Kurdî  ■  كوردی  ■  عربي
THU, 22 OCT 2020 03:40 Erbil, GMT +3
پارتی دیموکراتی کوردستان
نوێبوونەوە . دادپەروەری . پێکەوەژیان
 

نێچیرڤان بارزانی له‌گه‌ڵ باڵیۆزی هندستان كۆبووه‌وه‌
| KDP.info


هەولێر-KDP.info- سه‌رله‌به‌یانیی ئه‌مڕۆ یه‌كشه‌ممه‌ 18/10/2020 به‌ڕێز نێچیرڤان بارزانی سه‌رۆكی هه‌رێمی كوردستان پێشوازی له‌ به‌ڕێز بیرەندەر سینگ یاداڤ باڵیۆزی هندستان له‌ عێراق كرد.

له‌ كۆبوونه‌وه‌یه‌كدا په‌یوه‌ندییه‌كانی هندستان له‌گه‌ڵ عێراق و هه‌رێمی كوردستان، دۆخی عێراق به‌گشتی، په‌یوه‌ندییه‌كانی هه‌ولێر ـ به‌غدا، گفتوگۆی چاره‌سه‌ركردنی كێشه‌كانیان، په‌تای ڤایرۆسی كۆرۆنا و لێكه‌وته‌كانی و دۆخی ڕه‌وه‌ندی هندی له‌ هه‌رێمی كوردستان خرانه‌ به‌ر باس و گفتوگۆ.

هه‌ردوولا جه‌ختیان له‌ پته‌وكردنی په‌یوه‌ندییه ئابوورییەکان و فراوانكردنی قه‌بارەی بازرگانیی هندستان لەگەڵ عێراق و هەرێمى کوردستان كرده‌وه‌ و له‌مباره‌یه‌وه‌ سه‌رۆك نێچیرڤان بارزانی دووپاتی كرده‌وه‌ كه‌ كه‌رتی تایبه‌تی هندی ده‌توانێت وه‌به‌رهێنان و سه‌رمایه‌گوزاری له‌ هه‌رێمی كوردستان بكات و هه‌موو ئاسانكاری و پشتگیرییه‌كیان ده‌بێت.

هەروەها باسیان له‌ كولتووری پێكه‌وه‌ژیان و لێبورده‌یی له‌ هندستان و هه‌رێمی كوردستان كرد و له‌مباره‌یه‌وه‌ به‌ڕێز باڵیۆزی هندستان پوخته‌یه‌كی ده‌رباره‌ی ئه‌زموونی پێكه‌وەژیانی پێكهاته‌ و نه‌ته‌وه‌ جیاكانی وڵاته‌كه‌ی خسته‌ ڕوو و ستایشی ئه‌و كولتووره‌ی له‌ هه‌رێمی كوردستان كرد، سەرۆک نێچیرڤان بارزانییش بڕواى هەرێمى کوردستانى بە ڕەتکردنەوەى توندوتیژى و پەیڕەوکردنى گفتوگۆ بۆ چارەسەرکردنى کێشەکان کردەوە.

له‌ به‌شێكی دیكه‌ی كۆبوونه‌وه‌كه‌دا بەڕێز سەرۆکى هەرێمى کوردستان پیرۆزبایى لە دەستبەکاربوونى بەڕێز سوبهاش چاندرا کەین کونسولى گشتیى هندستان لە هەرێمى کوردستان کرد و هیواى سەرکەوتنى بۆ خواست، هەروەها جه‌خت له‌ پته‌وكردنی هاریكاری و هاوبه‌شیی نێوان هه‌ردوولا كرایەوە به‌تایبه‌تیش له‌ بواری خوێندنی زانكۆیی و بورسی خوێندن له‌ پسپۆڕی و تایبه‌تمه‌ندیی جیادا بۆ قوتابیانی هه‌رێمی كوردستان له‌ زانكۆكانی هندستان.

تاوتوێكردنی دۆخی ڕه‌وه‌ند و ده‌ستی كاری هندی له‌ هه‌رێمی كوردستان، لایه‌نێكی دیكه‌ی كۆبوونه‌وه‌كه‌ بوو كه‌ تیایدا سه‌رۆك نێچیرڤان بارزانی ستایشی ڕۆڵ و كارامه‌یی كرێكارانی هندی له‌ هه‌رێمی كوردستان كرد.




دوایین هەواڵەکان

سەرۆك بارزانی پێشوازی لە باڵیۆزی نۆروێژ لە عێراق دەكات

WEDNESDAY, 21 OCTOBER 2020 18:10:09

ھەولێر-KDP. info-  ڕۆژی چوارشەممە 21ـی تشرینی یەكەمی 2020 لە سەلاحەدین سەرۆك مەسعود بارزانی پێشوازی لە خاتوو تۆنی ئاڵێرز باڵیۆزی نۆروێژ لە عێراق كرد.

کۆماری چیک ڕۆژی نیشتمانیی وڵاتەکەی لە کوردستان ساز کرد

WEDNESDAY, 21 OCTOBER 2020 18:10:12

هەولێر-KDP.info- کۆنسووڵگەریی کۆماری چیک لە هەرێمی کوردستان بە بۆنەی ڕۆژی نیشتمانیی کۆماری چیک کە بە ڕۆژی سەربەخۆییی کۆماری چیک‌وسلۆڤاکیا و ڕاگەیاندنی سەربەخۆییی نەتەوەیی دەناسرێت لە هەولێری پایتەخت ساز کرد.

 
سەرۆك بارزانی پێشوازی لە كونسوڵی ژاپۆن لە هەولێر دەكات

WEDNESDAY, 21 OCTOBER 2020 17:10:40

ھەولێر-KDP. info-  ڕۆژی چوارشەممە 21ـی تشرینی یەكەمی 2020 لە سەلاحەدین سەرۆك مەسعود بارزانی پێشوازی لە خاتوو ناگایاما یوشیكۆ كونسوڵی ژاپۆن لە هەولێر كرد.

 
بەڕێوبەری ڕێگاوبانی ھەولێر: دوو ڕێگای ستراتیژی و دوو تونێل دروست دەکرێن

WEDNESDAY, 21 OCTOBER 2020 16:10:48

ھەولێر-KDP.info- بەڕێوەبەری ڕێگاوبانی ھەولێر گوتی، لە سنووری پارێزگای ھەولێر دەست بە دروستکردنی دوو ڕێگای ستراتیژی و دوو تونێل کراوە کە سوودی زۆری بۆ ھاتوچۆ لە سنووری ھەولێر دەبێت.

 

"ڕێککەوتنی شنگال دەکەوێتە واری جێبەجێکردنەوە"

WEDNESDAY, 21 OCTOBER 2020 15:10:33

شنگال-KDP.info- قایمقامی قەزای شنگال دەڵێت، دوای ئەوەی ڕێککەوتنی شنگال ئیمزا کرا ئێستا دەستیان کردووە بە نووسینی ناو بۆ پێکهێنانی هێزێکی پۆلیس بۆ شنگال.

 



 
© 2020 Kurdistan Democratic Party, KDP

Contact