Kurdî  ■  كوردی  ■  عربي
MON, 25 JAN 2021 06:47 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نادیر نادرۆڤ: دەبێ کورد لەھەموو کاروخەباتێکدا ھاوکاری سەرۆک بارزانی بن
| KDP.info


کازاخستان-KDP.info-  نادیر نادرۆڤ کە بە کەسایەتیی دیاری کورد لە ڕووی سیاسی و کۆمەڵایەتییەوە لەنێو سۆڤیەتی جاران و نێو کوردانی کازاخستاندا ناسراوە، و لەو وڵاتە بە باوکی پەترۆڵ و گاز دادەنرێت.

نادیرێ نادرۆڤ لە زستانێکی سارد و بەفر و باراناویدا لە مانگی یەکی ساڵی ١٩٣٢ لەدایک بووە، ئەو کوڕی حاجی نادرە، لە کەسە دیارەکانی سۆڤیەتی سۆسیالیست بوون. لە ئاسیایی ناوەڕاست نادری نادرۆڤ کەسێکی دیار و کاریگەرە لەنێو کورداندا.

ماڵپەڕی فەرمیی پارتی دیموکراتی کوردستان بە گرنگییەوە دەڕوانێتە کەسایەتییە سیاسیی و دیارەکانی کورد و گرنگییەکی تایبەت بە کوردانی ئەو وڵاتانە دەدات و ڕووماڵی ڕۆژنامەوانی بۆ کار و چالاکییەکانیان دەکات.

نادیر نادرۆڤ لەم هەڤپەیڤینەدا باس لە چەندین مژار و پێشهاتە سیاسییەکانی کورد و ناوچەکە باس دەکات.

ماڵپەری فەرمیی پارتی: ئێستا بە دید و بۆچۆنتان دۆخی کوردان چۆن هەڵدەسەنگێنیت؟

نادیر نادرۆڤ: ئێستا کورد هەندێک پەرتوبڵاون، هەموویان دەڵێن ئێمە لەگەڵ یەکێتیی کوردانین، کەچی دەبێتە واقع زۆریك خۆیان لێی دەدزنەوە و ئەوەی کورد بێت و مێژووی کوردانی خوێندبێتەوە ناکرێت خۆی لە یەکێتی و یەکگرتوویی و تفاقی کوردان بەدوور بگرێت.

ماڵپەڕی فەرمیی پارتی: دەبێ کورد چی بکەن بۆ ئەوەی چیتر لەنێو جیهاندا بەبێ دەستکەوت نەمێنن؟

نادیرێ نادرۆڤ: هەڵبەت دەبێ کورد خۆیان زیاتر ڕێکخستن بکەن، ناکرێ لە شوێنێک بڵێی من کوردم و لە دژی بەرژەوەندییە نەتەوەیی و نیشتمانییەکانم، ئەوەی دەبێ کورد بێت، دەبێ هاوکاریی کوردستان و سەرۆکی هەڕیم و پێشمەرگە بکات، ئەوکات شنگال و کەرکووک و هەموو ناوچەکانی تر دەگەڕێنەوە سەر کوردستان، من چوومەتە زۆر شوێن، هەرچوار پارچەی کوردستان ئێستا هەوڵی سڕینەوەی لەسەر ناسنامەی کوردە و جیوگرافیای کوردستان کەوتووەتە بەر هەڕەشە.

ماڵپەڕی فەرمیی پارتی: ئێستا کوردان هەڕێمێکیان هەیە، ئەویش هەڕیمی کوردستانە، دەبێ کورد چۆن لەم هەرێمە خاوەن دەرکەون و چۆن پارێزگاریی لێ بکەن؟

نادیرێ نادرۆڤ: ئەمە پرسیارێکی جوانە، دەبێ کورد هەموویان شانازی بەم هەریمە بکەن، چونکە هەڕێمێکە زمان و خاک و نەتەوە و ئاڵای کوردی لێ هەیە و دەبێ ئێمە پارێزگاری لەو خاکە بکەین، وەک چۆن هەموو نەتەوەکانی دنیا شانازی بە وڵاتی خۆیانەوە دەکەن، دەبێ ئێمەش شانازی بەو هەموو پێرۆزیانەی خۆمانەوە بکەین.

ماڵپەڕی فەرمیی پارتی: لە ڕۆژئاوای کوردستان ئێستا هەوڵێک هەیە لایەنەکانی کورد نێزیکی یەکتر بن و هەندێک هەنگاویشیان هاویشتوون، ئێوە چۆن دەڕواننە ئەو هەنگاوانە؟

نادیرێ نادرۆڤ: من زۆر بەوە دڵخۆش دەبم کاتێک دەڵین کورد لەگەڵ یەکتر دانیشتوون، بەڵام دەبێ ئەو دانیشتنانە سوودیان هەبێت، ئەوەی ڕێککەوتن بکات دەبێ جێبەجێی بکات، نەک تەنیا قسە بکات و جێبەجێی نەکات.

ماڵپەڕی فەرمیی پارتی: ئێستا لە هەموو دنیا کورد هەیە، چۆن بتوانن ئەو ڕەوەندە کوردییە ڕیک بخەن و بتوانن لۆبییەکی گەورە بۆ کوردستان بکەن؟

نادیرێ نادرۆڤ: دەبێ کورد لە هەموو دنیا یەکگرتوو بن و کار بۆ ئەوە بکەن لە دنیادا کار لەسەر ئەنجامەکانی ڕیفراندۆم بکەن و لە ناوەندە جیهانییەکانی بڕیاربەدەست تێی بپەڕێنن، وەک کۆنگرێس و، قانەعەت بە دنیا بکەن دەبێ کورد بە مافەکانی خۆیان بگەن."

