Kurdî  ■  كوردی  ■  عربي
FRI, 22 JAN 2021 03:02 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هەڵەبجە..وەزیری شارەوانی بە گوژمەی نزیکەی ٧ ملیۆن دۆلار گرێبەستی بۆ پڕۆژەی ئاو واژوو کرد
| KDP.info


هەڵەبجە -KDP.info- بە ئامادەبوونی وەزیری شارەوانی و گەشتوگوزار و هەردوو پارێزگاری هەڵەبجە و سلێمانی و نوێنەری ئاژانسی ژایکای ژاپۆنی، بە گوژمەی ٦ ملیۆن و ٥٠٠ هەزار دۆلار لەسەر پارەی قەرزی درێژخایەن لە  ئاژانس ژایکای ژاپۆنی، گرێبەستی نۆژەنکردنەوە پاڵاوتنی ئاو بۆ هەردوو پارێزگاکە واژوو کرا.

ساسان عەونی، وەزیری شارەوانی و گەشتوگوزاری حکوومەتی هەرێمی کوردستان، لە پارێزگای هەڵەبجەوە ڕایگەیاند: "بە گوژمەی شەش ملیۆن و ٥٠٠ هەزار دۆلار پڕۆژەی نوێی باشکردنی ئاوی خواردنەوە بۆ پارێزگای هەڵەبجە و سلێمانی گرێبەستەکەی دەکەین لە ڕێگای قەرزی درژخایەنی ئاژانسی ژایکای ژاپۆنی جێبەجێ دەکرێت".

ساسان عەونی گوتیشی: "حکوومەتی هەرێمی کوردستان گرنگی بە هەڵەبجە دەدات و لە پلانی وەزارەتی شارەوانی تایبەتمەندیی گرنگی هەیە و دەمانەوێت خزمەتی زیاتری بکەین، ئەرکی سەرەکیمانە لە هیچ خزمەتێکی درێخی ناکەین، خزمەتکردنی هەڵەبجە پێش ئەوەی ئەرکێکی کارگێڕی بێت، ئەرکێکی نەتەوەییە، بۆیە ویستمان شانازیمان پێ ببڕدرێت و ئامادەی ئەو گرێبەستە بین".

وەزیری شارەوانی و گەشتوگوزار دەڵێت: "ئەو گرێبەستەی ئەمڕۆ واژوو دەکرێت بە گوژمەی شەش ملیۆن و ٥٠٠ هەزار دۆلارە، بڕێ چوار ملیۆن و ٧٠٠ هەزار دۆلاری بۆ پارێزگای سلێمانی دەبێت، بڕی یەک ملیۆن و ٧٥٠ هەزار دۆلاری بۆ پارێزگای هەڵەبجە دەبێت".

"پڕۆژەکان بریتی دەبن لە نۆژەنکردنەوەی هێڵی سەرەکیی ئاو لە تاسلووجە بۆ سلێمانی بە درێژاییی ١٧ کیلۆمەتر، نۆژەنکردنەوەی تۆڕی ئاوی چەند گەڕەکێکی ناوشاری هەڵەبجە بە درێژاییی چوار کیلۆمەتر و نیو، لەگەڵ ئاوەڕۆی لوولە بۆ ئاوەشۆرکردنی پاشماوەی وێزگەی ئاوی هەڵەبجە." ساسان عەونی وای گوت.

ئاماژەی بەوەش کرد: "قۆناخی پێشووی پڕۆژەکە بۆ هەردوو پارێزگای هەڵەبجە و سلێمانی جێبەجێ کراوە و چەند پڕۆژەیەکی تریش بووە، لەوانە بە بڕی ١٧٦ ملیۆن دۆلار، ١٠٠ ملیۆن دۆلاری بۆ وێزگەی خاوێنکردنەوەی تۆڕەکانی ئاوی ناو هەڵەبجە و سەیدسادق بووە، چوارساڵە پڕۆژەکە لە کارکردندایە، وێستگەیەکی ئاو دامەزراوە ڕۆژانە ٥٠ هەزار مەتر سێجا ئاو بەرهەم دەهێنێت و یەکێکە لە پڕۆژە ستراتێژییەکانی هەڵەبجە و سەیدسادق".

وەزیر باسی لە پڕۆژەی زیاتر دەکات بۆ هەڵەبجە و دەڵێت: "وەزارەتی شارەوانی و گەشتوگوزار لە پلانیدایە، ماستەرپلانی شار و کۆمەڵێک پڕۆژەی گرنگی تری خستووەتە ناو بەرنامەی کاری کابینەی نۆیەم، لەوانە پڕۆژەی شەقامیی ٦٠ مەتری هێڵەکانی پێوەی دەبەسرێتەوە، قیرتاوکردن و شۆسته بۆ گەڕەکەکانی هەڵەبجە، لەگەڵ چەندان پڕۆژەی گەشتوگوزار، بودجەی تەواوی پڕۆژە پێشنیارکراوەکان دەگاتە ٢٠٧ ملیۆن دۆلار".

