Kurdî  ■  كوردی  ■  عربي
SUN, 28 NOV 2021 05:39 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

وەڵامێك بۆ بەسێ جووت سەرۆك
| KDP.info


(بەسێ)ی جووت سەرۆكی كەجەكەش لە تەلەفزیۆنێكی سەر بە پەكەكە زێدەڕۆیی كردووە و دەڵێ پارتی شەڕی دژی گەلی كورد ڕاگەیاندووە و هەندێك زماندرێژیی تریشی دژی پارتی كردووە و باسی گەڕانەوە بۆ هێڵی نەتەوەیی دەكات.

لە وەڵامیدا دەڵێین بەسێ خانی جووت سەرۆك باشە، پارتی شەڕی ڕاگەیاندووە یان ئێوە ڕۆژانە هەر جێیەك كوردێكی لێ بێت شەڕی پێ دەفرۆشن؟

پارتی گوندی ئێوەی داگیركردووە یان ئێوەن سەدان گوندی هەرێمی كوردستانتان بە زوڵم و كەڵەگایی لە خەڵك داگیر كردووە و ناشهێڵن كەس بچێتە سەر ماڵ و موڵكی خۆی؟

باشە بەسێ جووت سەرۆك، لێت دەپرسین، پارتی هاتۆتە سەر خاكی ئێوە یان ئێوەن بە بێشەرمی خاكی كوردی ستەمدیدەی هەرێمتان داگیر كردووە؟

پێمان بڵێ، پارتی كادیری ئێوەی كوشتوە یان ئێوەن كادیری پارتی شەهید دەكەن؟

تەنیا كارێك كە پارتی كردوویەتی ئەوەیە كە بە سینگفراوانی دەرگەی بە ڕووی ئێوەدا كردەوە و یارمەتیی ئێوەی داوە كەچی ئێوە ناجوامێرانە خۆتان لێ بووەتە خاوەنی موڵك و ماڵی خەڵك و خۆتان بە بەدیلی دامودەزگەی هەرێم دەزانن.

پارتی چیی گوتوە كە چەواشەكارانە دەڵێن پارتی شەڕی ڕاگەیاندووە؟ كە پارتی بڵێ خەڵك مەكوژن و ستەم لە هاووڵاتیان نەكەن و زەوی و موڵكیان داگیر مەكەن.. ئایا ئەوە ڕاگەیاندنی شەڕە؟؟؟ ئێوە نەك ئێستا بەڵكو لە مێژەیە لەشەڕدان لەدژی گەلی كورد. پێویست ناكات ئەوەندەش موزایەدەی نەتەوایەتی و كوردبوون بكەن. هەموو كەس باش دەتانناسێ كە چین و چۆن بیر دەكەنەوە و تۆسقاڵێك ئیمانتان بە نەتەوایەتی و بەرژەوەندییەكانی گەلی كورد نییە و شوێنكەوتووی ئایدیۆلۆژیایەكی عەجیب و غەریب و ئاڵۆزن كە هیچ ڕێزێك بۆ هزری نەتەوایەتی دانانێت. خەڵكی كوردستان زۆر چاك دەتانناسن و لەو ئاستەشدا نین لافی نەتەوایەتی لێ بدەن.

هەموومان باش دەزانین، جورئەتی شەڕی توركتان نیە و ڕۆژانە نامەردانە هەر ڕادەكەن و ڕادەكەن و سوپای تورك بەدوای خۆتان دەهێنن بۆ ناو خاكی كوردستان. بە خەڵكی تر ناوێرن و تەنیا ئەوەتان بۆ ماوەتەوە كەڵەگایی لەسەر كوردی هەژار بكەن.

