Kurdî  ■  كوردی  ■  عربي
SAT, 24 OCT 2020 14:48 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

به‌ فه‌رمانى سه‌رۆكى حكوومه‌ت زیندانییانى سیاسى دواى ته‌واوكردنى 10 ساڵ پێدانى مینحه‌كانیان ده‌ست پێ ده‌كاته‌وە
| KDP.info


هه‌ولێر-KDP.info- بریكارى گشتیى وه‌زاره‌تى شه‌هیدان و ئه‌نفالكراوانى حكوومه‌تى هه‌رێمى كوردستان ڕایگەیاند، به‌ فه‌رمانى سه‌رۆكى حكوومه‌تى هه‌رێمى كوردستان ئه‌و زیندانییه‌ سیاسییانه‌ى 10 ساڵى وه‌رگرتنى مینحه‌یان ته‌واو كردووه،‌ پاش چاكسازیكردن و ڕێکخستنەوەی‌ ناوه‌كانیان لەپێناو بژێوى ژیانى خۆیان و ماڵه‌كانیان مینحه‌یان بۆ خه‌رج ده‌كرێته‌وه‌ .

به‌ره‌ڤان حه‌مدى، بریكارى وه‌زاره‌تى شه‌هیدان و ئه‌نفالكراوانى حكوومه‌تى هه‌رێمى كوردستان‌، به‌ ماڵپه‌ڕى فه‌رمیى پارتى دیموكراتى كوردستانى ڕاگه‌یاند: "تایبه‌ت به‌ زیندانیان و گیراوانى سیاسى و ئه‌وانه‌ى كه‌ 10 ساڵى وه‌رگرتنى مینحه‌یان ته‌واو كردووه‌ بۆ ڕێكخستنى بژێوى ژیانیان كه‌ هیچ مووچه‌ و مینحه‌یه‌كى تریان له‌ حكوومه‌تى هه‌رێمى كوردستان نییه‌, ئه‌مڕۆ یه‌كشه‌ممه‌ به‌ فه‌رمانى سه‌رۆكى حكوومه‌تى هه‌رێمى كوردستان بڕیار درا كه‌ پێدانى مینحه‌كانیان به‌رده‌وام ده‌بێت پاش ئه‌وه‌ى لیسته‌كانیان به‌پێى یاساى ژماره‌ 2ى ساڵى 2020ى پاكتاوى لیستى زیندانیانى سیاسى چاكسازییان تێدا ده‌كرێت."

به‌ره‌ڤان حه‌مدى ڕایشیگه‌یاند: "ئه‌م بڕیاره‌ بۆ ئه‌وه‌یه‌ زیندانیانى سیاسى بێبه‌ش نه‌بن له‌م مینحه‌یه‌ و, كاریگه‌ریى لەسه‌ر بژێوى ژیانى خۆیان و ماڵه‌كانیان نه‌كات."

وه‌ك به‌ره‌ڤان ئاماژه‌یشی دا: "ئه‌م پرۆسه‌یه‌ ده‌چێته‌ بوارى جێبه‌جێكردن له‌پاش ده‌رچوونى ئه‌م فه‌رمانه‌ تایبه‌ت به‌و زیندانییه‌ سیاسییانه‌ى كه‌ هیچ مینحه‌یه‌كى تریان له‌ خه‌زێنه‌ى حكوومه‌تى هه‌رێمى كوردستان نییە.''

بریكارى وه‌زاره‌تى شه‌هیدان و ئه‌نفالكراوانى حكوومه‌تى هه‌رێمى كوردستان گوتیشى: "تایبه‌ت به‌و زیندانییه‌ سیاسییانه‌ى كه‌ مینحه‌یه‌ك و مووچه‌ى تریان له‌ حكوومه‌تى هه‌رێمى كوردستان هه‌یه‌ و, 10 ساڵیشیان ته‌واو كردووه‌ پاش پرۆسه‌ى چاكسازى، ئه‌وانیش له‌ ڕێگاى فۆرمێكى تایبه‌ته‌وه‌ سه‌رپشك ده‌كرێن، یه‌كێك له‌ مووچه‌كان هه‌ڵبژێرن بۆ وه‌رگرتن, به‌پێى یاساى ژماره‌ 11ى ساڵى 2011ی زیندانیانى سیاسى له‌ هه‌رێمى كوردستان."

نه‌شوان به‌رزنجى




دوایین هەواڵەکان

هەشت هەزار كەس ناویان بۆ هێزە نوێیەكەی شنگال تۆمار كردووە

SATURDAY, 24 OCTOBER 2020 12:10:17

شنگال-KDP.info- قایمقامی شارۆچكەی شنگال رایدەگەیەنێت، دەست بە جێبەجێكردنی بڕگەی ئەمنیی رێككەوتنی شنگال لە نێوان هەولێر و بەغدادا كراوە و ئێستاش خەڵك ناویان بۆ هێزیكی نوێ لە شارەكە تۆمار دەكەن.

 
مەسروور بارزانی، داوایەک لە هاووڵاتییان دەکات

SATURDAY, 24 OCTOBER 2020 12:10:02

هەولێر-KDP.infoـ سەرۆکی حکوومەتی هەرێمی کوردستان داوا لە هاووڵاتییان دەکات یەکتری لە کۆرۆنا بپارێزن بە بەستنی ماسک و لەدەستکردنی دەستکێش.

 
نەجاڕ: ھیچ ئامادەكاریەك نەكراوە.. ئەستەمە ھەڵبژاردنی پێشوەختە لەو ماوەیەدا بكرێت

SATURDAY, 24 OCTOBER 2020 12:10:23

بەغدا-KDP.info- ئەندامێكی ئەنجوومەنی نوێنەرانی عێراق لە فراكسیۆنی پارتی دیموكراتی كوردستان رایگەیاند، لەبەر ئەوەی رێككەوتن لەسەر یاسای ھەڵبژاردن نەكراوە و حكوومەتیش پارەی نییە بودجە بۆ كۆمسیۆن تەرخان بكات، بۆیە ناتوانێ لە ماوەی چوار مانگدا ھەڵبژاردنی پێشوەختە ئەنجام بدات و دوادەخرێت.

 
سبەی دەست بە هەڵدانەوەی گۆڕە بە کۆمەڵەکەی ژنانی ئێزدی دەکرێت

SATURDAY, 24 OCTOBER 2020 11:10:27

شنگال-KDP.infoـ ئەمڕۆ شەممە، گۆڕێکی بەکۆمەڵی ژنانی کوردی ئێزدی لە شنگال هەڵدەدرێتەوە کە پێشبینی دەکرێت رووفاتی زیاتر لە 75 ژنی کوردی ئێزدی تێدابێت. ئەوەش یەکەم گۆڕی بە کۆمەڵی ژنانی کوردی ئێزدییە کە هەڵدەدرێتەوە.

 
ئەمڕۆ ئەنجوومەنی نوێنەران لەبارەی پرسگەلێکەوە کۆدەبێتەوە

SATURDAY, 24 OCTOBER 2020 10:10:15

هەولێر-KDP.infoـ ئەنجوومەنی نوێنەرانی عێراق کۆدەبێتەوە و ئەندامێکی ئەنجوومەنەکەش دەڵێت، کۆبوونەوەکە چەند تەوەرێک لەخۆ دەگرێت، وەک پڕکردنەوەی کورتهێنانی دارایی، دەنگدان لەسەر تەواوکردنی یاسای هەڵبژاردنی عێراق، کە تا ئێستا ڕێککەوتنی تەواوی لەبارەوە نەکراوە.

 


 
© 2020 Kurdistan Democratic Party, KDP

Contact