Kurdî  ■  كوردی  ■  عربي
MON, 23 NOV 2020 18:59 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

دلاوەر ئاژگەیی: یەکێتیی ئەورووپا لە ڕووی پەرەپێدانی ئابووری و سەربازییەوە یارمەتیی هەرێمی کوردستان دەدات
| KDP.info


هەولێرـKDP.infoـ سەرۆکی حکوومەتی هەرێمی کوردستان بۆ پەرەپێدانی پەیوەندییە دیپلۆماسییەکانی هەرێمی کوردستان و یەکێتیی ئەورووپا گەشتێکی بۆ چەند وڵاتێکی ئەورووپا دەست پێ کرد.

نوێنەری حکوومەتی هەرێمی کوردستان لە یەکێتیی ئەورووپا دەڵێت، یەکێتیی ئەورووپا لە هەرێمی کوردستان بەرژەوەندیی سیاسی و بازرگانیی هەیە و ئەمنیەت و ئاساییشەکەی بۆ گرنگە، بۆیە بە گرنگ دەڕوانێیتە کوردستان و زۆربەی نوێنەرایەتییەکانیان لە هەولێرن، هەربۆیە هێزی سەربازیی زیاتر ڕەوانە دەکات بۆ پشتگیریی هێزەکانی پێشمەرگەی کوردستان و پاراستنیان لە ڕێکخراوی تیرۆریستیی داعش.

ڕۆژی ۹ی ۱۱ی ۲۰۲۰ مەسروور بارزانی، سەرۆکی حکوومەتی هەرێمی کوردستان بە گەشتێکی فەرمی سەردانی چەند وڵاتێکی ئەورووپای دەست پێ کرد لەو گەشتە ئەورووپاییەدا، سەرۆکی حکوومەتی هەرێمی کوردستان سەردانی چەند وڵاتێکی ئەورووپای کرد و لەگەڵ بەرپرسانی باڵای ئەو وڵاتانەدا کۆ بووەوە و گفتوگۆیان دەربارەی پەرەپێدانی پەیوەندییە دیپلوماسییەکانی نێوان هەرێمی کوردستان و وڵاتانی ئەورووپا، بەتایبەتی لە بواری ئابووریدا کرد و تا ئێستا نەگەڕاوەتەوە و لە گەشتەکەی و بەردەوامە.

لە چوارچێۆەی سەردانەکەی سەرۆکی حکوومەتی هەرێمی کوردستان، مەسروور بارزانی، بۆ یەکێتیی ئەورووپا و چەند وڵاتێک، دلاوەر خالید ئاژگەیی، نوێنەری حکوومەتی هەرێمی کوردستان لە یەکێتیی ئەورووپا، بە ماڵپەڕی فەرمی پارتی دیموکراتی کوردستانی ڕاگەیاند: "یەکێتیی ئەورووپا بە گرنگ دەڕوانێتە هەرێمی کوردستان، یەکێتیی ئەورووپا خۆی دامەزراوەیەکە پێک هاتووە لە ۲۷ وڵات، ئەم وڵاتانە زیاتر لە نیوەیان نوێنەرایەتییان لە هەرێمی کوردستان هەیە، نوێنەرایەتییەکانیشیان سیاسی و کونسووڵخانە و نوێنەرایەتیی بازرگانییە، جگە لەوە، بەشێکی زۆریان بەشدارن لە هاوپەیمانیی نێودەوڵەتیی دژی داعش، هەروەها هاوبەشن لەگەڵ هەرێمی کوردستان لە شەڕی تیرۆر و شەڕی دژی دەوڵەتی ئیسلامی (داعش)، جگە لەمانە هەرێمی کوردستان لە ڕووی جێۆپۆلیتیکەوە و لە ڕووی سیاسییەوە و، لە ڕووی ئەمنیەت و ئاسایشەوە لەم هەرێمە گرنگییەکی زۆری هەیە بۆ یەکێتیی ئەورووپا، جگە لەمانە، هەرێمی کوردستان هەنگاوی باشی ناوە لە ڕووی ئەوەی پێی دەگوترێت پێکەوەژیان و سەرجەم نەتەوە جیاوازەکان بەبێ جیاوازی لە هەرێمی کوردستان دەژین و ڕێز لە گشت دین و نەتەوەی جیاواز دەگیرێت و ئەمەش ڕوویەکی دیموکراسی بە هەرێمی کوردستان دەدات و ئەم پێکەوەژیانە بۆ یەکێتیی ئەورووپا گرنگە، ئەمەش بۆ کارکردنی حکوومەتی هەرێمی کوردستان دەگەڕێتەوە."