ئێوە هیچ نین، مەجموعەیەك دەستكورتی زماندرێژن. هەموو خەڵك لە ئێوە بێزارە و لایەنەكانی كوردستانیش لێتان بێزار و قەڵسن بەڵام نەوێراون دەنگ بكەن. بەڵام پارتی دەنگ دەكات چونكە زوڵم و تەعدای خەڵكی بێ ناوەڕۆك و سەرلێشێواو قبووڵ ناكات. كە بە خەڵكی تر ناوێرن لانی كەم بێ دەنگ دانیشن و زمانتان درێژ مەكەن. ئەگەریش بەردەوام بن لەم زماندرێژیە، بێ گومان خۆتان زەرەر دەكەن.
 




دوایین هەواڵەکان

دوو ملیار و ٢٠٠ ملیۆن دینار بۆ پارکى ھه‌وارى شار له‌ سلێمانى خه‌رج ده‌کرێت

SATURDAY, 27 NOVEMBER 2021 19:11:27

سلێمانی -KDP.info- له‌سه‌ر ڕاسپارده‌ى مه‌سرور بارزانى، سه‌رۆکى ئه‌نجومه‌نى وه‌زیران ڕه‌زامه‌ندى درا له‌سه‌ر خه‌رجکردنى گوژمه‌ى دوو ملیار و ٢٠٠ ملیۆن دینار به‌ مه‌به‌ستى جێبه‌جێکردنى پڕۆژه‌ى به‌ڕێوه‌بردن و چاکسازیى پارکى ھه‌وارى شار له‌ پارێزگاى سلێمانی، ئه‌و بڕه‌ پاره‌یه‌ش قۆناغ به‌ قۆناغ و به‌ شێوه‌ى نه‌ختینه‌ خه‌رج ده‌کرێت.

 

کارەکانی دروستکردنی شەقامی ١٥٠ مەتری بەخێرایی بەڕێوە دەچێت

SATURDAY, 27 NOVEMBER 2021 18:11:27

ھەولێر -KDP.info- سەرپەرشتیاری شەقامی ١٥٠ مەتریی ھەولێر گوتی، دروستکردنی شەقامی ١٥٠ مەتری زۆر بەخێرایی بەڕێوە دەچێت و ئێستا ٣٢%ی قۆناغی دووەم تەواو بووە و ئامادەکاری بۆ قۆناغی سێیەم دەکرێت کە دیزاینی تەواو بووە و تەنھا ماوە گرێبەست بکرێت و دەست پێ بکرێت.

 

سەرۆک بارزانی پێشوازی لە نوێنەری تایبەتی سکرتێری گشتی رێکخراوی نەتەوە یەکگرتووەکان لە عێراق دەکات

SATURDAY, 27 NOVEMBER 2021 16:11:17

ڕۆژی شەممە ٢٧ـی تشرینی دووەمی ٢٠٢١ لە سەلاحەددین سەرۆک مەسعود بارزانی پێشوازی لە جنین پلاسخارت نوێنەری تایبەتی سکرتێری گشتی رێکخراوی نەتەوە یەکگرتووەکان لە عێراق کرد.

 
د. محەمەد خورشید: لە کەرکووک کێشە بۆ جووتیارانی کورد دروست دەکرێت

SATURDAY, 27 NOVEMBER 2021 15:11:59

کەرکووک-KDP.info- حکوومەتی عێراق کێشە بۆ جووتیارانی کورد لە کەرکووک دروست دەکات و بەرپرسێکی پارتییش دەڵێت، پڕۆسەی تەعریب بەردەوامە و ھێشتا کار بە بڕیارەکانی دادگای بەناو شۆڕشی سەردەمی ڕژێمی لەناوچووی بەعس دەکەن.

 

'' گوهۆڕین د پۆستێن ئیداری دا بەردەوامن ''

SATURDAY, 27 NOVEMBER 2021 15:11:18

گوهۆڕینین د پۆستێن ئێدارێین پێکهاتەییان دا دبەردەوامن، ژوانان ژی پێکهاتەییا ئێزدییان ژ رێڤەبەر و ڕیڤەبەرێن گشتی و چەندین پۆست و پلەیێن دی.

 


 
© 2021 Kurdistan Democratic Party, KDP

Contact