ماڵپەری فەرمیی پارتی: سەرۆک بارزانی هەمیشە لە خەمی ئەوەدایە کورد یەکگرتوو بن و هەموو هاوکارییەک دەکات تا کورد یەکێتیی خۆیان بپارێزن و بتوانن لە هەموو معادلە سیاسییەکاندا خاوەن دەستکەوت بن، ئێوە ئەم کارە چۆن دەبینن؟

نادیر نادرۆڤ: سەرۆک بارزانی لە نزیکەوە دەیناسم کەسێکی خەمخۆر و پێشمەرگەیەکی ماندوویینەناسە، لە منداڵییەوە پێشمەرگایەتی دەکات، لەم سەنگەرە بۆ ئەو سەنگەر دەیەوێت ئیش بۆ کورد و کوردستان بکات، ئەو دڵسۆزێکی ڕاستەقینەی کوردە، دەبێ کورد هاوکاریی سەرۆک بارزانی بکەن لە هەموو کار و خەباتێکدا بۆ ئەوەی بتوانن دەوڵەتێک بۆ کوردستان دروست بکەن.

 

کــاروان بــاعەدری

 




دوایین هەواڵەکان

له ‌سلێمانى به‌ بڕى 100 ملیار دینار گه‌وره‌ترین کۆگاى بازرگانى دروست ده‌کرێت

SUNDAY, 24 JANUARY 2021 18:01:17

سلێمانی-KDP.info- ژوورى بازرگانى و پیشه‌سازیى سلێمانى نوێترین گه‌نجینه‌ بۆ هه‌ڵگرتنى خۆراک و پێداویستییه‌کان به‌ پێوه‌ر و ستاندارده‌ جیهانییه‌کان دروست ده‌کات و ئێستا کاری تێدا دەکرێت.‌ به‌ڕێوبه‌رى پرۆژه‌که‌ش ده‌ڵێت, پرۆژەکە یه‌کێکه‌ له‌ پرۆژه‌ ستراتیژى و گرنگه‌کانى شارى سلێمانى که‌ هاوشێوه‌ى له‌ عێراقدا نییه‌ و تاکو ئێستا هیچ پرۆژه‌یه‌کى له‌م شێوه‌یه‌ له‌ عێراق و هه‌رێمى کوردستان دروست نه‌کراوه‌ .

 

"ئەمساڵ ژمارەیەک پڕۆژەی ستراتیژی دەخرێنە بواری جێبەجێکردنەوە"

SUNDAY, 24 JANUARY 2021 18:01:42

هەولێر-KDP.info-  بڕیارە لە ماوەیەکی نزیکدا ژمارەیەک پڕۆژەی وەبەرھێنان بخرێنە بواری جێبەجێکردن و بەرپرسێکی دەستەی وەبەرھێنانیش دەڵێت، ژمارەیەک لەو پڕۆژانە ستراتیژین و بەسەر ھەرچوار پارێزگادا دابەش کراون.

 
لە پەرلەمان ھەوڵ دەدرێت بە پڕۆژەیاسایەک خزمەتی زیاتر بە پێشمەرگە دێرینەکان بکرێت

SUNDAY, 24 JANUARY 2021 17:01:30

ھەولێر-KDP.info- ئەندامی لیژنەی پێشمەرگەی پەرلەمانی کوردستان گوتی، پڕۆژەیاسایەکی تایبەت بە پێشمەرگەی دێرین لە پەرلەمانی کوردستان ھەیە کە کۆمەڵێک خاڵ لە خۆ دەگرێت و چەندین ئیمتیاز بۆ پێشمەرگەی دێرین دابین دەکات و سەرۆکی پەرلەمانیش بۆ تێپەڕاندنی پڕۆژەکە بەڵێنی داوە داوا لە سەرۆک بارزانی و لایەنەکان بکات ھاوکاریی پەرلەمان بکەن، چونکە دەستکەوتی ھەرێمی کوردستان بەرھەمی پێشمەرگە دێرینەکانە.

 

شێخ شامۆ: ئێزدییەکان ناگەڕێنەوە ژێر دەستی ھێزە ناشەرعییەکان

SUNDAY, 24 JANUARY 2021 16:01:33

دهۆک-KDP.info-  ڕاوێژکاری سەرۆکی حکوومەت بۆ کاروباری ئێزدییان، شێخ شامۆ، لە کورتە هەڤپەیڤێنێکی ماڵپەڕی فەرمیی پارتی دیموکراتی کوردستاندا باسی چەندین تەوەری گرێدراو بە ڕەوشی ئێزدییان و شنگال دەکات و دەڵێت، ئێستا لایەنە نەشەرعییەکان شنگالیان کردووەتە سەربازگە و پرۆسەی بەتەشەیوعکردن تێیدا بەردەوامە.

 

ساڵی رابردوو بە سەدان كارگە لە دھۆك دامەزراون

SUNDAY, 24 JANUARY 2021 13:01:52

دهۆك-KDP.info- ساڵی رابردوو، بە سەدان كارگە لە پارێزگای دھۆك دامەزراون و سەرۆكی ژووری پیشەسازی و بازرگانیی پارێزگای دھۆكیش دەڵێ، كارگەكان ھەزاران دەرفەتی كاریان رەخساندووە.



 
© 2020 Kurdistan Democratic Party, KDP

Contact