Kurdî  ■  كوردی  ■  عربي
TUE, 18 MAY 2021 04:39 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

هیڤیدار ئه‌حمه‌د: حكوومه‌تی هه‌رێم بۆ ئاماده‌كردنی بودجه‌ی ساڵی 2021 دوو بژارده‌ی له ‌به‌رده‌سته‌
| KDP.info


هەولێر -KDP.info- دوێنێ، سێشەممە 2021/1/12، ئەنجومەنی باڵای ئابووریی هەرێمی کوردستان بە سەرپەرشتیی مەسروور بارزانی، سەرۆکی حکوومەتی هەرێمی کوردستان کۆ بووەوە. له‌ كۆبوونه‌وه‌كەدا سەرۆکی حکوومەتی هەرێمی کوردستان جەختى کردەوە کە پێویستە لە ئامادەکردنی پڕۆژەیاسای بودجەی 2021، هەموو ئەگەرەکان لە بەرچاو بگیرێت و بودجەیەکی واقیعی و شەفاف بێت و پشت بە ژمارە و داتا و داهاتی نەوتی و نانەوتی و خەرجیی ڕاستەقینە و کورتھێنان و دۆخی داراییی ئێستای هەرێمی کوردستان ببەستێت کە لە دوای پەسەندکردنی لە ئەنجومەنی وەزیران، دەخرێتە بەردەم پەرلەمانی کوردستان و ئەم بودجەیە دەبێتە هۆی برەودانی زیاتر بە شەفافیەت لە داراییی گشتیی ھەرێم، ئه‌ندامێكى لیژنه‌ى داراییش له‌ فراكسیۆنى زه‌ردى په‌رله‌مانى كوردستان ئاشكراى ده‌كات: حكوومه‌تی هه‌رێم بۆ ئاماده‌كردنی بودجه‌ی سالی 2021ی هه‌رێمی كوردستان دوو بژارده‌ی له ‌به‌رده‌سته‌، پێنج كۆبوونه‌وه‌یان له‌سه‌ر ئاماده‌كردنی كردووه، بڕیاریشه‌ له‌ مانگی شوبات ڕه‌وانه‌ی په‌رله‌مان بكرێت‌ .

هیڤیدار ئه‌حمه‌د، به‌‌ ماڵپه‌ڕى فه‌رمیى پارتى دیموكراتى كوردستانى گوت: "ئه‌وه‌ی ئێمه‌ چاودێریمان كردووه‌ حكوومه‌تی هه‌رێم پێنجه‌م كۆبوونه‌وه‌ی له‌سه‌ر ئاماده‌كردنی بودجه‌ی سالی 2021ی هه‌رێمی كوردستان كردووه‌، ئه‌مه‌ جگه‌ له‌وه‌ی وه‌زاره‌تی پلاندانان و وه‌زاره‌تی دارایی كۆبوونه‌وه‌كانی خۆیان كردووه,‌ ئه‌مڕۆش قسه‌ی له‌سه‌ر ده‌كرێت‌، بۆ ئه‌م مه‌به‌سته‌ دوو بژارده‌مان له ‌به‌رده‌سته‌، بژارده‌ی یه‌كه‌م: ڕێككه‌وتنه‌ له‌گه‌ڵ حكوومه‌تی عێراق كه‌ ئه‌وله‌ویه‌ته‌ و به‌پێی ئه‌و پشكه‌ی هه‌رێم هه‌یەتی له‌ بودجه‌ی گشتیی 2021ی عێراق له‌گه‌ڵ داهاتی خۆمان بودجه‌ ئاماده ‌بكرێت و‌ بژارده‌ی دووه‌میش، ئه‌گه‌ر له‌گه‌ڵ حكوومه‌تی عێراق ڕێك نه‌كه‌وتین به‌پێی ئه‌و داهاته‌ی خۆمان كه‌ هه‌یه‌ بودجه‌ی خۆمان هه‌بێت."

هیڤیدار ئه‌حمه‌د گوتیشى: "بودجه‌ واتا شه‌فافیه‌ت، چونكه‌ ته‌واوی خه‌رجی و پرۆژه‌كان و داهاتی هه‌رێمی تێدا دیار ده‌بێت، له ‌2014ـوە حكوومه‌تی عێراق بودجه‌ی هه‌رێمی بڕی بۆ ئه‌وه‌ی ئه‌م هه‌رێمه‌ تێك بدات، به‌ڵام ته‌سلیم نه‌بووین و هه‌رێم هێزی خۆی له‌ده‌ست نه‌دا و، به‌ شێوه‌یه‌ك له ‌شێوه‌كان ئیداره‌ی مالیی خۆی كرد ."