 

عەزیز ڕەسووڵ

 




دوایین هەواڵەکان

"بەبێ پێشمەرگە ئارامی بۆ عێراق ناگەڕێتەوە"

THURSDAY, 21 JANUARY 2021 15:01:33

به‌غداد - KDP.nfo - له‌ بازاڕێكی شه‌عبیی عێراق دوو ته‌قینه‌وه‌ ڕووی دا و ده‌یان كوژراو و بریندری لێ كه‌وته‌وه‌. هێزه‌ عێراقییه‌كان هه‌ریه‌كه‌ و مه‌رجه‌عێكیان هه‌یه‌، سه‌رۆكوه‌زیران به‌ناو فه‌رمانده‌ی گشتیی هێزه‌ چه‌كداره‌كانه‌، داعش به‌ هێزه‌وه‌ سه‌ری هه‌ڵداوه‌ته‌وه،‌ به‌بێ پێشمه‌رگه‌ ئه‌منییه‌ت بۆ عێراق ناگه‌ڕێته‌وه‌.

 
سەرۆك بارزانی لە پەیامێكدا ئیدانەی كردەوە تیرۆریستییەكانی شاری بەغدا دەكات

THURSDAY, 21 JANUARY 2021 15:01:31

بەناوی خودای بەخشندە و میهرەبان

 
سالیادا دامەزراندنا کۆمارا کوردستان ل دھۆکێ ھاتە ساخکرن

THURSDAY, 21 JANUARY 2021 14:01:26

دھۆک-KDP.info- سالیادا کۆمارا کوردستان (مھاباد) ئەڤرۆ رۆژا ٢١/١/٢٠٢٠١ ب ئامادەبوونا (د.عەلی تەتەر) پارێزگارێ دھۆکێ و لایەنێن سیاسی و دامودەزگەھێن حکومی و کەسایەتیێن دەڤەرێ ژ لایێ رێڤەبەریا گشتی یا رەوشەنبیری و ھونەری ل دھۆکێ ب ھەماھەنگی ل گەل دەزگایێ پاراستنا ئالایێ کوردستانێ ڤە ل ھۆلا سەنتەرێ پێشمەرگە یێ رەوشەنبیری ل باژێرێ دھۆکێ ھاتە ساخکرن 

سەرۆك بارزانی نامەیەك بۆ سەرۆك بایدن دەنێرێت

THURSDAY, 21 JANUARY 2021 14:01:48

ھەولێر-KDP. info-  سەرۆك مەسعود بارزانی لە نامەیەكدا بۆ سەرۆك جۆزێف بایدن سەرۆكی ویلایەتە یەكگرتووەكانی ئەمەریكا، دووبارە پیرۆزبایی لێ كرد بە بۆنەی هەڵبژاردنی وەك سەرۆكی ئەمەریكا و هیوای سەركەوتنی بۆ خواست.

سه‌رۆكایه‌تیى هه‌رێمى كوردستان سه‌ركۆنه‌ى هێرشه‌ تیرۆرستییه‌كانى به‌غدا ده‌كات

THURSDAY, 21 JANUARY 2021 14:01:57

ھەولێر-KDP. info-  به‌ توندی سه‌رکۆنه‌ی ئه‌و هێرشه‌ تیرۆرستییه‌ خۆکوژییانه‌ ده‌که‌ین که‌ ئه‌مڕۆ له‌ به‌غدا به‌ شێوه‌یه‌كى زۆر دڕندانه‌ هاووڵاتیانی کرده‌ ئامانج و ژماره‌یه‌کی زۆریان شه‌هید و بریندار بوون. پرسه‌ و سه‌ره‌خۆشی له‌ خانه‌واده‌کانیان ده‌که‌ین و هاوسۆز و هاوخه‌میانین، هیوای سه‌لامه‌تی و زووچاکبوونه‌وه‌ بۆ برینداران ده‌خوازین. هه‌رێمى كوردستان به‌ هه‌موو شێوه‌یه‌ك ئاماده‌یه‌ له‌ نه‌خۆشخانه‌كانى پێشوازى له‌ برینداران و به‌ركه‌وتووانى هێرشه‌كان بكات و هه‌موو خزمه‌تگوزارییه‌كى پزیشكیى پێویستیان پێشكه‌ش بكات.

 


 
© 2020 Kurdistan Democratic Party, KDP

Contact