Kurdî  ■  كوردی  ■  عربي
SAT, 19 JUL 2025 01:52 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

ئێکەتیا ئۆرۆپی تاقیگەھەک بۆ پشکنینێن کۆرۆنایێ ل دھۆکێ ڤەکر
| KDP.info


دھۆک-KDP.info- تاقیگەھەکا تایبەت بۆ پشکنینێن کۆرۆنایێ ئەڤرۆ رۆژا ٢/١١/٢٠٢٠ ب ئامادەبوونا (د.عەلی تەتەر) پارێزگارێ دھۆکێ د ناڤ نەخۆشخانا لالاڤ دا ل پارێزگەھا دھۆکێ ھاتە ڤەکرن.

د. عەلی تەتەر، پارێزگارێ دھۆکێ د پرێس کۆنفرانسەکی دا دیار کر کو پارێ ڤێ تاقیگەھێ ژ لایێ ئێکەتیا ئۆرۆپی ڤە ب ھەڤکاری دگەل رێکخراوا (AISPO NGO) ھاتیە دابینکرن و گۆت: "نەخۆشخانا لالاڤ یا تایبەت ب نەخۆشێن کۆرۆنایێ ژ لایێ کۆمپانیا لالاڤ ڤە ھاتیە چێکرن، بەلێ ئەو کەلوپەلێن د ناڤ نەخۆشخانێ دا وەکو پێدڤیێن نۆشداری و ئامیرە و کارگەھا ئۆکسجینێ و نۆشدار و کارمەند و ھتد... ژ لایێ حکومەتا ھەرێما کوردستانێ ڤە بۆ ڤێ نەخۆشخانێ ھاتینە دابینکرن".

ناڤھاتی ئاماژە دا وێ چەندێ کو ئەگەرێ سەرەکی یێ بەلاڤبوونا ڤایرۆسێ کۆرۆنایێ ل ھەرێما کوردستانێ ب گشتی و پارێزگەھا دھۆکێ ب تایبەتی خرڤەبوونێن نە پێدڤی نە ئەوێن کو ل کافێ و ھۆلێن شەھیانان و ھتد.... دھێنە ئەنجامدان، بەلێ ژ بەر وان کاودانێن نوکە ھەرێما کوردستانێ تێدا دەرباز دبیت ئەو نەشێن پتر گڤاشتنێ ل سەر خەلکی بکەن ژ بەر کو ھندەک تشت یێن ھەین ژیانا رۆژانە یا خەلکی یا پێڤە گرێدایە و گۆت: "نوکە ئەم نەچارین دگەل کۆرۆنایێ بژین و پێگێریێ ب مەرج و رێنمایێن ساخلەمیێ بکەین و دەزگەھێن پەیوەندیدار نوکە ب تووندی یێ دوڤچوونا وان جھێن پارێزگەھا دھۆکێ دکەن یێن کو خرڤەبوون لێ دھێنە ئەنجامدان و ھەر کەس و جھەکێ پێگیریێ ب مەرج و رێنمایێن ساخلەمیێ نەکەت دێ ل دووڤ یاسایێ سەرەردەری دگەل ھێتەکرن".

ژ ئالیێ خوە ڤە د. نزار عسمەت رێڤەبەرێ گشتی یێ ساخلەمیێ ل پارێزگەھا دھۆکێ د ھەمان پرێس کۆنفرانس دا خویا کر کو د ھەیاما بۆری دا ئێکەتیا ئۆرۆپی گەلەک پرۆژێن گرێدایی ب کەرتێ ساخلەمیێ ڤە ل سەرانسەری پارێزگەھا دھۆکێ ئەنجامداینە و گۆت: "پارێ تاقیگەھا تایبەت ب ڤایرۆسێ کۆرۆنایێ ڤە یا کو ئەڤرۆ ل نەخۆشخانا لالاڤ ھاتیە ڤەکرن ھەر ژ لایێ ئێکەتیا ناڤھاتی ڤە ب ھاریکاریا رێکخراوا (AISPO NGO) ھاتیە دابینککرن کو نێزیکی ٢٠٠ ھزار یورۆیان ل ڤێ تاقیگەھێ ھاتینە مەزاختن".

ناڤھاتی خویا کر کو رێژا توشبوونێ ب ڤایرۆسێ کۆرۆنایێ ل پارێزگەھا دھۆکێ رۆژ بۆ رۆژێ د زێدەبوونێ دایە و ب مخابنی ڤە رۆژانە مە حالەتێن مرنێ ژی ھەنە، بەلێ ئەو ب ھەمی شیانێن خوە ڤە یێ بزاڤان دکەن ژمارا تووشبوویان ب ڤایرۆسێ کۆرۆنایێ کێم بکەین.

رێوار محەمەد رەشید

 




دوایین هەواڵەکان

سەرۆکی ھەرێمی کوردستان پیرۆزبایی لە یانەکانی دهۆک و زاخۆ دەکات

SATURDAY, 19 JULY 2025 00:07:00

ھەولێر-KDP.info- سەرۆکی ھەرێمی کوردستان پیرۆزبایی لە یانەکانی دھۆک و زاخۆ دەکات بەبۆنەی بەدەستھێنانی پلەی یەکەم و دووەمی جامی عێراق و دەڵێت، "ھەر ھەبن و ھەر سەرکەوتوو بن."

 
مەسروور بارزانی پیرۆزبایی لە یانەکانی تۆپی پێی دهۆک و زاخۆ دەکات

FRIDAY, 18 JULY 2025 23:07:15

ھەولێر-KDP.info- سەرۆکی حکوومەتی هەرێمی کوردستان، پیرۆزبایی لە یانەکانی تۆپی پێی دهۆک و زاخۆ کرد، بە بۆنەی بەدەستهێنانی پلەی یەکەم و دووەمی جامی عێراق.

 
گوتەبێژی حکوومەت بۆ KDP باسی جێبەجێکردنی ڕێککەوتنه‌كه‌ و ناردنی مووچە دەکات

FRIDAY, 18 JULY 2025 22:07:06

ھەولێر-KDP.info- گوتەبێژی حکوومەتی ھەرێمی کوردستان ڕایدەگەیەنێت، لە سەرەتای ئەم ھەفتەیەدا ڕێککەوتنی نێوان حکوومەتی ھەرێمی کوردستان و بەغدا دەکەوێتە بواری جێبەجێکردنەوە و بەغدا دەست بە ناردنی مووچەی مانگی پێنجی فەرمانبەران دەکات.

 
بارزانی خەونی نەتەوەیەك، کە بەرەو ڕوناکی هەنگاو دەنێت

FRIDAY, 18 JULY 2025 14:07:34

دکتۆر سامان سۆرانی 

 
هەڵگورد شێخ نەجیب بۆ KDP: دیزاینی ماستەرپلانی تازەی هاوینەهەواری بێخاڵ تەواوبووە

FRIDAY, 18 JULY 2025 11:07:42

ھەولێر-KDP.info- سەرپەرشتیاری ئیدارەی سەربەخۆی سۆران ڕایگه‌یاند، لە هاوینەهەواری بێخاڵ،‌ بنیادنانی ژێرخانێكی پته‌وی گه‌شتیاری له‌ده‌ڤه‌ره‌كه‌ ده‌ستپێده‌كات، بۆ ڕازیكردنی  كاسبكارانی بێخاڵیش حكوومه‌تی هه‌رێمی كوردستان پلانی هه‌یه‌.

 


 
© 2023 Kurdistan Democratic Party, KDP

Contact