ئه‌و ئه‌ندامه‌ى لیژنه‌ى داراییى په‌رله‌مانى كوردستان زیاتر گوتی: "حكوومه‌تی هه‌رێم خه‌ریكه‌ پرۆژه‌یاسای بودجه‌ ئاماده‌ ده‌كات، ئه‌وه‌ی له‌ نزیكه‌وه‌ ئاگادارین‌ له‌ مانگی شوبات بڕیاره‌ بگاته‌ په‌رله‌مان له‌گه‌ڵ گه‌یشتنی بودجه‌ بۆ په‌رله‌مان به‌پێی په‌یڕه‌وی ناوخۆ ڕه‌وانه‌ی لیژنه‌ی دارایی ده‌كرێت و ده‌بێت له‌ ماوه‌ی 21 ڕۆژ ڕاپۆرت ئاماده‌ بكه‌ین، ئه‌گه‌ر نه‌توانرا له‌ ماوه‌ی دیاریكراو ڕاپۆرت ئاماده ‌بكه‌ین، 10 ڕۆژی تریش ماوه‌كه‌ درێژ ده‌كرێته‌وه‌ و دواتر ده‌خرێته‌ ده‌نگدان ئه‌وكاتیش كۆبوونه‌وه‌ی باش بۆ به‌رچاوڕوونیمان ده‌بێت له‌ نێوان په‌رله‌مان و لیژنه‌ی دارایی و حكوومه‌ت بۆ ئه‌وه‌ی ببینه‌ خاوه‌ن بودجه."

 

نه‌شوان به‌رزنجى

 




دوایین هەواڵەکان

کونسوڵخانەی ئەمریکا لە هەولێر پێشوازی لە هەڵوێستی سەرۆکی حکوومەتی هەرێمی کوردستان دەکات

MONDAY, 17 MAY 2021 22:05:19

هەولێر-KDP.info- كونسوڵخانه‌ی ئه‌مه‌ریكا له‌ هه‌ولێر، پێشوازی له‌ پشتیوانی حكومه‌تی هه‌رێمی كوردستان له‌ ئازادی رۆژنامه‌وانی و رێزگرتن له‌ كاری دیپلۆماتكاران ده‌كات.

سەربەست لەزگین: چوار ژووری هەماهەنگی بۆ ناوچە کورستانییەکان پێک دێت

MONDAY, 17 MAY 2021 18:05:12

هەولێر-KDP.info- بەپێی ڕێککەوتنی نێوان وەزارەتی پێشمەرگە و سوپای عێراق لە چەند ڕۆژی داهاتوو ژمارەیەک ناوەندی هەماهەنگیی هاوبەش لە نێوان پێشمەرگە و هێزە عێراقییەکان پێک دێت و بریکاری وەزارەتی پێشمەرگەش دەڵێت، بڕیار لەسەر چوار ژووری هەماهەنگی دراوە.

 

جۆرج نیف سەردانی پێوەندییەکانی دەرەوەی پارتیی کرد

MONDAY, 17 MAY 2021 18:05:58

ھەولێر -KDP. Info- جۆرج نیف، کەسایەتیی سیاسی و چاڵاکی بواری ئابووری و بیزنس و خاوەنی گەورەترین کۆمپانیای (SA) وەشانخانە و چاپ و بڵاوکردنەوە لە ژنێڤ و دۆستی گەڵی کورد، سەردانی پەیوەندییەکانی دەرەوەی (پ.د.ک)ی کرد.

 

یاساى هه‌ڵگرتنى چه‌ک هه‌موار ده‌کرێته‌وه‌

MONDAY, 17 MAY 2021 17:05:29

هەولێر-KDP.info- سه‌رۆکى لیژنه‌ى ناوخۆ و ئاسایش و ئه‌نجومه‌نە خۆجێییه‌کانی په‌رله‌مانى کوردستان ده‌ڵیت، یاساى هه‌ڵگرتنى چه‌ک له‌ هه‌رێمى کوردستان که‌موکورتیى زۆرى تێدایه‌ و ئێستا لیژنه‌که‌یان به ‌هه‌ماهه‌نگى له‌گه‌ڵ وه‌زاره‌تى ناوخۆى حکوومه‌تى هه‌رێم کار بۆ هه‌موارکردنه‌وه‌ى یاساکه‌ ده‌کات.

 

 

حکوومەتی ھەرێم پارە بۆ تەواوکردنی سێ قوتابخانە لە سلێمانی تەرخان دەکات

MONDAY, 17 MAY 2021 17:05:56

سلێمانی-KDP.info- بەپێی نووسراوی ژمارە ٤٥٧٣ کە ئاراستەی وەزارەتی دارایی کراوە، لەلایەن ئەنجومەنی وەزیرانەوە ڕەزامەندی دراوە بۆ ئەوەی نزیکەی ملیارێک دینار بۆ پارێزگای سلێمانی تەرخان بکرێت بە مەبەستی تەواوکردنی سێ قوتابخانە لەو پارێزگایە .

 



 
© 2021 Kurdistan Democratic Party, KDP

Contact