ئەمەریکا هەمیشە ئەوە دەڵێت کە هێزەکانمان لە عێراق و سووریا دەکشێنینەوە، ئەمە لە کاتێکدایە کە هۆڵەندا هێزی سەربازی دەنێرێت بۆ هەرێمی کوردستان، لەم بارەیەوە ئاژگەیی، گوتی: "سەرۆک دۆناڵد ترامپ بڕیاری دا هەندێک لە هێزەکانی ئەمەریکا بکشێنێتەوە، بەڵام ئەمە وەک کەرەستەیەکی بانگەشەی هەڵبژاردنەکان بەکاری هێنا، دەیویست بیسەلمێنێت کە هێزەکانی کەم دەکاتەوە لە ئەفغانستان و لە سووریا و عێراق، ئەو بەڵێنەی دابووی بردییە سەر."

ئەورووپاییەکان هاوشێوەی ئەمەریکاییەکان هێزیان هەیە کە  ژمارەیان ناگاتە هێزەکانی ئەمەریکا، بەڵام لە چوارچێوەی هاوپەیمانیدا هێزیان هەیە، ئەنجومەنی وەزیرانی هۆڵەندا بڕیاری داوە ۱٥۰ سەربازی تر بنێریێت بۆ کوردستان و جێگیریان بکات، ئەمەش ئاماژەیەکە وەک پشگیریکردنیان بۆ هێزەکانی پێشمەرگەی کوردستان، بۆ پێدانی مەشق و ڕاهێنان و ئەمنیەتی ناوچەکە، زۆر گرنگە ئەمە لە کاتێکدایە کە ئەمەریکا باس لە کەمکردنەوەی هێز دەکات، ئەورووپاش باس لە زیادکردنی هێزەکانیان دەکەن لە کوردستان، پێشتر ئەورووپا هاوشێوەی ئەمەریکا هێزەکانی دەنارد و دەیکشاندەوە، بەڵام ئەم جارە جیاوازە و بە پێچەوانەکەیان کردووە، کە هێزەکان لە ساڵی ۲۰۲۱ دێن و بڕیاریان داوە تا کاتێکی نادیار لە کوردستان بمێننەوە.

پێیان وایە کە هەرێمی کوردستان پێویستی بەو هێزانەیە و لە ناوچەکانی ماددەی ۱٤۰ و ناوچە دابڕێنراوەکانی هەرێمی کوردستان بۆشاییی ئەمنی هەیە و داعش ئەمە بە هەل دەزانێت، سەرۆکی حکوومەتی هەرێمی کوردستان لە زۆربەی کۆبوونەوەکاندا باسی کردووە کە دەبێ هاپەیمانیی نێودەوڵەتی بەردەوام بێت، چونکە داعش کۆتاییی پێ نەهاتووە و دەستی پێ کردووەتەوە و لە ناوچە کوردستانییەکانی دەرەوەی هەرێم چالاکیی هەیە و، مەترسییە بۆ ژیانی خاڵک و مەترسییە بۆ گەڕانەوەی ئاوارەکانی ئەم ناوچانە، جگە لەمە، ترسیان لەوە هەیە داعش دووبارە سەر هەڵبداتەوە."

