Kurdî  ■  كوردی  ■  عربي
MON, 25 JAN 2021 07:01 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نوێنەری حكوومەتی ھەرێمی كوردستان لە پۆڵۆنیا لەگەڵ نوێنەرانی وەزارەتی پەروەردە و زانستی پۆلۆنیا کۆدەبێتەوە
| KDP.info


پۆڵۆنیا-KDP. info-  ئەمڕۆ نوێنەری حکوومەتی هەرێمی کوردستان لە پۆلۆنیا، بەڕێز زیاد ڕەئووف، کۆبوونەوەیەکی ئۆنلاینی ساز کرد لەگەڵ خاتوو مۆنیکا پەبۆژ Monika Poboży، بەڕێوەبەری فەرمانگەی پەیوەندییەكانی دەرەوەی وەزارەتی پەروەدە و زانست و بەڕێز پشێمسڵاڤ سکرۆجكی Przemysław Skrodzki، جێگری بەڕێوەبەری فەرمانگە.

کۆبوونەوەکە لەلایەن بەڕێز زیاد ڕەئووف دەستی پێ کرد بە خستنە ڕووی مێژووی پەیوەندییەکانی نێوان زانکۆکانی هەرێمی کوردستان و پۆلۆنیا كە دەگەڕێتەوە بۆ ساڵی ٢٠٠٣ بە ھاتنی شاندی سەرۆكی زانكۆكانی كوردستان بە سەرۆكایەتیی بەڕێز دكتۆر  عیسمەت خالد كە بووە سەرەتایەك بۆ واژووكردنی ڕێككەوتننامەكانی نێوان زانكۆكانی پۆلۆنیا و ھەرێمی كوردستان و ھاتنی دەستەیەك لە قوتابیان كە سەركەوتووانە خوێندنی دكتۆرایان تەواو كرد و بە سەربەرزی گەڕانەوە بۆ خزمەتكردنی خوێندی باڵا لە كوردستان. بەڕێزیان ڕوونی كردەوە، پاش دەستپێكردنی ئەو پەیوەندییانە، ھەماھەنگییەكان فراوان بوون و پەرەیان پێ درا بە جۆرێكی فراوان كە تا ئێستا ١٣ ڕێككەوتننامە واژوو و جێبەجێ كراون و دەیان شاندی زانستی ئاڵوگۆڕ  كراون و زیاتر لە ١٠٠ قوتابیی كوردستان خوێندنیان لە پۆلۆنیا تەواو كرد.

لە بەشی دووەمی کۆبوونەوەکە ئامادەبووان ئاماژەیان بە چۆنیەتیی فراوانکردنی هەماهەنگی و پەیوەندییەکانی نێوان پۆلۆنیا و حکوومەتی هەرێمی کوردستان کرد لە بواری پەروەدە و خوێندنی باڵادا. بەڕێز زیاد ڕەئووف بانگهێشتی وەزارەتی کرد بۆ زیاتر بەشداریکردنیان لە پێشانگای  نێودەوڵەتیی خوێندنی باڵا لە هەرێمی کوردستان، هەروەها داوای لە وەزارەت کرد کەمپینێک ئەنجام بدەن بە ھاوكاری لەگەڵ قونسوڵخانەی پۆلۆنیا لە ھەولێر بۆ هاندانی قوتابیانی هەرێمی کوردستان بۆ تەواوکردنی خوێندنیان لە پۆلۆنیا و ئاسانكاری بكەن بۆ لادانی ھەموو كۆسپەكان وەكو وەرگرتنی ڤیزا و كارتی نیشتەجێبوون بۆ قوتابیان.

نوێنەری حكوومەتی ھەرێم داوای كرد لەلایەنی پۆڵۆنی كە یاریدەدەر بن لە دامەزراندن و پەرەپێدانی خوێندنی پیشەیی (مھنی)، كە لە ھەرێمی كوردستان ئێستا پێویستییەكی زۆر لەو بوارەدا ھەیە و ھەرێمی كوردستان بەدوای ھاوبەشێكی دەرەوەی وڵاتدا دەگەڕێ بۆ زەنگینكردنی ئەزموونی لەم پڕۆژەیە."

بەڕێوەبەری فەرمانگەی پەیوەندییەكانی دەرەوەی وەزارەت جەختی لەو ڕاستییە کردەوە کە ئەو هەماهەنگییە زانستییانەی نێوان ھەرێمی كوردستان و پۆلۆنیا لە ڕابردوو ئەنجام دراوە و بەرھەمە زۆر و پۆزەتیڤەكانی هاندەریكی گەورەیە بۆ پەرەپێدان و دەوڵەمەندکردنی لەلایەن هەردوو لاوە، هەروەها ئاماژەی بەوە کرد کە بە خۆشحاڵییەوە ئامادەن بۆ یارمەتیدان و پشگیریکردن لە كەرتی پەروەردە و خوێندنی باڵا لە هەرێمی کوردستان. دواتر لە وەڵامی داواكاریی بەڕێز زیاد ڕەئووف بەخشینی سكۆلارشیپ (زەمالە) بۆ قوتابییانی كوردستان، جێگری بەڕێوەبەر ئاماژەی بەوە کرد کە لە ساڵی داهاتوو لیستی ئەو وڵاتانەی کە قوتابییەکانیان دەتوانن ناویان تۆمار بکەن لە پرۆگرامی زەمالە فراوانتر دەكرێن و بە خۆشحاڵییەوە عێراق و هەرێمی کوردستان یەکێك دەبن لەو وڵاتانەی کە لەو لیستەدا ئاماژەیان پێ دەکرێت."

