‌ندییه‌كانی عێراق به‌ره‌و خراپی هه‌نگاو ده‌نێت، جێگای دڵخۆشیی هاووڵاتییانی عێراق نییه‌، به‌تایبه‌تی له‌ ڕووی ئه‌منییه‌وه‌، عێراق ئه‌منیه‌تی خراپه‌، پێویسته‌ متمانه‌ له‌ نێوان هێزه‌ عێراقییه‌كان بگه‌ڕێته‌وه‌ تاكو بتواندرێت ئه‌منییه‌ت بۆ خه‌ڵكی عێراق بگه‌ڕێندرێته‌وه‌، متمانه‌ له ‌نێوان خه‌ڵك و هێزه‌ عێراقییه‌كان نییه‌".

ناسر هه‌ركی گوتیشی: "نه‌بوونی هێزه‌ چه‌كداره‌كان له‌ژێر ده‌سه‌ڵاتی فه‌رمانده‌ی فه‌رمانده‌ییی هێزه‌ چه‌كداره‌كان وای كردووه‌ ئه‌منییه‌ت له‌ پارێزگاكانی عێراق نه‌بێت، هه‌نگاو به‌ره‌و هه‌ڵبژاردن ده‌ندرێت، نه‌بوونی ئارامی  له ‌به‌رژه‌وه‌ندیی كه‌سانێكە، عێراق سه‌روه‌ریی نییه‌، بووه‌ته‌ ساحه‌ی ململانێی ده‌وڵه‌تانی هه‌رێمی و مه‌زهه‌بی".

زیاتر ده‌ڵێت: "عێراق به‌و شێوه‌یەی ئێستا‌ هه‌یه‌ چاره‌نووسێكی باش چاوه‌ڕێی ناكات، پاش ئه‌وه‌ی گرووپی تیرۆریستیی داعش وه‌ك هێز نه‌ما، كۆمه‌ڵێك هۆكار هه‌بوون بۆ ئەوەی جارێكی تر ئەو تیرۆریستانە ڕۆژ به‌ ڕۆژ گه‌شه‌ بكەنەوە و‌ به‌رنامه‌ی خۆیان دابنێنه‌وه‌، ئه‌وه‌ش به‌ هۆكاری ئیداره‌یه‌كی ناته‌ندروستی عێراق بووه‌، نه‌یتوانی ئه‌و هه‌نگاوانه‌ی پێویسته‌ بیاننێت، هێز له‌ ته‌واوی سنووره‌كان دا‌بنێت، ئێستا‌ ناوچه‌یه‌كی فراوان هه‌یه‌ داعشی تێدایه،‌ به‌ئاشكرا هاتوچۆ ده‌كەن، ئه‌و بۆشاییه‌ی هه‌یه‌ له‌ نێوان هێزی پێشمه‌رگه‌ و هێزه‌ عێراقییه‌كاندایە، ده‌سه‌ڵاتدارانی عێراق به‌تایبه‌ت له‌ وه‌زاره‌تی به‌رگری ئاماده‌ نه‌بوون له‌گه‌ڵ وه‌زاره‌تی پێشمه‌رگه‌ بگه‌نه‌ ڕێكکه‌وتن بۆ پڕكردنه‌وه‌ی بۆشاییی نێوانیان".

"له‌ سنووری ده‌وڵه‌تی سووریا بۆ سنووری ده‌وڵه‌تی ئێران داعش به‌ ئازادی هاتوچۆ ده‌كه‌ن، له‌ سووریاوه‌ داعش دا‌خلی عێراق ده‌بێت، ئێستا‌ له‌ زۆربه‌ی زۆری شاره‌كانی عێراق داعش شانه‌ی نوستوویان هه‌یه،‌ به‌رده‌وام چالاكیی تیرۆریستی دەکەن، ئۆپڕاسیۆنه‌كانی هێزەکانی عێراق نه‌یتوانیوه‌ كاریگه‌ریی هه‌بێت له‌سه‌ر گرووپه‌ چه‌كداره‌كانی داعش.'' ناسر هه‌ركی وای گوت.

گوتیشی: "هێزی پۆلیسی فیدڕاڵی و حه‌شدی شه‌عبی و سوپا له‌ سنوورێك هه‌یه‌ له‌ كاتی ڕووداوه‌كان كه‌سیان خۆیان ناكه‌ن به‌ به‌رپرس، به‌بێ پێشمه‌رگه‌ ئارامی بۆ عێراق ناگه‌ڕێته‌وه‌".

عەزیز ھەورامی




دوایین هەواڵەکان

سه‌رۆكی هه‌رێمی كوردستان: شه‌ره‌فمه‌ندم له‌ هه‌ولێر پێشوازى له‌ پاپا بكه‌م

SUNDAY, 07 MARCH 2021 09:03:00

ھەولێر-KDP.info- ئه‌مڕۆ یه‌كشه‌ممه‌، پاپای ڤاتیكان گه‌یشته‌ هه‌ولێری پایته‌خت و له‌لایه‌ن نێچیرڤان بارزانی، سه‌رۆكی هه‌رێمی كوردستان و مه‌سروور بارزانی، سه‌رۆكی حكوومه‌تی هه‌رێمی كوردستان له‌فڕۆكه‌خانه‌ی نێوده‌وڵه‌تی هه‌ولێر پێشوازی لێكرا.

 
سه‌رۆك بارزانى: بە گەرمی بەخێرهاتنی سەردانی قەداسەتی پاپا بۆ هەرێمی کوردستان دەکەم

SUNDAY, 07 MARCH 2021 08:03:24

ھەولێر-KDP.info- سه‌رۆك مه‌سعود بارزانى، له‌ په‌یامێكدا به‌خێرهاتنى پاپاى ڤاتیكان بۆ هه‌رێمى كوردستان ده‌كات و ڕاى ده‌گه‌یه‌نێت، سه‌ردانه‌ پیرۆزه‌كه‌ى قه‌داسه‌تى پاپا بۆ عێراق و هه‌رێمى كوردستان، مێژووییه‌".

 
سه‌رۆك بازانی پێشوازی له‌ پاپا فرانسیس كرد

SUNDAY, 07 MARCH 2021 08:03:25

ھەولێر-KDP.info- سەرلەبەیانیی ئەمڕۆ یەکشەممە، پاپا فرانسیس، پاپای ڤاتیکان بە سەردانێکی فەرمی گەیشتە هەولێری پایتەختی هەرێمی کوردستان.

 
پاپا فرانسیس گەیشتە ھەولێر

SUNDAY, 07 MARCH 2021 08:03:48

ھەولێر-KDP.info- پاپا فرانسیس، پاپای ڤاتیكان گه‌یشته‌ هه‌ولێری پایته‌خت و له‌لایه‌ن نێچیرڤان بارزانی، سه‌رۆكی هه‌رێمی كوردستان و مه‌سروور بارزانی، سه‌رۆكی حكوومه‌تی هه‌رێمی كوردستان، له‌فڕۆكه‌خانه‌ی نێوده‌وڵه‌تی هه‌ولێر پێشوازی لێكرا.

پارێزگای هەولێر بۆ هاتنی پاپای ڤاتیکان داوایەک لە هاووڵاتیان دەکات

SATURDAY, 06 MARCH 2021 20:03:18

هەولێر-KDP.info- پارێزگای هەولێر لەبارەی داخستنی بازگەکان و هاتنی پاپا فرانسیس بۆ هەولێر، راگەیەندراوێکی بڵاوکردەوە.



 
© 2021 Kurdistan Democratic Party, KDP

Contact