تێڕوانینی یەکێتیی ئەورووپا، بۆ ئەو پێشێلکارییانەی حکوومەتی عێراق بەرانبەر هەرێمی کورستان کردوویەتی، لە کاتێکدا یەکێتیی ئەورووپا دامەزراوەیەکی جیهانییە و کەناڵێکی بەهێزی دیپلۆماسیی دنیایە، لە کاتی ڕێککەوتنی هەرێمی کوردستان و عێراق یوئێن شەرعیەتی پێ دا بە ڕێککەوتنی نێوان هەولێر و بەغدا، دلاوەر ئاژگەیی بۆ ئەم بابەتە و هەڵوێستی یەکێتیی ئەورووپا ڕایگەیاند: "یەکێتیی ئەورووپا هەمان هەڵوێستی یوئێنی هەیە، پشگیریی ڕێککەوتن و چارەسەرکردنی کێشەکانن لە نێوان کوردستان و عێراق، یەکێتیی ئەورووپا هەمیشە جەختی لەوە کردووەتەوە هەموو بڕیارەکان لە چوارچێوەی دەستووری عێراق بن، ڕێز لە دەستووری عێراق بگیرێ، گشت خاڵەکانی نێو دەستوور جێبەجێ بکرێت، نەک ئەو خاڵەی لە بەرژەوەندیی لایەنێکە و لە بەرژەوەندیی لایەنەکەی تر نییە، تا ئێیستا هەڵوێستیان ڕانەگەیاندووە، چونکە بڕیارەکە ناوخۆییە، بەڵام گرنگییەکەی ئەمەیە ئایا حکوومەتی عێراق و سەرۆکوەزیران مستەفا کازمی هەڵوێستی چی دەبێت، هاوکات پەرلەمانی عێراق لە ڕابردووش جارێکی تر بڕیاری وایان دەرکرد کە هێزە بیانییەکان دەربکەن و عێراق چۆڵ بکەن، بەڵام نەچووە واری جێبەجێکردنەوە، لەو بڕوایەدام ئەم بڕیارەش بە هەمان شێوە لەلایەن سەرۆکوەزیرانەوە جێبەجێ نەکرێت، بۆیە یەکێتیی ئەورووپا چاوەڕێی هەنگاوی کازمین، پێشیان وانییە حکوومەتی کازمی بڕیارێکی وا بەدەر لە ڕێککەوتنی نێوانیان جێبەجێ بکات."

 

فایزە کۆیی

 




دوایین هەواڵەکان

''پۆلیسی فیدراڵیی عێراقی ڕیگە نادات پەکەکە قاچاخچێتی لە شنگال بکات''

MONDAY, 23 NOVEMBER 2020 16:11:05

شنگال-KDP.info-  سەرچاوەیەک لە قەزای شنگال ڕایگەیاند، دوو لیوای سوپای عێراق لەسەر سنووری عێراق و سووریا نیشتەجێ کراوان.

 

ناوەندی ڕەوەندی کورد لە سوید دامەزرا

MONDAY, 23 NOVEMBER 2020 16:11:45

ستۆکهۆڵم-KDP.info- لە ڕۆژی ٢١ی ١١ی ٢٠٢٠دا لە ستۆکهۆڵمی پایتەختی سوید ناوەندی ڕەوەندی کورد دامەزرێنرا.

 
پەرلەمانی كوردستان دیاردەی كۆچی گەنجان تاوتوێ دەكات

MONDAY, 23 NOVEMBER 2020 13:11:43

هەولێر-KDP.info- پەرلەمانی كوردستان رۆژی چوارشەممە 25/11/2020 كۆدەبێتەوە،و یەكێك لە تەوەرەكانی كۆبوونەوەكە گفتوگۆكردنە لەبارەی راپۆرتی لیژنەی رەوەندی كوردستانی سەبارەت بە كۆچی گەنجان بۆ دەرەوەی وڵات.

دارا جەلیل خەیات بۆ KDP: كۆنفڕانسی ئابووریی ھەرێم، گرنگیدانی ئەمەریكایە بە كوردستان

MONDAY, 23 NOVEMBER 2020 12:11:34

ھەولێر-KDP.info- سەرۆكی ژووری بازرگانیی ھەرێمی كوردستان رایدەگەیەنێت، سازدانی كۆنفڕانسی "ئابووریی ھەرێمی كوردستان دوای كۆرۆنا" بە بەشداریی سەرۆكی حكوومەت، بایەخی زۆری ھەیە و دەبێتە ھۆی ئەوەی كۆمپانیای زیاتری ئەمەریكا بێنە ھەرێم و، گرنگیدانی ئەمەریكاشە بە ھەرێمی كوردستان.

ئاگرین عەبدوڵڵا: 80%ی پڕۆژەی جووتسایدی كەلار-كفری تەواو بووە

MONDAY, 23 NOVEMBER 2020 11:11:52

گەرمیان-KDP.info- حكوومەتی هەرێمی كوردستان پڕۆژەی جووتسایدی كەلار – كفری خستووەتە بواری جێبەجێكردنەوە و 80%ی كارەكانی كۆتایی هاتووە، بەرپرسانی كۆمپانیای جێبەجێكاریش دەڵێن، كارەكانی پڕۆژەكە ڕادەگرن گەر پارەیان بۆ خەرج نەكرێت، بەڵام بریكاری وەزارەتی ئاوەدانكردنەوە جەخت دەكاتەوە، هەموو هەوڵێك دەدەن پارە بۆ پڕۆژەكە خەرج بكرێت.



 
© 2020 Kurdistan Democratic Party, KDP

Contact