لە کۆتاییی کۆبوونەوەکە هەردوو لایەن ڕێككەوتن لەسەر بەردەوامبوون لە پەیوەندییەکانیان بۆ پەرەپێدانی ھاوكاری و هەماهەنگیی هاوبەش.

 




دوایین هەواڵەکان

له ‌سلێمانى به‌ بڕى 100 ملیار دینار گه‌وره‌ترین کۆگاى بازرگانى دروست ده‌کرێت

SUNDAY, 24 JANUARY 2021 18:01:17

سلێمانی-KDP.info- ژوورى بازرگانى و پیشه‌سازیى سلێمانى نوێترین گه‌نجینه‌ بۆ هه‌ڵگرتنى خۆراک و پێداویستییه‌کان به‌ پێوه‌ر و ستاندارده‌ جیهانییه‌کان دروست ده‌کات و ئێستا کاری تێدا دەکرێت.‌ به‌ڕێوبه‌رى پرۆژه‌که‌ش ده‌ڵێت, پرۆژەکە یه‌کێکه‌ له‌ پرۆژه‌ ستراتیژى و گرنگه‌کانى شارى سلێمانى که‌ هاوشێوه‌ى له‌ عێراقدا نییه‌ و تاکو ئێستا هیچ پرۆژه‌یه‌کى له‌م شێوه‌یه‌ له‌ عێراق و هه‌رێمى کوردستان دروست نه‌کراوه‌ .

 

"ئەمساڵ ژمارەیەک پڕۆژەی ستراتیژی دەخرێنە بواری جێبەجێکردنەوە"

SUNDAY, 24 JANUARY 2021 18:01:42

هەولێر-KDP.info-  بڕیارە لە ماوەیەکی نزیکدا ژمارەیەک پڕۆژەی وەبەرھێنان بخرێنە بواری جێبەجێکردن و بەرپرسێکی دەستەی وەبەرھێنانیش دەڵێت، ژمارەیەک لەو پڕۆژانە ستراتیژین و بەسەر ھەرچوار پارێزگادا دابەش کراون.

 
لە پەرلەمان ھەوڵ دەدرێت بە پڕۆژەیاسایەک خزمەتی زیاتر بە پێشمەرگە دێرینەکان بکرێت

SUNDAY, 24 JANUARY 2021 17:01:30

ھەولێر-KDP.info- ئەندامی لیژنەی پێشمەرگەی پەرلەمانی کوردستان گوتی، پڕۆژەیاسایەکی تایبەت بە پێشمەرگەی دێرین لە پەرلەمانی کوردستان ھەیە کە کۆمەڵێک خاڵ لە خۆ دەگرێت و چەندین ئیمتیاز بۆ پێشمەرگەی دێرین دابین دەکات و سەرۆکی پەرلەمانیش بۆ تێپەڕاندنی پڕۆژەکە بەڵێنی داوە داوا لە سەرۆک بارزانی و لایەنەکان بکات ھاوکاریی پەرلەمان بکەن، چونکە دەستکەوتی ھەرێمی کوردستان بەرھەمی پێشمەرگە دێرینەکانە.

 

شێخ شامۆ: ئێزدییەکان ناگەڕێنەوە ژێر دەستی ھێزە ناشەرعییەکان

SUNDAY, 24 JANUARY 2021 16:01:33

دهۆک-KDP.info-  ڕاوێژکاری سەرۆکی حکوومەت بۆ کاروباری ئێزدییان، شێخ شامۆ، لە کورتە هەڤپەیڤێنێکی ماڵپەڕی فەرمیی پارتی دیموکراتی کوردستاندا باسی چەندین تەوەری گرێدراو بە ڕەوشی ئێزدییان و شنگال دەکات و دەڵێت، ئێستا لایەنە نەشەرعییەکان شنگالیان کردووەتە سەربازگە و پرۆسەی بەتەشەیوعکردن تێیدا بەردەوامە.

 

ساڵی رابردوو بە سەدان كارگە لە دھۆك دامەزراون

SUNDAY, 24 JANUARY 2021 13:01:52

دهۆك-KDP.info- ساڵی رابردوو، بە سەدان كارگە لە پارێزگای دھۆك دامەزراون و سەرۆكی ژووری پیشەسازی و بازرگانیی پارێزگای دھۆكیش دەڵێ، كارگەكان ھەزاران دەرفەتی كاریان رەخساندووە.



 
© 2020 Kurdistan Democratic Party, KDP

Contact