Kurdî  ■  كوردی  ■  عربي
SUN, 28 NOV 2021 05:21 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

پەیامی مەكتەبی سیاسیی پارتی بە بۆنەی سەری ساڵی (2021) ی زایینیەوە
| KDP.info


بەبۆنەی هاتنەوەی سەری ساڵی نوێی زایینی، گەرمترین پیرۆزبایی لە هاوڵاتییانی سەربەرز و خۆشەویست، لە ناوەوە و دەرەوەی هەرێمی كوردستان دەكەین، هەروەها پیرۆزبایی گەرم لە كەسوكاری سەربەرزی شەهیدان و هێزی پێشمەرگەی كوردستان و سەرجەم کادیر و ئەندام و لایەنگرانی دڵسۆز و خۆڕاگری پارتیمان، پارتی دیموکراتی کوردستان دەكەین و هیوای ساڵێكی ئارام و پڕ بەخششیان بۆ دەخوازین.

ساڵی ڕابردوو بەهۆی پەتای كۆڕۆناوە هەلومەرجێكی نالەبار و نەخوازراو جیهان و ناوچەکە و هەرێمی كوردستانیشی گرتەوە، كە جگە لە قەیرانی ئابووری، بەداخەوە ژمارەیەك لە ئازیزان و هاووڵاتییانی خۆشەویستمان لەدەستدا، هیوادارین بۆ ساڵی داهاتوو ئەو پەتایە بەیەكجاری بنبڕ بێت و هەموو لایەك ساغ و سەلامەت و تەندروست بن.

هاوڵاتییانی خۆشەویست

بارودۆخی هەرێمی كوردستان و ناوچەكە وادەخوازێ، هەموولایەك، بەوپەڕی بەرپرسیاریەتییەوە كاربكەین بۆ فەراھەمکردنی ڕەوشێکی ئارام و سەقامگیر و، بەیەکدەستی دەسكەوتەكانمان بپارێزین و هەنگاوی زیاتر بەرەو پێشكەوتن و ئاوەدانكردنەوەی كوردستان بنێین.
ئێمە وەك پارتی دیموكراتی كوردستان بۆ ساڵی داهاتوو، وەك هەمیشە جەخت دەكەینەوە لەسەر چارەسەركردنی كێشە و گرفتەكان لەگەڵ حكومەتی عیراق لە رێی گفتوگۆ و دانوستان بۆ وەدیهێنانی مافەڕەواكانمان و دابینکردنی شایستە داراییەكان، بوودجە و مووچەی هەرێمی كوردستان، هەروەها چارەسەركردنی عادیلانەی كێشەی ناوچە کوردستانییەکانی دەرەوەی ئیدارەی ھەرێم لە چوارچێوەی ماددەی(140) ی دەستووری عێراق، لەلایەكی دیكەوە لەسەر ئاستی ناوخۆ هەوڵ دەدەین بۆ چارەسەرکردنی باری گوزەران و بژێوی هاووڵاتییان، هەروەها بەردەوام دەبین بۆ زیاتر چەسپاندنی پرەنسیپە ڕاستەقینەكانی هاوپەیمانیەتی و تەبایی لە نێوان هێز و لایەنە سیاسیەكانی كوردستان و  ئاشتەوایی و لێبووردەیی لە نێوان گشت پێكهاتە نەتەوەیی و ئایینی و مەزهەبییەكاندا.

ئومێدەوارین ساڵی (٢٠٢١)، ساڵی كۆتاییهێنان بێت بە قەیران و ئاریشە و گرفتەكان و ساڵێكی ئاسوودە، بەختەوەر و ئومێدبەخش بێت بۆ هەموو لایەك..

مەكتەبی سیاسیی
پارتی دیموكراتی كوردستان
٣١ـی١٢ـی٢٠٢٠




دوایین هەواڵەکان

دوو ملیار و ٢٠٠ ملیۆن دینار بۆ پارکى ھه‌وارى شار له‌ سلێمانى خه‌رج ده‌کرێت

SATURDAY, 27 NOVEMBER 2021 19:11:27

سلێمانی -KDP.info- له‌سه‌ر ڕاسپارده‌ى مه‌سرور بارزانى، سه‌رۆکى ئه‌نجومه‌نى وه‌زیران ڕه‌زامه‌ندى درا له‌سه‌ر خه‌رجکردنى گوژمه‌ى دوو ملیار و ٢٠٠ ملیۆن دینار به‌ مه‌به‌ستى جێبه‌جێکردنى پڕۆژه‌ى به‌ڕێوه‌بردن و چاکسازیى پارکى ھه‌وارى شار له‌ پارێزگاى سلێمانی، ئه‌و بڕه‌ پاره‌یه‌ش قۆناغ به‌ قۆناغ و به‌ شێوه‌ى نه‌ختینه‌ خه‌رج ده‌کرێت.

 

کارەکانی دروستکردنی شەقامی ١٥٠ مەتری بەخێرایی بەڕێوە دەچێت

SATURDAY, 27 NOVEMBER 2021 18:11:27

ھەولێر -KDP.info- سەرپەرشتیاری شەقامی ١٥٠ مەتریی ھەولێر گوتی، دروستکردنی شەقامی ١٥٠ مەتری زۆر بەخێرایی بەڕێوە دەچێت و ئێستا ٣٢%ی قۆناغی دووەم تەواو بووە و ئامادەکاری بۆ قۆناغی سێیەم دەکرێت کە دیزاینی تەواو بووە و تەنھا ماوە گرێبەست بکرێت و دەست پێ بکرێت.

 

سەرۆک بارزانی پێشوازی لە نوێنەری تایبەتی سکرتێری گشتی رێکخراوی نەتەوە یەکگرتووەکان لە عێراق دەکات

SATURDAY, 27 NOVEMBER 2021 16:11:17

ڕۆژی شەممە ٢٧ـی تشرینی دووەمی ٢٠٢١ لە سەلاحەددین سەرۆک مەسعود بارزانی پێشوازی لە جنین پلاسخارت نوێنەری تایبەتی سکرتێری گشتی رێکخراوی نەتەوە یەکگرتووەکان لە عێراق کرد.

 
د. محەمەد خورشید: لە کەرکووک کێشە بۆ جووتیارانی کورد دروست دەکرێت

SATURDAY, 27 NOVEMBER 2021 15:11:59

کەرکووک-KDP.info- حکوومەتی عێراق کێشە بۆ جووتیارانی کورد لە کەرکووک دروست دەکات و بەرپرسێکی پارتییش دەڵێت، پڕۆسەی تەعریب بەردەوامە و ھێشتا کار بە بڕیارەکانی دادگای بەناو شۆڕشی سەردەمی ڕژێمی لەناوچووی بەعس دەکەن.

 

'' گوهۆڕین د پۆستێن ئیداری دا بەردەوامن ''

SATURDAY, 27 NOVEMBER 2021 15:11:18

گوهۆڕینین د پۆستێن ئێدارێین پێکهاتەییان دا دبەردەوامن، ژوانان ژی پێکهاتەییا ئێزدییان ژ رێڤەبەر و ڕیڤەبەرێن گشتی و چەندین پۆست و پلەیێن دی.

 


 
© 2021 Kurdistan Democratic Party, KDP

Contact