Kurdî  ■  كوردی  ■  عربي
TUE, 15 JUL 2025 00:47 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

رۆژا جیهانیا به‌رهه‌نگاربوونا توندوتیژیا دژى ئافره‌تان دێ ل هه‌رێمێ هێته‌ ساخكرن
| KDP.info


دهۆك-KDP.info- سكرتێرا ئێكه‌تیا ئافره‌تێن كوردستانێ ئاشكرا كر كو ل ژێر درووشمێ (هزر و نه‌ریتێن شاش ڤه‌مرینه‌ نه‌ك ژیانێ) رۆژا جیهانیا به‌رهه‌نگاربوونا توندوتیژیا دژى ئافره‌تان دێ ل رۆژا 25/11/2020 ب ئه‌نجامدانا چه‌ندین چالاكیان ل چه‌ندین باژێر و باژارۆكێن هه‌رێما كوردستانێ هێته‌ ساخكرن.

د.ڤیان سلێمان، سكرتێرا ئێكه‌تیا ئافره‌تێن كوردستانێ بۆ مالپه‌رێ فه‌رمیێ پارتى دیموكراتى كوردستان ئاشكرا كر كو ب هه‌لكه‌فتا رۆژا جیهانیا به‌رهه‌نگاربوونا توندوتیژیا دژى ئافره‌تان دێ چه‌ندین چالاكیێن جوراوجور ل چه‌ندین باژێر و باژارۆكێن هه‌رێما كوردستانێ هێنه‌ ئه‌نجامدان، به‌لێ ژ به‌ر خوه‌پاراستنێ ژ ڤایرۆسێ كۆرۆنایێ چ خۆل ناهێنه‌ ڤه‌كرن و سمینار ب شێوێ لێك كۆمڤه‌بوون ناهێنه‌ پێشكێشكرن، به‌لكو ئه‌ڤ ساله‌ چه‌ندین سمینار و كۆنفرانس ل دۆر توندوتیژیا دژى ئافره‌تان دێ ب شێوه‌یێ ئۆنلاین هێنه‌ پێشكێشكرن و د سوشیال میدیایێ دا دێ چه‌ندین پۆست ب شێوه‌یه‌كێ به‌رفره‌ه هێنه‌ به‌لاڤكرن كو ده‌ربڕینێ ژ ڤێ رۆژێ بكه‌ن، هه‌روه‌سا چه‌ندین پێشانگه‌ه ژى دێ هێنه‌ ڤه‌كرن و به‌رهه‌م و كارێن هونه‌رى یێن ئافره‌تان دێ تێدا هێنه‌ نیشادان، ئانكو وان هه‌موو بزاڤ كرینه‌ ئه‌ڤ ساله‌ پێگیریێ ب مه‌رج و رێنمایێن ساخله‌میێ بكه‌ن و لێك كۆمڤه‌بوون په‌یدانه‌بن.

ناڤهاتیێ خویا كر كو ب هه‌مان هه‌لكه‌فت سكرتاریه‌تا ئێكه‌تیا ئافره‌تێن كوردستانێ دێ به‌یاننامه‌كێ ژى ده‌ركه‌ت كو ناڤه‌رۆكا ڤێ به‌یاننامێ دێ ل دۆر توندوتیژیا دژى ئافره‌تان و ستراتیژیه‌تا ئێكه‌تیا ئافره‌تێن كوردستانێ بیت كا ب چو شێوه‌ د بوارێ توندوتیژیا دژى ئافره‌تان دا كار دكه‌ت و هه‌مان به‌یاننامه‌ دا دێ په‌یامه‌كێ پێشكێشى ئافره‌تان كه‌ن كو ئه‌و وه‌كو ئێكه‌تیا ئافره‌تێن كوردستانێ دێ ل سه‌ر كار و خه‌باتا خوه‌ د به‌رده‌وام بن، ژ به‌ر كو ئه‌و خوه‌ ل مافێن هه‌موو ئافره‌تان دكه‌نه‌ خودان.

 

رێوار محه‌مه‌د ره‌شید  

 




دوایین هەواڵەکان

دوو درۆنی بۆمبڕێژکراو لە پارێزگای هەولێر کەوتنە خوارەوە

MONDAY, 14 JULY 2025 21:07:00

ھەولێر-KDP.info- دژە تیرۆری کوردستان بڵاویکردەوە، دوو درۆنی بۆمبڕێژکراو لە سنووری پارێزگای ھەولێر کەوتنە خوارەوە.

 

سەرۆک بارزانی بەشداری لە مەڕاسیمی ڕۆژی نیشتمانی فەڕەنسا دەکات

MONDAY, 14 JULY 2025 21:07:00

ھەولێر-KDP.info- ئێوارەی ڕۆژی دووشەممە ١٤ی تەمموزی ٢٠٢٥ سەرۆک مەسعود بارزانی لە ھۆتێل ڕۆتانای شاری ھەولێر بەشداریی لە مەڕاسیمی یادی ڕۆژی نیشتمانی فەڕەنسا کرد.

 
وەزارەتی ناوخۆ ڕوونکردنەوەیەکی لەبارەی ڕووداوەکەی وەرتێ بڵاوکردەوە

MONDAY, 14 JULY 2025 20:07:00

ھەولێر-KDP.info- وەزارەتی ناوخۆی حکوومەتی ھەرێمی کوردستان دەڵێت: لایەنە پەیوەندیدارەکان ڕاسپێدراون بۆ لێکۆڵینەوە و گرتنەبەری ڕێکاری یاسایی لەسەر ڕووداوەکانی شەوی ڕابردووی سنووری شارەدێی وەرتێ.

ھەڵگورد شێخ نەجیب: دۆخی سنوورەکە ئارامە و ئەمڕۆ کێشەی کارەباش چارەسەر دەکرێت

MONDAY, 14 JULY 2025 17:07:04

سۆران -KDP.info- سەرپەرشتیاری ئیدارەی سەربەخۆی سۆران گوتی "ئێستا دۆخی ئیدارەی سەربەخۆی سۆران ئارامە و ئاساییبۆتەوە، ئەو کێشەیەی کارەباش کە ھەبوو ئەمڕۆ چارەسەر دەبێت."

 
باشترین گوندی گەشتیاری لەسەر ئاستی وڵاتان دەستنیشان دەکرێت

MONDAY, 14 JULY 2025 16:07:22

ھەولێر -KDP.info- بەڕێوەبەری بەبازاڕکردن لە دەستەی گەشتوگوزاری ھەرێمی کوردستان گوتی "لەسەر ئاستی عێراق دوو شوێن لە هەریمی کوردستان دیاریکراون کێبڕکێ دەکەن بۆ نازناوی باشترین گوندی گەشتیاری لەسەر ئاستی وڵاتانی عەرەبی، بۆ ئەو مەبەستە ئامادەکاریی تەواو کراوە و پێشبینی دەکەین ئەنجامی باش بەدەست بێنین."

 


 
© 2023 Kurdistan Democratic Party, KDP

Contact